NEHEMI 1:2 - Bibəl ta Sar̄

² Ngōkó̰ó̰ḿ kógə̄ḿ kə́ dan madə̄ gə̄ tə́ ń rīn na i Hanani ní ḭḭ gō nang kə́ Juda tə́ reē kə de kə́rēý gēé seneé. M-dəjedə́ kōō Jipə gə̄ ń tél aw̄ ndin̄ Jerusalem ní ō, m̄-dəjedə́ najə̄ kə́ dɔ ɓē kə́ Jerusalem tə́ ō.

Bible sar

² Ngōkó̰ó̰ḿ kógə̄ḿ kə́ dan madə̄ gə̄ tə́ ń rīn na i Hanani ní ḭḭ gō nang kə́ *Juda tə́ reē kə de kə́rēý gēé seneé. M-dəjedə́ kōō *Jipə gə̄ ń tél aw̄ ndin̄ Jerusalem ní ō, m̄-dəjedə́ najə̄ kə́ dɔ ɓē kə́ Jerusalem tə́ ō.

NEHEMI 1:2 Referans Kwoze

NEHEMI 7:2

M-ə́da kadə̄ əndān̄ ngōkó̰ó̰ḿ Hanani dɔ ɓē kə́ Jerusalem tə́ ō, kadə̄ əndān̄ Hanania ń i de kə́ ra dɔ ndūn tə́ ō, ɓōĺ ndíĺ Nə́ɓā tɔȳ madə̄n gə̄ ō ní ngol áskar gə̄ kə́ dɔ loo kə́ ngan̄g kə́ kem ɓēé tə́ ō.

EJEKIEL 6:9

A əga kem deē yāsí gə̄ ń teēn̄ ta yo tə́ ní dɔḿ tə́, dɔ dáń nápar de gə̄ ń a əhɔn̄də́ nin̄ dɔ gúú tə́ aw̄n̄ sedə́ dandə́ tə́ ní, nin̄ ń m-ā m̄-tétə̄ ngarā̰ kemdə́ kə́ a rāā ájə́ba ń mbātə́m̄ kɔ̄ɔ́ ní ō, kumdə́ gə̄ kə́ rāān̄ háĺ ájə́ba kə ɓesə̄ yādə́ gēé ō ní. Nin̄ a a̰ā̰n̄ ta kum naā to̰ alé ɔjəń dɔ yá̰á̰ kə́ majaĺ ń nin̄ rāān̄ ní ō, sɔɔ̄ń dɔ yá̰á̰ kə́ majaĺ ngá̰ý gə̄ malang yādə́ ō.

EJEKIEL 7:16

Ngé gə̄ ń a ndin̄ kə kumdə́ ní, a a̰ȳn̄ naā kə̄ dɔ mbal̄ gə̄ tə́. Nin̄ a nōōn̄ tītə̄ dér gutə gə̄ sɔɔ̄ń majaĺ yādə́ gə̄.

JEREMI 44:14

De kə́ a ndi kə kumneé aláa de kə́ a teē ta yo tə́ dan gotə Juda gə̄ tə́ ō, ngé gə̄ ń reē ɓɔ̄ɔ̄n̄ rɔ̄də́ Ejiptə tə́ ō ní a gətóo. De kə́ a tél yā kaw̄ gogə́ kem ɓē kə́ Juda tə́ ń nin̄ gírə̄n̄ tél kaw̄ ndi ɓē kemeé ní a gətóo. Nin̄ a télən̄ yā kaw̄ kemeé alé, banī i ngé teē ta yo tə́ kə́rēý gə̄ tá ngóy.

ESDRAS 9:14

Ní loo kadə̄ jə-tél jə-mbātə́ najə̄ taí tə́ gogə́ ɓáý kadə̄ taā naā ton̄ dɔ dáńjí tə́ ɓáý kə de kə́ ngé rāā yá̰á̰ kə́ yḛr gə̄ ń noō i ba̰ý? Wōn̄g a rāāī sejí ngá̰ý adə̄ ā ī-nujə sejí kɔ̄ɔ́ malang kanjə̄ kəya̰ deē kógə̄ḿ aĺ a?

TA KƏLA 14:10

Bəlo bitum i ngá̰ý wól loo kə́ Sidim tə́. Mban̄g kə́ Sodom ō, mban̄g kə́ Gomor ō, a̰ȳn̄ naā adə̄ teē tə́sōn̄ tū tə́. Gotə gə̄ a̰ȳn̄ naā ɓɔ̄ɔ̄n̄ rɔ̄də́ dɔ mbalá.

2 MBAN̄G 24:14

Ni ɔy de kə́ Jerusalem gə̄ malang aw̄ sedə́, ngār gə̄ ō de kə́ bo gə̄ ō. Malang i deē dūbú kutə kanjə̄ tə́da kɔdə gə̄ ō, ngé rāā lakélé ta róbə gə̄ ō. De gə̄ ń Nabukodonosor əya̰də́ ndin̄ gotoó kem ɓēé ní i nge ndoō gə̄.

2 MBAN̄G 25:12

Banī əya̰ núsə́ ngé ndoō gə̄ kə́ kem ɓēé gə̄ kadə̄ ndɔrə̄n̄ kem kāgə̄ nduú gə̄ ō, kadə̄ ndɔrə̄n̄ ndɔr̄ kə́ rang gə̄ ō.