NEHEMI 1:10 - Bibəl ta Sar̄

¹⁰ Kɔ́ɔ̄ɓē, jḭḭ i ngé kəla yāí gə̄, jḭḭ i gír deē yāí gə̄! I jḭḭ ń toō n ī-gān̄g dɔjí kə ta kūl̄ tɔ́gí kə́ ngá̰ý ō, kə ta kūl̄ tɔ́gə jīí ō ní.

Bible sar

¹⁰ Kɔ́ɔ̄ɓē, jḭḭ i ngé kəla yāí gə̄, jḭḭ i gír deē yāí gə̄! I jḭḭ ń toō n ī-gān̄g dɔjí kə ta kūl̄ tɔ́gí kə́ ngá̰ý ō, kə ta kūl̄ tɔ́gə jīí ō ní.

NEHEMI 1:10 Referans Kwoze

NDŪ NAJƏ̄ 9:29

Kɔ́ɔ̄ɓē, nin̄ i gír deē yāí gə̄ ń ī-teē sedə́ kɔ̄ɔ́ kem ɓē kə́ Ejiptə tə́ kə tɔ́gí kə́ ngá̰ý ō, kə jīí kə́ kəla kə̄ dɔɔ́ ō ní.

Teē Ngán Israel gə̄ 32:11

Banī Moijə rāā Kɔ́ɔ̄ɓē Nə́ɓā yān ɓɔ́ kadə̄ wōn̄g yān kə tetə, ədan na ké gír de gə̄ ń noō i gír deē yān gə̄ ń nəkɔ́ na ɔydə́ teē sedə́ dɔ nang kə́ Ejiptə tə́ kɔ̄ɔ́ kə jīneé ō, kə tɔ́gən kə́ ngá̰ý ō ní aĺ wa.

IJAI 64:9

Ɓē yāí kə́ táĺ gə̄ ní de gə̄ i kemeé to̰ alé, Jerusalem tél i dəla loo, Siyo̰ i kɔkərɔ kə́ ra dɔ naā tə́ bing kə́ əya̰n̄ kɔ̄ɔ́.

PĀ GƏ̄ 136:12

Teē sedə́ kɔ̄ɔ́ kə tɔ́gə jīn ń əla kə̄ dɔɔ́ ní, tɔdɔ̄ kem majə yān to ngándáńg.

PĀ GƏ̄ 74:2

Ādə̄ əga kemií dɔ gír deē yāí gə̄ ń télən̄ yá̰a̰ yāí gə̄ i jóó ngá̰ý tə́ ní. Ādə̄ əga kemií dɔ gír ɓē gə̄ ń i yá̰á̰ kə́ sɔɔ̄ī á ī-taā tə́ ní ō, ādə̄ əga kemií dɔ mbal̄ Siyo̰ ń ī-rāā kújə ndií dɔ tə́ ní ō.

NDŪ NAJƏ̄ 15:15

Ādə̄ əga kemií na kété ní ḭ̄ i ɓəlo dɔ nang kə́ Ejiptə tə́ ba i Kɔ́ɔ̄ɓē Nə́ɓā yāí n gān̄g dɔí ní. I tām̄ najə̄ ń noō tə́ n m-ə́daīneé yá̰á̰ ń toō ɓōólaā ní.

Teē Ngán Israel gə̄ 15:13

Ḭ̄ ī-gān̄g dɔ gír deē yāí gə̄. Ḭ̄ ɔ́r nodə́ kə tárá ō, kə tɔ́gɔ́ ō, āwń sedə́ kum kə̄ dɔ nang kə́ táĺ ń ə̄ndā tām̄ yādə́ tə́ ní.

Teē Ngán Israel gə̄ 13:9

Nāā ngeé ń noō ń ā ī-rāāī ní rāā rɔ̄n i yá̰á̰ kə́ yā kadə̄ əgań kemsí dɔ najə̄ tə́, rāā rɔ̄n i tə́ré yá̰á̰ kə́ ə̄ndāī jīsí tə́, aláa nɔtə nosí tə́. A ter̄ kemsí dɔ ndū najə̄ yā Kɔ́ɔ̄ɓē kə́ i gáŕ kadə̄ ɔ́jiī tə́, tɔdɔ̄ i ni n teē sesí kem ɓē kə́ Ejiptə tə́ kɔ̄ɔ́ kə ta kūl̄ tɔ́gən kə́ dum̄ ta yá̰a̰ malang ní.

Teē Ngán Israel gə̄ 6:1

Kɔ́ɔ̄ɓē tél əda Moijə na a a̰a̰ yá̰á̰ ń na n-a n-rāā kə Parao̰ó̰ ní ɓáý. Na n-a n-ɔjə tɔ́gən dɔn tə́ kadə̄ a əya̰ ngán Israel gə̄ kadə̄ a aw̄n̄ ō, kadə̄ a tə̄ɓādə́ dɔ nang yān tə́ kɔ̄ɔ́ ō.

Teē Ngán Israel gə̄ 6:6

Adə̄ m̄-mērī kədadə́ najə̄ ń toō: Mā i Kɔ́ɔ̄ɓē. M-ā m-ɔ̄r̄sí ta kəla ngámbá tə́ ō, ta kəla ɓəlo tə́ jī de kə́ Ejiptə gə̄ tə́ ō kɔ̄ɔ́. M-ā m-ə́ndádə́ kə tɔ́gə́ḿ ń yá̰á̰ kə́ dum̄ tan gətóó ní kadə̄ a ɓōlə́n̄ ō, m-ā m̄-taāsí jīdə́ tə́ yā kəya̰sí dɔɔ́ ō.

Teē Ngán Israel gə̄ 6:7

M-ā m̄-rāāsí gír deē yāḿ gə̄ tə́ ō, mā i Nə́ɓā yāsí ō. Ā ī-gerī kadə̄ i mā n i Kɔ́ɔ̄ɓē Nə́ɓā yāsí, nge kɔr̄sí ta kəla ngámbá tə́ dɔ nang kə́ Ejiptə tə́ kɔ̄ɔ́ ní.

Teē Ngán Israel gə̄ 13:3

Moijə əda ngán Israel gə̄ na: Ādə̄ əga kemsí dɔ ndɔ̄ ń Kɔ́ɔ̄ɓē ɔrə̄ńsí ɓəloó kɔ̄ɔ́ dɔ nang kə́ Ejiptə tə́ ní, tɔdɔ̄ ni teē sesí i kə tɔ́gə jīneé. Deē a əsa mápá kə́ rāā kə kaa mápá alé.

Teē Ngán Israel gə̄ 13:14

Ré ndɔ̄n tə́ ngáńsí gə̄ a dəjen̄sí na ké ā ī-rāāī yá̰á̰ ń toō i tām̄ yā rí tə́ wa anī, ī-téĺ ə́daīdə́ na ɓē kə́ Ejiptə ń sḭḭ̄ i ɓəlo gə̄ kemeé ní Kɔ́ɔ̄ɓē na teē sesí kɔ̄ɔ́ kemeé i kə ta kūl̄ tɔ́gən kə́ dum̄ ta yá̰a̰ malang.

Teē Ngán Israel gə̄ 13:16

Yá̰a̰ ndējə̄ gə̄ ń noō rāān̄ rɔ̄də́ i tə́ré yá̰á̰ kə́ ə̄ndāī jīsí tə́ aláa nɔtə nosí tə́. A rāān̄ kadə̄ əga kemsí dɔ teē ń Kɔ́ɔ̄ɓē teē sejí kem ɓē kə́ Ejiptə tə́ kɔ̄ɔ́ kə ta kūl̄ tɔ́gən kə́ dum̄ ta yá̰a̰ malang ní.

PĀ GƏ̄ 89:14

Jī kə́ kɔl watang ń toō, kə́ tɔ́gən i ngá̰ý ń toō, jī ko̰ kə́ kəla kə̄ dɔɔ́ ń toō i jīí ḭ̄.