NEHEMI 1:1 - Bibəl ta Sar̄

¹ Najə̄ kɔr̄ Nehemi kə́ ngōn̄ Hakalia. Kem ɓāl̄ kə́ nge ko̰ kutə jōó tə́ ń Artajerses o̰o̰ń ɓē tə́ ní kə nāā Kislew anī, mā Nehemi m̄-ndi i Sujə ń i ɓē kə́ ngan̄g ní tə́.

Bible sar

¹ Najə̄ kɔr̄ Nehemi kə́ ngōn̄ Hakalia. Kem ɓāl̄ kə́ nge ko̰ kutə jōó tə́ ń Artajerses o̰o̰ń ɓē tə́ ní kə nāā *Kislew anī, mā Nehemi m̄-ndi i Sujə ń i ɓē kə́ ngan̄g ní tə́.

NEHEMI 1:1 Referans Kwoze

JAKARI 7:1

Kem ɓāl̄ ko̰o̰ ɓē kə́ nge ko̰ sɔ́ yā mban̄g Darius tə́, kem nāā kə́ nge ko̰ ndōhó tə́, adə̄ i kem nāā Kislew tə́, kə ndɔ̄ nāā kə́ nge ko̰ sɔ́ anī, Kɔ́ɔ̄ɓē ɔr̄ najə̄ seḿ.

NEHEMI 10:1

J-ənī ndūjí kə ngangá ngá̰ý sɔɔ̄ń yá̰a̰ malang ń teē dɔjí tə́ ní. Ba ndūjí ń j-ənī ní jə-ndang kem makətūbūú ō, j-əndā tambō̰o̰ dɔ tə́ ō. Ngār yājí gə̄ ō ngán Lebi yājí gə̄ ō, ngé tun̄ yá̰a̰ yājí gə̄ ō, əndān̄ jīdə́ gír makətūbə̄ ní tə́.

ESTER 1:2

Ɓāl̄ ko̰o̰ ɓē yān kə́ nge ko̰ mətá tə́ anī ni-ndi dɔ kōr̄ kāgə̄ mbang yān kə́ kem ɓē kə́ Sujə tə́ ba rāā yá̰a̰ kəsa kə́ ngá̰ý tām̄ yā de kə́ bo yān gə̄ tə́ ō, ngé rāā kəla seneé gə̄ tə́ ō. Ni kán̄ ngol ngé rɔ̄ɔ̄ gə̄ kə́ Persə tə́ ō, Medi tə́ ō, ngé ko̰o̰ ɓē gə̄ ō, ngār dɔ nang gə̄ ō, rɔ̄n tə́.

DANIEL 8:2

Yá̰á̰ ń m-á̰a̰ā̰ ní n toó: Nī rāām̄ adə̄ m̄-rā i Sujə ń i ɓē kə́ ngan̄g ngá̰ý kə́ gō nang kə́ Elam tə́ ní kadə man̄ Ulay.

ESDRAS 7:7

Ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō, gōsə̄ pā gə̄ ō, ngé ngɔ̄m̄ ta róbə́ kújə gə̄ ō, ngé kəla gə̄ ō ní, kə́rēý gə̄ tél reēn̄ gogə́ Jerusalem ɓāl̄ ko̰o̰ ɓē yā Artajerses kə́ nge ko̰ sīrí tə́.

ESTER 3:15

Ngámbang kəla gə̄ aw̄n̄ láẃ tītə̄ ń mban̄g ədań ní ō, ənīn̄ mbēr dɔ tə́ kem ɓē bo kə́ Sujə tə́ ō. Mban̄g nin̄ kə Haman ndi a a̰ȳn̄ yá̰a̰, banī de kə́ kem ɓē bo kə́ Sujə tə́ gə̄ tá a̰a̰n̄ oy oy.

NEHEMI 2:1

Kem ɓāl̄ ko̰o̰ ɓē yā mban̄g Artajerses kə́ nge ko̰ kutə jōó tə́, kem nāā Nisan tə́ ní, ndɔ̄ kə́rēý tə́ mban̄g ndi ta yá̰a̰ kəsa tə́, anī m-ún kasə m-úr m-ādə̄n. Jóo toó rɔ̄ḿ nelə̄m̄ aĺ ta kum mban̄g tə́ aĺ ɓáý. Banī ndɔ̄ ń noō tə́ rɔ̄ḿ nelə̄m̄ alé,

ESDRAS 10:9

Adə̄ dan ń ndɔ̄ kə́ mətá gə̄ ní asə anī de kə́ dəngam gə̄ kə́ Juda tə́ ō Benjamḛ tə́ ō əngen̄ naā malang Jerusalem. I kə ndɔ̄ kə́ nge ko̰ kutə jōó yā nāā kə́ nge ko̰ ndōhó. Nin̄ kánə̄n̄ naā i loo ń kújə yā Nə́ɓā i tū tə́ ní tə́. De gə̄ malang ndewn̄ tām̄ yá̰á̰ ń noō tə́ ō, tām̄ man̄ kə́ a edə tə́ ō.

NEHEMI 5:14

Əla gír ndɔ̄ ń əndān̄neé dɔḿ tə́ kadə̄ i mā n i nge ko̰o̰ ɓē dɔ Jipə gə̄ tə́ gō nang kə́ Juda tə́, adə̄ i ɓāl̄ ko̰o̰ ɓē yā Artajerses kə́ nge ko̰ kutə jōó tə́ bátə́ ɓāl̄ ko̰o̰ ɓē yān kə́ nge ko̰ kutə mətá gidə i jōó tə́, adə̄ i bátə́ ɓāl̄ kutə gidə i jōó ní, tīr̄ ń mban̄g adə̄ ngé ko̰o̰ ɓē gə̄ ta róbə taā jī de gə̄ tə́ dɔ lambóó tə́ ní, mā ō ngákó̰ó̰ḿ gə̄ ō jə-taā jī de gə̄ tə́ alé.