NAHUM 3:5 - Bibəl ta Sar̄

⁵ Kɔ́ɔ̄ɓē kə́ bo kə́ tɔ́gən i ngá̰ý ədan wáńg na: M-ā m̄-rāā yá̰á̰ kə́ tōr̄ seí. M-ā m̄-sa̰ā̰ kūbə̄ yāí yā reēń ta kumií tə́ dɔɔ́, m-ā m-ɔ́jə́ nápar de gə̄ gírí kə́ karī kadə̄ a̰a̰n̄. I beé n gotə ɓē ko̰o̰ kə́ rang gə̄ a a̰a̰nə̄ń rɔ̄sɔl̄ yāí ní.

Bible sar

⁵ Kɔ́ɔ̄ɓē kə́ bo kə́ tɔ́gən i ngá̰ý ədan wáńg na: M-ā m̄-rāā yá̰á̰ kə́ tōr̄ seí. M-ā m̄-sa̰ā̰ kūbə̄ yāí yā reēń ta kumií tə́ dɔɔ́, m-ā m-ɔ́jə́ nápar de gə̄ gírí kə́ karī kadə̄ a̰a̰n̄ . I beé n gotə ɓē ko̰o̰ kə́ rang gə̄ a a̰a̰nə̄ń rɔ̄sɔl̄ yāí ní.

NAHUM 3:5 Referans Kwoze

JEREMI 13:26

Tām̄ ń toō tə́ ní, mā m-ā m̄-sa̰ā̰ kūbə̄ kə́ ta gírí tə́ kə̄ dɔɔ́ kadə̄ de gə̄ a̰ā̰n̄ gírí.

NAHUM 2:13

Ni əhɔ dā̰ ō, rə́yā̰ dā̰ ní naā tə́ ō tām̄ yā kó̰o̰ ɓɔl tə́ ō, ngánən gə̄ tə́ ō. Dā̰ gə̄ ń ni ndo̰o̰də́ ō, rə́yā̰də́ naā tə́ ō ní, kán̄ dā̰də́ kem bəlo yān gə̄ tə́ adə̄ rosə.

EJEKIEL 23:29

Nin̄ a rāāīn̄ yá̰á̰ kə́ tōr̄ tām̄ nel̄də́ seí aĺ ngá̰ý. Yá̰a̰ malang ń ḭ̄ ə́nge kə ta kūl̄ kəla rāāí ní, nin̄ a ɓogən̄ kɔ̄ɔ́. Nin̄ a əya̰īn̄ gírí karī. Loo ń noō tə́ de gə̄ malang a gerə̄n̄ hálí kə́ to rɔ̄sɔl̄ ń i hál rāā ájə́ba ní.

JEREMI 13:22

Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

HABAKUK 2:16

Ba sḭḭ̄, a rāān̄sí kadə̄ rɔ̄sí a sɔl̄sí banī a rɔȳn̄sí i mbée alé! Ta i dɔsí tə́ kadə̄ sḭḭ̄ ā̰yī yá̰á̰ ní ba ɔ́jiīń de gə̄ rɔ̄sí kə́ karī! Kɔ́ɔ̄ɓē a ra sesí ta ka̰ȳ yá̰á̰ kə́ kem kópə wōn̄g yān tə́. Kadə̄ rɔȳ ń rɔȳn̄sí ní, tél i rɔ̄sɔl̄ kə́ əlan̄ dɔsí tə́.

EJEKIEL 16:37

Tām̄ najə̄ ń toō tə́ ní, ngé sāāí gə̄ malang ń nel̄də́ seí adə̄ i ngé gə̄ ń nelī sedə́ ō, ngé gə̄ ń nelī sedə́ aĺ ō ní, m-ā m-ɔ́sə dɔdə́ naā tə́ malang. M-ā m-ɔ́ýdə́ kə̄ loo gə̄ tə́ malang yā reē sedə́, ba m-ā m-ɔ̄r̄ kūbə̄ rɔ̄í tə́ ta kumdə́ tə́, kadə̄ nin̄ a a̰a̰n̄ rɔ̄í kə́ karī.

MISE 1:11

Sḭḭ̄ de kə́ Sapir gə̄, āwī dɔ ɓē kə́ rang tə́ kə rɔ̄sɔlɔ̄ɔ́ ō, rɔ̄sí karī ō. De kə́ Saanan gə̄ gḛyn̄ teē kɔ̄ɔ́ kem ɓē yādə́ tə́ alé. De kə́ Bet Esel gə̄ ənīn̄ pā yo. Ɓē bo ń toō asə rāā sesí alé.

EJEKIEL 23:25

Ḭ̄ Oholiba, wōn̄g a rāām̄ seí. I tām̄ najə̄ ń noō tə́ n yá̰á̰ ń nin̄ a rāān̄ seí ní i kə dɔ́nɔ́ ní. Nin̄ a gāngə̄n̄ kóní ō, a gángə̄n̄ mbīí gə̄ ō. A tɔ̄lə̄n̄ gotə de kə́ kem ɓēé gə̄ ń a na̰yn̄ ní kə kaskaraá ō, a ɔyn̄ ngání kə́ dəngam gə̄ ō kə́ dəyá̰ gə̄ ō, ngé gə̄ ń a ndin̄ kə kumdə́ ɓáý ní, a əlan̄ hor dɔdə́ tə́ kadə̄ hor o̰o̰də́ ō.

JEREMI 50:31

Dəyá̰ kə́ nge ngonjə̄, m-ə́hɔī ɓōólaā tā! Ndɔ̄í asə, adə̄ i kum mbang kə́ kadə̄ m-ə́ndaīń. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

EJEKIEL 21:3

Ə̄ndā gúu dɔdə́ tə́ ādə̄ oōn̄ najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ kə ku kāgə̄ gə̄ kə́ dām̄ mbɔ́r ɓē kə́ geleé tə́ ní: M-ā m-ə́la hor kógə̄ḿ dɔ kāgə̄ yāí kə́ to mbōl̄ gə̄ tə́ ō, dɔ kāgə̄ yāí kə́ tutə gə̄ tə́ ō, kadə̄ o̰o̰də́ malang. Hor ní a oy aĺ ō, a o̰o̰ de gə̄ malang ō. A əla gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.

EJEKIEL 26:3

Tām̄ najə̄ ń noō tə́ ní, Kɔ́ɔ̄ɓē Nə́ɓā əda na: Ɓē kə́ Tir, m-ā m̄-rāā yá̰á̰ kə́ tōr̄ seí. M-ā m̄-rāā kadə̄ nápar de kə́ ngá̰ý gə̄ a ḭḭn̄ seí yā rɔ̄ɔ̄ī, tītə̄ ń bā bo rāań adə̄ bəngálən gə̄ ḭḭn̄ ní.