NAHUM 3:18 - Bibəl ta Sar̄

¹⁸ Ḭ̄ mban̄g kə́ Asiri, ngé ko̰o̰ ɓē yāí gə̄ ɓīīn̄ i ɓīī kə́ njɔ́ḿ gə̄ tə́ ō, go̰ rɔ̄ɔ̄ yāí gə̄ ɔrən̄ rɔ̄də́ mer to̰ aĺ ō. Gír deē yāí gə̄ tə̄ndān̄ naā tḭ̄ḭ̄n̄ kə̄ dɔ mbal̄ bo gə̄ tə́ ō, de kə́ yā kɔsə njadə́ kə̄ naā tə́ gətóo ō.

Bible sar

¹⁸ Ḭ̄ mban̄g kə́ Asiri, ngé ko̰o̰ ɓē yāí gə̄ ɓīīn̄ i ɓīī kə́ njɔ́ḿ gə̄ tə́ ō, go̰ rɔ̄ɔ̄ yāí gə̄ ɔrən̄ rɔ̄də́ mer to̰ aĺ ō. Gír deē yāí gə̄ tə̄ndān̄ naā tḭ̄ḭ̄n̄ kə̄ dɔ mbal̄ bo gə̄ tə́ ō, de kə́ yā kɔsə njadə́ kə̄ naā tə́ gətóo ō.

NAHUM 3:18 Referans Kwoze

1 MBAN̄G GƏ̄ 22:17

Anī Mise tūr̄ ədan na n-a̰a̰ ngán Israel gə̄ malang tḭ̄ḭ̄n̄ naā kə̄ dɔ mbal̄ gə̄ tə́ tītə̄ batə̄ gə̄ kə́ nge kul̄də́ gətóo beé, ba Kɔ́ɔ̄ɓē əda na de gə̄ ń toō ngoldə́ gətóó ní, ādə̄ náā nəkɔ́ a tél ta kaw̄ gogə́ ɓēé kə kem kə́ sɔl̄ lɔmɔɔ́!

JEREMI 51:57

M-ādə̄ de kə́ bo yān gə̄ ō, kum kɔ̄ɔ́ yān gə̄ ō, ngé ko̰o̰ ɓē yān gə̄ ō, ngé rāā sarya yān gə̄ ō, go̰ rɔ̄ɔ̄ yān gə̄ ō, kasə nduú adə̄ rāādə́. Nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ ō. I Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda najə̄ ń noō ní.

JEREMI 50:18

I tāmə̄n̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beé ní: M-ā m̄-rāā yá̰á̰ kə́ tōr̄ kə mban̄g kə́ Babilon ō, ɓē yān ō, tītə̄ ń m-ə́ndań mban̄g kə́ Asiri tə́ ní.

IJAI 13:14

Loo ń noō tə́ mbā gə̄ kógə̄ḿ kógə̄ḿ a télən̄ yā kaw̄ gogə́ dan gír deē yādə́ gə̄ tə́, nin̄ kógə̄ḿ kógə̄ḿ a a̰ȳn̄ yā tél kaw̄ gogə́ dɔ nang yādə́ gə̄ tə́, tītə̄ kāl̄ kə́ deē ngɔ̄dən beé, tītə̄ batə̄ gə̄ kə́ de kə́ yā kɔsə njadə́ kə̄ naā tə́ gətóo beé.

JEJU TEĒ KUM JA̰A̰ 6:15

Mban̄g kə́ dɔ nang tə́ gə̄ ō, de kə́ bo gə̄ kə ngol áskar gə̄ ō, de kə́ ngé kənge yá̰a̰ gə̄ kə de kə́ ngan̄g gə̄ ō, ɓəlo gə̄ kə de kə́ kɔ́ɔ̄ rɔ̄də́ gə̄ malang ō, ɓɔ̄ɔ̄n̄ rɔ̄də́ bəlo mbal̄ gə̄ tə́ ō, mbo̰ō̰ mbal̄ gə̄ tə́ ō.

JEREMI 51:39

rɔ̄də́ a əɓa təngā ō anī, m-ā m-ə̄ndā dɔ yá̰a̰ kəsa kə́ ngá̰ý naā tə́ tām̄ yādə́ tə́, m-ā m-ādə̄də́ kasə kadə̄ rāādə́ ngá̰ý ō, nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ bátə́ ō. Najə̄ ń Kɔ́ɔ̄ɓē əda ní n noó.

IJAI 47:1

Najə̄ ń Kɔ́ɔ̄ɓē əda ní n toó: Ḭ̄ ɓē kə́ Babilon, ī-risə kɔ̄ɔ́ dɔ kōr̄ kāgə̄ mbang yāí tə́, ba ī-ndi kum bumbə́rú tə́. A̰á̰ā̰, ɓē yā Babilon gə̄, ī-ndi dɔ nang tə́. Ngɔlaā ní a ɓāríīn̄ na i Babilon kə́ ger̄ gō yá̰á̰ láẃ ngá̰ý to̰ aĺ i kə́ bátə́ gə̄ tə́.

Teē Ngán Israel gə̄ 15:16

Ndíĺdə́ a̰ȳ malang. Kɔ́ɔ̄ɓē, dan ń gír deē yāí gə̄ ń ī-gān̄g dɔdə́ ní a mānə̄n̄ anī, ɓōĺ asə madə̄ ɓēdə́ gə̄ nák adə̄ ədan̄ najə̄ alé, tɔdɔ̄ a̰a̰n̄ tɔ́gí ń ī-rɔ̄ɔń dɔ deē yāí gə̄ tə́ ní.