NAHUM 3:17 - Bibəl ta Sar̄

¹⁷ Ngé ngɔ̄m̄sí gə̄ i ngá̰ý tītə̄ yim̄ gə̄ beé ō, ngé rāā kəla yāsí gə̄ ton̄ tītə̄ ngán kur̄ kə́ ngá̰ý gə̄ kə́ ton̄ tītə̄ kil̄ man̄ beé ō. Ngán kur̄ gə̄ ní əhɔn̄ loo dɔ túpə́ kámbə gə̄ tə́, dan ń kūl̄ o̰o̰ ní. Dan nəkɔ́ ń mbang ɔsə anī, nin̄ malang ḭḭn̄ bɔ̄gə̄ aw̄n̄ kɔ̄ɔ́, loo kə́ de ger̄ aĺ tə́. Nin̄ i rá?

Bible sar

¹⁷ Ngé ngɔ̄m̄sí gə̄ i ngá̰ý tītə̄ yim̄ gə̄ beé ō, ngé rāā kəla yāsí gə̄ ton̄ tītə̄ ngán kur̄ kə́ ngá̰ý gə̄ kə́ ton̄ tītə̄ kil̄ man̄ beé ō. Ngán kur̄ gə̄ ní əhɔn̄ loo dɔ túpə́ kámbə gə̄ tə́, dan ń kūl̄ o̰o̰ ní. Dan nəkɔ́ ń mbang ɔsə anī, nin̄ malang ḭḭn̄ bɔ̄gə̄ aw̄n̄ kɔ̄ɔ́, loo kə́ de ger̄ aĺ tə́. Nin̄ i rá?

NAHUM 3:17 Referans Kwoze

JEJU TEĒ KUM JA̰A̰ 9:7

Ba yim̄ gə̄ ní ton̄ tītə̄ sə́nda gə̄ kə́ rákə̄n̄ yá̰a̰ rɔ̄də́ tə́ əndānəń dɔdə́ danaá tām̄ yā rɔ̄ɔ̄ tə́ beē. Yá̰á̰ kə́ tītə̄ jākā mbang kə́ rāā kə lɔ́r gə̄ i dɔdə́ gə̄ tə́ ō, ta kumdə́ to i tītə̄ ta kum deē beé ō.

JEREMI 51:27

Údiī dərapóo rɔ̄ɔ̄ ādī ra dɔɔ́, ī-kɔ̄ríī tōw̄ dan nápar de gə̄ tə́. Ɔ́siī dɔ nápar de gə̄ naā tə́ ādə̄ ənīnən̄ rɔ̄ɔ̄. Ī-ɓāríī ɓē ko̰o̰ gə̄ kə́ Ararat ō, Mini ō, Asəkenas ō, ādə̄ rɔ̄ɔ̄nən̄. Ī-tə́ndāī ngé kɔy de gə̄ áskaraá gə̄ ādə̄ ɔyn̄ de gə̄ rɔ̄ɔ̄nəń ɓē kə́ Babilon. Ɔ́siī dɔ sə́nda gə̄ naā tə́, ādə̄ ran̄ kadə naā tə́ meje meje tītə̄ yim̄ gə̄ beé.

EJEKIEL 31:12

Loo ń noō tə́ tə̄rā gə̄ kə́ ngé rāā yá̰á̰ kə́ tɔ́gə́də́ tɔȳ yā nápar de gə̄ a gān̄gnən̄ naā tə́ ō, a əya̰nən̄ kɔ̄ɔ́ kə̄ loo ń noō tə́ ō. Ta jīn gə̄ malang tə́sōn̄ ō, taān̄ loo dɔ mbal̄ gə̄ tə́ ō, taān̄ loo kum wól loo gə̄ kə́ kem ɓēé tə́ ō. Ba de gə̄ kə́ dan gír de gə̄ tə́ malang ń kété ndin̄ ndíl kāgə̄ sedər tə́ ní, əya̰n̄ kāgə̄ sedər ba aw̄n̄ ō, nin̄ əya̰n̄ ɓē kɔ̄ɔ́ ō.

NAHUM 2:9

Ninibə to i tītə̄ kār̄ kə́ man̄ kə́ kemeé də̄yā̰ kɔ̄ɔ́ malang beé. Deē kógə̄ḿ əga kɔŕ əda na: Ī-dəbaī, ī-dəbaī! Banī dan de gə̄ ń a a̰ȳn̄ naā tə́ ní, de kə́ mbel gətóo.