NAHUM 3:13 - Bibəl ta Sar̄

¹³ Ngé rɔ̄ɔ̄ yāí gə̄ ton̄ i tītə̄ dəyá̰ gə̄ kə́ tɔ́gə́də́ gətóo beé. Ta róbə gə̄ kə́ yā kudəń kə̄ kem ɓē yāí tə́ gə̄ teē ran̄ i kə wōyōó no madə̄ ba̰ā̰í gə̄ tə́. Tɔdɔ̄ hor nujə kāgə̄ gə̄ kə́ yā rákəń tadə́ gə̄ kɔ̄ɔ́.

Bible sar

¹³ Ngé rɔ̄ɔ̄ yāí gə̄ ton̄ i tītə̄ dəyá̰ gə̄ kə́ tɔ́gə́də́ gətóo beé. Ta róbə gə̄ kə́ yā kudəń kə̄ kem ɓē yāí tə́ gə̄ teē ran̄ i kə wōyōó no madə̄ ba̰ā̰í gə̄ tə́. Tɔdɔ̄ hor nujə kāgə̄ gə̄ kə́ yā rákəń tadə́ gə̄ kɔ̄ɔ́.

NAHUM 3:13 Referans Kwoze

JEREMI 51:30

Go̰ rɔ̄ɔ̄ kə́ Babilon tə́ gə̄ lōōn̄ gír rɔ̄ɔ̄ tə́ kɔ̄ɔ́. Nin̄ ɓɔ̄ɔ̄n̄ rɔ̄də́ gə́lé kújə gə̄ tə́, tɔ́gə́də́ kə́ ngá̰ý ní gətóo kɔ̄ɔ́. Nin̄ sɔlə̄n̄ yélélé tītə̄ de kə́ dəyá̰ beē. De gə̄ əlan̄ hor dɔ kújə gə̄ kə́ Babilon tə́ ō, tétə̄n̄ gində̄ kutə̄ ta róbə́ kə́ tū tə́ gə̄ kɔ̄ɔ́ ō.

IJAI 19:16

Ndɔ̄ kógə̄ḿ tə́ anī de kə́ Ejiptə gə̄ a ton̄ tītə̄ dəyá̰ gə̄ beé. Dan ń Kɔ́ɔ̄ɓē kə́ bo kə́ tɔ́gən i ngá̰ý a un jīn kə́ ɓir̄ yā kəlań ɓōĺ kemdə́ tə́ anī, ɓōĺ a rāādə́ kadə̄ a ndewn̄.

NAHUM 2:6

Mban̄g kə́ Ninibə ɓāŕ ngol gə̄ kə́ dɔ ngé rɔ̄ɔ̄ yān gə̄ tə́, banī kemdə́ rāādə́ loo njə̄rā tə́ kum kə̄ kété. Madə̄ ba̰ā̰ gə̄ a̰ȳn̄ ngɔ̄də̄ kum kə̄ kadə ndogə̄ mbal̄ gə̄ kə́ yā rɔ̄ɔ̄ń dɔ ɓē tə́, nin̄ déwn̄ gidə yá̰á̰ tə́.

JEREMI 50:37

Ādī kaskar tə́gā sə́nda yān gə̄ ō, púsə rɔ̄ɔ̄ yān gə̄ ō, de gə̄ malang kə́ dɔdə́ guŕ naā ń ndin̄ Babilon ní ō, tɔdɔ̄ sɔlə̄n̄ yélélé tītə̄ de kə́ dəyá̰ gə̄ beé. Ādī kaskar ɔdə loo ngɔ̄m̄ yá̰a̰ rɔ̄ɔ̄ yān gə̄, kadə̄ de gə̄ nārə̄n̄ yá̰á̰ kə́ kemeé gə̄.

PĀ GƏ̄ 147:13

Tɔdɔ̄ ni rákə̄ ta róbə ndogə̄ yāí adə̄ ngan̄g tɔȳ kə́ kété. Ngání gə̄ ń ndin̄ ɓēé looí ní ni-rāā majə sedə́.

PĀ GƏ̄ 107:16

Tɔdɔ̄ ni tétə̄ ta róbə gə̄ kə́ rāān̄ kə gində̄ nə̄ngá kasaá gə̄ ō, tétə̄ gində̄ gə̄ ń rákə̄n̄neé ta róbə gə̄ ní kɔ̄ɔ́ ō.

JEREMI 50:36

Ādī kaskar ɔdə kɔdə̄ sāā yān gə̄ ō, tɔdɔ̄ i mbóo de gə̄. Ādī kaskar tə́gā go̰ rɔ̄ɔ̄ yān gə̄ tə́nīdə́!

NAHUM 3:15

Banī ā óyiī yo hor kə́ o̰o̰sí, aláa yo tɔ̄l̄ kə́ tɔ̄lə̄n̄sí ta rɔ̄ɔ̄ tə́. Madə̄ ba̰ā̰sí gə̄ a əsan̄sí tītə̄ yim̄ gə̄ kə́ əsan̄ yá̰a̰ malang kɔ̄ɔ́ beé. Ḭ̄ ɓē kə́ Ninibə, de kə́ kemií tə́ gə̄ ton̄ i tītə̄ yim̄ gə̄ beé, kutədə́ i ngá̰ý.

ABƏDIAS 1:9

Ḭ̄ ɓē bo kə́ Teman, ɓōĺ a tɔ̄l̄ ngé rɔ̄ɔ̄ yāí gə̄ kɔ̄ɔ́. Loo ń noō tə́ a tɔ̄lə̄n̄ de kə́ kem ɓēé gə̄ malang kɔ̄ɔ́.

NAHUM 2:7

Ta róbə gə̄ ń deē teē tū tə́ kə̄ ndágá anī a a̰a̰ i bā gə̄ ní, mbəlōn̄də́ gidə kógə̄ḿ ō, taān̄ kújə ngol yā mban̄g kɔ̄ɔ́ ō.