NAHUM 3:11 - Bibəl ta Sar̄

¹¹ Ɓē kə́ Ninibə, ta i dɔí tə́ tā. Ka̰a̰ tápə̄ a rāāī kə́ kasə tə́ ō, ā ī-ɓɔ̄ɔ̄ rɔ̄í tām̄ rɔ̄í kə́ sɔlī tə́ ō. Ta i dɔí tə́ kadə̄ ī-sāā loo kə́ yā ɓɔ̄ɔń rɔ̄í najə̄ yā madə̄ ba̰ā̰í gə̄ tə́.

Bible sar

¹¹ Ɓē kə́ Ninibə, ta i dɔí tə́ tā. Ka̰a̰ tápə̄ a rāāī kə́ kasə tə́ ō, ā ī-ɓɔ̄ɔ̄ rɔ̄í tām̄ rɔ̄í kə́ sɔlī tə́ ō. Ta i dɔí tə́ kadə̄ ī-sāā loo kə́ yā ɓɔ̄ɔń rɔ̄í najə̄ yā madə̄ ba̰ā̰í gə̄ tə́.

NAHUM 3:11 Referans Kwoze

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

IJAI 2:10

Ī-ɓɔ̄ɔ̄ī rɔ̄sí kə̄ mbo̰ō̰ mbal̄ gə̄ tə́. Údiī gíŕ nángāá yā ka̰ȳń Kɔ́ɔ̄ɓē kə́ nge rāā kadə̄ de gə̄ ɓōlə́n̄ ngá̰ý ō, kə́ tɔ́gə yān to ɓōĺ ngá̰ý ō!

Najə̄ kə́ Majə yā Jeju ń Luk ndang ní 23:30

Loo ń noō tə́ de gə̄ a ədan̄ mbal̄ kə́ bo gə̄ na kə tə́sōn̄ dɔdə́ tə́ kɔ̄ɔ́ ō, a ədan̄ ngán mbal̄ gə̄ na kə utə̄n̄ dɔdə́ kɔ̄ɔ́ ō.

NAHUM 1:10

Nin̄ ń a̰ȳn̄ yá̰a̰ tītə̄ ngé kasə rāā gə̄ ní, ton̄ tītə̄ túpə kōn̄ gə̄ kə́ tə́lan̄ jīdə́ kem naā tə́ beē. Hor a o̰o̰də́ malang tītə̄ mu kə́ tutə beé.

OJEE 10:8

A nujən̄ loo ndɔ̄ȳ gə̄ kɔ̄ɔ́, tɔdɔ̄ Israel mān̄ i dɔ ndū Nə́ɓā n rāańdə́ ní. Túpə kōn̄ gə̄ kə túpə ngar̄ gə̄ a alə̄n̄ dɔ loo tun̄ yá̰a̰ yādə́ gə̄ tə́. De kə́ Samari gə̄ a ədan̄ mbal̄ bo gə̄ na: Ī-ɓɔ̄ɔ̄ījí kɔ̄ɔ́! Nin̄ a ədan̄ ngán mbal̄ gə̄ na: Ī-tə́sōī dɔjí tə́!

JEREMI 4:5

Ə̄nīī mbēr̄ ń toō Juda tə́. Ə̄nīī mbēr̄ ní ādə̄ de kə́ Jerusalem gə̄ oōn̄. Ī-kɔ̄rí tōw̄ kem ɓēé. Əgaī kɔŕ ə́daī na: Ī-kánī naā kadə̄ j-udiī kem loo kə́ ngan̄g gə̄ tə́.

IJAI 2:19

Ī-ɓɔ̄ɔ̄ī rɔ̄sí gír mbal̄ gə̄ tə́ ō, ī-túdiī kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni-ḭḭ dɔɔ́ ba yéȳ dɔ nang ní.

PĀ GƏ̄ 75:8

Tɔdɔ̄ i Nə́ɓā n i nge gān̄g sarya ní. Ni-tél kə nge kə́rēý kə̄ nang tə́ ō, tél un nge kə́ noō dɔɔ́ gogə́ ō.

NAHUM 2:1

Sḭḭ̄ Juda gə̄, nge kaw̄ kəla kə́ nge reē kə najə̄ kə́ majaá ní, ni i dɔ mbal̄ bo gə̄ tə́. Ni-əda najə̄ yā lɔm kə́ a to! Ə̄ndāī dɔ loo rāā nāā yāsí gə̄ danaá. Míndə́sí ń ə̄nīī ādī Nə́ɓā ní, ī-raī dɔ tə́. De kə́ nge núm̄ nujə loo a teē loosí to̰ aĺ i kə́ bátə́ gə̄ tə́. Tɔ́gən gətóo kɔ̄ɔ́.

MISE 7:17

Nin̄ a tō̰nə́n̄ bumbə́ru tītə̄ lī beé, tītə̄ dā̰ kə́ kagə nang tə́ gə̄ beé. Nin̄ a teēn̄ loo ɓɔ̄ɔ̄ rɔ̄ yādə́ kə́ ngan̄g ngá̰ý gə̄ tə́ kə rɔ̄ ndeweé, yā reē rɔ̄í ḭ̄ Kɔ́ɔ̄ɓē Nə́ɓā yājí tə́. Nin̄ a ɓōlə́n̄ tɔ́gí ngá̰ý.

AMOS 9:3

Ré nin̄ aw̄ ɓɔ̄ɔ̄n̄ rɔ̄də́ dɔ mbal̄ Karmel tə́ anī, m-ā m-āw̄ yā sāādə́ ba kɔydə́. Ré nin̄ ndigən̄ kadə̄ m-á̰á̰də́ alé, adə̄ aw̄n̄ gír bā bo tə́ anī, m-ā m-ə́da lī kə́ kum bā bo tə́ kadə̄ do̰o̰də́.

JEREMI 51:57

M-ādə̄ de kə́ bo yān gə̄ ō, kum kɔ̄ɔ́ yān gə̄ ō, ngé ko̰o̰ ɓē yān gə̄ ō, ngé rāā sarya yān gə̄ ō, go̰ rɔ̄ɔ̄ yān gə̄ ō, kasə nduú adə̄ rāādə́. Nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ ō. I Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda najə̄ ń noō ní.

JEREMI 8:14

I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

IJAI 63:6

Dan ń wōn̄g rāām̄ ngá̰ý ní m̄-rējə̄ gír de gə̄. m̄-rāā adə̄ wōn̄g yāḿ rāādə́ kə́ kasə tə́ ō, m̄-ɓōkə́ mósə́də́ nang tə́ ō.

IJAI 29:9

Ādə̄ ɔr kumsí ō, ī-ndiī kanjə̄ kəda yá̰a̰ ō. Ī-téliī ngé kum tɔ̄ɔ̄ gə̄ ō, ī-ndiī kanjə̄ ka̰a̰ loo ō. Ādī kasə rāāsí, ba i kanjə̄ ka̰ȳ kasə nduú. ī-bḭ́ḭ̄ḭ̄ sitə sitə, ba i kanjə̄ ka̰ȳ kasə.

1 SAMUEL 14:11

Adə̄ nin̄ jōó mbak ní əya̰n̄ rɔ̄də́ adə̄ Pilistin gə̄ a̰a̰n̄də́. Anī Pilistin gə̄ ədan̄ na: Á̰a̰ī Hebəro gə̄ ń ɓɔ̄ɔ̄n̄ rɔ̄də́ kem bəlo gə̄ tə́ ní n a teēn̄ noó.

1 SAMUEL 13:6

Dan ń de kə́ Israel gə̄ a̰a̰n̄ kadə̄ yo otə́ bḭḭ tɔdɔ̄ Pilistin gə̄ ń gīrə̄n̄də́ ní reēn̄ ngɔr ngá̰ý anī ɓɔ̄ɔ̄n̄ rɔ̄də́ kə̄ kem bəlo gə̄ tə́ ō, kem bəlo mbal̄ gə̄ tə́ ō, dɔ mbal̄ gə̄ tə́ ō, kem loo kə́ rāā gíŕ nángāá gə̄ tə́ ō, kə̄ kem bəlo kə́ ndēr̄ yā taāń man̄ ndī gə̄ tə́ ō.