NAHUM 3:10 - Bibəl ta Sar̄

¹⁰ Ɓá tā ba əhɔn̄ de kə́ Tebə gə̄ aw̄n̄ sedə́ dɔ ɓē kə́ rang tə́ dɔ gúú tə́, tītə̄ dəngáy gə̄ beé ō. Ngáń kə́ dūú ngá̰ý kə́ kem ɓēé gə̄ gə̄gē ní, madə̄ ba̰ā̰də́ gə̄ réjēn̄də́ dɔ gajə róbə gə̄ tə́ malang. Nin̄ túgə̄n̄ wə̄lā dɔ ngār yān gə̄ tə́ malang ō, tṵ́ṵ̄n̄ de kə́ bo yān gə̄ malang kə súĺ ō.

Bible sar

¹⁰ Ɓá tā ba əhɔn̄ de kə́ Tebə gə̄ aw̄n̄ sedə́ dɔ ɓē kə́ rang tə́ dɔ gúú tə́, tītə̄ dəngáy gə̄ beé ō. Ngáń kə́ dūú ngá̰ý kə́ kem ɓēé gə̄ gə̄gē ní, madə̄ ba̰ā̰də́ gə̄ réjēn̄də́ dɔ gajə róbə gə̄ tə́ malang. Nin̄ túgə̄n̄ wə̄lā dɔ ngār yān gə̄ tə́ malang ō, tṵ́ṵ̄n̄ de kə́ bo yān gə̄ malang kə súĺ ō.

NAHUM 3:10 Referans Kwoze

IJAI 20:4

Mban̄g kə́ Asiri a əhɔ de kə́ Ejiptə tə́ gə̄ dəngáy ō, a ɔy de kə́ Etiopi gə̄ yā kaw̄ sedə́ dɔ ɓē kə́ rang tə́ dɔ gúú tə́ ō. Ni a ɔy balsáa gə̄ ō, de kə́ tɔgə gə̄ ō, yā kaw̄ sedə́ kanjə̄ kūbə̄ rɔ̄də́ tə́ ō, da njadə́ karī ō, rɔ̄də́ karī ō. Nge ń noō i rɔ̄sɔl̄ kə́ tām̄ yā de kə́ Ejiptə gə̄ tə́.

ABƏDIAS 1:11

Kum mbang ń madə̄ ba̰ā̰də́ gə̄ ɔȳneé yá̰a̰ yādə́ gə̄ kɔ̄ɔ́ malang ō, dan ń tə̄rā gə̄ reē udən̄neé kem ɓē bo yādə́ tə́ ō ní, sḭḭ̄ ī-raī i kə gōsí. Dan ń de gə̄ ngeé ń noō a túgə̄n̄neé wə̄lā dɔ yá̰a̰ kənge kə́ Jerusalem tə́ ní, sḭḭ̄ ī-rāāī tītə̄ yādə́ ō.

JOEL 3:3

M-ā m̄-rāā kadə̄ yá̰á̰ kə́ to kɔr kum gə̄ ton̄ dɔ rā̰ tə́ ō, dɔ nang tə́ ō, Mósə a to ō, hor a to ō, sa hor kə́ ra kə ngālāá ɓururu gə̄ a ton̄ ō.

NŌŌ RƆ̄ 2:19

Ḭ́ḭ dɔɔ́ ndɔ̄ɔ́, ba ə́ga kɔŕ, kə mbang gə̄ malang ń ngé ngɔ̄m̄ loo gə̄ a mbélə̄n̄neé gír naā ní. Ə́dá yá̰á̰ kə́ kemií tə́ malang kə̄ ndágá ta kum Kɔ́ɔ̄ɓē tə́. Ɔ́y jīí kə̄ dɔɔ́ ta kumən tə́ ī-rāānneé ɓɔ́ tām̄ ndi kə kumuú yā ngání gə̄ ń ɓō a tɔ̄l̄də́ kɔ̄ɔ́ kə só̰ róbə gə̄ malang ní.

IJAI 13:16

A rējə̄n̄ ngáń kásə̄ yādə́ gə̄ ta kumdə́ tə́, a ɔyn̄ yá̰a̰ kənge kə́ kem kújə yādə́ gə̄ tə́ dɔ gúú tə́. A sāān̄ nə̄yá̰də́ gə̄ dɔ gúú tə́.

AMOS 1:13

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Amon gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ gḛyn̄ teē kem ɓē yādə́ kə̄ gogə́, adə̄ njárə̄n̄ kem dəyá̰ kə́ ndān̄ ngán gə̄ kə́ dɔ nang kə́ Galaad tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

NŌŌ RƆ̄ 4:1

I rí n rāā yá̰a̰! Lɔ́r ń i yá̰á̰ kə́ ndə́lē pir pir ō, i gində̄ kə́ majə páráńg ō ní, kumən oy a? I rí n rāā yá̰á̰ á mbal̄ kə́ táĺ gə̄ ton̄ kógə̄ḿ kógə̄ḿ kə gō kadə̄ róbó ní?

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

PĀ GƏ̄ 137:8

Banī ḭ̄ Babilon, a nujən̄ seí sák sák kɔ̄ɔ́. Rɔ̄ ngé kəgāī kə̄rā yá̰a̰ gə̄ ń ī-rāā sejí ní a nel̄də́.

2 MBAN̄G 8:12

Hajael dəjen na: Kɔ́ɔ̄ḿ, ā ī-nōō i rí? Elije tél ədan na: m̄-nōō i tɔdɔ̄ m̄-ger̄ yá̰á̰ kə́ majaĺ ń ā ī-rāā yā rāā kə ngán Israel gēé ní: Ā ī-tə́la hor dɔ ɓē kə́ ngan̄g yādə́ gə̄ tə́ ō, ā ī-tɔ̄l̄ balsáa yādə́ gə̄ kə kaskaraá ō, ā ī-rējə̄ ngáńdə́ kə́ dūú gə̄ ō, ā ī-njár̄ kem dəyá̰ yādə́ kə́ ndān̄ ngán gə̄ ō.

Makətūbə̄ yā Job 6:27

Kadə̄ āwī bátə́ ī-túgī wə̄lā dɔ ngōn̄ hal tə́ a? Kadə̄ ígiī kə madə̄ tasí a?

PĀ GƏ̄ 137:9

Rɔ̄ ngé kəhɔ ngání gə̄ rējə̄də́ dɔ mbal̄ tə́ a nel̄də́.

PĀ GƏ̄ 149:8

kadə̄ tṵ́ṵ̄n̄ mban̄g yādə́ gə̄ kə súĺ ō, kadə̄ tə́nīn̄ kángə́lá gə̄ nja de kə́ bo yādə́ gə̄ tə́ ō.

IJAI 19:4

M-ā m-ə́la dɔ ɓē kə́ Ejiptə gíŕ tɔ́gə yā ngol kógə̄ḿ kə́ kumən o̰o̰n aĺ tə́, mban̄g kógə̄ḿ kə́ nelə̄n rāā de gə̄ yá̰á̰ kə́ tōr̄ a ndi dɔn tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ō ní, əda ní n toó:

EJEKIEL 29:7

Dan ń nin̄ ndə̄nān̄ rɔ̄də́ rɔ̄í tə́ anī, ḭ̄ ī-tetə kɔ̄ɔ́. Ḭ̄ ādə̄də́ do kār̄ bɔ̄gə̄də́ tə́ ō, ḭ̄ ɔ̄r̄ tɔ́gə́də́ kɔ̄ɔ́ ō.