NAHUM 2:9 - Bibəl ta Sar̄

⁹ Ninibə to i tītə̄ kār̄ kə́ man̄ kə́ kemeé də̄yā̰ kɔ̄ɔ́ malang beé. Deē kógə̄ḿ əga kɔŕ əda na: Ī-dəbaī, ī-dəbaī! Banī dan de gə̄ ń a a̰ȳn̄ naā tə́ ní, de kə́ mbel gətóo.

Bible sar

⁹ Ninibə to i tītə̄ kār̄ kə́ man̄ kə́ kemeé də̄yā̰ kɔ̄ɔ́ malang beé. Deē kógə̄ḿ əga kɔŕ əda na: Ī-dəbaī, ī-dəbaī! Banī dan de gə̄ ń a a̰ȳn̄ naā tə́ ní, de kə́ mbel gətóo.

NAHUM 2:9 Referans Kwoze

DANIEL 11:8

Ni a ɔȳ yá̰a̰ kə́ tɔ́sə̄ kum gotə nə́ɓā gə̄ kə́ kem ɓēé ō, ngáń gájə́ yá̰a̰ rāā kəla yādə́ gə̄ kə́ rāān̄ kə lɔ́rɔ́ ō, kə gində̄ arjā̰a̰á̰ yā kaw̄ń Ejiptə. Gō tə́ anī asə ɓāl̄ kóndóńg wań ní ni a ndi i sa̰y rɔ̄ mban̄g kə́ dām̄ mbɔ́r ɓē kə́ ko̰ó̰ tə́.

EJEKIEL 26:12

Nin̄ a ɓogən̄ yá̰a̰ kənge yāí gə̄ ō, a ɔyn̄ yá̰a̰ gātə̄ yāí gə̄ dɔ gúú tə́ ō. A mbə́rēn̄ ndogə̄ mbal̄ yāí gə̄ yā tə́nī nang tə́ kɔ̄ɔ́ ō, a nujən̄ kújə yāí gə̄ ń yá̰a̰ i ngá̰ý tū tə́ ní ō, ba a ɔyn̄ mbal̄ kə́ tū tə́ gə̄ ō, kāgə̄ kə́ tū tə́ gə̄ ō, butə̄ yá̰á̰ kə́ tū tə́ gə̄ ń a na̰y ní ō, yā ɓōkə́ gír bāá kɔ̄ɔ́.

JEREMI 51:56

A̰á̰ā̰, nge nujə loo reē i kənī Babilon rɔ̄ɔ̄ tə́. Əhɔn̄ go̰ rɔ̄ɔ̄ yān gə̄ ō, tétə̄n̄ ga̰ gərā yādə́ gə̄ ō. Kɔ́ɔ̄ɓē i Nə́ɓā kə́ ī-rɔ̄ɔ̄n a rɔ̄ɔ̄ī ō, ī-rāān yá̰á̰ kə́ majaĺ a téləń adī gogə́ ō.

JEREMI 25:34

Ngé kul̄ yá̰a̰ gə̄, ī-nōōī, ə́gaī kɔŕ ādə̄ dḭḭ̄n̄sí. Kɔ́ɔ̄ yá̰a̰ kul̄ gə̄ ī-wángə̄lāī nang tə́ na kum mbang yāsí asə kadə̄ tə́jān̄ míndə́sí. A tə̄ndā tḭ̄ḭ̄n̄sí kə loo gə̄ tə́ ō, ā ī-teēī yā tə́sō tītə̄ yá̰a̰ rāā kəla kə́ gātə̄n i ngá̰ý beé ō.

IJAI 33:4

Loo ń noō tə́ kɔy yá̰a̰ kənge dɔ gúú tə́ əla gír. De gə̄ ton̄ tītə̄ yim̄ gə̄ beé. De gə̄ urən̄ naā kə̄ dɔ yá̰a̰ kənge gə̄ tə́ tītə̄ yim̄ gə̄ kə́ ton̄ tītə̄ kil̄ man̄ beé.

2 YÁ̰A̰ GƏ̄ 36:10

Dan ń ɓāl̄ kə́ kijə ugə̄ anī mban̄g Nabukodonosor əla de gə̄ adə̄ reēn̄ kə Joakin ō, yá̰a̰ gə̄ kə́ kem kújə yā Kɔ́ɔ̄ɓē tə́ kə́ gātə̄də́ i ngá̰ý gə̄ ō, Babilon. Ba əndā Sedekias kə́ ngōkó̰o̰ Joakim mban̄g dɔ ɓē kə́ Jerusalem tə́ ō, Juda tə́ ō.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

JEJU TEĒ KUM JA̰A̰ 18:12

Yá̰a̰ gə̄ ní i lɔ́r ō, gində̄ arjā̰a̰ ō, mbal̄ gə̄ kə́ gātə̄də́ i ngá̰ý gə̄ ō, məde gə̄ ō, kūbə̄ lḛ́ḛ ō, kūbə̄ kə́ kəla kum man̄ yá̰á̰ kə́ kərē ning tə́ ō, kūbə̄ səwāa ō, kūbə̄ kə́ kəla kum man̄ yá̰á̰ kə́ kərē bḭḭ tə́ ō, kāgə̄ malang kə́ kotə majə ō, yá̰a̰ malang kə́ rāā kə ngān̄g dā̰á̰ ō, kə kāgə̄ kə́ gātə̄n i ngá̰ý ō, kə gində̄ nə̄ngá kasaá ō, kə gindīí ō, kə mbal̄ máŕbər ō.

JEJU TEĒ KUM JA̰A̰ 18:16

ba a ədan̄ na: Rɔ̄ tō ndoō, rɔ̄ tō ndoō! Tɔdɔ̄ ɓē kə́ bo ń o̰ō̰ kūbə̄ lḛ́ḛ ō, kūbə̄ kə́ kəla kum man̄ yá̰á̰ kə́ kərē ning tə́ ō, kum man̄ yá̰á̰ kə́ kərē bḭḭ tə́ ō, lɔ́ŕ i rɔ̄n tə́ ō, mbal̄ gə̄ kə́ gātə̄də́ i ngá̰ý gə̄ i rɔ̄n tə́ ō, məde gə̄ i rɔ̄n tə́ ō ní,

JEREMI 46:5

I tām̄ rí tə́ á m-á̰á̰də́ ra a ndewn̄ ní? Nin̄-télən̄ kə gōdə́. Ɓōĺ əsō kə̄ loo gə̄ tə́ malang. Najə̄ ń Kɔ́ɔ̄ɓē əda ní n noó.

NAHUM 3:17

Ngé ngɔ̄m̄sí gə̄ i ngá̰ý tītə̄ yim̄ gə̄ beé ō, ngé rāā kəla yāsí gə̄ ton̄ tītə̄ ngán kur̄ kə́ ngá̰ý gə̄ kə́ ton̄ tītə̄ kil̄ man̄ beé ō. Ngán kur̄ gə̄ ní əhɔn̄ loo dɔ túpə́ kámbə gə̄ tə́, dan ń kūl̄ o̰o̰ ní. Dan nəkɔ́ ń mbang ɔsə anī, nin̄ malang ḭḭn̄ bɔ̄gə̄ aw̄n̄ kɔ̄ɔ́, loo kə́ de ger̄ aĺ tə́. Nin̄ i rá?