NAHUM 2:8 - Bibəl ta Sar̄

⁸ Madə̄ ba̰ā̰ gə̄ unən̄ yá̰á̰ kə́ tɔ́sə̄ kum gotə nə́ɓā kə́ dəyá̰ kɔ̄ɔ́, ba aw̄n̄ seneé dɔ ɓē kə́ rang tə́ dɔ gúú tə́. Dəyá̰ kə́ ngé ndɔ̄yn gə̄ nōōn̄ tītə̄ dér dum gə̄ beé. Nin̄ əndān̄ wurdə́ par par ɔjənə̄ń kadə̄ rɔ̄də́ nel̄də́ alé.

Bible sar

⁸ Madə̄ ba̰ā̰ gə̄ unən̄ yá̰á̰ kə́ tɔ́sə̄ kum gotə nə́ɓā kə́ dəyá̰ kɔ̄ɔ́, ba aw̄n̄ seneé dɔ ɓē kə́ rang tə́ dɔ gúú tə́. Dəyá̰ kə́ ngé ndɔ̄yn gə̄ nōōn̄ tītə̄ dér dum gə̄ beé. Nin̄ əndān̄ wurdə́ par par ɔjənə̄ń kadə̄ rɔ̄də́ nel̄də́ alé.

NAHUM 2:8 Referans Kwoze

JEJU TEĒ KUM JA̰A̰ 17:15

Gō tə́ anī de kə́ dɔ rā̰ tə́ ní ədam̄ na: Man̄ gə̄ ń na m-á̰a̰ā̰ loo ń dəyá̰ kə́ nge rāā ájə́ba ndi tū tə́ ní, na i gír de gə̄ ō, kósə de gə̄ ō, nápar de gə̄ ō, gír ta gə̄ ō.

JEJU TEĒ KUM JA̰A̰ 17:1

Anī de kə́ dɔ rā̰ tə́ kógə̄ḿ dan ngé kə́ sīrí gə̄ ń kópə kə́ sīrí gə̄ i jīdə́ tə́ ní, reē ɔr̄ najə̄ seḿ, ədam̄ na: Ī-reē ādə̄ m-ɔ́jiī sarya yā dəyá̰ kə́ nge rāā ájə́ba ngá̰ý ń ndi kadə bā bo gə̄ tə́ ní.

NAHUM 3:17

Ngé ngɔ̄m̄sí gə̄ i ngá̰ý tītə̄ yim̄ gə̄ beé ō, ngé rāā kəla yāsí gə̄ ton̄ tītə̄ ngán kur̄ kə́ ngá̰ý gə̄ kə́ ton̄ tītə̄ kil̄ man̄ beé ō. Ngán kur̄ gə̄ ní əhɔn̄ loo dɔ túpə́ kámbə gə̄ tə́, dan ń kūl̄ o̰o̰ ní. Dan nəkɔ́ ń mbang ɔsə anī, nin̄ malang ḭḭn̄ bɔ̄gə̄ aw̄n̄ kɔ̄ɔ́, loo kə́ de ger̄ aĺ tə́. Nin̄ i rá?

JEREMI 51:30

Go̰ rɔ̄ɔ̄ kə́ Babilon tə́ gə̄ lōōn̄ gír rɔ̄ɔ̄ tə́ kɔ̄ɔ́. Nin̄ ɓɔ̄ɔ̄n̄ rɔ̄də́ gə́lé kújə gə̄ tə́, tɔ́gə́də́ kə́ ngá̰ý ní gətóo kɔ̄ɔ́. Nin̄ sɔlə̄n̄ yélélé tītə̄ de kə́ dəyá̰ beē. De gə̄ əlan̄ hor dɔ kújə gə̄ kə́ Babilon tə́ ō, tétə̄n̄ gində̄ kutə̄ ta róbə́ kə́ tū tə́ gə̄ kɔ̄ɔ́ ō.

JEREMI 50:16

Nge dubə̄ kōō ō, ngé kəja kōō kə ngorongoó gə̄ dan yā sāā kōō gə̄ tə́ ō ní, ɔ̄rīdə́ kɔ̄ɔ́. Āyī naā kógə̄ḿ kógə̄ḿ ta kaskar kə́ kumən o̰o̰n aĺ tə́ kə̄ dan gír deē yāsí gə̄ tə́ ō, ādə̄ náā nəkɔ́ a̰ȳ kum kə̄ ɓē yān tə́.

JEREMI 46:5

I tām̄ rí tə́ á m-á̰á̰də́ ra a ndewn̄ ní? Nin̄-télən̄ kə gōdə́. Ɓōĺ əsō kə̄ loo gə̄ tə́ malang. Najə̄ ń Kɔ́ɔ̄ɓē əda ní n noó.

IJAI 48:20

Ī-teēī kɔ̄ɔ́ kem ɓē kə́ Babilon tə́, ā̰yī ɓē ń toō kɔ̄ɔ́. Ə̄nīī mbēr̄ najə̄ kə́ kijə ń toō kə rɔ̄nelēé, ī-selíī najə̄ ní bátə́ ta ngóy dɔ nang tə́. Ə́daī na: Kɔ́ɔ̄ɓē ɔr̄ Jakob nge kəla yān ɓəloó kɔ̄ɔ́.

IJAI 47:13

Kɔjə̄ gə̄ ń adīn̄ ngá̰ý ní, kɔr rāāī ta tə́ kɔ̄ɔ́! Ngé kəndā ma̰ȳ dɔ rā̰ ō, ngé tə́da najə̄ kə́ ndang kum tə́yō̰ gə̄ tə́ ō, ba nin̄ ədan̄ yá̰á̰ ń a rāā yā rāāī ní kə dɔ nāā gə̄ ní, ādə̄ reē ajiīn̄!

IJAI 13:14

Loo ń noō tə́ mbā gə̄ kógə̄ḿ kógə̄ḿ a télən̄ yā kaw̄ gogə́ dan gír deē yādə́ gə̄ tə́, nin̄ kógə̄ḿ kógə̄ḿ a a̰ȳn̄ yā tél kaw̄ gogə́ dɔ nang yādə́ gə̄ tə́, tītə̄ kāl̄ kə́ deē ngɔ̄dən beé, tītə̄ batə̄ gə̄ kə́ de kə́ yā kɔsə njadə́ kə̄ naā tə́ gətóo beé.

TA KƏLA 10:11

Nemrod əya̰ dɔ nang ngeé ń noō kɔ̄ɔ́, ba aw̄ ndi dɔ nang kə́ Asiri tə́. I ni n rāā ɓē kə́ Ninibə ō, kə́ Rehobot Hir ō, kə́ Kala ō ní.

JEREMI 51:13

Ḭ̄ ń ī-ndi ngɔr kadə man̄ kə́ ngá̰ý gə̄ tə́ ō, ḭ̄ ń yá̰a̰ kənge yāí i ngá̰ý ō ní, ndɔ̄í asə, tɔdɔ̄ yá̰a̰ gə̄ malang ń ī-sāā ní, ənge ādə̄ ɔdə jīí kɔ̄ɔ́ ɓáa.

JEREMI 47:3

əgan̄ kɔŕ kadə̄ kə dḭḭ̄n̄də́ ō, de gə̄ malang kə́ kem ɓēé nōōn̄ naā ō. Yá̰á̰ ń noō rāā tá kadə̄ bɔbə̄ ngán gə̄ rɔ̄də́ ur̄ wak kɔ̄ɔ́ ní, tə́jān̄ kumdə́ ta ngáńdə́ gə̄ tə́ kɔ̄ɔ́.

NAHUM 1:1

Najə̄ kə́ dɔ ɓē kə́ Ninibə tə́ i kem makətūbə̄ ń toō tə́. Nə́ɓā ɔjə Nahum nge koō ta kə́ kem ɓē kə́ Elkos tə́ adə̄ ger̄, i kə ta kūl̄ yá̰á̰ kə́ Nahum a̰ā̰.

IJAI 38:14

m̄-nōō tītə̄ yel̄ gabə kɔsə beé, nōō yāḿ to tītə̄ nōō dér gutə beé. Kɔr asə kumḿ nák loo ka̰a̰ loo tə́ kum kə̄ dɔ rā̰ tə́. Kɔ́ɔ̄ɓē, tɔ́gə́ḿ ur̄ wak kɔ̄ɔ́, ī-rāā yá̰á̰ kógə̄ḿ tām̄ yāḿ tə́!

IJAI 59:11

Jḭḭ̄ malang j-ɔjiī wōn̄g yājí kə̄ ndágá kə nuú tītə̄ dā̰ kə́ bembeé gə̄ beé. Jə-nōōī tītə̄ dér dum gə̄ beé kanjə̄ dəba. J-əndāī kemjí dɔ Nə́ɓā tə́ kadə̄ rāā yá̰á̰ kógə̄ḿ, banī yá̰á̰ kógə̄ḿ kə́ rāā yá̰a̰ gətóo. Jə-ndi j-a jə-ngóōī kadə̄ ajəjí banī ni ra sa̰y rɔ̄jí tə́.