NAHUM 2:4 - Bibəl ta Sar̄

⁴ Áskar gə̄ yā madə̄ ba̰ā̰ ətōn̄ i der gə̄ kə́ rāān̄ man̄ yá̰á̰ kə́ kəre gidə tə́ gə̄ ō, kūbə̄ ko̰ō̰də́ gə̄ i kūbə̄ kə́ kərē gə̄ ō. Púsə rɔ̄ɔ̄ gə̄ ń tə́ndān̄də́ kə ta naá tām̄ yā rɔ̄ɔ̄ tə́ ní, ndə́lēn̄ pipir tītə̄ ta ndo̰ hor gə̄ beé ō, nənga gə̄ əlan̄ gíŕ yéȳ ō.

Bible sar

⁴ Áskar gə̄ yā madə̄ ba̰ā̰ ətōn̄ i der gə̄ kə́ rāān̄ man̄ yá̰á̰ kə́ kəre gidə tə́ gə̄ ō, kūbə̄ ko̰ō̰də́ gə̄ i kūbə̄ kə́ kərē gə̄ ō. Púsə rɔ̄ɔ̄ gə̄ ń tə́ndān̄də́ kə ta naá tām̄ yā rɔ̄ɔ̄ tə́ ní, ndə́lēn̄ pipir tītə̄ ta ndo̰ hor gə̄ beé ō, nənga gə̄ əlan̄ gíŕ yéȳ ō.

NAHUM 2:4 Referans Kwoze

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

EJEKIEL 26:10

Dan ń nin̄ a a̰ȳn̄ ngɔ̄də̄ anī, sə́nda yādə́ kə́ ngá̰ý gə̄ a rāān̄ kadə̄ bumbə́ru əga nding dɔí tə́. Kōō ngé kal̄ sə́nda gə̄ ō, kōō nja púsə rɔ̄ɔ̄ gə̄ ń a ndūbə̄rūn̄ ní ō, a rāān̄ ndogə̄ mbal̄ yāí gə̄ kadə̄ a ndewn̄. Nin̄ a udən̄ kem ɓēé kə ta róbə yāí gēé, tītə̄ ń deē a udəń kem ɓēé gō tɔ́sə̄ kə́ ni tɔ́sə̄ ndogə̄ mbal̄ kə́ gidə ɓēé mbutə tə́ ní.

IJAI 66:15

Tām̄ á̰a̰ī Kɔ́ɔ̄ɓē n toó: Ni a reē i kum hor tə́, púsə rɔ̄ɔ̄ yān gə̄ ton̄ tītə̄ nél man̄ kə́ əla kə ngangá ngá̰ý beē. Ni-reē i kɔjə wōn̄g yān kə́ to ɓōĺ ngá̰ý tə́ ō, i kəla ɓōló kem de gə̄ tə́ tə́ kə ta ndo̰ hor gēé ō.

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.

IJAI 37:24

Mā ń i Kɔ́ɔ̄ɓē ní, ī-tájə̄m̄ kə ta kūl̄ najə̄ kə́ ə̄ndā ta ngé kəla yāí gə̄ tə́. Ḭ̄ ə́da na: Mā Senakerib, m-āl̄ dɔ mbal̄ bo gə̄ tə́ dɔɔ́ kə púsə rɔ̄ɔ̄ yāḿ gə̄ kə́ ngá̰ý, m-āw̄ bátə́ m-ūgə̄ dɔ mbal̄ Liban tə́ dɔɔ́. Kāgə̄ sédər yān gə̄ kə́ majən̄ tɔȳ madə̄ gə̄ ní m̄-tə́gādə́ kɔ̄ɔ́ ō, kāgə̄ sipəres yān gə̄ kə́ majən̄ tɔȳ madə̄ gə̄ ní m̄-tə́gādə́ ō. Mbal̄ bo yān kə́ ngāl̄ tɔȳ madə̄ gə̄ ní, m-āw̄ m-ūgə̄ tū tə́ ō, ku kāgə̄ yān kə́ majə tɔȳ madə̄ gə̄ ní, m-āw̄ m-ūgə̄ tū tə́ ō.

JEREMI 46:9

Ngé sə́nda gə̄, ə̄nīī rɔ̄ɔ̄. Ngé púsə́ sə́nda gə̄, ā̰yī ngɔ̄də̄ ngá̰ý. Ādə̄ ngé kəhɔ rɔ̄də́ tɔgə ngá̰ý gə̄ əndan̄ loo teēn̄, adə̄ i Kus gə̄ ō, Put gə̄ ō, ń gerə̄n̄ kəhɔ der majə ní ō, Lud gə̄ ń gerə̄n̄ kur gərā majə ní ō.

EJEKIEL 23:24

Nin̄ a ḭḭn̄ i dām̄ mbɔ́r ɓē kə́ ko̰ó̰ tə́ yā reē. A ndin̄ i dɔ púsə rɔ̄ɔ̄ gə̄ tə́ n a reēnəń ō, dɔ yá̰a̰ kal̄ kə́ tayā tayā gə̄ tə́ ō, a reēn̄ i kə ngé rɔ̄ɔ̄ kə́ ngá̰ý gə̄ ō. Nin̄ a utə̄n̄ gidə rɔ̄də́ i kə der gə̄ ō, kə jākā gində̄ gə̄ ō. Nin̄ a gīrīn̄ kə̄ ta gə̄ tə́. M-ā m-ɔ́jə́də́ najə̄ yāí ō, nin̄ a gāngə̄n̄ sarya dɔí tə́ i kə gō ndū najə̄ yādə́ gēé ō.

EJEKIEL 26:7

Yá̰á̰ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: Nabukodonosor, mban̄g kə́ Babilon ń i mban̄g kə́ bo tɔȳ madə̄n gə̄ ní, m-ā m̄-rāā kadə̄ ni a ḭḭ dām̄ mbɔ́r kə́ geleé tə́ yā reē rɔ̄ɔ̄ī ḭ̄ ɓē kə́ Tir. Ni a reē kə sə́nda gə̄ ō, kə púsə rɔ̄ɔ̄ gə̄ ō, kə ngé kal̄ sə́nda gə̄ ō, kə ngé rɔ̄ɔ̄ kə́ ngá̰ý gə̄ ō.

Gōsə̄ najə̄ gə̄ 31:21

Ni sōl̄ kūl̄ tām̄ yā de kə́ kem kújə yān gə̄ tə́ alé, tɔdɔ̄ nin̄ malang ní kūbə̄ yādə́ gə̄ i dɔ naā tə́ jōó jōó.