NAHUM 2:3 - Bibəl ta Sar̄

³ Ngé gān̄g róbə gə̄ ɔyn̄ yá̰a̰ yā ngé gə̄ ń Jakob ojədə́ ní dɔ gúú tə́. Kāgə̄ nduú ń toō ní, nin̄ nujən̄ ta jīn gə̄ kɔ̄ɔ́. Banī Kɔ́ɔ̄ɓē tél kə kɔjə rɔ̄ yān adə̄n gogə́. A̰á̰ā̰, ni-tél kə kɔjə rɔ̄ yā Israel adə̄n gogə́.

Bible sar

³ Ngé gān̄g róbə gə̄ ɔyn̄ yá̰a̰ yā ngé gə̄ ń Jakob ojədə́ ní dɔ gúú tə́. Kāgə̄ nduú ń toō ní, nin̄ nujən̄ ta jīn gə̄ kɔ̄ɔ́. Banī Kɔ́ɔ̄ɓē tél kə kɔjə rɔ̄ yān adə̄n gogə́. A̰á̰ā̰, ni-tél kə kɔjə rɔ̄ yā *Israel adə̄n gogə́.

NAHUM 2:3 Referans Kwoze

JEJU TEĒ KUM JA̰A̰ 12:3

Loo ń noō tə́ yá̰á̰ kə́ to kɔr kum kógə̄ḿ kə́ rang teē dɔ rā̰ tə́. Yá̰á̰ ní i dā̰ kógə̄ḿ kə́ kərē kə́ to ɓōĺ ngá̰ý. Dɔn i sīrí ō, gajən gə̄ i kutə kógə̄ḿ ō. Dɔn kə́ sīrí gə̄ ní, jākā mbang i tū tə́ kógə̄ḿ kógə̄ḿ.

JEJU TEĒ KUM JA̰A̰ 6:4

Anī sə́ndá kə́ rang kə́ kərē tītə̄ hor beé teē. Ba deē ń ndi gidən tə́ ní, adə̄nən̄ kadə̄ taā kem sɔl̄ lɔm kə́ dɔ nang tə́ kɔ̄ɔ́, yā kadə̄ de gə̄ tɔ̄lə̄n̄ naā ō, adə̄nən̄ kaskar kə́ bo ngá̰ý ō.

JAKARI 11:2

Sḭḭ̄ kāgə̄ sipəres gə̄, ī-nōōī ādə̄ oōn̄ ndūsí, tɔdɔ̄ kāgə̄ sedər gə̄ tə́sōn̄ kɔ̄ɔ́. Nujən̄ kāgə̄ kə́ majə ngá̰ý gə̄ ń noō kɔ̄ɔ́. Sḭḭ̄ kāgə̄ sén gə̄ kə́ Basan, ī-nōōī ādə̄ oōn̄ ndūsí, tɔdɔ̄ nujən̄ ku kāgə̄ yāsí kə́ nder̄ nginding kɔ̄ɔ́.

JAKARI 6:2

I sə́ndá kə́ kərē gə̄ n unən̄ púsə rɔ̄ɔ̄ kə́ ta kəga dɔ ní ō, i sə́ndá kə́ ndul gə̄ n unən̄ púsə rɔ̄ɔ̄ kə́ nge ko̰ jōó ní ō,

JAKARI 1:8

Ndɔ̄ɔ́ ndɔ̄ ngeé ń noō tə́ ní, m-á̰a̰ dəngam kógə̄ḿ ndi gidə sə́ndá kə́ kərē tə́. Ni-ra i dan ngán kāgə̄ mirtə gə̄ kə́ mbīdə́ to mbōl̄ tə́, kum wól loo tə́. Sə́ndá kə́rē gə̄ ō, kə́ kərē kasə gə̄ ō, kə́ ndaa gə̄ ō, ran̄ gidən tə́.

IJAI 14:8

Kāgə̄ gə̄ gə̄gē rāān̄ rɔ̄nel̄ najə̄ yá̰á̰ ń rāāī tə́ ní. Kāgə̄ sipəres gə̄ ō, kāgə̄ sedər gə̄ kə́ Liban tə́ ō, ədan̄ na: Əla gíŕ jóo nəkɔ́ ń ī-toń ɓádá toó ní, de kə́ al̄ reē gōjí tə́ tə́gājí to̰ gətóo.

Makətūbə̄ yā Job 39:23

Ngong gərā ō, nənga kə́ kumən ndə́lē pipir ō, səngɔy ō, tə́ndān̄ kadən adə̄ kōōdə́ ɓār̄.

EJEKIEL 23:24

Nin̄ a ḭḭn̄ i dām̄ mbɔ́r ɓē kə́ ko̰ó̰ tə́ yā reē. A ndin̄ i dɔ púsə rɔ̄ɔ̄ gə̄ tə́ n a reēnəń ō, dɔ yá̰a̰ kal̄ kə́ tayā tayā gə̄ tə́ ō, a reēn̄ i kə ngé rɔ̄ɔ̄ kə́ ngá̰ý gə̄ ō. Nin̄ a utə̄n̄ gidə rɔ̄də́ i kə der gə̄ ō, kə jākā gində̄ gə̄ ō. Nin̄ a gīrīn̄ kə̄ ta gə̄ tə́. M-ā m-ɔ́jə́də́ najə̄ yāí ō, nin̄ a gāngə̄n̄ sarya dɔí tə́ i kə gō ndū najə̄ yādə́ gēé ō.

EJEKIEL 26:7

Yá̰á̰ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: Nabukodonosor, mban̄g kə́ Babilon ń i mban̄g kə́ bo tɔȳ madə̄n gə̄ ní, m-ā m̄-rāā kadə̄ ni a ḭḭ dām̄ mbɔ́r kə́ geleé tə́ yā reē rɔ̄ɔ̄ī ḭ̄ ɓē kə́ Tir. Ni a reē kə sə́nda gə̄ ō, kə púsə rɔ̄ɔ̄ gə̄ ō, kə ngé kal̄ sə́nda gə̄ ō, kə ngé rɔ̄ɔ̄ kə́ ngá̰ý gə̄ ō.

NAHUM 3:2

Kōō ndéy gə̄ ɓārə̄n̄ kem ɓēé ō, nja púsə gə̄ ɔsən̄ naā ō, sə́nda gə̄ a̰ȳn̄ ngɔ̄də̄ ō, púsə rɔ̄ɔ̄ gə̄ tḭ́ḭ̄n̄ bal ō.

PĀ GƏ̄ 80:13

Ḭ̄ ī-ró̰ȳ ndogə̄ gə̄ kə́ gidə tə́ kɔ̄ɔ́, adə̄ ngé mān̄ róbó gə̄ a tə́jān̄ kanə̄n i tām̄ rí tə́?