NAHUM 2:12 - Bibəl ta Sar̄

¹² Ɓē ń ɓɔl gə̄ ndin̄ tū tə́ kété ní, tél i rí? Kété ní, ngán ɓɔl gə̄ a əngen̄ yá̰a̰ kəsa yādə́ i kem ɓē ní tə́. Dan ń ɓɔl aw̄ sāā yá̰a̰ kəsaá anī, de kə́ ɔdə rɔ̄ ngánən gə̄ gətóo.

Bible sar

¹² Ɓē ń ɓɔl gə̄ ndin̄ tū tə́ kété ní, tél i rí? Kété ní, ngán ɓɔl gə̄ a əngen̄ yá̰a̰ kəsa yādə́ i kem ɓē ní tə́. Dan ń ɓɔl aw̄ sāā yá̰a̰ kəsaá anī, de kə́ ɔdə rɔ̄ ngánən gə̄ gətóo.

NAHUM 2:12 Referans Kwoze

JEREMI 51:34

Nabukodonosor, mban̄g kə́ Babilon, rə́yā̰m̄ naā tə́ ō, əsam̄ ō. Ni rāām̄ ādə̄ m̄-tél səmbē kə́ tō̰ń kem kɔ̄ɔ́. Ni urəm̄ kemən tə́ tītə̄ dā̰ kə́ bo kə́ to ɓōĺ ngá̰ý beē. Ni njúū yibə̄ kə́ kəngāḿ tə́ adə̄ ndān̄ kemən ba əya̰m̄ kɔ̄ɔ́.

PĀ GƏ̄ 17:12

Nin̄ ton̄ tītə̄ ɓɔl kə́ ngóō ta dā̰ sḛḛ yā rə́yā̰n naā tə́ beē, ton̄ tītə̄ balsáa ɓɔl kə́ ɓɔ̄ɔ̄ rɔ̄n kem túpə́ kámbə́ tə́ beē.

TƏ́DA 23:24

Á̰a̰ī gír de gə̄ kə́ a ḭḭn̄ kə̄ dɔɔ́ tītə̄ dā̰ kə́ do̰, á̰a̰ī kósə de gə̄ kə́ ḭḭ ran̄ dɔɔ́ tītə̄ ɓɔl. Ni-əsa dā̰ kəhɔn ō, a̰ȳ mósən ō, pá tá tél to nang tə́.

2 SAMUEL 17:8

Īkɔ́ ī-ger̄ bɔbí ō, deē yān gə̄ ō majə. Nin̄ i go̰ rɔ̄ɔ̄ gə̄ malang, tá wōn̄g rāādə́ tītə̄ dā̰ úrsə kə́ tḭ̄ḭ̄ ta ngōnən bembeé beé. Bɔbí i nge rɔ̄ɔ̄ adə̄ a to kə gotə de gēé alé.

NAHUM 2:11

Ɓogən̄ yá̰a̰ malang kɔ̄ɔ́ ō, tɔ̄ɔ̄n̄ yá̰a̰ malang kɔ̄ɔ́ ō, rējə̄n̄ yá̰a̰ malang kɔ̄ɔ́ ō. Jī de gə̄ ur̄ wak kɔ̄ɔ́ ō, njadə́ udə̄ lagəja ō, ndewn̄ kə̄ rɔ̄də́ gə̄ tə́ malang ō, ta kumdə́ tūr̄ kɔ̄ɔ́ ō.

NAHUM 2:13

Ni əhɔ dā̰ ō, rə́yā̰ dā̰ ní naā tə́ ō tām̄ yā kó̰o̰ ɓɔl tə́ ō, ngánən gə̄ tə́ ō. Dā̰ gə̄ ń ni ndo̰o̰də́ ō, rə́yā̰də́ naā tə́ ō ní, kán̄ dā̰də́ kem bəlo yān gə̄ tə́ adə̄ rosə.