NAHUM 2:1 - Bibəl ta Sar̄

¹ Sḭḭ̄ Juda gə̄, nge kaw̄ kəla kə́ nge reē kə najə̄ kə́ majaá ní, ni i dɔ mbal̄ bo gə̄ tə́. Ni-əda najə̄ yā lɔm kə́ a to! Ə̄ndāī dɔ loo rāā nāā yāsí gə̄ danaá. Míndə́sí ń ə̄nīī ādī Nə́ɓā ní, ī-raī dɔ tə́. De kə́ nge núm̄ nujə loo a teē loosí to̰ aĺ i kə́ bátə́ gə̄ tə́. Tɔ́gən gətóo kɔ̄ɔ́.

Bible sar

¹ Sḭḭ̄ *Juda gə̄, nge kaw̄ kəla kə́ nge reē kə najə̄ kə́ majaá ní, ni i dɔ mbal̄ bo gə̄ tə́. Ni-əda najə̄ yā lɔm kə́ a to! Ə̄ndāī dɔ loo rāā nāā yāsí gə̄ danaá. Míndə́sí ń ə̄nīī ādī Nə́ɓā ní, ī-raī dɔ tə́. De kə́ nge núm̄ nujə loo a teē loosí to̰ aĺ i kə́ bátə́ gə̄ tə́. Tɔ́gən gətóo kɔ̄ɔ́.

NAHUM 2:1 Referans Kwoze

2 YÁ̰A̰ GƏ̄ 25:8

Tɔdɔ̄ ré aw̄n̄ seí anī ā ī-ngan̄g ngá̰ý ta rɔ̄ɔ̄ tə́ ɓá ta ba Kɔ́ɔ̄ɓē a rāāī kadə̄ ā ā̰ȳ no madə̄ ba̰ā̰í gə̄ tə́. Tɔdɔ̄ i Nə́ɓā kógə̄ḿ beē ngóy n asə rāā kadə̄ deē tetə rɔ̄ɔ̄ ō, i ni ngóy n asə rāā kadə̄ rɔ̄ɔ̄ rāā deē ō ní.

JEREMI 50:23

Kété ní Babilon i mūú kə́ nge rējə̄ de gə̄ malang kə́ dɔ nang tə́. Ba ń toō ɓáa, tétə̄nən̄ naā tə́ rárák kɔ̄ɔ́. Ní, rāān̄ yá̰á̰ ń noō i ba̰ý? Babilon tél i ɓē kə́ nujə sák sák kɔ̄ɔ́ dan ɓē gə̄ yā nápar de gə̄ tə́.

IJAI 14:6

ń ənda nápar de gə̄ kə wōngōó kanjə̄ dəba ō, rējə̄də́ kə tɔ́gɔ́ ō, rāādə́ adə̄ a̰a̰n̄ tápə̄ ngá̰ý ō ní.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

PĀ GƏ̄ 50:14

Ādə̄ yá̰a̰ tun̄ yāí kə́ ndējə̄ i ɓōkə́ Nə́ɓā tɔ̄ȳ ō, ī-rāā yá̰a̰ gə̄ ń ə̄nī ndūí yā rāā kadə̄ Nə́ɓā kə́ dɔɔ́ sa̰y ngá̰ý ní ō.

PĀ GƏ̄ 65:2

Nə́ɓā, ḭ̄ ń ī-ndi Siyo̰ ní, ásə kadə̄ de gə̄ ɓōkə́nī tɔ̄ȳ ō, ran̄ dɔ ndūdə́ tə́ seí ō.

IJAI 29:7

Ariel, kósə de gə̄ kə́ kem ɓēé gə̄ ń a rɔ̄ɔ̄īn̄ ní, a gətóon̄ kɔ̄ɔ́ tītə̄ nī beé. De gə̄ malang ń əndān̄ ndogə̄ mbal̄ gə̄ gīrə̄n̄neé gidií yā kənīīneé rɔ̄ɔ̄ ō, njadə́ ra kɔŕ kɔtə́yɔ gōí tə́ ō ní, nin̄ hində̄n̄ lim tītə̄ yá̰á̰ kə́ deē a̰a̰ ndɔ̄ɔ́ beē.

IJAI 29:8

Deē ń ɓō rāān ní, nī rāān adə̄ ndi a əsa yá̰a̰, ba dan ń ni ndól̄ anī, ɓō rāān ɓáý. Deē ń kəndā rāān ní, nī rāān adə̄ ni-ndi a a̰ȳ i man̄, ba dan ń ni ndól̄ anī, kɔr rāān ō, no míndən tutə ká káḿ ɓáý ō. Kósə de gə̄ yā ɓē gə̄ ń a rɔ̄ɔ̄n̄ mbal̄ Siyo̰ ní, yādə́ a to i tītə̄ ń noō ō.

IJAI 52:7

Ka̰a̰ nge kəla kə́ nge reē kə najə̄ kə́ majaá loo reē tə́ dɔ mbal̄ gə̄ tə́ i yá̰á̰ kə́ to rɔ̄nel̄ ngá̰ý! Ni-əda najə̄ yā lɔm ō, kem majə ō, kajə ō. Ni ədaī ḭ̄ Jerusalem na: Nə́ɓā yāí i mban̄g.