NAHUM 1:8 - Bibəl ta Sar̄

⁸ dan ń yá̰á̰ kə́ to kum kaȳ aĺ mān̄ tītə̄ man̄ dɔ mbal̄ beé ní. Banī ni-nujə madə̄ ba̰ā̰n gə̄ ō, tə̄ɓādə́ aw̄ sedə́ kum loo kə́ risə til yā yo tə́ ō.

Bible sar

⁸ dan ń yá̰á̰ kə́ to kum kaȳ aĺ mān̄ tītə̄ man̄ dɔ mbal̄ beé ní. Banī ni-nujə madə̄ ba̰ā̰n gə̄ ō, tə̄ɓādə́ aw̄ sedə́ kum loo kə́ risə til yā yo tə́ ō.

NAHUM 1:8 Referans Kwoze

EJEKIEL 13:13

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Kem wōn̄g yāḿ kə́ ngá̰ý tə́ ní, m-ā m̄-rāā kadə̄ nél man̄ kə́ bo ngá̰ý a əla kə tɔ́gɔ́ ngá̰ý ō, m-ā m̄-rāā kadə̄ man̄ a edə ngá̰ý ō. Kɔ̄sə̄ a tə́sō kə ngangá ngá̰ý yā nujə yá̰a̰ malang kɔ̄ɔ́.

IJAI 28:17

Yá̰á̰ kə́ súmūú i yá̰a̰ mbɔ̄jə́ yá̰a̰ yāḿ, yá̰á̰ kə́ gōtə́ i kəlā yāḿ kə́ gində̄ pəlɔm i ta tə́. Man̄ kə́ edə kə kɔ̄sɔ̄ɔ́ a un yá̰á̰ gól̄ loo ń ā ī-ndiī gírí ní yā kaw̄ń kɔ̄ɔ́, loo ń ā ī-ɓɔ̄ɔ̄ rɔ̄sí tū tə́ ní man̄ a taā kɔ̄ɔ́.

IJAI 8:22

ba gō tə́ anī a a̰a̰n̄ loo nang tə́. Yá̰á̰ ń nin̄ a əngen̄ ní i wur kɔl ō, i loo kə́ risə til ō, i sōl̄ kə́ to ɓōĺ ngá̰ý ō, i loo kə́ ndul ndí ndḭ́ ō ō, ngóy.

SOPONI 2:13

Kɔ́ɔ̄ɓē a rāā yá̰á̰ kógə̄ḿ kə gō nang kə́ dām̄ mbɔ́r ɓē kə́ ko̰ó̰ tə́, ni a rāā kadə̄ dɔ nang kə́ Asiri a tél kɔkərɔ gə̄ kə́ kánə̄n̄də́ dɔ naā tə́ bing. Ni a nujə ɓē kə́ Ninibə kɔ̄ɔ́, adə̄ ɓē kə́ Ninibə a tél loo kə́ tutə tītə̄ loo kə́ dəla loo tə́ beē.

AMOS 8:8

I tām̄ najə̄ ń toō tə́ n dɔ nang a ndew ní. De kə́ kem ɓēé gə̄ malang a əhɔn̄ ndoō. Tītə̄ bā Nil kə́ Ejiptə kə́ rosə kem kārə̄n ba rə̄ɓā kə̄ ndágá ní, nin̄ malang a ḭḭn̄, ba gō tə́ anī, a əsōn̄.

MATIYE 8:12

Banī ngé gə̄ ń Nə́ɓā rāā Ɓē ko̰o̰ tām̄ yādə́ tə́ ní, a tə̄ɓān̄də́ ndágá kɔ̄ɔ́ kadə̄ nin̄ i kum til tə́. Loo ń noō tə́ nin̄ a nōōn̄ ō, a máyā̰n̄ ngān̄gdə́ ō.

MATIYE 7:27

Adə̄ dan ń man̄ edə adə̄ bā taā loo bátə́ ugə̄ ta kújə́ tə́ ō, nél əla dɔ kújə́ tə́ kə ngangāá ngá̰ý ō anī, kújə́ ní tetə ba əsō nujə sák sák kɔ̄ɔ́.

NAHUM 2:8

Madə̄ ba̰ā̰ gə̄ unən̄ yá̰á̰ kə́ tɔ́sə̄ kum gotə nə́ɓā kə́ dəyá̰ kɔ̄ɔ́, ba aw̄n̄ seneé dɔ ɓē kə́ rang tə́ dɔ gúú tə́. Dəyá̰ kə́ ngé ndɔ̄yn gə̄ nōōn̄ tītə̄ dér dum gə̄ beé. Nin̄ əndān̄ wurdə́ par par ɔjənə̄ń kadə̄ rɔ̄də́ nel̄də́ alé.

NAHUM 1:1

Najə̄ kə́ dɔ ɓē kə́ Ninibə tə́ i kem makətūbə̄ ń toō tə́. Nə́ɓā ɔjə Nahum nge koō ta kə́ kem ɓē kə́ Elkos tə́ adə̄ ger̄, i kə ta kūl̄ yá̰á̰ kə́ Nahum a̰ā̰.

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.

DANIEL 11:22

Ngé rɔ̄ɔ̄ gə̄ ń a reēn̄ yā taā loo ní a asən̄ tetən rɔ̄ɔ̄ alé, ni a rējə̄də́ malang ō, a tɔ̄l̄ ngār kógə̄ḿ yā gír de gə̄ ń Nə́ɓā əhɔ madə̄ naā sedə́ ní ō.

DANIEL 9:26

Ba gō ɓāl̄ kə́ sīrí nja kutə mehḛ́ gidə i jōó tə́ ɓáa a tɔ̄lə̄n̄ deē kógə̄ḿ kə́ urən̄ yibə̄ dɔn tə́, banī i tām̄ yān nəkɔ́ tə́ alé. Gō tə́ anī gír de gə̄ yā ngār kógə̄ḿ a nujən̄ ɓē sák sák kɔ̄ɔ́ ō, a nujən̄ loo kə́ táĺ kɔ̄ɔ́ ō. Banī ta tɔ̄l̄ ta ngār ní i dan yá̰á̰ kə́ un loo kə tɔ́gɔ́ tə́ ō, bátə́ kadə̄ gír rɔ̄ gāngəń ní, ngār ní a nujə loo tītə̄ ń ɔjən̄neé ní ō.

JEREMI 13:16

Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

Gōsə̄ najə̄ gə̄ 4:19

Banī háĺ ngé kem ndul gə̄ to i tītə̄ loo kə́ ndɔ̄ɔ́ kə́ ndul ndḭ́ ndḭ́ beē. Yá̰á̰ kə́ to kum róbó ń a rāā yā kəga njadə́ ní, nin̄ asən̄ ka̰ā̰ alé.

Makətūbə̄ yā Job 30:15

Yá̰á̰ kə́ to ndíl ka̰ȳ reē kə̄ dɔḿ tə́ kə ngangāá ngá̰ý. Ni-ɔr̄ sōl̄ yá̰a̰ aĺ yāḿ kemḿ tə́ kɔ̄ɔ́ gidə kógə̄ḿ tītə̄ nél beé. Gír ndi majə yāḿ gān̄g tītə̄ kil̄ man̄ kə́ tḭ̄ḭ̄ kɔ̄ɔ́ beé.

DANIEL 11:10

Ngán kem mban̄g kə́ dām̄ mbɔ́r ɓē kə́ ko̰ó̰ tə́ gə̄ a əndān̄ dɔ rɔ̄də́ danaá yā rɔ̄ɔ̄. Nin̄ a ɔsən̄ dɔ ɓūtə̄ ngé rɔ̄ɔ̄ kə́ ngá̰ý gə̄ kə̄ naā tə́. Nge kə́ kógə̄ḿ a ənī rɔ̄ɔ̄. Ni a ənda dɔ nin̄ dɔ nang yā mān naā tə́ kə ngé rɔ̄ɔ̄ yān gēé tītə̄ man̄ kə́ un loo beé. Dan ń a tél yā kaw̄ gogə́ dɔ nang yān tə́ anī, a ənī ɓē kə́ ngan̄g kógə̄ḿ yā madə̄ ba̰ā̰ n gə̄ rɔ̄.

Makətūbə̄ yā Job 40:11

Ī-bə̄gā wōn̄g yāí kə́ to ɓōĺ ngá̰ý dɔ deē ndul gə̄ tə́. Ī-tél kə ngé kɔjə rɔ̄də́ gə̄ malang kə̄ nang tə́, kə ta kūl̄ ka̰a̰ kə́ á̰á̰də́ kə kumií ta kógə̄ḿ.

IJAI 13:9

Ndɔ̄ yā Kɔ́ɔ̄ɓē n a reē toó. Ka̰a̰ kum tō ndoō yā deē gətóo ndɔ̄ ń noō tə́. I ndɔ̄ wōn̄g kə́ ngá̰ý. A tūr̄ dɔ nang kadə̄ tél dəla loo kə́ wōn̄g i tū tə́ ō, de gə̄ ń najə̄ i dɔdə́ tə́ ní, ni a nujədə́ kɔ̄ɔ́ ō.

IJAI 13:10

Tə́yō̰ kə́ dɔ rā̰ tə́ gə̄ ō, ɓūtə̄ tə́yō̰ gə̄ ō ní, a nujən̄ to̰ alé. Dan ń mbang a əɓa lap anī, a tetə ndul kɔ̄ɔ́ ō, nāā a ndaa to̰ aĺ ō.

IJAI 28:2

De kə́ tɔ́gən to ō ngan̄g ō n toó. I Kɔ́ɔ̄ɓē n əla seneé ní. Ni to i tītə̄ man̄ kə́ edə kə kɔ̄sɔ̄ɔ́ beē, to i tītə̄ nél man̄ kə́ nujə loo beé, to i tītə̄ man̄ kə́ edə ngá̰ý kə́ taā loo malang beé. Deē ngeé ń toō mbəre yá̰a̰ malang tə́nī kə tɔ́gɔ́.

JEREMI 51:64

gō tə́ anī ā ə́da na: Babilon a gətóo kɔ̄ɔ́ i tītə̄ ń noō ō, ni a ḭḭ dɔɔ́ kum yá̰á̰ kə́ to kum kaȳ aĺ gə̄ ń rāānən̄ ní tə́ to̰ aĺ ō. Nápar de gə̄ tə́sōn̄ sɔɔ̄ń kɔr kə́ rāādə́ ngá̰ý. Ta tɔ̄l̄ ta Najə̄ yā Jeremi i loo ń toō tə́.

1 SAMUEL 2:9

Ni a ngɔ̄m̄ nge ra dɔ ndūn tə́ loo njə̄rān gə̄ tə́, banī ngé kem ndul gə̄ tá a oyn̄ kum til tə́. Tɔdɔ̄ i tɔ́gə deē n i nge tetə rɔ̄ɔ̄ kadə̄n ní alé.

IJAI 28:18

A gāngə̄n̄ madə̄ naā yāsí ń ə́hɔī kə yoó ní kɔ̄ɔ́, ndūsí ń ə̄nī ādī naā kə de kə́ ɓádá gēé ní a to gotoó alé. Dan ń yá̰á̰ kə́ tɔ̄r̄ a rāā yā rāā yá̰a̰ anī, a rējə̄n̄sí kɔ̄ɔ́.