NAHUM 1:7 - Bibəl ta Sar̄

⁷ Kɔ́ɔ̄ɓē i de kə́ majə. Ni i dabə kə́ yā ndi gírí dan wur kɔl tə́. Ngé gə̄ ń əndān̄ kemdə́ dɔn tə́ ní, ni-a̰a̰ gōdə́

Bible sar

⁷ Kɔ́ɔ̄ɓē i de kə́ majə. Ni i dabə kə́ yā ndi gírí dan wur kɔl tə́. Ngé gə̄ ń əndān̄ kemdə́ dɔn tə́ ní, ni-a̰a̰ gōdə́

NAHUM 1:7 Referans Kwoze

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

JA̰A̰ 10:27

Batə̄ yāḿ gə̄ oōn̄ ndūḿ, ba mā m̄-ger̄də́ ō, nin̄-unən̄ gōḿ ō.

NŌŌ RƆ̄ 3:25

Kɔ́ɔ̄ɓē a rāā kem majə kə deē ń a əndā kemən dɔn tə́ ō, sāān ō ní.

JA̰A̰ 10:14

Mā i nge kul̄ kə́ majə, adə̄ m̄-ger̄ batə̄ yāḿ gə̄ ō, nin̄-ger̄mə̄n̄ ō,

PĀ GƏ̄ 100:5

Tɔdɔ̄ Kɔ́ɔ̄ɓē i de kə́ majə, kem majə yān to ngándáńg ō, ni i de kə́ nge ra dɔ ndūn tə́ kə dɔ ɓāl̄ gə̄, ɓāl̄ gə̄ ō.

PĀ GƏ̄ 27:5

Tām̄ ndɔ̄ ń yá̰á̰ kə́ to kum kaȳ aĺ teē dɔḿ tə́ ní, ni ɓɔ̄ɔ̄m̄ looneé. Ni ɓɔ̄ɔ̄m̄ gə́lé kújə yān tə́ ō, əndām̄ dɔɔ́ dɔ mbal̄ tə́ ō.

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

PĀ GƏ̄ 1:6

Tɔdɔ̄ Kɔ́ɔ̄ɓē ger̄ róbə yā de kə́ súmūú gə̄. Banī róbə yā ngé kem ndul gə̄ i róbə́ kə́ ta to siriri.

GALATƏ 4:9

Ba ngɔlaā ī-gerī Nə́ɓā, ba kə́ rɔ̄kum tə́ tā anī, i Nə́ɓā n ger̄sí ní. Ní, i ba̰ý á ī-tél ā ī-rāāī kəla yā tɔ́gə́ kə́ dɔ nang tə́ gə̄ ń i nə́ɓā kə́ rɔ̄kum aĺ gə̄ ní? I tām̄ rí tá ī-téliī ɓəlo yādə́ gə̄ ɓáý ní?

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

1 YÁ̰A̰ GƏ̄ 16:34

Ī-tɔ̄yī Kɔ́ɔ̄ɓē tɔdɔ̄ ni i nge kem majə ō, kem majə yān a to ngándáńg ō.

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

PĀ GƏ̄ 86:7

Ndɔ̄ ń wur kɔl əsōń dɔḿ tə́ ní m̄-ɓāríī, anī ī-ndigəm̄.

IJAI 32:2

Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

PĀ GƏ̄ 25:8

Kɔ́ɔ̄ɓē i de kə́ majə ngá̰ý ō, ni i de kə́ súmūú ngá̰ý ō. Ādə̄ ɔjə ngé rāā yá̰a̰ majaĺ gə̄ róbə́ ń kadə̄ unən̄ ní.

DANIEL 3:28

Nabukodonosor un najə̄ ɔr̄, əda na: Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄.

PĀ GƏ̄ 71:3

Ādə̄ ḭ̄ i mbal̄ ń m-ā m̄-déw gidə tə́ kadə̄ yá̰a̰ ɔdə rɔ̄ḿ aĺ ní, mbal̄ ń m-ásə kaw̄ tū tə́ kə kum mbang gə̄ malang ní. Ḭ̄ ī-gḛy kajəm̄. A̰á̰ā̰, ḭ̄ i mbal̄ yāḿ, ɓē kə́ ngan̄g ngá̰ý yāḿ.

PĀ GƏ̄ 91:15

Ré ɓārə́m̄ anī m-ā m̄-ndigən, m-ā m̄-ndi seneé dan wur kɔl tə́. M-ā m̄-gān̄g dɔn ō, m-ā m-ɔ́sə gɔnən ō.

PĀ GƏ̄ 59:16

Nin̄ njə̄rā a sāān̄ yá̰a̰ kəsa. Ré ndānə̄n̄ aĺ anī nōōn̄ ndɔ̄ɔ́ bátə́ loo tīī dɔdə́ tə́.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

DANIEL 6:23

Nə́ɓā yāḿ əla deē yān kə́ dɔ rā̰ tə́ adə̄ utə̄ ta ɓɔl gə̄ kɔ̄ɔ́, adə̄ ɓɔl gə̄ rāān̄ yá̰á̰ kógə̄ḿ kə́ majaĺ seḿ alé. Tɔdɔ̄ m̄-rāā yá̰á̰ gōtə́ aĺ kə Nə́ɓāá aĺ ō, kɔ́ɔ̄ ɓē gə̄, m̄-rāā yá̰á̰ kógə̄ḿ kə́ gōtə́ aĺ seí ḭ̄ aĺ ō!

Makətūbə̄ ń Pol ndang adə̄ Rom gə̄ ní 11:22

Majə kadə̄ ə̄ndā kumií á̰a̰ń rāā ń Nə́ɓā rāā kem majə kə de gēé ní ō, kəndā ń a əndā katə̄n dɔdə́ tə́ ní ō. Ni-əndā katə̄n i dɔ ngé gə̄ ń əsōn̄ tə́ ní, ɔjə kem majə yān i seí ḭ̄ḭ́ ō dan ń ə̄ndā kemií dɔ kem majə yān ń toō tə́ ní. Ré i beé aĺ anī, a tə́gāī kɔ̄ɔ́ tītə̄ yādə́ ō.

2 YÁ̰A̰ GƏ̄ 32:21

Anī Kɔ́ɔ̄ɓē əla de kə́ dɔ rā̰ tə́ yān kógə̄ḿ kem gérger yā mban̄g kə́ Asiri tə́ adə̄ tɔ̄l̄ go̰ rɔ̄ɔ̄ gə̄ malang kɔ̄ɔ́ ō, tɔ̄l̄ ngol ngé rɔ̄ɔ̄ gə̄ ō, de kə́ bo gə̄ ō. Mban̄g kə́ Asiri tél kə rɔ̄sɔl̄ gēé ta kaw̄ gogə́ ɓēé. Dan ń udə kem kújə yā nə́ɓā yān tə́ anī, ngán kemən nəkɔ́ gə̄ tɔ̄l̄nən̄ kə kaskaraá.

MATIYE 27:43

Ni-əndā kemən dɔ Nə́ɓā tə́ mámák adə̄ əda na ni na i Ngōn̄ Nə́ɓā ní, ré Nə́ɓā tárən anī, ādə̄ taān jī yo tə́ kə́ ngɔr ń toō tə́.

MATIYE 7:23

Tā anī m-ā m-ə́dádə́ wáńg na: m̄-ger̄sí sḛ́ý aĺ bátə́! Ī-téliī kə̄ gogə́ nú, na sḭḭ̄ i ngé rāā majaĺ gə̄!

ESDRAS 3:11

Nin̄ unən̄ pā tə́da ɔsən̄neé gɔn Kɔ́ɔ̄ɓē ō, ɓōkə́nən̄neé tɔ̄y ō ədan̄ na: Kɔ́ɔ̄ɓē i de kə́ majə, tár yān kə́ tām̄ yā Israel tə́ i táŕ kə́ ta ngóyn gətóo! Ngán Israel gə̄ urən̄ kɔĺ ngá̰ý ɔsən̄neé gɔn Kɔ́ɔ̄ɓē ō, tām̄ kəndā kə́ əndān̄ ngəra kújə yān ní tə́.

2 YÁ̰A̰ GƏ̄ 32:11

Ejekias ədasí na Kɔ́ɔ̄ɓē Nə́ɓā yāsí na a taāsí jīḿ tə́. Kógə̄ḿ alé, ni gól̄sí i mbée yā kadə̄ ɓō tɔ̄l̄sí ō, kəndā man̄ tɔ̄l̄sí ō.

2 YÁ̰A̰ GƏ̄ 32:8

Ngé rɔ̄ɔ̄ gə̄ ń seneé ní i de gə̄, banī jḭḭ̄ ɓáa Kɔ́ɔ̄ɓē Nə́ɓā yājí n i sejí ní. Ni a dḭḭ̄jí adə̄ a rɔ̄ɔ̄ dɔjí tə́. Najə̄ ń mban̄g Ejekias ɔr̄ ní adə̄ de gə̄ malang tɔ́gə.

1 YÁ̰A̰ GƏ̄ 5:20

Nə́ɓā rāā sedə́ loo rɔ̄ɔ̄ ní tə́. Ni-əla Hagəri gə̄ ō, de kə́ sedə́ gə̄ malang ō, kem jīdə́ tə́. Tɔdɔ̄ dan ń udən̄ rɔ̄ɔ̄ naā tə́ a rɔ̄ɔ̄n̄ naā ní, nin̄ əgan̄ kɔŕ kə̄ dɔ Nə́ɓā tə́ adə̄ Nə́ɓā oō ndūdə́ ba dḭḭ̄də́, tām̄ nin̄ ənīn̄ kemdə́ adə̄n̄ Nə́ɓā.

PĀ GƏ̄ 20:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

PĀ GƏ̄ 37:39

I Kɔ́ɔ̄ɓē n i nge kajə de kə́ súmūú gə̄ ní, ni i loo ndidə́ kə́ ngan̄g ngá̰ý ndɔ̄ ń a ngangə̄ń sedə́ tə́ ní.

PĀ GƏ̄ 37:40

Kɔ́ɔ̄ɓē rāā sedə́ ō, gān̄g dɔdə́ ō. Ni-gān̄g dɔdə́ jī ngé kem ndul gə̄ tə́ ō, ajədə́ ō, tɔdɔ̄ nin̄ rāānən̄ i loo ɓɔ̄ɔ̄ rɔ̄ yādə́ tə́.

JEREMI 16:19

Kɔ́ɔ̄ɓē, ḭ̄ ń i tɔ́gə́ḿ ō, nge ngɔ̄mə̄ḿ ō, loo ɓɔ̄ɔ̄ rɔ̄ yāḿ ndɔ̄ wur kɔl tə́ ō ní, nápar de gə̄ a ḭḭn̄ ta ngóy dɔ nang tə́ yā reē rɔ̄í tə́ yā kəda na: Yá̰á̰ ń kaají gə̄ əngen̄ loo nə̄ɓō naā yá̰á̰ tə́ ní, i yá̰á̰ kə́ rɔ̄kum alé ō, i yá̰á̰ kə́ kanjə̄ kumən kə́ yá̰á̰ kə́ yā rāań gətóo ō.

JEREMI 17:17

Ḭ̄ ń i loo ɓɔ̄ɔ̄ rɔ̄ yāḿ ndɔ̄ yá̰á̰ kə́ to kum kaȳ aĺ tə́ ní, ī-lōō rāām̄ kadə̄ m̄-sōl̄.

JEREMI 24:5

Kɔ́ɔ̄ɓē Nə́ɓā yā Israel ɔr̄ najə̄ i tītə̄ ń toō beé: M-ā m-á̰a̰ de kə́ Juda tə́ gə̄ ń əhɔn̄də́ aw̄n̄ sedə́ kem ɓē yā Kalde gə̄ tə́ ní kə kumḿ kə́ majaá tītə̄ loo ndə̄ngā kan̄ kótə̄ kə́ majə ngá̰ý gə̄ ń noō.

SOPONI 3:12

I de kə́ dansí tə́ gə̄ ń najə̄də́ gətóo ō, i ngé ndoō gə̄ ō ní ngóy n m-ā m-ə́yá̰də́ ní. Nin̄ a əngen̄ loo kə́ yā ɓɔ̄ɔń rɔ̄də́ kemḿ tə́.

2 YÁ̰A̰ GƏ̄ 13:18

Dan ngeé ń noō tə́ ní əlan̄ rɔ̄sɔl̄ dɔ Israel gə̄ tə́ banī Juda gə̄ tá tetən̄ rɔ̄ɔ̄, tām̄ nin̄ əndān̄ tɔ́gə́də́ i dɔ Kɔ́ɔ̄ɓē ń i Nə́ɓā yā kaadə́ gə̄ ní tə́.

PĀ GƏ̄ 9:10

Kɔ́ɔ̄ɓē i loo ɓɔ̄ɔ̄ rɔ̄ yā deē ń rāān̄ kumən ndoō tə́ ní, i loo ɓɔ̄ɔ̄ rɔ̄ yā de kə́ wur kɔl əsō dɔn tə́.

PĀ GƏ̄ 46:2

Nə́ɓā i loo ɓɔ̄ɔ̄ rɔ̄ yājí kə́ ngan̄g. Ni i nge dḭḭ̄jí kə́ ndi dɔ rɔ̄n tə́ ngándáńg yā rāā sejí ndɔ̄ kə́ wur kɔl əsōń dɔjí tə́.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.