NAHUM 1:5 - Bibəl ta Sar̄

⁵ Mbal̄ bo gə̄ ndewn̄ najə̄ yān tə́ ō, ngán mbal̄ gə̄ yéȳn̄ ō. Dɔ nang ndebə ta kumən tə́, dɔ nang kə taá malang kə de kə́ tū tə́ gēé, ndebə ta kumən tə́.

Bible sar

⁵ Mbal̄ bo gə̄ ndewn̄ najə̄ yān tə́ ō, ngán mbal̄ gə̄ yéȳn̄ ō. Dɔ nang ndebə ta kumən tə́, dɔ nang kə taá malang kə de kə́ tū tə́ gēé, ndebə ta kumən tə́.

NAHUM 1:5 Referans Kwoze

MISE 1:4

Mbal̄ bo gə̄ yḛḛ̄n̄ gír njan tə́ ō, wól loo gə̄ njarən̄ ō, tītə̄ tībə̄ tejə kə́ deē əndā kadə hor tə́ anī, yḛḛ̄ kɔ̄ɔ́ beē ō, tītə̄ man̄ kə́ ḭḭ loo kə́ kḭḭ kə̄ dɔɔ́ tə́ a nūgə̄ kum kə̄ nang tə́ beē ō.

JEREMI 4:24

M-á̰a̰ mbal̄ gə̄ anī, m-á̰a̰ kadə̄ a ndewn̄ ō, kadə̄ ngán mbal̄ gə̄ malang a yéȳn̄ ō.

2 SAMUEL 22:8

Loo ń noō tə́ dɔ nang ndebə ō, dɔ rā̰ yéȳ ō. Dan ń wōn̄g rāā Kɔ́ɔ̄ɓē ní, dɔ rā̰ ō, dɔ nang ō ndewn̄.

HABAKUK 3:10

Mbal̄ bo gə̄ a̰a̰īn̄ anī, ɓōĺ rāādə́ adə̄ ndewn̄. Man̄ edə kə tɔ́gɔ́ ō, bā bo nōō tītə̄ ɓɔl beé ō. Ni-rāā adə̄ bəngálən gə̄ ḭḭn̄ bátə́ aw̄ ugə̄n̄ dɔ rā̰ tə́.

PĀ GƏ̄ 68:8

Nə́ɓā, Nə́ɓā kə́ Sinai, Nə́ɓā yā Israel, dan ń ī-teē ī-njə̄rā kété no gír deē yāí gə̄ tə́ ní, dan ń ī-njə̄rā kem dəla loo tə́ ní, dɔ nang ndebə ō, dɔ rā̰ tetə man̄ adə̄ də̄yā̰ kété noí tə́ ō.

NGÉ SARYA 5:5

mbal̄ gə̄ télən̄ kə rɔ̄də́ kə̄ nang tə́ ta kumií tə́ ō, Kɔ́ɔ̄ɓē Nə́ɓā kə́ Sinai, Nə́ɓā yā Israel.

PĀ GƏ̄ 114:6

Mbal̄ bo gə̄, ī-tḭ́ḭ̄ bal tītə̄ bal batə̄ gə̄ i tām̄ rí tə́ ō, ngán mbal̄ gə̄, ī-tḭ́ḭ̄ bal tītə̄ ngán bə̄yā̰ gə̄ i tām̄ rí tə́ ō?

PĀ GƏ̄ 114:4

mbal̄ bo gə̄ tḭ́ḭ̄n̄ bal tītə̄ bal batə̄ gə̄ beé ō, ngán mbal̄ gə̄ tḭ́ḭ̄n̄ bal tītə̄ ngán bə̄yā̰ gə̄ beé ō.

PĀ GƏ̄ 98:7

Ādə̄ kōō bā bo kə yá̰a̰ malang kə́ tū tə́ ɓār̄ bu bu ō, ādə̄ kōō dɔ nang kə de kə́ dɔ nang tə́ gə̄ ɓār̄ ō.

PĀ GƏ̄ 46:6

Nə́ɓā i kem ɓē ní tə́ adə̄ ɓē ní a ndebə alé. Ni dḭḭ̄ ɓē ní dəloí ɓatə.

Teē Ngán Israel gə̄ 19:18

Dɔ mbal̄ Sinai i sa hor malang, tɔdɔ̄ Kɔ́ɔ̄ɓē risə reē dɔ tə́ kum hor tə́. Sa hor ní əɓa luk luk tītə̄ sa hor nə́ngā katə̄ beé ō, mbal̄ ndebə ngin ngin ō.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

MATIYE 28:2

Anī dɔ nang yéȳ ngá̰ý. De kə́ dɔ rā̰ tə́ kógə̄ḿ yā Kɔ́ɔ̄ɓē ḭḭ dɔ rā̰ tə́ jə̄ngā. Ni-reē ndūbə̄rū mbal̄ ń utə̄n̄neé ta bəlo ɓádə́ ní kɔ̄ɔ́, ba ndi dɔ tə́.

MATIYE 27:51

Anī kūbə̄ ń gāngə̄n̄neé kem kújə́ yā Kɔ́ɔ̄ɓē ní rə̄yā̰ naā tə́ jōó, dɔɔ́ bátə́ ugə̄ nang tə́. Dɔ nang ndebə ō, mbal̄ gə̄ njárə̄n̄ naā tə́ ō.

JEJU TEĒ KUM JA̰A̰ 6:14

Dɔ rā̰ aw̄ kɔ̄ɔ́ tītə̄ makətūbə̄ kə́ deē ɓír̄ gidə naā tə́ beé ō, mbal̄ bo gə̄ malang ō, dor̄ loo gə̄ malang ō, ndɔ́tə̄n̄ kɔ̄ɔ́ loo ndadə́ gə̄ tə́ ō.

PĀ GƏ̄ 18:7

Dan ń wur kɔl əsō dɔḿ tə́ ní m̄-ɓāŕ Kɔ́ɔ̄ɓē, m̄-nōō kə̄ dɔ Nə́ɓā yāḿ tə́ kadə̄ dḭḭ̄m̄. Ni-ndi kem kújə yān tə́ oō ndūḿ. Nōō yāḿ əsō mbīn tə́.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

IJAI 24:1

Kɔ́ɔ̄ɓē nujə dɔ nang, ni ɔy yá̰a̰ kənge kə́ tū tə́ dɔ gúú tə́. ni bugə́jū loo dɔ nang tə́ kɔ̄ɔ́, tə̄ndā de kə́ dɔ nang tə́ gə̄ tḭ̄ḭ̄də́ kə̄ loo gə̄ tə́.

IJAI 24:20

Dɔ nang bḭ́ḭ̄ tītə̄ de kə́ nge kasə rāā beé, ni mbo̰y tītə̄ kújə́ kámbə́ kə́ nél rāān beé. Yá̰a̰ rāān kə́ gōtə́ aĺ ɔyn adə̄ teē əsō, ni a asə kḭḭ dɔɔ́ gogə́ alé.

JOEL 2:10

Dɔ nang ndebə ō, dɔ rā̰ yéȳ ō. Mbang nin̄ kə nāá ō udən̄ tilií ō. Tə́yō̰ gə̄ unjə̄n̄ to̰ aĺ ō kété nodə́ tə́.

JAKARI 4:7

Ni-əda ɓáý to̰ na: Mbal̄ kə́ bo ń noō, i yá̰á̰ kə́ ngan̄g ngá̰ý a? Jorobabel a rāān yā kadə̄ a téĺ ndágə mbō. Ni a teē kə mbal̄ kə́ majə tām̄ kíĺ kújə yā Kɔ́ɔ̄ɓē tə́ i tū mbal̄ bo ń noō tə́. Adə̄ de gə̄ a əgan̄ kɔŕ a ədan̄ na: Á, i mbal̄ kə́ majə ngá̰ý a̰á̰, á, i mbal̄ kə́ majə ngá̰ý a̰á̰!

Makətūbə̄ yā Job 9:5

Ni ń i nge ndɔ́tə̄ kə mbal̄ gēé kɔ̄ɔ́ loo ndadə́ tə́ kanjə̄ kadə̄ nin̄ gerə̄n̄ gō ní, ni ń wōn̄g rāān anī mbə́rē tə́nīdə́ gagəranda ní,

Makətūbə̄ yā Job 26:11

Dan ń ni ndán̄g bir̄ njan gə̄ ń dɔ rā̰ ndi dɔ tə́ ní anī, doȳgə̄ ndewn̄ ō, ɓōĺ rāādə́ ō.

PĀ GƏ̄ 18:8

Loo ń noō tə́ wōn̄g rāā Kɔ́ɔ̄ɓē adə̄ dɔ nang yéȳ ō ndebə ō. Ngəra mbal̄ gə̄ ndāmə̄n̄ ngin ngin ō yéȳn̄ ō.

PĀ GƏ̄ 104:32

Ḭ̄ á̰a̰ dɔ nang anī ni ndebə. Ɔ́də mbal̄ bo gə̄ kə ta ngōn̄ jīí anī, əɓan̄ sa luk luk.

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

EJEKIEL 38:20

Kānjə̄ gə̄ kə́ kum bā bo tə́ ō, yel̄ kə́ dɔ rā̰ tə́ gə̄ ō, dā̰ kə́ bembeé gə̄ ō, lī kə́ kagə nang tə́ gə̄ ō, de kə́ dɔ nang tə́ gə̄ ō, nin̄ malang ní, ɓōĺ a rāādə́, adə̄ a ndewn̄ ta kumḿ tə́. Mbal̄ bo gə̄ a tə́sōn̄ ō, ngán mbal̄ gə̄ a tə́sōn̄ ō, ndogə̄ mbal̄ kógə̄ḿ kə́ yā ra dɔɔ́ a gətóo ō.

AMOS 9:5

Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, ɔdə dɔ nang kə jīneé anī dɔ nang ndew. De kə́ tū tə́ gə̄ malang əhɔn̄ ndoō. Tītə̄ bā Nil kə́ Ejiptə kə́ rosə kem kārə̄n ba rə̄ɓā kə̄ ndágá ní, nin̄ malang a ḭḭn̄, ba gō tə́ anī, a əsōn̄.