NAHUM 1:4 - Bibəl ta Sar̄

⁴ Ni ndán̄g bā bo, anī bā bo iī. Ni-rāā adə̄ ngán man̄ gə̄ malang gətóon̄ kɔ̄ɔ́ kem kār̄də́ gə̄ tə́. Anī loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ dɔ nang kə́ Basan tə́ ō, mbal̄ bo kə́ Karmel ō ní, yá̰a̰ malang kə́ ndi kə kumneé gətóo tū tə́ kɔ̄ɔ́ ō, hútə̄ yá̰a̰ gə̄ kə́ Liban ndəlén̄ kɔ̄ɔ́ ō.

Bible sar

⁴ Ni ndán̄g bā bo, anī bā bo iī. Ni-rāā adə̄ ngán man̄ gə̄ malang gətóon̄ kɔ̄ɔ́ kem kār̄də́ gə̄ tə́. Anī loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ dɔ nang kə́ Basan tə́ ō, mbal̄ bo kə́ Karmel ō ní, yá̰a̰ malang kə́ ndi kə kumneé gətóo tū tə́ kɔ̄ɔ́ ō, hútə̄ yá̰a̰ gə̄ kə́ Liban ndəlén̄ kɔ̄ɔ́ ō.

NAHUM 1:4 Referans Kwoze

IJAI 33:9

Ɓē əhɔ ndoō ō, tutə kɔ̄ɔ́ ō. Mbal̄ bo gə̄ kə́ Liban ń əlan̄ rɔ̄sɔl̄ dɔdə́ tə́ ngá̰ý ní, tutən̄ malang kɔ̄ɔ́. Ndágə mbō kə́ Saro̰ tə́ to i tītə̄ dəla loo beé. Kāgə̄ gə̄ gətóon̄ kɔ̄ɔ́ dɔ mbal̄ gə̄ kə́ Basan tə́ ō, dɔ mbal̄ gə̄ kə́ Karmel tə́ ō.

PĀ GƏ̄ 106:9

Ndán̄g bā tə̄ɓā gə̄, anī bā iī kə̄ ta jī gə̄ tə́ noō. Gō tə́ anī rāā adə̄ njə̄rān̄ kem kār̄ bā tə́ tītə̄ loo njə̄rā kem dəla loo tə́ beē.

IJAI 51:10

I ḭ̄ n ī-rāā adə̄ bā bo iī kɔ̄ɔ́ ní ō, ni ń i man̄ kə́ bo ngá̰ý ní. Ta tɔ̄l̄ ta anī, i ḭ̄ n ī-njar róbə kum bā bo tə́ loo kə́ ɗúú ngá̰ý tə́ ní. Ngé gə̄ ń ī-teē sedə́ ɓəloó ní, ḭ̄ ī-rāā adə̄ nin̄ mānə̄n̄ i loo ń noō tə́.

IJAI 44:27

Bā bo ń ɗúú ngá̰ý ní, m-ə́dan yá̰á̰ ń toō kadə̄ rāā, m-ə́da na: Ī-tél loo kə́ tutə. m̄-rāā adə̄ man̄ yāí iī kɔ̄ɔ́.

PĀ GƏ̄ 114:5

Bā bo, ā̰ȳ i tām̄ rí tə́? Bā Jurdḛ, ī-tél kə gōí i tām̄ rí tə́?

PĀ GƏ̄ 114:3

Bā bo a̰a̰də́ anī a̰ȳ kɔ̄ɔ́ ō, bā Jurdḛ a̰a̰də́ anī tél kə gōneé ō,

PĀ GƏ̄ 104:7

Ɔ́jə rāādə́ yá̰á̰ kə́ tōr̄ anī nin̄ a̰ȳn̄ naā. Oōn̄ kōō man̄ yāí ń ndang ní anī ɓōĺ rāādə́ adə̄ a̰ȳn̄ naā.

PĀ GƏ̄ 74:15

I ḭ̄ n ī-rāā ta róbə ādə̄ man̄ gə̄ əɓan̄neé ō, ādə̄ ngán man̄ gə̄ nūgə́n̄neé ō ní. I ḭ̄ n ī-rāā ādə̄ man̄ bā kə́ dum̄ kiī gə̄ iīn̄ kɔ̄ɔ́, adə̄ loo tél tutə káḿ káḿ kem kār̄də́ gə̄ tə́ ní.

MATIYE 8:26

Jeju ədadə́ na: Sḭḭ̄ ngé taā kem mámák aĺ gə̄, ī-ɓōlíī i tām̄ rí tə́? Tā anī ḭḭ dɔɔ́ ndán̄g nél ō, bā bo ō, anī loo tél to kúkúkú.

AMOS 5:8

I ni n rāā ɓūtə̄ tə́yō̰ gə̄ ní: Adə̄ i ngáń ngé rāā kār̄ gə̄ ō, dɔgə́ loo tīī ō. Ni tūr̄ loo kə́ risə til nding adə̄ tél loo kə́ unjə̄ kow kə́ dəloí ō, ɓɔ̄ɔ̄ loo kə́ kadaá yā kadə̄ loo kə́ ndɔ̄ɔ́ teēń ō. Ni ɓāŕ man̄ bā bo ba ɓōkə́n dɔ nang tə́. Rīn na i Kɔ́ɔ̄ɓē.

AMOS 1:2

Amos əda na: Kɔ́ɔ̄ɓē nōō tītə̄ ɓɔl beé dɔ mbal̄ kə́ Siyo̰ tə́. A̰á̰ā̰, ni-ra Jerusalem rāań adə̄ de gə̄ oōn̄ ndūn. Loo gə̄ ń a aw̄n̄ kə yá̰a̰ kul̄ gēé tūtə̄ kadə̄ əsan̄ yá̰a̰ ní majən̄ aĺ ngá̰ý. Dɔ mbal̄ Karmel i kə́ tutə káḿ káḿ kɔ̄ɔ́.

EJEKIEL 30:12

M-ā m̄-rāā kadə̄ ta jī bā Nil kə́ tɔ̄gə̄ iīn̄ kɔ̄ɔ́ ō, m-ā m-ə́la ɓē kem jī de kə́ majaĺ gə̄ tə́ ō. M-ā m̄-nujə ɓē kɔ̄ɔ́ ō, M-ā m̄-nujə yá̰a̰ kənge yān gə̄ malang kɔ̄ɔ́ ō, kə ta kūl̄ tə̄rā gə̄. I mā Kɔ́ɔ̄ɓē n m-ə́da najə̄ ń noō ní.

Makətūbə̄ yā Job 38:11

ba m-ə́dan na: Ā ī-reē bátə́ yā kugə̄ loo ń toō tə́ laā, ba ā ī-mān̄ dɔ loo ń toō alé. A̰á̰ā̰, bəngál man̄ yāí gə̄ ń ɔjən̄ rɔ̄də́ ngá̰ý ní, a dəban̄ loo ń toō tə́ laā!

TA KƏLA 8:1

Anī əga kem Nə́ɓā dɔ Noe tə́ ō, dɔ dā̰ kə́ bembeé gə̄ tə́ ō, kə́ ɓēé gə̄ tə́ ō ń nin̄ i seneé kem toó ní. Adə̄ ni-rāā adə̄ nél əla dɔ nang tə́ adə̄ man̄ iī.

JOJUE 3:16

bā lōō gír nūgə́ tə́ ba dəba tītə̄ kə́ deē gān̄g gírən i kə babəraá. Man̄ dəba i sa̰y, ɓē ń rīn na i Dam ní tə́, kadə Sartan tə́, ba dāmə̄n ń a nūgə́ kum kə̄ bā katə̄ kə́ Araba tə́ ní gətóo kɔ̄ɔ́ malang, loo ń noō tə́ gír de gə̄ teēn̄ bā Jurdḛ kə̄ gidə kə́rēý tə́, teēn̄ i loo ń ra sɔɔ̄n̄ ta naā kə ɓē kə́ Jeriko ní tə́.

2 SAMUEL 22:16

Ndū Kɔ́ɔ̄ɓē ń ndángəń loo ní ō, koō ń teē kɔ́nən tə́ ō ní, rāā adə̄ gír bā bo teē dɔɔ́ ō, gír ngəra dɔ nang teē dɔɔ́ ō.

IJAI 42:15

M-ā m̄-nujə mbal̄ bo gə̄ kə ngán mbal̄ gə̄ kɔ̄ɔ́ ō, yá̰a̰ malang ń a əɓa tū tə́ ní, m-ā m̄-rāā kadə̄ a tutə kɔ̄ɔ́ ō. M-ā m̄-rāā kadə̄ bā gə̄ a télən̄ dɔ nang kə́ ngan̄g ō, m-ā m̄-rāā kadə̄ dang man̄ kə́ bo gə̄ iīn̄ kɔ̄ɔ́ ō.

EJEKIEL 38:20

Kānjə̄ gə̄ kə́ kum bā bo tə́ ō, yel̄ kə́ dɔ rā̰ tə́ gə̄ ō, dā̰ kə́ bembeé gə̄ ō, lī kə́ kagə nang tə́ gə̄ ō, de kə́ dɔ nang tə́ gə̄ ō, nin̄ malang ní, ɓōĺ a rāādə́, adə̄ a ndewn̄ ta kumḿ tə́. Mbal̄ bo gə̄ a tə́sōn̄ ō, ngán mbal̄ gə̄ a tə́sōn̄ ō, ndogə̄ mbal̄ kógə̄ḿ kə́ yā ra dɔɔ́ a gətóo ō.

PĀ GƏ̄ 18:16

Kɔ́ɔ̄ɓē, nang kə́ gír bā bo tə́ ō kə́ gír ngəra dɔ nang tə́ ō ní, dɔdə́ teē ndágá i kə ta kūl̄ ndán̄g rɔ̄ yāí ō, i kə ta kūl̄ koō kə́ kó̰ní tə́ ń ə̄nī pḭḭ ō ní.