NAHUM 1:3 - Bibəl ta Sar̄

³ Kɔ́ɔ̄ɓē i de kə́ nge tə́gā tan ō, tɔ́gən i ngá̰ý ō. Banī deē ń najə̄ i dɔn tə́ ní, ni a əya̰n karī kanjə̄ kəndan alé. Dan ń ni a mān̄ anī, nél man̄ kə́ ngan̄g ngá̰ý əla. Kil̄ man̄ i bumbə́rú kə́ gír njan tə́.

Bible sar

³ Kɔ́ɔ̄ɓē i de kə́ nge tə́gā tan ō, tɔ́gən i ngá̰ý ō. Banī deē ń najə̄ i dɔn tə́ ní, ni a əya̰n karī kanjə̄ kəndan alé. Dan ń ni a mān̄ anī, nél man̄ kə́ ngan̄g ngá̰ý əla. Kil̄ man̄ i bumbə́rú kə́ gír njan tə́.

NAHUM 1:3 Referans Kwoze

PĀ GƏ̄ 147:5

Kɔ́ɔ̄ɓē yājí i de kə́ bo ō, tɔ́gən i ngá̰ý ō. Deē asə mbɔ̄jə́ ger̄ yá̰a̰ yān alé.

NEHEMI 9:17

Nin̄ mbātə́n̄ koō ō, dɔdə́ ndígə̄nal yá̰á̰ kə́ yáā gə̄ ń ī-rāā tām̄ yādə́ tə́ ní kɔ̄ɔ́ ō. Nin̄ rāān̄ dɔ ngan̄g ō, loo dum̄ naā yādə́ tə́ ní gírə̄n̄ tél kaw̄ Ejiptə ta kəla ɓəlo yādə́ tə́ gogə́ ō. Banī ḭ̄ i Nə́ɓā kə́ ā ī-mā̰ȳ rɔ̄í ō, kemií majə ō, kumií a o̰o̰ī ō, ī-rāā wōn̄g láẃ aĺ ō, ī-rāā kem majə ngá̰ý ō, adə̄ ə́yá̰də́ kɔ̄ɔ́ alé.

PĀ GƏ̄ 145:8

Kɔ́ɔ̄ɓē i nge kem ndaa ō kumən a o̰o̰n ō, i de kə́ a tə́gā tan ō, kemən majə ngá̰ý ō.

PĀ GƏ̄ 104:3

Kɔ́ɔ̄ɓē tə́ndā kújə yān gə̄ dɔ naā tə́ dɔ man̄ kə́ dɔɔ́ gə̄ tə́. Rāā kil̄ man̄ gə̄ i púsə́ sə́nda yān gə̄ tə́. Ndi i dɔ bɔ̄gə̄ néĺ tə́ n a njə̄rań ní.

PĀ GƏ̄ 103:8

Kɔ́ɔ̄ɓē i de kə́ kumən a o̰o̰n ō, a a̰a̰ kum tō ndoō yā deē ō, rāā wōn̄g láẃ aĺ ō, rāā kem majə ngá̰ý ō.

JAKƏ 1:19

Ngákó̰ó̰ḿ kə́ kó tár yāḿ gə̄, majə kadə̄ ī-gerī yá̰á̰ ń toō: Ī-nēlī mbīsí majə ōōīneé najə̄ láẃ, banī ɔ̄rī najə̄ láẃ aĺ ō, ī-rāāī wōn̄g láẃ aĺ ō.

JAKARI 9:14

Loo ń noō tə́ Kɔ́ɔ̄ɓē a teē hɔy dɔdə́ tə́ dɔɔ́ ō, kum gərā yān a teē tītə̄ tel̄ man̄ beé ō. Kɔ́ɔ̄ɓē Nə́ɓā a kɔ̄ŕ bərúnjə. Man̄ kə́ a edə kə néĺ kə́ əla kə ngangá ngá̰ý ń a ḭḭ dām̄ mbɔ́r ɓē kə́ geleé tə́ yā reē ní, ni a reēń.

IJAI 66:15

Tām̄ á̰a̰ī Kɔ́ɔ̄ɓē n toó: Ni a reē i kum hor tə́, púsə rɔ̄ɔ̄ yān gə̄ ton̄ tītə̄ nél man̄ kə́ əla kə ngangá ngá̰ý beē. Ni-reē i kɔjə wōn̄g yān kə́ to ɓōĺ ngá̰ý tə́ ō, i kəla ɓōló kem de gə̄ tə́ tə́ kə ta ndo̰ hor gēé ō.

Makətūbə̄ yā Job 9:4

Rɔ̄kum, tɔ́gən ni i ngá̰ý al̄ naā ō, i de kə́ ger̄ najə̄ ngá̰ý al̄ naā ō. I náā n ənīn rɔ̄ɔ̄ kanjə̄ ɓōĺ ō, teē kum tə́ kanjə̄ kadə̄ yá̰á̰ kógə̄ḿ rāān ō ní?

TƏ́DA 14:18

Kɔ́ɔ̄ɓē i de kə́ nge rāā wōn̄g láẃ aĺ ō, nge rāā kem majə ngá̰ý ō, nge kəndā njan dɔ yá̰á̰ kə́ gōtə́ aĺ kə́ deē rāā tə́ ō, dɔ dum̄ naā yā deē tə́ ō. Banī deē ń najə̄ əhɔn̄ ní, a mbəre najə̄ dɔn tə́ kɔ̄ɔ́ aĺ ō, yá̰á̰ kə́ majaĺ gə̄ ń bəra ngán gə̄ rāān̄ ní, a ənda ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō najə̄n tə́.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

MATIYE 26:64

Jeju tūr̄ ədan na: Īkɔ́ ə́da. Banī m-ə́dásí najə̄ kə́ rang ɓáý to̰, əla gír ngɔr ń toō tə́ ní ā á̰a̰ī Ngōn̄ Deē a ndi dɔ jī ko̰ Nə́ɓā kə́ bo kə́ tɔ́gən i ngá̰ý tə́ ō, ā á̰a̰niī loo reē tə́ dɔ kil̄ man̄ kə́ no rā̰ tə́ tə́ ō.

JONAS 4:2

Ni ndɔ̄ȳ Kɔ́ɔ̄ɓē tītə̄ ń toō beé əda na: Ha̰, Kɔ́ɔ̄ɓē, m̄-ger̄ majə i dan ń mā i kem ɓē yāḿ tə́ nú ɓáý ní. m̄-ger̄ kadə̄ ḭ̄ i de kə́ majə ngá̰ý ō, kumií o̰ō̰ī ngá̰ý ō, ḭ̄ i de kə́ nge tə́gā taí dɔ deē tə́ ō, ḭ̄ i de kə́ táŕ ngá̰ý ō, ré ə́la ɓōĺ kem deē tə́ anī, ī-tél ā ī-ndə̄ngā rɔ̄í ō.

DANIEL 7:13

m̄-na̰y kə̄ loo ka̰a̰ yá̰a̰ gə̄ tə́ kem nī tə́ ndɔ̄ɔ́: M-á̰á̰ yá̰á̰ kógə̄ḿ a reē naā tə́ kə kil̄ man̄ gēé tītə̄ ngōn̄ deē ndul beé. Reē bátə́ teē rɔ̄ de kə́ tɔgə ɓə́gá ní tə́, anī aw̄n̄ seneé rɔ̄n tə́.

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

PĀ GƏ̄ 66:3

ə́daī Nə́ɓā na kəla rāān gə̄ na ton̄ ɓōĺ ngá̰ý ō, dan ń madə̄ ba̰ā̰n gə̄ na a̰a̰n̄ tɔ́gən kə́ ngá̰ý al̄ naā anī, na lōn̄ gír kɔsə rɔ̄də́ kə̄ dɔɔ́ tə́ ō,

PĀ GƏ̄ 62:11

Ī-lōōī kəndā kemsí dɔ dɔ́nɔ́ tə́, ī-lōōī kəndā kemsí dɔ yá̰á̰ kə́ ɓogə tə́. Ré yá̰a̰ kənge yāsí reē ngá̰ý kə̄ dɔ naā tə́ anī, ī-lōōī kəndā kemsí dɔ tə́.

Makətūbə̄ yā Job 38:1

Kɔ́ɔ̄ɓē ɔr̄ najə̄ kə Jobó kum nél balway tə́ əda na:

Makətūbə̄ yā Job 10:14

I kadə̄ ré m̄-rāā yá̰a̰ majanī, á̰a̰m̄ ō, m̄-rāā yá̰a̰ gōtə́ aĺ anī, ə́da na najə̄ na gətóo dɔḿ tə́ aĺ ō.

JOEL 2:13

Ī-rə́yā̰ī dan wursí gə̄ ba i kūbə̄ kə́ rɔ̄sí tə́ gə̄ alé. Ī-téliī kə̄ rɔ̄ Kɔ́ɔ̄ɓē Nə́ɓā yāsí tə́. Ni i Nə́ɓā kə́ kumən a o̰o̰n ō, kə́ nge kem majə ō, kə́ a rāā wōn̄g láẃ aĺ ō, kə́ nge ra dɔ ndūn tə́ ō. Ni i nge lōō gír yá̰á̰ kə́ to kum kaȳ aĺ ń núm̄ kemən tə́ yā rāā kə deē ní ō.

PĀ GƏ̄ 50:3

Ādə̄ Nə́ɓā yājí reē ba ndi tan mbóo alé! Hor kógə̄ḿ a o̰o̰ loo kété non tə́ ō, néĺ kə́ ngan̄g ngá̰ý əla kə gō gidəneé ō.

2 SAMUEL 22:10

Kɔ́ɔ̄ɓē tetə ta dɔ rā̰ kə̄ nang tə́ ba risə nang tə́. Kil̄ man̄ kə́ ndul ndí ndḭ́ i gír njan tə́.

IJAI 29:6

Kɔ́ɔ̄ɓē kə́ bo kə́ tɔ́gən i ngá̰ý ní, rāā yá̰á̰ kógə̄ḿ kə ta kūl̄ man̄ kə́ ndang, kə kōō yá̰á̰ kógə̄ḿ kə́ ɓār̄ to ɓōĺ ngá̰ý, kum nél man̄ kə́ əla kə ngangá ngá̰ý tə́ ō, kə ta ndo̰ hor kə́ a nujə looó ō.

JEREMI 4:13

Á̰a̰ī, madə̄ ba̰ā̰jí n a reē tītə̄ kil̄ man̄ yā kənījí rɔ̄ɔ̄ toó. Púsə rɔ̄ɔ̄ yān gə̄ ton̄ tītə̄ nél balway. Sə́nda yān gə̄ ɔlən̄ tɔȳ kə̄rō. Jḭḭ̄ i kə rɔ̄ tō ndoó tɔdɔ̄ nujən̄ sejí sák sák kɔ̄ɔ́.

OJEE 8:7

Dan ń sḭḭ̄ ī-rāāī yá̰á̰ kə́ majaĺ ní, ā ī-ndíbī horən. Gémē kə́ ɔr̄ dɔn aĺ a teē ndujə̄ alé. Ba ré teē ndujə̄ anī, tə̄rā gə̄ a əsan̄ kɔ̄ɔ́.