NAHUM 1:2 - Bibəl ta Sar̄

² Kɔ́ɔ̄ɓē i Nə́ɓā kə́ nge rāā jang. Ni ənda madə̄ ba̰ā̰n gə̄ tām̄ yá̰a̰ rāādə́ kə́ gōtə́ aĺ tə́. Wōn̄g yān to ɓōĺ ngá̰ý. Ni ənda ngé rɔ̄ɔ̄ seneé gə̄ tām̄ yá̰a̰ rāādə́ kə́ gōtə́ aĺ tə́ ō, yá̰á̰ kə́ majaĺ ń nin̄ rāān̄ ní, dɔn ndígə̄nal aĺ ō.

Bible sar

² Kɔ́ɔ̄ɓē i Nə́ɓā kə́ nge rāā jang. Ni ənda madə̄ ba̰ā̰n gə̄ tām̄ yá̰a̰ rāādə́ kə́ gōtə́ aĺ tə́. Wōn̄g yān to ɓōĺ ngá̰ý. Ni ənda ngé rɔ̄ɔ̄ seneé gə̄ tām̄ yá̰a̰ rāādə́ kə́ gōtə́ aĺ tə́ ō, yá̰á̰ kə́ majaĺ ń nin̄ rāān̄ ní, dɔn ndígə̄nal aĺ ō.

NAHUM 1:2 Referans Kwoze

JAKARI 8:2

Mā Kɔ́ɔ̄ɓē kə́ bo kə́ tɔ́gə́ḿ i ngá̰ý, m̄-tár ɓē kə́ Jerusalem i kə táŕ kə́ o̰o̰ hor bir bir. Tár ngeé ń toō o̰ō̰m̄ tītə̄ hor kə́ o̰o̰ loo beé.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

PĀ GƏ̄ 94:1

Kɔ́ɔ̄ɓē, Nə́ɓā kə́ nge rāā ba̰ā̰, Nə́ɓā kə́ nge rāā ba̰ā̰, ɔ́jə kə̄ ndágá kadə̄ ī-ndi noó.

Teē Ngán Israel gə̄ 34:14

Ā ɔ́siī nosí nang tə́ no nə́ɓā kə́ rang tə́ alé, tɔdɔ̄ rīḿ mā Kɔ́ɔ̄ɓē na i Nge rāā jang. Mā i Nə́ɓā kə́ nge rāā jang.

JOJUE 24:19

Tā anī Jojue əda de gə̄ na: Ā ásiī rāā kəla yā Kɔ́ɔ̄ɓē alé, tɔdɔ̄ ni i Nə́ɓā kə́ táĺ ō, Nə́ɓā kə́ nge rāā jang ō. Ni a tə́gā tan dɔ mbātə́ najə̄ yāsí gə̄ tə́ aĺ ō, dɔ majaĺ yāsí gə̄ tə́ aĺ ō.

HEBƏRO 10:30

Tɔdɔ̄ jə-gerī nge ń əda na: I mā n i nge dal ba̰ā̰ ní, i mā n i nge kəndā nja de gə̄ tām̄ kəla rāādə́ gə̄ tə́ ní. Ni-əda ɓáý to̰ na: Kɔ́ɔ̄ɓē a gān̄g sarya dɔ deē yān gə̄ tə́.

IJAI 42:13

Kɔ́ɔ̄ɓē njə̄rā kə̄ kété tītə̄ áskar kə́ nge wur kil beé, ni əhɔ rɔ̄n tɔgə tītə̄ de kə́ nge rɔ̄ɔ̄ beé. Ni ur kɔĺ rɔ̄ɔ̄ kə tɔ́gəneé, rɔ̄ɔ̄ madə̄ ba̰ā̰n gə̄ tītə̄ áskar kə́ nge wur kil beé.

NDŪ NAJƏ̄ 4:24

Tām̄ Kɔ́ɔ̄ɓē Nə́ɓā yāsí i hor kə́ a o̰o̰ loo. Ni i Nə́ɓā kə́ nge rāā jang.

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

Makətūbə̄ ń Pol ndang adə̄ Rom gə̄ ní 12:19

Kó tár yāḿ gə̄, ī-lōōī dal ba̰ā̰. Əya̰ī ba̰ā̰ ādī Nə́ɓā, tɔdɔ̄ Kɔ́ɔ̄ɓē əda tītə̄ ń toō beé kem makətūbūú na: Ī mə̄kɔ́ ń m-ā m̄-dal ba̰ā̰, i mə̄kɔ́ n m-ā m-ə̄ndā nja deē kógə̄ḿ kógə̄ḿ malang kə gō kəla rāādə́ gēé ní.

JOEL 2:18

Nə́ɓā rāā jang tām̄ yā ɓē yān tə́. Ni-a̰a̰ kum tō ndoō yā gír deē yān gə̄.

EJEKIEL 39:25

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, kumḿ a o̰o̰m̄ tām̄ yā Israel gə̄ tə́, kumḿ a o̰o̰m̄ tām̄ yā ngé gə̄ ń Jakob ojədə́ ní tə́. M-ā m̄-tél kə dəngáy yādə́ gēé yā reē sedə́ gogə́ ō, m-ā m̄-rā kə de gə̄ malang ta ɓōĺ gidə rīḿ kə́ táĺ ō.

EJEKIEL 6:12

Ngé gə̄ ń ndin̄ sa̰y ní, a oy yo mo̰y ngāl̄bɔ̄gīí. Ngé gə̄ ń ndin̄ ngɔr ní, a a tɔ̄lə̄n̄də́ ta rɔ̄ɔ̄ tə́. Ngé gə̄ ń a teēn̄ ta yo tə́ ní, a oyn̄ yo ɓō. M-ā m̄-bəgā wōn̄g yāḿ dɔdə́ tə́ bátə́ ta tɔ̄l̄ ta tə́.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

IJAI 51:20

Ngání gə̄ ton̄ nang tə́ bəlim bəlim kíĺ róbə kɔsə gə̄ tə́ malang. Nin̄ ton̄ loo ń noō tə́, tɔ́gə́də́ gətóo, tītə̄ jal̄ gə̄ kə́ gūmbə̄ əhɔdə́. Nə́ɓā yāí əndadə́ kə ndéy ɓōĺ kə́ ni-əla kemdə́ tə́.

IJAI 51:17

Jerusalem, ī-ndól̄, ī-ndól̄! Ḭ́ḭ ī-ra dɔɔ́! Kɔ́ɔ̄ɓē rāā adə̄ ā̰ȳ kasə kə́ kem kópə wōn̄g yān tə́. Ḭ̄ ā̰ȳ i malang, adə̄ ḭḭ̄ noí.

Makətūbə̄ yā Job 20:23

Dan ń ndi a kán̄ yá̰a̰ kə̄ kemən tə́ kadə̄ rosə kemən anī, Nə́ɓā a bə̄gā wōn̄g yān dɔn tə́. Wōn̄g ní a edə kə́ man̄ tə́ dɔn tə́ kum gotə yá̰a̰ kəsa.

LEBI GƏ̄ 26:28

m-ā m̄-mbātə́ najə̄ tasí tə́ kə wōngōó ngá̰ý. M-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

Makətūbə̄ ń Pol ndang adə̄ Rom gə̄ ní 13:4

Tɔdɔ̄ ni i nge kəla yā Nə́ɓā tām̄ yāí tə́, yā rāań seí kadə̄ ī-rāā yá̰á̰ kə́ majə gə̄. Ba ré ī-rāā yá̰á̰ kə́ majaĺ tā anī, ādə̄ ɓōĺ rāāī, tɔdɔ̄ ré kaskar i jīn tə́ anī, i karī alé. Tɔdɔ̄ ni i nge kəla yā Nə́ɓā kə́ nge kɔjə wōn̄g yā Nə́ɓā kə̄ ndágá dɔ nge rāā yá̰á̰ kə́ majaĺ tə́.

JAKARI 1:14

De kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, mērə̄m̄ kəda najə̄ yā Kɔ́ɔ̄ɓē kə́ bo kə́ tɔ́gən i ngá̰ý ń toō: Ɓē kə́ Jerusalem ō, mbal̄ bo kə́ Siyo̰ ō ní, nelə̄m̄ sedə́ ngá̰ý.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

EJEKIEL 38:18

Banī Gog, ndɔ̄ń a ə̄niń Israel rɔ̄ɔ̄ tə́ ní, wōn̄g a rāām̄ ngá̰ý. I mā Kɔ́ɔ̄ɓē Nə́ɓā n m-ə́da najə̄ ń noō ní.

EJEKIEL 36:6

Tām̄ najə̄ ń toō tə́ ní, ḭ̄ ngōn̄ deē, ə́da ɓē kə́ Israel najə̄ ń m-ə̄ndā taí tə́ ní. Ā ə́da mbal̄ bo gə̄ ō, ngán mbal̄ gə̄ ō, man̄ dɔ mbal̄ gə̄ ō, wól loo gə̄ ō, na mā Kɔ́ɔ̄ɓē Nə́ɓā m-ā m-ə́ya̰ wōn̄g yāḿ kə́ ngá̰ý dɔɔ́ kadə̄ a rāā kəla. M-ə́dádə́ na: Nápar de gə̄ əlan̄ rɔ̄sɔl̄ dɔsí tə́.

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

EJEKIEL 5:13

M-ā m̄ bə̄gā wōn̄g yāḿ dɔsí tə́, m-ā m̄-bə̄gā wōn̄g yāḿ dɔsí tə́ bátə́ ta tɔ̄l̄ ta tə́, adə̄ m-ā m̄-dal ba̰ā̰. Loo ń noō tə́ ā ī-gerī kadə̄ deē ń ɔr̄ najə̄ sesí ní, i mā Kɔ́ɔ̄ɓē. Tɔdɔ̄ m-ásə́ tə́gā taḿ dɔ mbātə́ ndi dɔ kənī ndū yāsí tə́ alé.

NŌŌ RƆ̄ 4:11

Wōn̄g rāā Kɔ́ɔ̄ɓē al̄ naā, adə̄ bə̄gā wōn̄g kə́ ngá̰ý ní dɔ ɓē kə́ Siyo̰ tə́. Ni-əla hor dɔ tə́ adə̄ o̰o̰ gír gisə ɓē.

JEREMI 36:7

Majanī ndɔ̄ȳ yādə́ a ugə̄ ta kum Kɔ́ɔ̄ɓē tə́ ō, nin̄ kógə̄ḿ kógə̄ḿ a tūrə̄n̄ yá̰a̰ rāādə́ kə́ majaĺ gə̄ ō, tɔdɔ̄ wōn̄g ō, wōn̄g kə́ ngá̰ý ō ń Kɔ́ɔ̄ɓē rāā kə gír de gə̄ ń toō ní to ɓōĺ ngá̰ý.

JEREMI 25:15

Yá̰á̰ ń Kɔ́ɔ̄ɓē, Nə́ɓā yā Israel ədam̄ ní n toó: Ī-taā kópə kasə nduú ń toō jīḿ tə́, ādə̄ nápar de gə̄ malang ń m-ā m-ə́laī kə̄ rɔ̄də́ tə́ ní ādə̄ a̰ȳn̄, i kasə wōn̄g yāḿ.

JEREMI 3:5

Nə́ɓā a rāā wōn̄g seḿ kə̄ non tə́ a? Ni a əhɔm̄ kemən tə́ kə́ njɔ́ḿ gə̄ tə́ a? Banī, taí a ɔ̄r najə̄ ō, ā ī-rāań yá̰á̰ kə́ majaĺ kə̄ noí tə́ kə́ nja ngáā tə́ ō.

IJAI 66:15

Tām̄ á̰a̰ī Kɔ́ɔ̄ɓē n toó: Ni a reē i kum hor tə́, púsə rɔ̄ɔ̄ yān gə̄ ton̄ tītə̄ nél man̄ kə́ əla kə ngangá ngá̰ý beē. Ni-reē i kɔjə wōn̄g yān kə́ to ɓōĺ ngá̰ý tə́ ō, i kəla ɓōló kem de gə̄ tə́ tə́ kə ta ndo̰ hor gēé ō.

NDŪ NAJƏ̄ 7:10

Banī ngé gə̄ ń im̄nən̄ ní a rāādə́ yá̰á̰ kə́ tōr̄ kə̄ ta jī tə́ noō kanjə̄ kɔr bā̰ā̰ kadə̄ oyn̄ kɔ̄ɔ́.

JEREMI 28:8

Jóo nəkɔ́ ń toō ní, ngé koō ta gə̄ ń ɔrə̄n̄ najə̄ noḿ mā tə́ ō, noí ḭ̄ tə́ ō ní, ədan̄ i najə̄ kə́ sɔɔ̄ dɔ ɓē kə́ ngá̰ý gə̄ ō, ɓē ko̰o̰ kə́ bo gə̄ ō, adə̄ tāān̄ de gə̄ i najə̄ rɔ̄ɔ̄ ō, yá̰á̰ kə́ to kum kaȳ aĺ ō, mo̰y ngāl̄bɔ̄gīí ō.

EJEKIEL 38:19

Kem wōn̄g yāḿ kə́ ngá̰ý tə́ ní, m̄-túbə́ m-ə́da na: Ndɔ̄ ń noō tə́ ní ngá̰ý dɔ nang kə́ Israel tə́.

Teē Ngán Israel gə̄ 34:7

M-ā m̄-rāā majə kə de gēé ō, kə ngáńdə́ gēé ō, bátə́ ugə̄ń dɔ gír kojə yādə́ kə́ nge ko̰ dūbú tə́ ō, tɔdɔ̄ m-ā m̄-tə́gā taḿ dɔ yá̰á̰ kə́ gōtə́ aĺ gə̄ ń a rāān̄ tə́ ní ō, dɔ mbātə́ najə̄ yādə́ gə̄ tə́ ō, majaĺ yādə́ gə̄ tə́ ō. Banī deē ń najə̄ i dɔn tə́ ní, m-ā m̄-rāān de kə́ najə̄ gətóo dɔn tə́ tə́ alé. Deē ń rāā majaĺ ní, m-ā m-ə́ndá ngánən gə̄ ō, ngán kaan gə̄ ō, kaa gugūn gə̄ ō, kaa dɔgən gə̄ ō, tām̄ majaĺ ní tə́.

TƏ́DA 25:11

Pinas ngōn̄ Eleajar kə́ ngōn̄ Aaro̰ ń ni i nge tun̄ yá̰á̰ ní un wōn̄g yāḿ kɔ̄ɔ́ dɔ ngán Israel gə̄ tə́. Tɔdɔ̄ jang rāān kum gotəḿ dan ngán Israel gə̄ tə́. I yá̰á̰ ń toō n m̄-tɔ̄l̄ Israel gə̄ adə̄ təgān̄ kɔ̄ɔ́ alé dan ń jang yāḿ ɔsəń seḿ ní.

JEREMI 50:15

Ə́gaī kɔŕ tetə rɔ̄ɔ̄ dɔn tə́ kə̄ ta loo gə̄ tə́ malang. Kāgə̄ ngaa dan kújə yān kə́ ngan̄g gə̄ tétə̄n̄ kɔ̄ɔ́, ndogə̄ mbal̄ yān gə̄ əndan̄ nang kɔ̄ɔ́. I Kɔ́ɔ̄ɓē n dal ba̰ā̰ ní. Ī-daliī ba̰ā̰ dɔn tə́, ī-rāain̄ yá̰á̰ ń ni-rāā kə madə̄n gēé ní.