NAHUM 1:1 - Bibəl ta Sar̄

¹ Najə̄ kə́ dɔ ɓē kə́ Ninibə tə́ i kem makətūbə̄ ń toō tə́. Nə́ɓā ɔjə Nahum nge koō ta kə́ kem ɓē kə́ Elkos tə́ adə̄ ger̄, i kə ta kūl̄ yá̰á̰ kə́ Nahum a̰ā̰.

Bible sar

¹ Najə̄ kə́ dɔ ɓē kə́ Ninibə tə́ i kem makətūbə̄ ń toō tə́. Nə́ɓā ɔjə Nahum *nge koō ta kə́ kem ɓē kə́ Elkos tə́ adə̄ ger̄, i kə ta kūl̄ yá̰á̰ kə́ Nahum a̰ā̰.

NAHUM 1:1 Referans Kwoze

SOPONI 2:13

Kɔ́ɔ̄ɓē a rāā yá̰á̰ kógə̄ḿ kə gō nang kə́ dām̄ mbɔ́r ɓē kə́ ko̰ó̰ tə́, ni a rāā kadə̄ dɔ nang kə́ Asiri a tél kɔkərɔ gə̄ kə́ kánə̄n̄də́ dɔ naā tə́ bing. Ni a nujə ɓē kə́ Ninibə kɔ̄ɔ́, adə̄ ɓē kə́ Ninibə a tél loo kə́ tutə tītə̄ loo kə́ dəla loo tə́ beē.

JAKARI 9:1

Najə̄ yā Kɔ́ɔ̄ɓē. Najə̄ yā Kɔ́ɔ̄ɓē ugə̄ gō nang kə́ Hadərak tə́ ō, dəba Damas ō. Tām̄ Kɔ́ɔ̄ɓē a̰a̰ i gír ɓē gə̄ yā Israel ngóy alé, banī deē ndul gə̄ malang ní, ni a̰a̰də́ ō.

JONAS 1:2

Ḭ́ḭ dɔɔ́ āw̄ ɓē bo kə́ Ninibə tə́. Ə́la ɓōĺ kem de kə́ kemeé gə̄ tə́ kə najə̄ ń toō: Yá̰a̰ rāāsí kə́ majaĺ gə̄ ní, Kɔ́ɔ̄ɓē a̰ā̰ asən kɔ̄ɔ́.

NAHUM 2:8

Madə̄ ba̰ā̰ gə̄ unən̄ yá̰á̰ kə́ tɔ́sə̄ kum gotə nə́ɓā kə́ dəyá̰ kɔ̄ɔ́, ba aw̄n̄ seneé dɔ ɓē kə́ rang tə́ dɔ gúú tə́. Dəyá̰ kə́ ngé ndɔ̄yn gə̄ nōōn̄ tītə̄ dér dum gə̄ beé. Nin̄ əndān̄ wurdə́ par par ɔjənə̄ń kadə̄ rɔ̄də́ nel̄də́ alé.

IJAI 13:1

Najə̄ kə́ dɔ Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

TA KƏLA 10:11

Nemrod əya̰ dɔ nang ngeé ń noō kɔ̄ɔ́, ba aw̄ ndi dɔ nang kə́ Asiri tə́. I ni n rāā ɓē kə́ Ninibə ō, kə́ Rehobot Hir ō, kə́ Kala ō ní.

IJAI 23:1

Najə̄ yā ɓē kə́ Tir. Sḭḭ̄ to bo gə̄ kə́ dan ɓūl̄ bā bo gə̄ tə́, úniī pā yo. Nujən̄ ta kā̰ kə́ Tir kɔ̄ɔ́, kújə gə̄ gətóon̄ kɔ̄ɔ́. I dan ń nin̄ reē ugə̄n̄ dor̄ kə́ Sipər tə́ ní n ōōn̄ gotə najə̄ ní.

IJAI 21:1

Najə̄ yā dəla loo kə́ kadə bā bo tə́ ngɔr. Madə̄ ba̰ā̰ ḭḭ dəla loo tə́ reē, ḭḭ i kem ɓē kógə̄ḿ kə́ adə̄ de gə̄ ɓōĺ tə́ n reē, tītə̄ néĺ kə́ əla kə tɔ́gɔ́, kə́ ənda gō nang kə́ Negeb mān̄ beé.

IJAI 15:1

Najə̄ kə́ tām̄ yā ɓē kə́ Moab tə́. A̰á̰ā̰, ndɔ̄ɔ́, kem ndɔ̄ kə́ kógə̄ḿ beē tə́, nujən̄ ɓē kə́ Ar kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́. A̰á̰ā̰, ndɔ̄ɔ́ kem ndɔ̄ kə́ kógə̄ḿ beē tə́, nujən̄ ɓē kə́ Kir kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́.

IJAI 14:28

Ɔjən̄ najə̄ ń toō i ɓāl̄ ń mban̄g Akaj oyń tə́ ní.

IJAI 22:1

Najə̄ yā wól loo kə́ deē a̰a̰ yá̰a̰ tū tə́. Sḭḭ̄ de kə́ Jerusalem gə̄, i tām̄ rí tə́ á sḭḭ̄ malang ālī dɔ kújə gə̄ tə́ dɔɔ́ ní?

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

2 MBAN̄G 19:36

Loo ń noō tə́ Senakerib mban̄g kə́ Asiri ndɔ̄tə́ kə gérger yānneé. Ni-tél dɔ tə́ aw̄ ndi gogə́ Ninibə.

HABAKUK 1:1

Najə̄ ń Nə́ɓā əda Habakuk nge koō ta dan ń ni a̰a̰ń yá̰á̰ tə́ ní n toó.

MALASI 1:1

Najə̄ ń Kɔ́ɔ̄ɓē ɔr̄ kə Israel gə̄ kə ta kūl̄ Malasi ní n toó.

IJAI 10:5

Kɔ́ɔ̄ɓē əda na: I yá̰á̰ kə́ to kum kaȳ aĺ kə́ ba̰ý beē tām̄ yā Asiri tə́, ni ń wōn̄g rāām̄ anī m-únən m-ə́ndań ndéý ní! M-ā m-ɔ́jə wōn̄g ní i kāgə̄ ń ni-əhɔ jīn tə́ ní.

JEREMI 28:8

Jóo nəkɔ́ ń toō ní, ngé koō ta gə̄ ń ɔrə̄n̄ najə̄ noḿ mā tə́ ō, noí ḭ̄ tə́ ō ní, ədan̄ i najə̄ kə́ sɔɔ̄ dɔ ɓē kə́ ngá̰ý gə̄ ō, ɓē ko̰o̰ kə́ bo gə̄ ō, adə̄ tāān̄ de gə̄ i najə̄ rɔ̄ɔ̄ ō, yá̰á̰ kə́ to kum kaȳ aĺ ō, mo̰y ngāl̄bɔ̄gīí ō.