MISE 7:8 - Bibəl ta Sar̄

⁸ Sḭḭ̄ madə̄ ba̰ā̰jí gə̄, ī-lōōī rāā rɔ̄nel̄ najə̄ yājí tə́. Ré j-əsō anī, j-a j-ḭḭ dɔɔ́. Ré jḭḭ i kum loo kə́ ndɔ̄ɔ́ tə́ anī, Kɔ́ɔ̄ɓē i loo kə́ unjə̄ kow yājí.

Bible sar

⁸ Sḭḭ̄ madə̄ ba̰ā̰jí gə̄, ī-lōōī rāā rɔ̄nel̄ najə̄ yājí tə́. Ré j-əsō anī, j-a j-ḭḭ dɔɔ́. Ré jḭḭ i kum loo kə́ ndɔ̄ɔ́ tə́ anī, Kɔ́ɔ̄ɓē i loo kə́ unjə̄ kow yājí.

MISE 7:8 Referans Kwoze

JA̰A̰ 8:12

Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

IJAI 9:2

Kɔ́ɔ̄ɓē, ḭ̄ ī-rāā ādə̄ nin̄ ndin̄ majə ngá̰ý, ḭ̄ ī-rāā adə̄ rɔ̄nel̄ yādə́ i ngá̰ý kum kə̄ kété kété. Nin̄ rāān̄ rɔ̄nel̄ ta kumií tə́ tītə̄ rɔ̄nel̄ kə́ ndɔ̄ sāā kōō tə́ beē, tītə̄ kɔŕ rɔ̄nel̄ kə́ loo kēgə̄ naā yá̰a̰ kənge yā madə̄ ba̰ā̰ gə̄ kə́ rɔ̄ɔ̄ tetədə́ tə́ beē.

PĀ GƏ̄ 112:4

Loo kə́ unjə̄ kow kógə̄ḿ unjə̄ kum til tə́ tām̄ yā de kə́ súmūú gə̄ tə́. Ni i de kə́ súmūú ō, de kə́ nge rāā kem majə ō, kumən a o̰o̰n ō.

PĀ GƏ̄ 27:1

Pā yā Dabid. Kɔ́ɔ̄ɓē i loo kə́ unjə̄ kow yāḿ ō i nge kajəḿ ō, ní m-ā m̄-ɓōĺ i náā? Kɔ́ɔ̄ɓē i loo ndiḿ kə́ ngan̄g ngá̰ý, ní m-ā m̄-ndebə i ta kum náā tə́?

ABƏDIAS 1:12

Edom, dan ń á̰á̰ ngákó̰ó̰í gə̄ kum mbang ń tadə́ i kə̄ tḭ̄ḭ̄ kɔ̄ɔ́ tə́ ní, majə kadə̄ ī-rāā rɔ̄nel̄ alé. Kum mbang ń nujən̄neédə́ kɔ̄ɔ́ tə́ ní, majə kadə̄ rɔ̄í nelī aĺ ō, kum mbang ń wur kɔl a əsōń dɔdə́ tə́ ní, majə kadə̄ ī-tájə̄də́ aĺ ō.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

PĀ GƏ̄ 38:16

Kɔ́ɔ̄ɓē, m-ə̄ndā kemḿ i dɔí ḭ̄ tə́: Kɔ́ɔ̄ɓē Nə́ɓā yāḿ, i ḭ̄ n ā ī-tūr̄ najə̄ yā kəda ní.

JEJU TEĒ KUM JA̰A̰ 22:5

Loo kə́ ndɔ̄ɔ́ a gətóo ō, a sāān̄ i hor lámbá tá yā ka̰a̰ń loo aĺ ō, a sāān̄ i mbang tá yā ka̰a̰ń loo aĺ ō. Tām̄ i Kɔ́ɔ̄ɓē Nə́ɓā n i loo kə́ unjə̄ kow dɔdə́ tə́ kadə̄ a̰a̰n̄neé loo ō, nin̄ a o̰o̰n̄ ɓē i kə dɔ ɓāl̄ gə̄ ɓāl̄ gə̄ ō.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

Makətūbə̄ yā Job 31:29

m̄-rāā rɔ̄nel̄ najə̄ nujə kə́ madə̄ ba̰ā̰ḿ nujə sák sák kɔ̄ɔ́ tə́ a? Dan ń yá̰á̰ kə́ to kum kaȳ aĺ teē dɔn tə́ ní m̄-rāā walya a?

PĀ GƏ̄ 97:11

Loo kə́ unjə̄ kow teē tām̄ yā de kə́ sew tə́, tá de gə̄ ń kemdə́ i súmūú ní rɔ̄də́ nel̄də́ ō.

EJEKIEL 35:15

Dan ń ḭ̄ á̰a̰ kadə̄ nujən̄ Israel gə̄ ń i gír deē yāḿ gə̄ ní anī, ḭ̄ ī-rāā rɔ̄nel̄. I beé ní, yá̰á̰ ń m-ā m̄-rāā seí ní, i yá̰á̰ kə́ tītə̄ ń noō ō. A nujən̄ mbal̄ bo yāí gə̄ ō, ɓē yāí kə taá malang ō. Loo ń noō tə́ de gə̄ a gerə̄n̄ kadə̄ Kɔ́ɔ̄ɓē i mā.

PĀ GƏ̄ 35:19

Ādə̄ mā i kur̄ kəgō yā ngé gə̄ ń kemdə́ majaĺ seḿ kanjə̄ kumən ní alé. Ngé gə̄ ń imə̄mə̄n̄ kanjə̄ kumən ní, ādə̄ asədə́ kɔr̄ najə̄ kə naá kə ngēl̄ kumdə́.

JA̰A̰ 16:20

Ādə̄ m-ə́dásí najə̄ kə́ bo ngá̰ý, ā ī-nōōī ō, ā ī-sō̰míī ō, ba de kə́ dɔ nang tə́ gə̄ a rāān̄ rɔ̄nel̄. Rɔ̄sí a nel̄sí alé, banī rɔ̄nelāĺ yāsí ní a tél rɔ̄nel̄.

MISE 7:10

Dan ń madə̄ ba̰ā̰jí gə̄ a a̰ā̰n̄ yá̰á̰ ń noō anī, rɔ̄də́ a sɔl̄də́. Kété ní, nin̄ dəjen̄jí najə̄ ədan̄ na: Ba Kɔ́ɔ̄ɓē ń i Nə́ɓā yāsí ní, a rā i rí? A tə́ɓān̄də́ njadə́ tə́ tītə̄ loo kəɓa bɔr kə́ kum róbə kɔsə gə̄ tə́ beé, adə̄ j-a j-a̰ā̰ kə kumjí.

EJEKIEL 25:6

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Dan ń sḭḭ̄ ōōī yá̰á̰ kə́ to kum kaȳ aĺ kə́ teē dɔ Israel tə́ ní, rɔ̄nel̄ rāāsí adə̄ ə́ndaī jīsí ō, ḭ́ḭḭ̄ bal walya ō. Sḭḭ̄ ī-rāāī rɔ̄nel̄ kə ngarā̰ kemsí gēé malang ō, ī-kídī gír deē yāḿ gə̄ ngá̰ý ō.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

MATIYE 4:16

gír de gə̄ ń ndin̄ kum til tə́ ní, a̰a̰n̄ loo kə́ unjə̄ kow ngá̰ý. Ngé gə̄ ń ndin̄ ɓē ń yo o̰o̰ ɓē dɔ tə́, adə̄ loo kə́ tū tə́ risə til nding ní, loo a unjə̄ kow dɔdə́ tə́.

JEREMI 50:11

A̰á̰ā̰, ī-rāāī rɔ̄nel̄, a̰á̰ā̰, ī-tḭ́ḭ̄ī bal walya, sḭḭ̄ ngé nujə kə yá̰a̰ kənge yāḿ gēé. A̰á̰ā̰, ī-tḭ́ḭ̄ bal tītə̄ mandə man̄g gə̄ kə́ ran̄ dɔ mu tə́ beē, ī-nōōī tītə̄ sə́ndá kə́ bəra gə̄ kə́ ngɔ̄mə̄n̄də́ kadə̄ ḭḭn̄ dɔ madə̄ gə̄ tə́ beē.

IJAI 49:9

M-ə́da dəngáy gə̄, m-ə́dá ngé gə̄ ń ndin̄ kum til tə́ ní na: Ī-teēī, ī-reēī kum loo kə́ unjə̄ kow tə́! Nin̄ a əngen̄ yá̰a̰ kəsa kə gō kadə róbó, a asən̄ kəsa yá̰a̰ dɔ ngán mbal̄ gə̄ tə́ malang.

IJAI 2:5

Kojə gə̄ yā Jakob, ɔ̄rī dɔɔ́! Jə-njə̄raī kum loo kə́ unjə̄ kow yā Kɔ́ɔ̄ɓē tə́!

PĀ GƏ̄ 37:24

Ré yá̰a̰ əgan anī a əsō alé, tām̄ Kɔ́ɔ̄ɓē əhɔ ta jīn.

PĀ GƏ̄ 37:21

Nge kem ndul taā yá̰a̰ loo ndə̄mā tə́ ba téləń adə̄ kɔ́ɔ̄n gogə́ alé. Kum de kə́ súmūú o̰o̰n adə̄ yá̰á̰ ń to jīn tə́ ní ni-adə̄.

JEJU TEĒ KUM JA̰A̰ 21:23

Ɓē ní sāā i mbang ō nāā ō tá kadə̄ loo unjə̄ń kemeé alé. Tɔdɔ̄ kɔsə gɔn yā Nə́ɓā rāā adə̄ loo unjə̄ kow kemeé ō, lámbá kə́ kemeé i Ngōn̄ Batə̄ ō.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

2 KORḚNTƏ 4:9

Rāān̄jí ndoō tə́, banī Nə́ɓā əya̰jí kɔ̄ɔ́ alé. Əsōn̄ sejí nang tə́, banī nujən̄ sejí kɔ̄ɔ́ alé.

PĀ GƏ̄ 20:8

De kə́rēý gə̄ əndān̄ kemdə́ i dɔ púsə rɔ̄ɔ̄ yādə́ gə̄ tə́ ō, kə́ madə̄ gə̄ əndān̄ kemdə́ i dɔ sə́nda yādə́ gə̄ tə́ ō. Ba jḭḭ tā a jə-nōō i kə̄ dɔ Kɔ́ɔ̄ɓē Nə́ɓā yājí tə́.

JEREMI 8:4

Ā ə́dádə́ na: Najə̄ ń Kɔ́ɔ̄ɓē əda ní n toó: Deē əsō nang tə́ kanjə̄ kḭḭ dɔɔ́ a? Deē tūr̄ gidən ta madə̄n tə́ kanjə̄ tél tūr̄ kumən kə̄ rɔ̄n tə́ a?

JEREMI 48:27

I rɔ̄kum kadə̄ Israel tél kur̄ kəgō tām̄ yāí tə́ aĺ a? Ə́ngen kə ngé ɓogə gə̄ á ré ā ɔ̄r̄ najə̄ yān anī, ā ī-wél̄ i dɔí tá dejə ní a?

EJEKIEL 36:5

A̰á̰ā̰, mā Kɔ́ɔ̄ɓē Nə́ɓā, kem hor wōn̄g yāḿ kə́ ngá̰ý tə́ ní, m-ə́da kadə̄ i rɔ̄kum, m-ɔ̄r̄ najə̄ m̄-rɔ̄ɔń kə nápar de kə́ rang gə̄ ō, kə Edom kə taá malang ō. Nin̄ taān̄ ɓē yāḿ kə rɔ̄nel̄ kə́ ngá̰ý ō, kə kídə̄ loo kə́ ngá̰ý ō, yā kɔyń yá̰a̰ gə̄ kə́ kem loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ ní tə́.

MISE 4:10

Ādə̄ rɔ̄sí tōr̄sí ō, ī-nōōī ō, tītə̄ dəyá̰ kə́ a ojə ngōn̄ beé. Tɔdɔ̄ ngɔlaā ní, ā ī-teēī kem ɓēé yā kaw̄ ndi bembeé ō, ā āwī bátə́ yā kugə̄ Babilon ō. A əya̰n̄sí dɔɔ́ loo ń noō tə́, Kɔ́ɔ̄ɓē a taāsí jī madə̄ ba̰ā̰sí gə̄ tə́ loo ń noō tə́.

JAKARI 12:8

Kum mbang ngeé ń noō tə́ ní, Kɔ́ɔ̄ɓē a ngɔ̄m̄ de kə́ Jerusalem gə̄. De kə́ tɔ́gə́də́ gətóo al̄ naā gə̄ kə́ dandə́ tə́, a télən̄ de kə́ ngan̄g tītə̄ Dabid gə̄. Tām̄ yādə́ nin̄ tə́ ɓáa, de gə̄ kə́ kem kojə yā Dabid tə́, a ton̄ i tītə̄ Nə́ɓā beé ta kumdə́ tə́, a ton̄ tītə̄ de kə́ dɔ rā̰ tə́ yā Kɔ́ɔ̄ɓē beé.

PĀ GƏ̄ 143:3

Madə̄ ba̰ā̰ḿ rāā kumḿ ndoō tə́, ənīm̄ nang tə́ ba tə́ɓām̄ kə njaneé, rāā adə̄ m̄-ndi kum loo kə́ risə til nding tə́ tītə̄ de gə̄ ń oyn̄ jōó kɔ̄ɔ́ ní beē.