MISE 7:6 - Bibəl ta Sar̄

⁶ Tɔdɔ̄ ngōn̄ kə́ dəngam tájə̄ bɔbə̄n ō, ngōn̄ kə́ dəyá̰ ḭḭ kə kó̰o̰neé kə rɔ̄ɔ́ ō, um kə́ dəyá̰ ḭḭ kə mumən kə́ dəyá̰ kə rɔ̄ɔ́ ō. De gə̄ kógə̄ḿ kógə̄ḿ ní, madə̄ ba̰ā̰də́ gə̄ i de gə̄ kə́ kem kojə yādə́ tə́.

Bible sar

⁶ Tɔdɔ̄ ngōn̄ kə́ dəngam tájə̄ bɔbə̄n ō, ngōn̄ kə́ dəyá̰ ḭḭ kə kó̰o̰neé kə rɔ̄ɔ́ ō, um kə́ dəyá̰ ḭḭ kə mumən kə́ dəyá̰ kə rɔ̄ɔ́ ō. De gə̄ kógə̄ḿ kógə̄ḿ ní, madə̄ ba̰ā̰də́ gə̄ i de gə̄ kə́ kem kojə yādə́ tə́.

MISE 7:6 Referans Kwoze

Najə̄ kə́ Majə yā Jeju ń Luk ndang ní 12:53

Bɔbə̄ ngōn̄ a mbātə́ najə̄ yā ngōn̄ ō, ngōn̄ a mbātə́ najə̄ yā bɔbə̄n ō, kó̰o̰ ngōn̄ a mbātə́ najə̄ yā ngōnən kə́ dəyá̰ ō, ngōn̄ kə́ dəyá̰ a mbātə́ najə̄ yā kó̰o̰n ō, um dəyá̰ kə́ dəyá̰ a mbātə́ najə̄ yā dəyá̰ ō, dəyá̰ a mbātə́ najə̄ yā umən kə́ dəyá̰ ō.

MATIYE 10:21

De gə̄ a əlan̄ ngákó̰ó̰də́ gə̄ ta yo tə́ ō, bɔbə̄ ngōn̄ a əla ngōnən ta yo tə́ ō. Ngán gə̄ a ḭḭn̄ yā mbātə́ bɔbə̄də́ gə̄ kə kó̰ó̰də́ gə̄ ō, a əlan̄də́ ta yo tə́ ō.

PĀ GƏ̄ 41:9

ədan̄ na: Mo̰y ń rāān noó i mo̰y kə́ majaĺ ngá̰ý, ré ənīī ḭ̄ deē nang tə́ anī ā ḭ́ḭ dɔɔ́ to̰ alé!

EJEKIEL 22:7

De gə̄ a kídə̄n̄ i bɔbə̄də́ gə̄ kə kó̰ó̰də́ gə̄ ɓēé looí ō, a rāān̄ i kum ngé nam̄ ɓē gə̄ ndoō tə́ ō, a əsan̄ i tətō ngán hal gə̄ ō dəyá̰ kə́ ngaa koy gə̄ ō.

JA̰A̰ 13:18

M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.

Gōsə̄ najə̄ gə̄ 30:11

De kə́rēý gə̄ ndin̄ noó, nin̄ i ngé ndɔ̄ĺ bɔbə̄də́ gə̄ ō, ngé kəda najə̄ kə́ majə dɔ kó̰ó̰də́ gə̄ tə́ aĺ ō!

Najə̄ kə́ Majə yā Jeju ń Luk ndang ní 21:16

Bɔbə̄sí sḭḭ̄ kɔ́ gə̄ ō, kó̰ó̰sí gə̄ ō, ngákó̰ó̰sí gə̄ ō, kə ngéésí gə̄ ō, madə̄ tasí gə̄ ō, a əlan̄sí jī ngé sarya gə̄ tə́. Ngá̰ý gə̄ dansí tə́ a tɔ̄lə̄n̄də́ kɔ̄ɔ́,

MATIYE 26:23

Ni-tél ədadə́ na: I nge ń əla jīn gōḿ tə́ kārāá ní n a əlam̄ jī de gə̄ tə́ ní.

ABƏDIAS 1:7

Tə̄ɓān̄sí kɔ̄ɔ́ dɔ nang yāsí tə́. Ngé ɓoo rɔ̄də́ tū yāsí gə̄ tə́ malang teēn̄ kə gíŕsí dɔɔ́ ō, nujən̄sí kɔ̄ɔ́ ō. Ngé kəsa yá̰a̰ sesí gə̄ əyān̄ gūmbə̄ gír njasí tə́. De gə̄ ədan̄ najə̄ yāsí na: Dɔdə́ ndi kə gōó alé.

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

JEREMI 12:6

De kə́ gír kojə yāí tə́ gə̄, adə̄ i ngákó̰ó̰í gə̄ n unən̄ dɔí igəneé ní. Rɔ̄kum, i nin̄ kɔ́ gə̄ n ɔsən̄ dɔ de gə̄ naā tə́ ba ɔrə̄n̄ najə̄ gidií tə́ jəke ní. Ré ənīn̄ rɔ̄də́ sɔl̄ lɔm ɔrə̄n̄neé najə̄ seí gə̄gē anī, ī-lōō kənī kemií kadə̄də́.

Gōsə̄ najə̄ gə̄ 30:17

Ré deē kógə̄ḿ mbóo kə bɔbə̄neé ō, mbātə́ koō najə̄ ta kó̰o̰n ō anī, ká̰ā̰ gə̄ a tə́gān̄ kumən ō, kə̄rō gə̄ a əsan̄ kumən ō.

2 SAMUEL 16:11

Dabid əda Abisai ō, ngé kəla yān gə̄ malang ō na: Ngōn̄ kemḿ mə̄kɔ́ ba sāā tɔ̄lə̄m̄ anī, i ngōn̄ Benjamḛ ń toō tá a. Ə́ya̰n̄! Ré i Kɔ́ɔ̄ɓē n ədan anī ādə̄ ndɔ̄lə́m̄.

TA KƏLA 49:4

Ī-to tītə̄ man̄ kə́ nūgə́ kə ngangá ngá̰ý, ɓá tā ba ā ə́nge loo kə́ kété to̰ alé, tām̄ ī-sāā nə̄yá̰ḿ kem tə̄rá yāḿ tə́, ə́lań rɔ̄sɔl̄ dɔḿ tə́.

IJAI 9:19

De gə̄ rə́yā̰n̄ dāmə̄n kə́ ko̰ó̰, banī ɓō rāādə́ ɓáý. Nin̄ do̰ō̰n̄ dāmə̄n kə́ geleé, banī ndānə̄n̄ alé. Náā nəkɔ́ ɓáa ənī madə̄ ɓēn i rɔ̄ɔ̄.

JEREMI 9:4

Náā nəkɔ́ ɓáa a gól̄ i madə̄n, adə̄ najə̄ kə́ rɔ̄kum gətóó bátə́. Nin̄ ndóōn̄ ta ndo̰də́ kɔr̄ najə̄ kə́ sor̄. Nin̄ asən tél gō róbə yá̰a̰ rāādə́ kə́ gō aĺ gə̄ tə́ alé.

IJAI 3:5

De gə̄ a rāān̄ yá̰a̰ i kə dɔ́nɔ́ kə naá, nin̄ kógə̄ḿ kógə̄ḿ ní, a rāān̄ yá̰a̰ i kə dɔ́nɔ́ kə madə̄də́ gēé, ngásáā gə̄ a rāān̄ de kə́ tɔgə gə̄ yá̰á̰ kə́ majaĺ ō, de kə́ ngáā aĺ gə̄, a rāān̄ de kə́ ngáā gə̄ yá̰á̰ kə́ majaĺ ō.