MISE 7:16 - Bibəl ta Sar̄

¹⁶ Nápar de gə̄ a a̰a̰n̄də́. Tɔ́gə́də́ i ngá̰ý ɓá tā, banī rɔ̄də́ a sɔl̄də́. Nin̄ a gerə̄n̄ yá̰á̰ kə́ yā kəda aĺ ō, a gḛyn̄ koō yá̰á̰ kógə̄ḿ aĺ ō.

Bible sar

¹⁶ Nápar de gə̄ a a̰a̰n̄də́. Tɔ́gə́də́ i ngá̰ý ɓá tā, banī rɔ̄də́ a sɔl̄də́. Nin̄ a gerə̄n̄ yá̰á̰ kə́ yā kəda aĺ ō, a gḛyn̄ koō yá̰á̰ kógə̄ḿ aĺ ō.

MISE 7:16 Referans Kwoze

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

IJAI 52:15

Ba ngɔlaā ní, a ɔr kum nápar de gə̄ ngá̰ý najə̄ yān tə́, mban̄g gə̄ a ndin̄ non tə́ kanjə̄ kəda yá̰á̰ kógə̄ḿ. Tām̄ yá̰á̰ ń nin̄ a̰a̰n̄ ní, to tītə̄ yá̰á̰ ń ənīn̄də́ gotə ní aĺ ō, yá̰á̰ ń nin̄ əndān̄ ma̰ȳ ní, teēn̄ naā kə yá̰á̰ ń ədan̄də́ adə̄ oōn̄ ní aĺ ō.

Makətūbə̄ yā Job 40:4

Mā i yá̰á̰ kógə̄ḿ alé. I rí n kə m̄-tūr̄ kə m-ə́daī ní? M-ə̄ndā jīḿ taḿ tə́ kɔ̄ɔ́.

JEJU TEĒ KUM JA̰A̰ 11:18

Nápar de gə̄ rāān̄ wōn̄g, ba i wōn̄g yāí ḭ̄ n reē rāā yá̰á̰ ní. Kum mbang kə́ yā gāngəń sarya dɔ de kə́ koy gə̄ tə́ asə ō, kum mbang kə́ yā kəndāń nja ngé kəla yāí gə̄ ń i ngé koō ta gə̄ ō, i deē yāí gə̄ ō, ngé ɓōĺ rīí gə̄ ō ń nin̄ i de kə́ dūú gə̄ ō, kə́ bo gə̄ ō ní, asə ō, kum mbang nujə ngé nujə dɔ nang gə̄ asə ō.

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

JAKARI 12:9

Kɔ́ɔ̄ɓē əda na: Kum mbang ngeé ń noō tə́ ní, gír de gə̄ malang ń a reēn̄ kənī ɓē kə́ Jerusalem rɔ̄ɔ̄ tə́ ní, m-ā m̄-sāā loo nujədə́ kɔ̄ɔ́ malang.

MISE 5:8

Gír de gə̄ yā Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!

EJEKIEL 38:23

M-ā m-ɔ́jə́ nápar de gə̄ malang kadə̄ mā i Nə́ɓā kə́ bo ō, kə́ táĺ ō, i tītə̄ ń noō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

IJAI 66:18

Kɔ́ɔ̄ɓē əda na: m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō.

PĀ GƏ̄ 126:2

J-əgō ngá̰ý ō, jə-túr̄ kɔĺ kə rɔ̄nelēé ngá̰ý ō. Nápar de kə́ rang gə̄ ədan̄ na: Kɔ́ɔ̄ɓē rāā yá̰á̰ kə́ bo ngá̰ý tām̄ yādə́ tə́!

Makətūbə̄ yā Job 21:5

Ī-tūrī rɔ̄sí kə̄ rɔ̄ḿ tə́ anī yá̰a̰ a ɔr kumsí, yā kadə̄ ā ə̄ndāī jīsí tasí tə́.

Gōsə̄ najə̄ gə̄ 30:32

Ré ī-rāā yá̰á̰ gō ger̄ aĺ tə́ adə̄ ī-sāā loo kɔsə rɔ̄í kə̄ dɔɔ́ ō, tá ī-tél ī-gír̄ yá̰a̰ gō tə́ ō anī, ə̄ndā jīí taí tə́,

MISE 3:7

Rɔ̄ ngé ka̰a̰ yá̰a̰ gə̄ ō, rɔ̄ kɔdə̄ sāā gə̄ ō, a sɔl̄də́. Nin̄ malang a utə̄n̄ ta kumdə́ kɔ̄ɔ́, tɔdɔ̄ Nə́ɓā daldə́ to̰ alé.

Makətūbə̄ yā Aje 2:22

M-ā m̄-mbə́rē mban̄g gə̄ yā tə́nīdə́ ō, m-ā m̄-nujə tɔ́gə yā ɓē ko̰o̰ gə̄ kə́ dɔ nang tə́ ō, m-ā m̄-mbə́rē púsə rɔ̄ɔ̄ gə̄ kə ngé kal̄də́ gēé yā tə́nīdə́ ō. Tɔ́gə́ sə́nda gə̄ a gətóo ō, ngé kal̄də́ gə̄ a tɔ̄lə̄n̄ naā ō.