MISE 7:11 - Bibəl ta Sar̄

¹¹ Ndɔ̄ a reē noó, kadə̄ a télən̄ yā kəndā ndogə̄ mbal̄ kə́ gidə ɓē bo yāsí tə́ gogə́. Ndɔ̄ ngeé ń noō tə́ ní, a teēn̄ kem dɔ nang yāsí kə̄ gogə́.

Bible sar

¹¹ Ndɔ̄ a reē noó, kadə̄ a télən̄ yā kəndā ndogə̄ mbal̄ kə́ gidə ɓē bo yāsí tə́ gogə́. Ndɔ̄ ngeé ń noō tə́ ní, a teēn̄ kem dɔ nang yāsí kə̄ gogə́.

MISE 7:11 Referans Kwoze

NEHEMI 2:8

Ādə̄ adə̄mə̄n̄ makətūbə̄ kə́ tām̄ yā Asap nge ngɔ̄m̄ ku kāgə̄ gə̄ yā mban̄g tə́ ō, kadə̄ adə̄m̄neé kāgə̄ tə́ tām̄ yā ta róbə gə̄ kə́ tū kújə́ kə́ ngan̄g kə́ kadə kújə yā Kɔ́ɔ̄ɓē tə́ ō, ndogə̄ mbal̄ kə́ dɔ ɓē tə́ ō, kújə́ ń mā m-ā m̄-ndi kemeé ní ō. Mban̄g adə̄m̄ makətūbə̄ gə̄ ní, tɔdɔ̄ jī Nə́ɓā yāḿ kə́ majə i dɔḿ tə́.

IJAI 54:11

Jerusalem, rɔ̄í tō ndoō. Man̄ kə́ edə kə nélé əndaī ō, de kə́ tél adī kəndā kem dɔ tə́ gogə́ rang gətóo ō. Mā Kɔ́ɔ̄ɓē, m-ā m̄-tél yā rāāī gogə́ rang kə mbal̄ gə̄ kə́ ɓáĺdə́ to. A əndān̄ ngəraí i kə mbal̄ gə̄ kə́ gātə̄də́ i ngá̰ý ń i mbal̄ sapir gə̄ ní.

NEHEMI 4:6

Jipə gə̄ ń ndin̄ ɓē kadə madə̄ ba̰ā̰jí gə̄ tə́ ngɔr ní reē tāān̄jí kə̄ nja naā tə́ najə̄ yá̰á̰ kə́ to yo ń a ngḛy jí nang tə́ ní, ədan̄ na: Loo malang ń sḭḭ̄ āwī tū tə́ ba ī-tél ī-reēī ní, nin̄ teēn̄ kə̄ ta gə̄ tə́ yā reē rɔ̄ jí! Loo ń noō tə́ m-á̰a̰ ku loo gə̄ gidə ndogə̄ mbal̄ tə́ ndágá.

NEHEMI 4:3

Tā anī jə-ndɔ̄ȳ Nə́ɓā yājí ba j-əndā de gə̄ kadə̄ ngɔ̄mə̄n̄ loo kadaá ō ndɔ̄ɔ́ ō najə̄ yādə́ tə́.

NEHEMI 2:17

Tā anī m-ə́dádə́ na: Á̰a̰ī yá̰á̰ kə́ to kum kaȳ aĺ ń jə-ndiīneé toō: Jerusalem i kə́ nujə sák sák kɔ̄ɔ́, bápə́ kə́ ta tə́ gə̄ i kə́ hor o̰o̰ kɔ̄ɔ́! J-aw̄ jə-rāāī ndogə̄ mbal̄ kə́ Jerusalem jə-tɔ̄līneé ta rɔ̄sɔl̄ ń toō kɔ̄ɔ́.

DANIEL 9:25

Yá̰á̰ ń kadə̄ ī-ger̄ ní n toó: Əla gír kum mbang ń ədan̄neé najə̄ tél rāā ɓē kə́ Jerusalem gogə́ rang tə́ bátə́ ugə̄ń dɔ ngār ń urən̄ yibə̄ dɔn tə́ tə́ ní, ɓāl̄ sīrí i nja sīrí. Gō tə́ anī kem ɓāl̄ kə́ sīrí nja kutə mehḛ́ g idə i jōó tə́ ní, a télən̄ yā rāā ɓē gogə́ rang ō, yā kəndā ndogə̄ mbal̄ gidə ɓē tə́ gogə́ rang ō, banī i dan wur kɔl tə́.

IJAI 54:2

Ī-teē kem kújə tandā yāí kə̄ gogə́ ādə̄ kemən bo, kūbə̄ kə́ laa tɔȳ madə̄ gə̄ ní, ī-ndɔ́r̄ gō kəlādə́ gə̄, yā kadə̄ ī-ndi gíŕdə́ tə́, ī-lōō tə́da kutə nar yāí ń udə ní. Ī-rɔ́tə̄ kəlā gə̄ ta madə̄ gə̄ tə́ ō, kāgə̄ kə́ tadə́ atə dām̄ kógə̄ḿ gə̄ ń ī-túdə̄də́ nang tə́ ní, ə́nda gōdə́ ādə̄ ran̄ ngan̄g ō.

IJAI 58:12

Ndogə̄ mbal̄ kə́ jóo gə̄ ń nujən̄neé kɔ̄ɔ́ ní, ā ī-tél yā kundə́ dɔɔ́ gogə́, nja kújə́ kə́ kəya̰ kɔ̄ɔ́ jóo gə̄ ní, ā ī-tél yā rāā kújə dɔ tə́. A ɓāríīn̄ na i gír de gə̄ kə́ ngé kutə̄ kum loo kə́ njar gə̄ ō, kə́ tél rāā róbə kɔsə kə́ kem ɓēé gə̄ ō.

IJAI 61:4

Ndogə̄ mbal̄ kə́ kété gə̄ kə́ tétə̄n̄ nang tə́ kɔ̄ɔ́ ní, nin̄ a télən̄ yā kundə́ dɔɔ́ gogə́. Kújə́ kə́ tétə̄ nang tə́ jóó ngá̰ý gə̄ ní, nin̄ a télən̄ yā rāādə́ gogə́.