MISE 7:10 - Bibəl ta Sar̄

¹⁰ Dan ń madə̄ ba̰ā̰jí gə̄ a a̰ā̰n̄ yá̰á̰ ń noō anī, rɔ̄də́ a sɔl̄də́. Kété ní, nin̄ dəjen̄jí najə̄ ədan̄ na: Ba Kɔ́ɔ̄ɓē ń i Nə́ɓā yāsí ní, a rā i rí? A tə́ɓān̄də́ njadə́ tə́ tītə̄ loo kəɓa bɔr kə́ kum róbə kɔsə gə̄ tə́ beé, adə̄ j-a j-a̰ā̰ kə kumjí.

Bible sar

¹⁰ Dan ń madə̄ ba̰ā̰jí gə̄ a a̰ā̰n̄ yá̰á̰ ń noō anī, rɔ̄də́ a sɔl̄də́. Kété ní, nin̄ dəjen̄jí najə̄ ədan̄ na: Ba Kɔ́ɔ̄ɓē ń i Nə́ɓā yāsí ní, a rā i rí? A tə́ɓān̄də́ njadə́ tə́ tītə̄ loo kəɓa bɔr kə́ kum róbə kɔsə gə̄ tə́ beé, adə̄ j-a j-a̰ā̰ kə kumjí.

MISE 7:10 Referans Kwoze

JAKARI 10:5

Nin̄ a ton̄ tītə̄ go̰ rɔ̄ɔ̄ gə̄ beé. Nin̄ a rējə̄n̄ ngé rɔ̄ɔ̄də́ gə̄, tītə̄ bɔr kə́ kum róbə kɔsɔɔ́ beē. Nin̄ a rɔ̄ɔ̄n̄ tītə̄ ń noō i tɔdɔ̄ mā ń i Kɔ́ɔ̄ɓē ní, mā i sedə́ naā tə́. Rɔ̄ ngé kal̄ sə́nda yā madə̄ ba̰ā̰ gə̄ a sɔl̄də́.

PĀ GƏ̄ 42:10

m̄-ndigə kəda Nə́ɓā ń i mbal̄ yāḿ ní na: Dɔí ndígə̄naləḿ i tām̄ rí tə́? I tām̄ rí tə́ á m̄-njə̄rā kə rɔ̄nelēé aĺ ō, madə̄ ba̰ā̰ḿ rāā kumḿ ndoō tə́ ō ní?

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

JOEL 2:17

Ādə̄ ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní ran̄ mbənā ngōn̄ kújə́ kə́ ta róbə́ tə́ kújə yā Kɔ́ɔ̄ɓē tə́ kə loo tun̄ yá̰a̰ ba nōōn̄ tə́. Ādə̄ ədan̄ na: Kɔ́ɔ̄ɓē, á̰a̰ kum tō ndoō yā gír deē yāí gə̄. Ī-lōō rāā kadə̄ yá̰á̰ kə́ to rɔ̄sɔl̄ ə̄sō dɔ yá̰a̰ kənge yāí tə́, yā kadə̄ nápar de gə̄ lúrən̄də́. I tām̄ rí tə́ á de gə̄ ədan̄ dan gír nápar de gə̄ tə́ na Nə́ɓā yādə́ i rá ní?

PĀ GƏ̄ 35:26

Ngé gə̄ ń rāān̄ rɔ̄nel̄ tām̄ yá̰á̰ kə́ to kum kaȳ aĺ kə́ teē dɔḿ tə́ ní, ādə̄ rɔ̄də́ sɔl̄də́ malang! Ngé gə̄ ń ɔjən̄ rɔ̄də́ dɔḿ tə́ ní, ādə̄ rɔ̄sɔl̄ əhɔdə́ ō, ādə̄ əlan̄ rɔ̄sɔl̄ dɔdə́ tə́ ō.

PĀ GƏ̄ 18:42

Nin̄ əgan̄ kɔŕ banī deē dḭḭ̄də́ alé. Nōōn̄ kə̄ dɔ Kɔ́ɔ̄ɓē tə́ banī ədadə́ najə̄ alé.

2 SAMUEL 22:43

m̄-rāādə́ bumbə́rú tə́. m̄-rējə̄də́, m̄-tə́ɓādə́ tītə̄ bɔr kə́ kum róbó beē.

MISE 4:11

Ba ngɔlaā ní, de gə̄ ngá̰ý ɔsən̄ dɔdə́ naā tə́ yā rɔ̄ɔ̄sí. Nin̄ ədan̄ na: Ādə̄ j-ɔrī kɔsə gɔn yā ɓē yādə́ kɔ̄ɔ́, ādə̄ j-a̰ā̰ī Jerusalem ń nujənə̄ń kɔ̄ɔ́ ní kə rɔ̄nelēé.

JEREMI 51:51

Dan ń de gə̄ tájə̄n̄jí ō, tə̄rā gə̄ reē udən̄ kem loo kə́ táĺ tə́ kem kújə yā Kɔ́ɔ̄ɓē tə́ ō ní, rɔ̄jí nel̄jí aĺ ō, rɔ̄jí sɔl̄jí ō.

PĀ GƏ̄ 79:10

Ə́ya̰ ādə̄ nápar de gə̄ ədan̄ na Nə́ɓā yādə́ i rá i najə̄ rí tə́? Ādə̄ nápar de gə̄ gerə̄n̄ dan ń jə-rań jījí tə́ toō, kadə̄ a dalən̄ ba̰ā̰ ngé kəla yāí gə̄ ń tɔ̄lə̄n̄də́ ní.

MATIYE 27:43

Ni-əndā kemən dɔ Nə́ɓā tə́ mámák adə̄ əda na ni na i Ngōn̄ Nə́ɓā ní, ré Nə́ɓā tárən anī, ādə̄ taān jī yo tə́ kə́ ngɔr ń toō tə́.

MALASI 1:5

Sḭḭ̄ Israel gə̄ a á̰a̰ī yá̰á̰ ń noō ba ā ə́daī na: I kem ɓē kə́ Israel tə́ ngóy n Kɔ́ɔ̄ɓē i de kə́ bo ní alé, ni i de kə́ bo gidə tə́ ndágá ō.

ABƏDIAS 1:10

Ngákó̰ó̰sí gə̄ ń i de gə̄ kə́ kem kojə yā Jakob tə́ ní, sḭḭ̄ ɔ́yiī yá̰a̰ yādə́ dɔ gū tə́ ō, ī-tɔ̄līdə́ ō. I tām̄ najə̄ ń noō tə́ n rɔ̄sí a sɔl̄sí ō, a nujən̄sí kɔ̄ɔ́ kə́ njɔ́ḿ gə̄ tə́ ní ō.

DANIEL 3:15

Ngɔlaā ní ə̄ndāī dɔ rɔ̄sí danaá kɔ̄ɔ́, yā kadə̄ ré ōōī tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlān i ngá̰ý aĺ ō, kōō yá̰á̰ kə́ ɓār̄ gōsə̄ ō, anī ā ɔ́siī nosí nang tə́ yā rɔȳ yá̰á̰ kə́ to tītə̄ deē ń m̄-rāā ní a? Ré ī-mbātíī rɔȳn anī a ənīn̄sí kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́, ba i nə́ɓā kə́ rá n a asə taāsí jīḿ tə́ yā kəya̰sí dɔɔ́ ní?

JEREMI 51:24

Yá̰á̰ kə́ majaĺ gə̄ malang ń Babilon ō, de gə̄ malang kə́ Kalde tə́ ō rāān̄ Siyo̰ ní, m-a m̄-tél yā rāā sedə́ ta kumsí tə́. Najə̄ ń Kɔ́ɔ̄ɓē əda ní n noó.

PĀ GƏ̄ 115:2

I tām̄ rí tə́ á nápar de gə̄ ədan̄ na: Nə́ɓā yādə́ nəkɔ́ i rá wa ní?

PĀ GƏ̄ 109:29

Ādə̄ əlan̄ rɔ̄sɔl̄ kūbə̄ tə́ rɔ̄ ngé tétə̄ najə̄ dɔḿ tə́ gə̄ tə́, ādə̄ selə́n̄ rɔ̄sɔl̄ yādə́ dɔdə́ tə́ tītə̄ kūbə̄ kūl̄ beé!

PĀ GƏ̄ 58:10

Nə́ɓā a sa̰ā̰də́ kɔ̄ɔ́ gidə kógə̄ḿ tītə̄ wōn̄g kə́ rā deē beé, pá tá jóo yāsí gə̄ a əlan̄ gír kotə tītə̄ kō̰n̄ kə́ hor o̰o̰ beé ɓáý.

PĀ GƏ̄ 42:3

Kəndā Nə́ɓā rāām̄, kəndā Nə́ɓā kə́ ndi kə kumneé rāām̄. I rə́ngáý tə́ n m-ā m-údə kem kújə yān tə́ yā ra ta kumən tə́ ní?

EJEKIEL 7:18

Nin̄ a o̰o̰n̄ kūbə̄ kəhɔ ndoō ō, ɓōĺ a ndewdə́ ō. Ta kumdə́ i kə rɔ̄sɔlɔ̄ɔ́ ō, nin̄ malang a dəsān̄ dɔdə́ kɔ̄ɔ́ ō.

IJAI 41:25

m̄-rāā adə̄ deē kógə̄ḿ ḭḭ dām̄ mbɔ́r ɓē kə́ ko̰ó̰ tə́ a reé noó. Loo ń mbang əɓa tū tə́ ní, m̄-ɓārə́n kə rīneé. Ni rējə̄ ngé kɔr no de gə̄ tītə̄ loo mbə̄sā bɔr beé, tītə̄ ń kɔdə̄ jóo a rējəń nánjə kə jīneé ní beē.

ABƏDIAS 1:12

Edom, dan ń á̰á̰ ngákó̰ó̰í gə̄ kum mbang ń tadə́ i kə̄ tḭ̄ḭ̄ kɔ̄ɔ́ tə́ ní, majə kadə̄ ī-rāā rɔ̄nel̄ alé. Kum mbang ń nujən̄neédə́ kɔ̄ɔ́ tə́ ní, majə kadə̄ rɔ̄í nelī aĺ ō, kum mbang ń wur kɔl a əsōń dɔdə́ tə́ ní, majə kadə̄ ī-tájə̄də́ aĺ ō.

MISE 7:8

Sḭḭ̄ madə̄ ba̰ā̰jí gə̄, ī-lōōī rāā rɔ̄nel̄ najə̄ yājí tə́. Ré j-əsō anī, j-a j-ḭḭ dɔɔ́. Ré jḭḭ i kum loo kə́ ndɔ̄ɔ́ tə́ anī, Kɔ́ɔ̄ɓē i loo kə́ unjə̄ kow yājí.

JOJUE 7:9

Kanaan gə̄ kə de gə̄ malang kə́ dɔ nang ń toō tə́ a oōn̄, adə̄ nin̄ a əndān̄ rɔ̄də́ naā tə́ yā reē rɔ̄ɔ̄jí, a tɔ̄lə̄njí kɔ̄ɔ́ malang. Ní ā ī-rāā i ba̰ý n de gə̄ a ger̄nneé rīí kə́ to kɔsə go̰n ngá̰ý ní?

PĀ GƏ̄ 92:12

Ngé gə̄ ń a umə̄mə̄n̄ ní, m-á̰á̰də́ kə kumḿ ō, ngé kem ndul gə̄ ń ənīmə̄n̄ rɔ̄ ní, m-ōō kōōdə́ kə mbīḿ ō.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

JEREMI 49:15

A̰á̰ā̰, m-ā m̄-rāāī kadə̄ ā ī-tél de kə́ dūú ráá kə́ dan nápar de gə̄ tə́ ō, m-ā m̄-rāā kadə̄ de gə̄ a kídīīn̄ ō.

SOPONI 3:15

Najə̄ ń əndān̄ dɔsí tə́ á ɔȳsí ní, Kɔ́ɔ̄ɓē un kɔ̄ɔ́. Ni-rāā adə̄ madə̄ ba̰ā̰sí gə̄ aw̄n̄ kɔ̄ɔ́. Kɔ́ɔ̄ɓē ń i mban̄g kə́ Israel tə́ ní, ni i dansí tə́. Adə̄ majə kadə̄ ī-ɓōlíī yá̰á̰ kə́ to kum kaȳ aĺ to̰ alé.