Biblia Todo Logo
Bib sou entènèt

- Piblisite -




MISE 7:1 - Bibəl ta Sar̄

1 Yá̰á̰ kə́ to kum kaȳ aĺ kə́ ba̰ý beē! m̄-to i tītə̄ deē kógə̄ḿ kə́ dan yā sāā kan̄ yá̰a̰ gə̄ tə́ anī, teē aw̄ sāā kan̄ kāgə̄ nduú tə́. I dan kə́ yá̰a̰ gətóo kɔ̄ɔ́ tə́. Dɔ bəra nduú kə́ yā kəsa gətóo! Ka̰n̄ kótə̄ kə́ ta kəga dɔ ń nelə̄m̄ ngá̰ý ní, kógə̄ḿ gē gətóo!

Gade chapit la Kopi

Bible sar

1 Yá̰á̰ kə́ to kum kaȳ aĺ kə́ ba̰ý beē! m̄-to i tītə̄ deē kógə̄ḿ kə́ dan yā sāā kan̄ yá̰a̰ gə̄ tə́ anī, teē aw̄ sāā kan̄ *kāgə̄ nduú tə́. I dan kə́ yá̰a̰ gətóo kɔ̄ɔ́ tə́. Dɔ bəra nduú kə́ yā kəsa gətóo! Ka̰n̄ kótə̄ kə́ ta kəga dɔ ń nelə̄m̄ ngá̰ý ní, kógə̄ḿ gē gətóo!

Gade chapit la Kopi




MISE 7:1
14 Referans Kwoze  

Kɔ́ɔ̄ɓē əda na: Kété ní Israel gə̄ nelə̄n̄ taḿ tītə̄ kan̄ nduú kə́ kem dəla loo tə́ beé. m̄-teē dɔ kaasí gə̄ tə́ i kə rɔ̄nelēé tītə̄ ń deē a teēń dɔ kan̄ kótə̄ kə́ ta kəga dɔ tə́ dɔ kāgə̄ kótə̄ tə́ ní beē. Banī dan nəkɔ́ ń nin̄ reē ɔtə̄n̄ Bet Peor anī, unən̄ rɔ̄də́ adə̄n̄ ɓesə̄ Baal rɔ̄sɔl̄ i kə́ njɔ́ḿ gə̄ tə́. Adə̄ nin̄ télən̄ i de gə̄ kə́ nelə̄m̄ sedə́ aĺ ngá̰ý, tītə̄ ń nel̄məń aĺ ngá̰ý kə ɓesə̄ ń nin̄ tárnən̄ ní beē.


Hútə̄ yá̰á̰ kə́ tutə gə̄ ń súūnən̄neé dɔ ngōn̄ mbal̄ kə́ deē ra dɔ tə́ anī a̰a̰ wól loo kə́ teē yá̰á̰ ngá̰ý kə̄ gírí nang tə́ ní, a dubə̄n̄ hútə́ yá̰a̰ gə̄ ní kɔ̄ɔ́. Samari a to tītə̄ kan̄ kótə̄ kə́ ta kəga dɔ kə́ kərē no ndɔ̄ kəjan tə́ beē. Nəkɔ́ ń deē kógə̄ḿ əla kumən a̰a̰n lap toó, kɔ́ɔ̄ əjan ō, əsan kə̄ ta jī tə́ noō ō.


A̰á̰ā̰, dɔ nang tə́, dan gír de gə̄ tə́ ní, i yá̰á̰ kə́ sḛ́ý beē ngóy n a na̰y ní. A to i tītə̄ gotə kan̄ kāgə̄ olibə gə̄ kə́ dɔ kāgə̄ olibə gə̄ tə́, gō kəja kan̄ kāgə̄ olibə gə̄ tə́ beē, aláa a to i tītə̄ dɔ bəra kan̄ nduú kə́ gō gogə́ gə̄ kə́ deē a sāā gō kəja kan̄ kāgə̄ nduú gə̄ tə́ beē.


I yá̰á̰ kə́ ngá̰ý aĺ n a na̰y gotə Israel tə́ ní. Ɓē ngeé ń toō a to tītə̄ kāgə̄ olibə kə́ əjan̄ kanə̄n kɔ̄ɔ́ beē. Na̰y kanə̄n gə̄ i jōó aláa mətá jam kāgāá dɔɔ́ ō, na̰y i sɔ́ aláa mí tū ta jīn gə̄ tə́. Najə̄ ń Kɔ́ɔ̄ɓē Nə́ɓā yā Israel əda ní n noó.


Ḭ̄ ə́da na: Rɔ̄ ndoō wa. Tɔdɔ̄ Kɔ́ɔ̄ɓē na tél ənī wur kɔl dɔ yá̰a̰ gə̄ ń tōrə̄n̄ rɔ̄í tə́ ní, tɔ́gí na təgā kɔ̄ɔ́ loo to̰ō̰ rus rus tə́, na á̰a̰ loo taā koō alé.


Kum kaȳ aĺ kə́ ba̰ý beē, kó̰ó̰ḿ! Ḭ̄ ójəm̄ mā ń de kə́ kem ɓēé gə̄ malang mbātə́n̄ najə̄ taḿ tə́ ō, nel̄də́ seḿ aĺ ō ní? M-ādə̄ yá̰a̰ loo ndə̄mā tə́ aĺ ō, m̄-taā yá̰a̰ loo ndə̄mā tə́ aĺ ō, banī de gə̄ malang ndɔ̄ĺmə̄n̄.


M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.


J-oō pā ń toō ta ngóy dɔ nang tə́: Kɔsə gɔn i yā Nə́ɓā kə́ nge rāā yá̰á̰ kə́ gōtə́! Banī mā m-ə́da na: Taḿ tḭ̄ḭ̄ kɔ̄ɔ́, taḿ tḭ̄ḭ̄ kɔ̄ɔ́, i yá̰á̰ kə́ to kum kaȳ aĺ kə́ ba̰ý beē tām̄ yāḿ mā tə́! Ngé tél kɔ̄ɔ́ gō de gə̄ tə́ gə̄ teēn̄ kə gír madə̄də́ gēé dɔɔ́. Teē kə gír naá dɔɔ́!


Anī m-ə́da na: Yá̰á̰ kə́ to kum kaȳ aĺ a teē dɔḿ tə́! Mā i kə́ taḿ tḭ̄ḭ̄ kɔ̄ɔ́! Mā i de kə́ taḿ i kə́ yḛr ō, m̄-ndi i dan de gə̄ kə́ tadə́ i kə́ yḛr tə́ ō, kumḿ a̰a̰ mban̄g ń i Kɔ́ɔ̄ɓē kə́ bo kə́ tɔ́gən i ngá̰ý ní ō!


Yá̰á̰ kə́ to kum kaȳ aĺ kə́ ba̰ý beē! Tɔdɔ̄ m̄-ndi ɓē dan tə̄rā gə̄ tə́, m̄-ndi dan de kə́ kumdə́ o̰o̰də́ aĺ gə̄ tə́.


Kan̄ kótə̄ kə́ majə ngá̰ý gə̄ ton̄ kem jáng kə́ kógə̄ḿ tə́, tītə̄ kan̄ kótə̄ kə́ kíjə gə̄ beé. Kan̄ kótə̄ kə́ majaĺ adə̄ i kə́ dum̄ kəsa gə̄ ton̄ kem jáńg kə́ noō tə́ ō.


Kan̄ yá̰á̰ kə́ ta kəga dɔ gə̄ kə́ kem ndɔr̄ yādə́ tə́ ń a adə̄mə̄n̄ ní, i tām̄ yāí tə́. De gə̄ malang kə́ kem ndogə̄ yāí tə́ ń majaĺ tákə̄də́ aĺ ní a əsan̄.


De gə̄ ngá̰ý ɔjən̄ rɔ̄də́ najə̄ háĺ kə́ sew yādə́ tə́, banī de kə́ kadə̄ deē ənī kemən mámák adə̄n ní loo kəngen tōr̄.


Ī-njə̄rāī kum róbə kɔsə kə́ Jerusalem tə́ gə̄, ə̄ndāī ma̰ȳ loo ō, ī-dəjeī gír najə̄ ō. Āw̄ ī-sāāī loo ndágə loo gə̄ tə́ ké ə́ngeī deē kógə̄ḿ tū tə́ wa. Ké deē kógə̄ḿ kə́ a rɔ̄ɔ̄ tām̄ kadə̄ náā nəkɔ́ ənge yá̰á̰ kə́ sɔɔ̄ dɔn, aláa kə́ nge ra dɔ ndūn tə́ i tū tə́ wa. Ré ə́ngeī anī m-ā m̄-mā̰ȳ rɔ̄ḿ dɔ Jerusalem tə́.


Swiv nou:

Piblisite


Piblisite