MISE 6:8 - Bibəl ta Sar̄8 Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō. Gade chapit laBible sar8 Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō. Gade chapit la |
Najə̄ ń Kɔ́ɔ̄ɓē əda ní n toó: Ī-rɔ̄ɔ̄ī dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́. Ī-lōōī rāā kum de gə̄ ndoō tə́, ī-lōōī rāā nge nam̄ ɓē ō, ngōn̄ hal ō, dəyá̰ kə́ ngaa koy ō, yá̰á̰ kə́ tōr̄. Ī-lōōī ɓōkə́ mósə de kə́ najə̄ gətóo dɔn tə́ loo ń toō tə́.
Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.
Ī-tūrī rɔ̄sí kə̄ rɔ̄ Kɔ́ɔ̄ɓē tə́, sḭḭ̄ de kə́ kem ɓēé gə̄ ń sḭḭ̄ i de kə́ najə̄sí gətóo gə̄ ní, sḭḭ̄ ń oōī tan, adə̄ ī-rāāī yá̰a̰ gə̄ ń ni ədasí ní. Ī-rāāī yá̰á̰ kə́ gōtə́ ō, ī-rāāī rɔ̄sí de kə́ dūú gə̄ tə́ ta kum Nə́ɓā tə́ ō. Na majanī ā ī-ndiī loo kə́ yá̰a̰ a ɔdə́ rɔ̄sí tū tə́ aĺ tə́, ndɔ̄ ń Kɔ́ɔ̄ɓē a ɔjəń wōn̄g yān kə̄ ndágá tə́ ní.
Ba najə̄ ń ɔr̄ kem ndɔ̄ȳ yān tə́ ō, loo koō ń Nə́ɓā oō ndūn ba rāā yá̰á̰ ń dəjen ní ō, yá̰á̰ kə́ majaĺ gə̄ malang ń ni-rāā ō, háĺ kə́ gōtə́ aĺ gə̄ ń rāā kə Nə́ɓāá ní ō, rī loo gə̄ ń ni-rāā loo ndɔ̄ȳ gə̄ tū tə́ ō, túdə̄ kāgə̄ ɓesə̄ kə́ yā ɓōĺ gidə gə̄ tū tə́ ō, túdə̄ yá̰á̰ kə́ tɔ́sə̄ ba rāādə́ kum gotə yá̰a̰ gə̄ tū tə́ ō, pá tá kadə̄ tél ger̄ yá̰a̰ rāān kə́ majaĺ gə̄ ta kum Kɔ́ɔ̄ɓē tə́ ní, ndangən̄ yá̰a̰ gə̄ ń noō malang i kem makətūbə̄ ń rīn na i kəla gə̄ ń Hojai rāā ní tə́.