MISE 6:7 - Bibəl ta Sar̄

⁷ Kɔ́ɔ̄ɓē ndigə i bal batə̄ kə́ dūbūú ngá̰ý gə̄ a? Ni ndigə i yibə̄ kə́ a̰ā̰ ngá̰ý tītə̄ man̄ dɔ mbal̄ kə́ nūgə́ beé a? Yā kadə̄ ni mā̰yń rɔ̄n dɔ yá̰a̰ rāāḿ gə̄ kə́ gōtə́ aĺ tə́ ō, dɔ ra dɔ ndū tə́ aĺ yāḿ gə̄ tə́ ō ní, kə m-ún i ngōn̄ hágə́ḿ n kə m̄-ndējə̄ ní a?

Bible sar

⁷ Kɔ́ɔ̄ɓē ndigə i bal batə̄ kə́ dūbūú ngá̰ý gə̄ a? Ni ndigə i yibə̄ kə́ a̰ā̰ ngá̰ý tītə̄ man̄ dɔ mbal̄ kə́ nūgə́ beé a? Yā kadə̄ ni mā̰yń rɔ̄n dɔ yá̰a̰ rāāḿ gə̄ kə́ gōtə́ aĺ tə́ ō, dɔ ra dɔ ndū tə́ aĺ yāḿ gə̄ tə́ ō ní, kə m-ún i ngōn̄ hágə́ḿ n kə m̄-ndējə̄ ní a?

MISE 6:7 Referans Kwoze

2 MBAN̄G 16:3

banī ni ndájə̄ i kəla rāā mban̄g gə̄ kə́ Israel tə́. Ndējə̄ ngōnən adə̄ róōn horó kə gō yá̰a̰ kāgə̄ ɓē yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ no ngán Israel gə̄ tə́ ní gə̄gē.

PĀ GƏ̄ 51:16

Nə́ɓā, nge kajəḿ, úń mósə dɔḿ tə́ kɔ̄ɔ́. Loo ń noō tə́ m-ā m-ə̄nī gotə yá̰á̰ kə́ gōtə́ ń ī-rāā seḿ ní.

1 SAMUEL 15:22

Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.

OJEE 6:6

A̰á̰ā̰, m̄-gḛy i tár, ba i dā̰ kə́ tɔ̄l̄ ba tun̄ alé. m̄-sāā i kadə̄ deē a̰a̰ gerə̄m̄ kadə̄ mā i Nə́ɓā, ba i kadə̄ deē róō dā̰ dɔ loo tun̄ yá̰á̰ tə́ alé.

JEREMI 7:31

Nin̄ rāān̄ loo kə́ ḭḭ kə̄ dɔɔ́ gə̄ Topet tə́, kem wól loo kə́ Ben Hinom tə́, yā róoń ngáńdə́ kə́ dəngam gə̄ ō, kə́ dəyá̰ gə̄ ō horoó. Yá̰á̰ ń noō i mā n m̄-dəje ní alé, m̄-gír̄ dɔ tə́ sḛ́ý aĺ bátə́ ō.

PĀ GƏ̄ 50:9

M-ā m-āw̄ ɓēé looí yā kəhɔ man̄g kə́ bəra kógə̄ḿ aĺ ō, yā kəhɔ bal bə̄yā̰ gə̄ kə́ kem gong yāí gə̄ tə́ aĺ ō.

2 MBAN̄G 23:10

Mban̄g rāā adə̄ majaĺ tákə̄ loo kə́ Topet ń ra kum wól loo kə́ Ben Hinom tə́ ní adə̄ de gə̄ róō ngáńdə́ kə́ dəngam gə̄ ō kə́ dəyá̰ gə̄ ō, horoó kadə̄ ɓesə̄ Molok ɓáý to̰ alé.

2 MBAN̄G 21:6

Róō ngōnən kə́ dəngam horoó adə̄ ɓesə̄ ō, rāā kəga kə́ tayā tayā gə̄ ō, aw̄ ndḛḛ̄ sāá rɔ̄ kɔdə̄ sāā gə̄ tə́ ō. To dan rāā yá̰á̰ kə́ majaĺ ta kum Kɔ́ɔ̄ɓē tə́ kə̄ non tə́ adə̄ń Kɔ́ɔ̄ɓē wōn̄g.

2 MBAN̄G 3:27

Anī ni un ngōn̄ hágən ń kadə̄ o̰o̰ ɓē gotən tə́ ní tɔ̄lən ba róōn kə́ loo tun̄ tə́ dɔ ndogə̄ mbal̄ tə́. Loo ń noō tə́ nél əsō ngán Israel gə̄ ngə̄rāá adə̄ əyan̄ mban̄g kə́ Moab ba télən̄ dɔ tə́ aw̄n̄ gogə́ dɔ nang yādə́ tə́.

IJAI 40:16

Dā̰ kə́ Liban tə́ gə̄ malang gə̄gē asən̄ kadə̄ deē adə̄ń Kɔ́ɔ̄ɓē yá̰a̰ tun̄ kə́ majə tām̄ yān tə́ alé. Kāgə̄ gə̄ malang kə́ Liban tə́ gə̄gē asən̄ kadə̄ deē rāań hor dɔ loo tun̄ yá̰á̰ tə́ alé.

LEBI GƏ̄ 18:21

Ā ī-tun̄ ngōnīí yā kadə̄ ɓesə̄ Molok alé, tɔdɔ̄ ré ī-rāā beé anī, ā ī-nujə i rī Nə́ɓā yāí. Mā i Kɔ́ɔ̄ɓē Nə́ɓā yāsí.

PILEMO̰ 1:12

m̄-tél m-ə́la seneé gogə́ m-ādī, ni ń i dām̄ rɔ̄ḿ kə́rēý ní.

AMOS 5:22

Dā̰ kə́ tɔ̄l̄ ba róō horoó kə taá malang gə̄ ō, kan̄ yá̰á̰ kə́ teē dɔ nang tə́ gə̄ ō ń ī-ndējə̄mī ní, nelə̄m̄ alé. Dā̰ kə́ yḛmbə yāsí gə̄ ń ī-tun̄ ādə̄mī ní, ka̰a̰ kə kumḿ gē a m-á̰ā̰ alé.

EJEKIEL 23:37

Nin̄ i dəyá̰ kə́ ngé rāȳ gə̄ ō, nin̄ tɔ̄lə̄n̄ de gə̄ ō. Nin̄ rāān̄ rāȳ, tām̄ nin̄ rɔȳn̄ nə́ɓā yādə́ kə́ rɔ̄kum aĺ gə̄. Nin̄ tɔlə̄n̄ de gə̄, tām̄ ngáńdə́ gə̄ ń ojən̄ tām̄ yāḿ tə́ ní, nin̄ tɔ̄lə̄n̄də́ ba tun̄ adə̄n̄ nə́ɓā yādə́ kə́ rɔ̄kum aĺ gə̄.

JEREMI 19:5

Rāān̄ loo kə́ kḭḭ kə̄ dɔɔ́ gə̄ kə rī ɓesə̄ Baal ba róōn̄ ngáńdə́ gə̄ horoó dɔ tə́ adə̄nən̄. I yá̰á̰ kə́ m-ādə̄də́ ndūḿ dɔ tə́ aĺ ō, m-ɔ̄r̄ najə̄n sedə́ aĺ ō, i yá̰á̰ kə́ m̄-gír̄ dɔ tə́ aĺ ō.

Makətūbə̄ yā Job 29:6

Dan ngeé ń noō tə́ ní m̄-ndi i dan yá̰a̰ kəngeé ō, yibə̄ a̰ȳ ngá̰ý loo mbə́rē yibə̄ yāḿ tə́ ō.

NGÉ SARYA 11:39

Aw̄ rāā nāā jōó tél dɔ tə́ reē ɓē bɔbə̄neé adə̄ rāā yá̰á̰ ń ənī ndūn dɔ tə́ adə̄ Kɔ́ɔ̄ɓē ní seneé. Ni-oy kanjə̄ ger̄ dəngam.

NGÉ SARYA 11:31

m̄-tél kə lápə́yaá ō anī, deē ń a teē ndogə̄ yāḿ tə́ yā tə́nī taḿ ní, m-ā ɔ̄r̄ kamə̄n tayā tām̄ yāí tə́ ō, m-ā m̄-róōn horoó yā kadī ō.

LEBI GƏ̄ 20:1

Kɔ́ɔ̄ɓē mēr̄ Moijə

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

Gōsə̄ najə̄ gə̄ 21:3

Rāā yá̰á̰ kə́ gōtə́ ō, kə́ súmūú ō nel̄ Kɔ́ɔ̄ɓē tɔȳ yá̰á̰ kə́ deē tun̄ adə̄n.

IJAI 1:1

Yá̰á̰ kə́ dɔ ɓē ko̰o̰ yā Juda tə́ ō, dɔ ɓē kə́ Jerusalem tə́ ō ń Ijai kə́ ngōn̄ Amots a̰ā̰ ní n toó. Ni-a̰a̰ yá̰a̰ gə̄ ní i dan ń Ojias ō, Yotam ō, Akaj ō, gō tə́ anī i Ejekias ō i mban̄g gə̄ kə́ Juda ní.

OJEE 5:6

Nin̄ sāān̄ Kɔ́ɔ̄ɓē i kə batə̄ yādə́ gə̄ ō, man̄g yādə́ gə̄ ō ń aw̄n̄ yā tɔ̄l̄ ba ndējə̄ ní. Banī nin̄ a əngenən̄ alé, tɔdɔ̄ ni əya̰də́ ba aw̄ sa̰y kɔ̄ɔ́.

PĀ GƏ̄ 51:18

Ī-gḛy i kadə̄ m̄-tun̄ yá̰a̰ m-ādī alé. Yá̰a̰ tun̄ kə́ róō horoó gə̄gē ā ī-ndigə alé.

JEREMI 6:20

Usəm̄ i rí dɔ kajaja kə́ kḭḭ Saba tə́ ō, dɔ tə̄ɓā kə́ kotə majə kə́ kḭḭ dɔ ɓē kə́ sa̰y ngá̰ý tə́ ō? m̄-gḛy yá̰a̰ tun̄ yāsí kə́ róō horoó gə̄ alé, yá̰á̰ ndējə̄ yāsí gə̄ nelə̄m alé.