MISE 6:5 - Bibəl ta Sar̄

⁵ Sḭḭ̄ gír deē yāḿ gə̄, ādə̄ əga kemsí dɔ tə́! Balak ń i mban̄g kə́ Moab ní, sāā rāāsí yá̰á̰ kə́ majaĺ. Ādə̄ əga kemsí dɔ yá̰á̰ ń Balam kə́ ngōn̄ Beor tél ədan ní tə́. Gō tə́ anī, sḭḭ̄ ḭ́ḭḭ̄ Sitim āwī bátə́ ūgī Gilgal. Sḭḭ̄ á̰a̰ī yá̰á̰ kə́ to tayā gə̄ ń mā Kɔ́ɔ̄ɓē m̄-rāā tām̄ yāsí tə́ ní.

Bible sar

⁵ Sḭḭ̄ gír deē yāḿ gə̄, ādə̄ əga kemsí dɔ tə́! Balak ń i mban̄g kə́ Moab ní, sāā rāāsí yá̰á̰ kə́ majaĺ. Ādə̄ əga kemsí dɔ yá̰á̰ ń Balam kə́ ngōn̄ Beor tél ədan ní tə́. Gō tə́ anī, sḭḭ̄ ḭ́ḭḭ̄ Sitim āwī bátə́ ūgī Gilgal. Sḭḭ̄ á̰a̰ī yá̰á̰ kə́ to tayā gə̄ ń mā Kɔ́ɔ̄ɓē m̄-rāā tām̄ yāsí tə́ ní.

MISE 6:5 Referans Kwoze

TƏ́DA 25:1

Ngán Israel gə̄ ndin̄ Sitim anī əlan̄ gír rāā kaya kə ngáń kə́ dəyá̰ kə́ Moab gə̄.

NGÉ SARYA 5:11

Ngé nə̄ɓō yá̰á̰ kə́ kəhɔ ta rɔ̄ɔ̄ tə́ gə̄ ń ran̄ kadə loo ka̰ȳ man̄ yā yá̰a̰ kul̄ gə̄ tə́ ní, ənīn̄ gotə rɔ̄ɔ̄ gə̄ ń Kɔ́ɔ̄ɓē tetə ní, ənīn̄ gotə rɔ̄ɔ̄ gə̄ ń Kɔ́ɔ̄ɓē ɔjəń tɔ́gən ta kum ngán Israel gə̄ tə́ ní. Anī deē yā Kɔ́ɔ̄ɓē gə̄ kánə̄n̄ naā ta róbə gə̄ kə́ yā kudəń kə̄ kem ɓēé tə́.

JOJUE 4:19

Ngán Israel gə̄ teēn̄ bā Jurdḛ i kə ndɔ̄ kə́ nge ko̰ kutə yā nāā kə́ ta kəga dɔ. Aw̄ ndin̄ Gilgal ba rāān̄ gérger yādə́ loo ń nuū tə́. Ré deē ra Jeriko anī, loo ń ndin̄ tū tə́ ní i kə̄ dām̄ kə́ gír ɓē tə́.

JEJU TEĒ KUM JA̰A̰ 2:14

Ba yá̰á̰ ń mā m̄-mbātə́ gōí tə́ sḛ́ý ní, i de kə́rēý gə̄ kə́ ɓēé looí kə́ əhɔn̄ gō yá̰á̰ ndóō yā Balam. Tɔdɔ̄ Balam ɔjə Balak kadə̄ əyā gūmbə̄ no ngán Israel gə̄ tə́ yā səlāńdə́ kadə̄ əsan̄ dā̰ kə́ tɔ̄l̄ ba tun̄ kadə̄ ɓesə̄ gə̄ ō, kadə̄ rāān̄ ájə́ba ō.

Makətūbə̄ ń Jud ndang ní 1:11

Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.

1 JA̰A̰ 1:9

Ré j-ɔrī gír majaĺ yājí anī, Nə́ɓā a mā̰ȳ rɔ̄n dɔ tə́ ō, a tə́go yá̰á̰ kə́ gō tə́ aĺ gə̄ malang kɔ̄ɔ́ rɔ̄jí tə́ ō. Tɔdɔ̄ ni i de kə́ nge ra dɔ ndūn tə́ ō, de kə́ súmūú ō.

2 PIYER 2:15

Nin̄-əya̰n̄ róbə́ kə́ súmūú kɔ̄ɔ́ adə̄ ndúmə̄n̄. Nin̄-unən̄ róbə́ ń Balam kə́ ngōn̄ Bosor un ní. Balam ngeé ń toō gḛy nar kə́ kadə̄ adə̄nən̄ gíŕ yá̰a̰ rāān kə́ gō tə́ aĺ tə́.

PĀ GƏ̄ 143:11

Ā ī-rāām̄ kadə̄ m̄-ndi kə kumḿ, tɔdɔ̄ ḭ̄ i Kɔ́ɔ̄ɓē. Ā ī-teē seḿ kɔ̄ɔ́ dan wur kɔl kə́ əsō dɔḿ tə́, kə ta kūl̄ háĺ kə́ gōtə́ yāí.

NDŪ NAJƏ̄ 16:3

Ā ī-rāā Pákə ní i kə mápá kə́ rāā kə kaa mápá alé. Ā ə́sa i mápá kə́ rāā kanjə̄ kaa mápa ndɔ̄ sīrí, i mápa wur kɔl. Tɔdɔ̄ ī-teē kɔ̄ɔ́ kem ɓē kə́ Ejiptə tə́ i kə nāgá. Ā ə́sá mápá ní i kadə̄ əgań kemií dɔ ndɔ̄ ń ī-teēń kɔ̄ɔ́ kem ɓē kə́ Ejiptə tə́ ní kə dɔ ndɔ̄ ndií kə kumií gə̄ malang.

NDŪ NAJƏ̄ 9:7

Ādə̄ əga kemsí dɔ rāā ń ī-rāāī Kɔ́ɔ̄ɓē Nə́ɓā yāsí adə̄ wōn̄g rāān kem dəla loo tə́ ní. Ī-lōōī kadə̄ dɔsí ndígə̄nal nge ń noō. Əla gír dɔ ndɔ̄ ń ī-teēīneé kɔ̄ɔ́ kem ɓē kə́ Ejiptə tə́ ī-reēīneé bátə́ ūgīneé loo ń toō tə́ laā ní, sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.

NDŪ NAJƏ̄ 8:18

Ādə̄ əga kemsí na i Kɔ́ɔ̄ɓē Nə́ɓā yāsí n i nge kadə̄sí tɔ́gə kadə̄ ə́ngeīneé yá̰a̰ gə̄ ń noō ní. Rāā beé i yā kɔjəń na ɓōólaā gə̄gē ní ni-əhɔ ta madə̄ naā ń ni-əhɔ kə kaasí gēé ní ɓáý.

EPEJƏ 2:11

Ādə̄ əga kemsí dɔ tə́ na kété ní, sḭḭ̄ i nápar de gə̄ ń a ɓārə́n̄də́ na i ngé kəja mɔtə aĺ gə̄ ní, ɓá tā ba ngé ɓāŕsí tītə̄ ń noō gə̄ ní, kəja mɔtə yādə́ i kəja mɔtə kə́ kə jīí.

NDŪ NAJƏ̄ 8:2

Ādə̄ əga kemsí dɔ róbə́ ń Kɔ́ɔ̄ɓē Nə́ɓā yāsí rāā adə̄ ī-njə̄rāī tū tə́ ɓāl̄ kutə sɔ́ kem dəla loo tə́ ní. Ni-rāā adə̄ yá̰á̰ kə́ ngan̄g gə̄ əngen̄sí i yā nāańsí ō, i yā ka̰a̰ń yá̰á̰ kə́ kemsí tə́ ō, yā gerə̄ń ké ā ī-rāāī yá̰a̰ gə̄ ń ɔjəsí ní aké ā ī-rāāī aĺ wa ō.

TƏ́DA 31:16

Ī-gerī majə kadə̄ i dəyá̰ gə̄ ń noō n taān̄ kɔjə̄ yā Balam gól̄nəń ngán Israel gə̄ adə̄ rāān̄ yá̰á̰ kə́ gōtə́ aĺ kə Kɔ́ɔ̄ɓēé tū najə̄ yā Peor tə́ á yá̰á̰ kə́ tōr̄ əsōń dɔ de gə̄ yā Kɔ́ɔ̄ɓē tə́ ní aĺ a?

TƏ́DA 31:8

Nin̄ tɔ̄lə̄n̄ mban̄g kə́ mí gə̄ kə́ Madian ō. Rī mban̄g gə̄ ní n toó: Ebi ō, Rekem ō, Sur ō, Hur ō, Reba ō. Nin̄ tɔ̄lə̄n̄ Balam ngōn̄ Beor kə kəyā kaskaraá ō.

TƏ́DA 23:27

Balak əda Balam na: Ī-reē ādə̄ m-āw̄ seí loo kə́ rang tə́ ɓáý to̰. Majanī Nə́ɓā a ndigə kadə̄ ī-ndɔ̄ĺ kósə de gə̄ ń toō loo ní tə́ ādə̄m̄.

TƏ́DA 22:41

Teē kə ndɔ̄ý anī, Balak aw̄ kə Balam Bamot Baal ń i loo kə́ kḭḭ kə̄ dɔɔ́ tə́ ní. Ré deē ra loo ní tə́ anī, a a̰a̰ dɔ núsə ngán Israel gə̄.

PĀ GƏ̄ 111:4

Ni ndigə kadə̄ de gə̄ terə̄n̄ kem naā dɔ yá̰á̰ kə́ yáā yān gə̄ tə́. Kɔ́ɔ̄ɓē i nge rāā kem majə ō, i nge ka̰a̰ kum tō ndoō ō.

PĀ GƏ̄ 71:19

Nə́ɓā, háĺ kə́ gōtə́ yāí ngāl̄ ngá̰ý kə̄ dɔɔ́ ō, ī-rāā yá̰á̰ kə́ bo ngá̰ý gə̄ ō! Nə́ɓā, de kə́ to tītīí gətóo.

PĀ GƏ̄ 36:10

Ta kəɓa man̄ ndi kə kumuú i ɓēé looí. Jə-ndi kə kumjí i kə ta kūl̄ loo kə́ unjə̄ kow yāí.

1 SAMUEL 12:7

Ba ngɔlaā ní ī-raī loo ń noō tə́ ta kum Kɔ́ɔ̄ɓē tə́. M-ā m̄-tə́dá yá̰á̰ kə́ gōtə́ gə̄ malang ń Kɔ́ɔ̄ɓē rāā sesí ō, kə kaasí gēé ō ní.

TƏ́DA 33:49

Ndin̄ i dɔ dán ɓē kə́ Bet Yesimot tə́ kə ɓē kə́ Abel Sitim.

JOJUE 2:1

Dan ń Jojue ngōn̄ Nun i Sitim ní, əla de gə̄ jōó kadə̄ aw̄ əndān̄ ma̰ȳ dɔ nang kə́ Jeriko ō, ɓē kə́ Jeriko nəkɔ́ ō jəke. De gə̄ ní aw̄ ugə̄n̄ Jeriko anī əhɔn̄ ɓē mbā i ɓē yā dəyá̰ ájə́bá kógə̄ḿ kə́ rīn na i Rahab.

JOJUE 3:1

Jojue nin̄ kə ngán Israel gēé ḭḭn̄ Sitim kə gír looí ɓatə, aw̄ ugə̄n̄ ta bā Jurdḛ tə́. ɓīīn̄ kə̄ ta bā tə́ noō a ngóōnəń kum mbang kə́ yā teēń bā Jurdḛ kə̄ gidə kə́rēý tə́.

NGÉ SARYA 11:25

Ī-ngan̄g ī-tɔy Balak ngōn̄ Sipor ń i mban̄g kə́ Moab ní a? Ni-sāā Israel gə̄ bátə́ rɔ̄ɔńdə́ a?

IJAI 1:27

Siyo̰ a ajə i kə ta kūl̄ ɓōĺ gidə yá̰á̰ kə́ súmūú. De kə́ kemeé gə̄ ń a télən̄ yā reē rɔ̄ Nə́ɓā tə́ ní, a ajən̄də́ i kə ta kūl̄ yá̰a̰ rāā kə́ gōtə́.

TƏ́DA 25:2

Ngán kə́ dəyá̰ gə̄ ní ɓārə́n̄də́ loo tun̄ yá̰a̰ kadə̄ ɓesə̄ yādə́ gə̄ tə́, adə̄ əsan̄ yá̰a̰ tū tə́ ō, əsōn̄ kə̄ nang tə́ no ɓesə̄ gə̄ tə́ ndɔ̄ȳn̄də́ ō.

NDŪ NAJƏ̄ 23:6

Banī Kɔ́ɔ̄ɓē Nə́ɓā yāí mbātə́ koō najə̄ yā Balam. Ni-rāā adə̄ ndɔ̄ĺ tél i tɔ́r̄ ta tām̄ yāí tə́ tɔdɔ̄ ni táriī.