MISE 6:2 - Bibəl ta Sar̄

² Mbal̄ gə̄ ō, sḭḭ̄ gír gisə dɔ nang kə́ ra ngan̄g gə̄ ō, ōōī najə̄ ń Kɔ́ɔ̄ɓē a rāań sarya kə gír deē yān gēé ní. A̰á̰ā̰, Kɔ́ɔ̄ɓē a rāā i sarya kə gír deē yān gēé, ni-dəje Israel gíŕ yá̰a̰ rāān gə̄.

Bible sar

² Mbal̄ gə̄ ō, sḭḭ̄ gír gisə dɔ nang kə́ ra ngan̄g gə̄ ō, ōōī najə̄ ń Kɔ́ɔ̄ɓē a rāań sarya kə gír deē yān gēé ní. A̰á̰ā̰, Kɔ́ɔ̄ɓē a rāā i sarya kə gír deē yān gēé, ni-dəje *Israel gíŕ yá̰a̰ rāān gə̄.

MISE 6:2 Referans Kwoze

OJEE 12:2

Epəraim adə̄ de gə̄ kə́ Ejiptə tə́ yibə̄ ō, əndā jīn gír makətūbə̄ koō naā yādə́ kə de kə́ Asiri gēé tə́ ō. I tītə̄ ń noō n ni ulə̄ń rɔ̄n kə nélé ō, a̰ȳń ngɔ̄də̄ gō néĺ kə́ dūn̄ ɓē tə́ dəloí bátə́ loo tíbə dɔn tə́ ō ní. Ni seĺ sor̄ kə̄ loo gə̄ tə́ ō, nujə loo ɔyń yá̰a̰ yā de gə̄ dɔ gúú tə́ ō.

OJEE 4:1

Kɔ́ɔ̄ɓē a rāā i sarya kə de kə́ kem ɓēé gēé. Sḭḭ̄ Israel gə̄, ōōī najə̄ ń ni-ɔr̄ ní: Laā ní deē ra dɔ ndūn tə́ to̰ aĺ ō, deē rāā majə to̰ aĺ ō. De kə́ kem ɓēé ń toō tə́ gə̄ gerə̄mə̄n̄ kə́ Nə́ɓā tə́ to̰ alé.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

PĀ GƏ̄ 104:5

Ni-əndā dɔ nang i dɔ gír gisən gə̄ tə́, adə̄ dɔ nang a yéȳ aĺ i kə́ bátə́ gə̄ tə́.

2 SAMUEL 22:16

Ndū Kɔ́ɔ̄ɓē ń ndángəń loo ní ō, koō ń teē kɔ́nən tə́ ō ní, rāā adə̄ gír bā bo teē dɔɔ́ ō, gír ngəra dɔ nang teē dɔɔ́ ō.

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

JEREMI 31:37

Najə̄ ń Kɔ́ɔ̄ɓē əda ní n toó: Ré de gə̄ asən̄ mbɔ̄jə́ ngāl̄ loo kə́ dɔ rā̰ tə́ dɔɔ́ ō, asən̄ ger̄ loo kə́ nang tə́ gír ngə́ra dɔ nang tə́ ō anī, mā m-ā m-ásə mbātə́ ngán kaa Israel gə̄, tām̄ yá̰á̰ ń nin̄ rāān̄ tə́ ní ō. Najə̄ ń Kɔ́ɔ̄ɓē əda ní n noó.

JEREMI 25:31

Kōn ɓār̄ bátə́ ugə̄ ta ngóy dɔ nang tə́, tɔdɔ̄ Kɔ́ɔ̄ɓē nējə̄n̄ naā najə̄ tə́ kə nápar de gēé, ni-rāā sarya kə de gēé kógə̄ḿ kógə̄ḿ. Əya̰ de gə̄ ń najə̄ i dɔdə́ tə́ ní adə̄ oyn̄ yo kaskar. Najə̄ ń Kɔ́ɔ̄ɓē əda ní n noó.

JEREMI 2:9

I tām̄ ń toō tə́ n m-ā m̄-rāā sarya sesí ní. Najə̄ ń Kɔ́ɔ̄ɓē əda ní n noó. M-ā m̄-rāā sarya kə ngán kaasí gēé ō.

IJAI 43:26

Ī-tél ī-ter̄ kemḿ dɔ yá̰á̰ ń ī-gɔŕyɔ̄m̄ najə̄n tə́ ní, ba j-aw̄ mbak loo sarya tə́. Īkɔ́ ə̄nī gotə yá̰a̰ gə̄ ń rāān̄ yá̰á̰ ní ō, ɔ́jə kadə̄ najə̄ i yāí ō.

IJAI 5:3

Loo ń noō tə́ madə́ḿ ní əda na: Sḭḭ̄ de gə̄ ń ī-ndiī kem ɓē kə́ Jerusalem tə́ ní, sḭḭ̄ de kə́ Juda gə̄, i sḭḭ̄ n ā ī-gāngī sarya kə́ dɔ dáńjí tə́ kə ndɔr̄ kāgə̄ nduú yāḿ ní.

Gōsə̄ najə̄ gə̄ 8:29

Ni-əja nja loo adə̄ bā bo kadə̄ mān̄ dɔ tə́ alé. Ni-əndā gír dɔ nang.

2 SAMUEL 22:8

Loo ń noō tə́ dɔ nang ndebə ō, dɔ rā̰ yéȳ ō. Dan ń wōn̄g rāā Kɔ́ɔ̄ɓē ní, dɔ rā̰ ō, dɔ nang ō ndewn̄.

NDŪ NAJƏ̄ 4:26

Ré ī-rāāī yá̰á̰ kə́ majaĺ kə́ beé gə̄ anī, m-ə́dásí ɓōólaā m-ādə̄ gān̄g ō, dɔ rā̰ nin̄ kə dɔ nang i kə́ kum tə́ yāḿ gə̄ ō. Ā ī-gətóoī kɔ̄ɔ́ kə̄ ta jī tə́ beē dɔ nang ń ā ə́ngeī gidə bā Jurdḛ kə́ dām̄ kə́ nú tə́ ní. Ā ī-ndiī tū tə́ dan i ngá̰ý aĺ n ā ī-gətóoīneé kɔ̄ɔ́ malang ní.

IJAI 3:13

Kɔ́ɔ̄ɓē əndā dɔ rɔ̄n danaá kɔ̄ɔ́ yā rāā sarya, ni-ḭḭ ra kə njan kə́ dɔɔ́ yā gān̄g sarya dɔ gír deē yān gə̄ tə́.

MISE 6:1

Ōōī najə̄ ń Kɔ́ɔ̄ɓē ədam̄ ní, ni ədam̄ na kə m-āw̄ kə m̄-rɔ̄ɔ̄ dɔn tə́ loo sarya tə́! Na kə m-ɔ́jə́ gīr̄ yān kə̄ no mbal̄ bo gə̄ tə́ ō, kə̄ no ngán mbal̄ gə̄ tə́ ō.

OJEE 12:3

Kɔ́ɔ̄ɓē a rāā i sarya kə de gə̄ yā Juda gēé. Ni a rāā yá̰á̰ kógə̄ḿ kə gír deē yā Jakob gēé najə̄ háĺdə́ kə́ majaĺ tə́, a rāā yá̰á̰ kógə̄ḿ kə gír de gə̄ ń noō sɔɔ̄ ń kəla rāādə́ gə̄.