MISE 6:16 - Bibəl ta Sar̄

¹⁶ Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

Bible sar

¹⁶ Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

MISE 6:16 Referans Kwoze

JEREMI 51:51

Dan ń de gə̄ tájə̄n̄jí ō, tə̄rā gə̄ reē udən̄ kem loo kə́ táĺ tə́ kem kújə yā Kɔ́ɔ̄ɓē tə́ ō ní, rɔ̄jí nel̄jí aĺ ō, rɔ̄jí sɔl̄jí ō.

JEREMI 7:24

Banī nin̄ oōn̄ ndūḿ alé. Nin̄ nēlə̄n̄ mbīdə́ aĺ ō, ba rāān̄ yá̰a̰ kə gō kemdə́ ɔjəń dɔ dɔ ngan̄g yādə́ kə́ al̄ naā ngá̰ý ō, tūrə̄n̄ gidədə́ taḿ tə́ kɔ̄ɔ́ ō.

JEREMI 19:8

M-ā m̄-rāā kadə̄ ɓē ń toō tél loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ ń a mānə̄n̄ kadə tə́ á a̰a̰n̄ yá̰a̰ gə̄ malang ń nujə ní a ɔr kumdə́ ō, a tə́gān̄ dɔdə́ nek nek ō.

IJAI 25:8

Ni a nujə yo kɔ̄ɔ́ i kə́ njɔ́ḿ gə̄ tə́. Kɔ́ɔ̄ɓē Nə́ɓā a ɔl̄ man̄ nōō kə́ kum de gə̄ tə́ malang kɔ̄ɔ́. Ni a un rɔ̄sɔl̄ kɔ̄ɔ́ dɔ gír deē yān gə̄ tə́ kem ɓēé malang. Yá̰á̰ ń Kɔ́ɔ̄ɓē ənī ndūn yā rāā ní n noó.

PĀ GƏ̄ 44:13

Ḭ̄ ə́ya̰ ādə̄ mangən̄ gír deē yāí gə̄ kə gātə̄ kə́ ngáā aĺ, manə̄n kə́ sḛ́ý beē gə̄gē ā ə́nge dɔ tə́ alé.

JEJU TEĒ KUM JA̰A̰ 2:20

Banī yá̰á̰ ń m̄-mbātə́ gōí tə́ ní, i kəya̰ ń ə́ya̰ Jesabel ní. Ni i dəyá̰ ń əda na ni na i nge koō ta banī ni i nge rāā kadə̄ ngé kəla yāḿ gə̄ ndúmə̄n̄ ní, tɔdɔ̄ ni-ndóōdə́ rāā ájə́ba kə́ yā ndɔ̄yń ɓesə̄ ō, kəsa dā̰ kə́ tɔ̄l̄ ba tun̄ kadə̄ ɓesə̄ gə̄ ō.

OJEE 5:11

Yá̰a̰ rāā kə́ gōtə́ aĺ rējə̄ Epəraim kɔ̄ɔ́. De gə̄ ɓōlə́n̄ gidə yá̰a̰ yān gə̄ alé, i tām̄ ni gḛy ngɔ̄də̄ gō nél.

DANIEL 9:16

Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

EJEKIEL 39:26

Loo ń noō tə́ dɔdə́ a ndígə̄nal rɔ̄də́ ń sɔl̄də́ ní ō, ra ń nin̄ ran̄ dɔ ndūdə́ tə́ seḿ māá aĺ ní, dɔdə́ a ndígə̄nal malang kɔ̄ɔ́ ō. Nin̄ a ndin̄ dɔ nang yādə́ tə́ kanjə̄ sōl̄ yá̰á̰ kógə̄ḿ ō, de kə́ yā rāādə́ kadə̄ nin̄ ndewn̄ ndew ɓōĺ to̰ ní a gətóo ō.

NŌŌ RƆ̄ 5:1

Kɔ́ɔ̄ɓē ādə̄ əga kemií dɔ yá̰á̰ ń rāājí tə́ ní, ī-teē kumií á̰a̰ń tájə̄ ń de gə̄ tájə̄n̄jí asə naā beé ní.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

IJAI 9:16

I tām̄ najə̄ ń toō tə́ ń Kɔ́ɔ̄ɓē rāā gan̄g ngá̰ý kə balsáa yādə́ gēé ní, kumən o̰o̰n kə ngán hal yādə́ gēé aĺ ō, kə dəyá̰ kə́ ngaa koy yādə́ gēé aĺ ō. Tām̄ nin̄ malang i de kə́ majaĺ gə̄ kə́ ngé rāā yá̰á̰ kə́ majaĺ ō, yá̰a̰ malang ń nin̄ ədan̄ ní i yá̰á̰ kə́ majaĺ ngá̰ý gə̄ ō. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

PĀ GƏ̄ 1:1

Rɔ̄nel̄ i kə deē ń un kɔjə̄ yā ngé kem ndul gə̄ rāań kəla aĺ ní. Ni dəba ra gətóo dɔ róbə yā ngé rāā majaĺ gə̄ tə́ aĺ ō ndi kə ngé lur loo gēé aĺ ō, ba gḛy i ndū najə̄ yā Kɔ́ɔ̄ɓē ō, gír̄ dɔ tə́ ndɔ̄ɔ́ ō kadaá ō ní.

2 YÁ̰A̰ GƏ̄ 34:25

Tɔdɔ̄ de kə́ Jerusalem gə̄ əya̰mə̄n̄ kɔ̄ɔ́, nin̄-tunə̄n̄ yá̰a̰ adə̄n̄ nə́ɓā kə́ rang gə̄. Yá̰a̰ malang ń rāān̄ ní adə̄m̄ wōn̄g ngá̰ý. Wōn̄g ń rāām̄ kə ɓē ń toō ní i wōn̄g kə́ ngá̰ý adə̄ a tetə láẃ alé.

2 MBAN̄G 21:3

Ni-tél rāā loo ndɔ̄ȳ gə̄ ń bɔbə̄n Ejekias nujəń kɔ̄ɔ́ ní gogə́. Ni-rāā loo tun̄ yá̰a̰ gə̄ adə̄ ɓesə̄ Baal ō, udə kāgə̄ ɓesə̄ kə́ yā ɓōĺ gidə kógə̄ḿ tītə̄ ń Akab mban̄g kə́ Israel rāań ní ō. Ni-ɔsə non nang tə́ no tə́yō̰ gə̄ malang kə́ dɔ rā̰ tə́ ō, rāā kəla adə̄də́ ō.

2 MBAN̄G 16:3

banī ni ndájə̄ i kəla rāā mban̄g gə̄ kə́ Israel tə́. Ndējə̄ ngōnən adə̄ róōn horó kə gō yá̰a̰ kāgə̄ ɓē yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ no ngán Israel gə̄ tə́ ní gə̄gē.

1 MBAN̄G GƏ̄ 18:4

adə̄ dan ń Jesabel adə̄ tɔ̄lə̄n̄ ngé koō ta yā Kɔ́ɔ̄ɓē gə̄ ní, ni ɔy ngé koō ta yā Kɔ́ɔ̄ɓē gə̄ ɓú ɓɔ̄ɔ̄də́ kutə mí kutə mí kem bəlo mbal̄ gə̄ tə́ gír loo jōó, ba a̰a̰ gōdə́ kə yá̰a̰ kəsaá ō, kə man̄ ka̰yá̰ ō.

1 MBAN̄G GƏ̄ 9:8

Kújə́ kə́ ngāl̄ ngá̰ý kum kə̄ dɔɔ́ ń toō ní de gə̄ malang ń a mānə̄n̄ kadə tə́ ní a ɔr kumdə́ ngá̰ý ō, a yáādə́ ngá̰ý ō. Adə̄ a dəjen̄ na ké i tām̄ rí tə́ áké Kɔ́ɔ̄ɓē rāā yá̰á̰ kə́ tītə̄ ń toō kə ɓē ń toō ō, kə kújə́ ń toō ō wa.

JEREMI 25:18

M-ādə̄ Jerusalem ō, ɓē kə́ Juda tə́ gə̄ ō, mban̄g yān gə̄ ō, de kə́ bo yān gə̄ ō, kadə̄ a̰ȳn̄ ba télən̄ yá̰á̰ kə́ nujə sák sák ō, kə́ to kum ko̰ kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ de gə̄ a ndɔ̄lə́n̄ naā kə rīneé ō. I yá̰á̰ ń noō n a rāā yá̰a̰ ngɔlaā toó.

JEREMI 29:18

M-ā m̄-tə̄ɓā gōdə́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāādə́ kadə̄ a télən̄ yá̰á̰ kə́ to ɓōĺ kə́ ɓē ko̰o̰ gə̄ malang kə́ dɔ nang tə́ a ndɔ̄lə́n̄ naā i kə rīneé ō, yá̰á̰ kə́ to kum ko̰o̰ kə́ de gə̄ a əgan̄ kɔŕ ɓōĺ dɔ tə́ ō, a tájə̄n̄ ō, kem ɓē yā nápar de gə̄ ń m̄-tə̄ndā m̄-tḭ̄ḭ̄də́ tū tə́ ní.

OJEE 12:14

Banī Kɔ́ɔ̄ɓē teē kə ngán Israel gēé kɔ̄ɔ́ kem ɓē kə́ Ejiptə tə́ i kə ta kūl̄ nge koō ta. I nge koō ta n ngɔ̄m̄də́ ní.

MISE 2:6

De kə́rēý gə̄ ɔrə̄n̄ najə̄ seḿ, ədamə̄n̄ na: Asiī najə̄ yāí gə̄ ń noō. Kəda na a əlan̄ rɔ̄sɔl̄ dɔjí tə́ rɔ̄kum ní, nge ń noō i najə̄ kə́ yā kɔr̄ alé.

MISE 6:13

I tām̄ najə̄ ń toō tə́ n m-ə́lá gír kəndasí ní, m-ə́lá gír nujəsí kɔ̄ɔ́ najə̄ mān̄ dɔ ndū Nə́ɓā yāsí gə̄ tə́ ní.

2 YÁ̰A̰ GƏ̄ 22:4

Ni rāā yá̰á̰ kə́ nel̄ Kɔ́ɔ̄ɓē alé tītə̄ yā de kə́ gír kojə yā Akab tə́ gə̄. Tām̄ dan ń bɔbə̄n oy kɔ̄ɔ́ ní, nin̄ télən̄ ngé kadə̄n kɔjə̄ kə́ yā nujə seneé gə̄.

PĀ GƏ̄ 44:14

Ə́ya̰ madə̄ ɓējí gə̄ adə̄ tájə̄n̄jí ō, de gə̄ ń ndin̄ gīrə̄n̄ gidəjí ní lúrə̄n̄jí ō əgōn̄jí ō.