MISE 6:11 - Bibəl ta Sar̄

¹¹ Ngé kə́rēý gə̄ a unən̄ i yá̰a̰ mbɔ̄jə́ kɔȳ yá̰á̰ kə́ gōtə́ aĺ gə̄ n a mbɔ̄jə́nəń kɔȳ yá̰a̰ gə̄ ō. I mbal̄ ger̄ kɔȳ yá̰á̰ kə́ gōtə́ aĺ gə̄ n nin̄ a ɓōkə́n̄ kem ngong yādə́ tə́ ō ní. M-ā m̄-gān̄g sarya m-ə́da na najə̄ na gətóo dɔdə́ tə́ a?

Bible sar

¹¹ Ngé kə́rēý gə̄ a unən̄ i yá̰a̰ mbɔ̄jə́ kɔȳ yá̰á̰ kə́ gōtə́ aĺ gə̄ n a mbɔ̄jə́nəń kɔȳ yá̰a̰ gə̄ ō. I mbal̄ ger̄ kɔȳ yá̰á̰ kə́ gōtə́ aĺ gə̄ n nin̄ a ɓōkə́n̄ kem ngong yādə́ tə́ ō ní. M-ā m̄-gān̄g sarya m-ə́da na najə̄ na gətóo dɔdə́ tə́ a?

MISE 6:11 Referans Kwoze

OJEE 12:7

Majə kadə̄ ī-tél ī-reē gogə́ rɔ̄ḿ mā Nə́ɓā yāí tə́. Ɔ́jə kə̄ ndágá kadə̄ ḭ̄ i de kə́ nge kem majə ō, ī-ɓōĺ gidə yá̰á̰ kə́ súmūú ō, Ə̄ndā kemií dɔḿ mā Nə́ɓā yāí tə́ ngándáńg ō.

LEBI GƏ̄ 19:36

Ādī yá̰a̰ mbɔ̄jə́ kɔȳ yá̰a̰ yāsí gə̄ ō, mbalən gə̄ ō, kār̄ tɔ́r̄ yá̰a̰ yāsí gə̄ ō, i kə́ gōtə́ gə̄. Mā i Kɔ́ɔ̄ɓē Nə́ɓā yāsí, nge teē sesí kem ɓē kə́ Ejiptə tə́.

Gōsə̄ najə̄ gə̄ 16:11

Kɔ́ɔ̄ɓē gḛy kadə̄ yá̰a̰ mbɔ̄jə́ kɔȳ yá̰a̰ gə̄ ton̄ kə gōó ō, mbal̄ mbɔ̄jə́ kɔȳ yá̰a̰ gə̄ malang i kəla yān ni ō.

NDŪ NAJƏ̄ 25:13

Ā ə̄tō mbal̄ gində̄ gə̄ kə́ yā kɔjəń kɔȳ yá̰á̰ gír naā tə́ jōó kadə̄ kógə̄ḿ i kə́ bo ō, kə́rēý i kə́ dūú ō, kem ngong yāí tə́ alé.

Gōsə̄ najə̄ gə̄ 11:1

Yá̰a̰ mbɔ̄jə́ kɔȳ yá̰á̰ kə́ rāān kadə̄ ɔjə kɔȳ yá̰a̰ kə gōó alé i yá̰á̰ kə́ yḛr ta kum Kɔ́ɔ̄ɓē tə́, banī yá̰a̰ mbɔ̄jə́ kɔȳ yá̰á̰ kə́ to kə gōó nelə̄n.

EJEKIEL 45:10

Āwī kə yá̰a̰ mbɔ̄jə́ kɔȳ yá̰a̰ gə̄ kə́ gōtə́ ō, kə yá̰a̰ mbɔ̄jə́ ngāl̄ loo gə̄ kə́ gōtə́ ō.

AMOS 8:5

Sḭḭ̄ ə́daī na: Kadə̄ gír ndɔ̄ rāā nāā kə́ teē kíjə kə gān̄g láẃ! Loo ń noō tə́ j-a j-asiī gātə̄ kōō yājí. Kadə̄ gír sabat kə gān̄g láẃ! Loo ń noō tə́ j-a j-asiī teē ta mō̰ȳ yājí gə̄. J-a jə-ndégī ta yá̰a̰ gātə̄ gə̄ kɔ̄ɔ́ ō, j-a j-ənī gātə̄ dɔ madə̄ tə́ ō, j-a jə-rāāī kadə̄ yá̰a̰ mbɔ̄jə́ kɔȳ yá̰a̰ i gōtə́ aĺ ō.

JAKARI 5:8

De kə́ dɔ rā̰ tə́ ni ədam̄ na: Dəyá̰ ní i Kem Ndul. Gō tə́ anī, ni mbəren adə̄ tél aw̄ gogə́ kem yá̰á̰ kə́ yā ɓókə́nń yá̰á̰ ní tə́, ba tél əndā yá̰a̰ ta yá̰á̰ ni gogə́ ta tə́.

Gōsə̄ najə̄ gə̄ 20:10

Yá̰a̰ mbɔ̄jə́ kɔȳ yá̰a̰ kə́ gír naā tə́ jōó ō, kār̄ mbɔ̄jə́ yá̰á̰ kə́ gír naā tə́ jōó ō ní, i yá̰á̰ kə́ yḛr jōó mbak ta kum Kɔ́ɔ̄ɓē tə́.