MISE 6:10 - Bibəl ta Sar̄

¹⁰ Yá̰a̰ kənge kə́ kə ta róbə́ kə́ gōtə́ aĺ ní, deē a əngedə́ i kem kújə yā de kə́ majaĺ gə̄ tə́ ngándáńg ō, nin̄ a unən̄ i kār̄ tɔ̄jə̄ yá̰á̰ kə́ gōtə́ aĺ n a mbɔ̄jə́nəń yá̰a̰ ō. I yá̰á̰ kə́ majə ka̰ā̰ aĺ ngá̰ý. M-ásə́ tə́gā taḿ dɔ yá̰á̰ kə́ beé tə́ a?

Bible sar

¹⁰ Yá̰a̰ kənge kə́ kə ta róbə́ kə́ gōtə́ aĺ ní, deē a əngedə́ i kem kújə yā de kə́ majaĺ gə̄ tə́ ngándáńg ō, nin̄ a unən̄ i kār̄ tɔ̄jə̄ yá̰á̰ kə́ gōtə́ aĺ n a mbɔ̄jə́nəń yá̰a̰ ō. I yá̰á̰ kə́ majə ka̰ā̰ aĺ ngá̰ý. M-ásə́ tə́gā taḿ dɔ yá̰á̰ kə́ beé tə́ a?

MISE 6:10 Referans Kwoze

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

Gōsə̄ najə̄ gə̄ 20:10

Yá̰a̰ mbɔ̄jə́ kɔȳ yá̰a̰ kə́ gír naā tə́ jōó ō, kār̄ mbɔ̄jə́ yá̰á̰ kə́ gír naā tə́ jōó ō ní, i yá̰á̰ kə́ yḛr jōó mbak ta kum Kɔ́ɔ̄ɓē tə́.

Gōsə̄ najə̄ gə̄ 21:6

Yá̰á̰ kə́ kənge kə ta kūl̄ najə̄ kə́ soró i yá̰á̰ gól̄ rɔ̄ yā ngé sāā yo gə̄ kə́ a to dan i ngá̰ý alé.

Gōsə̄ najə̄ gə̄ 20:23

Mbal̄ mbɔ̄jə́ kɔȳ yá̰a̰ gə̄ kə́ gíŕdə́ i jōó i yá̰á̰ kə́ yḛr ta kum Kɔ́ɔ̄ɓē tə́. Yá̰a̰ mbɔ̄jə́ kɔȳ yá̰a̰ gə̄ kə́ rāān̄ kadə̄ ɔjən̄ kɔȳ yá̰a̰ kə gōó alé i yá̰á̰ kə́ majə alé.

Gōsə̄ najə̄ gə̄ 11:1

Yá̰a̰ mbɔ̄jə́ kɔȳ yá̰á̰ kə́ rāān kadə̄ ɔjə kɔȳ yá̰a̰ kə gōó alé i yá̰á̰ kə́ yḛr ta kum Kɔ́ɔ̄ɓē tə́, banī yá̰a̰ mbɔ̄jə́ kɔȳ yá̰á̰ kə́ to kə gōó nelə̄n.

Gōsə̄ najə̄ gə̄ 10:2

Yá̰á̰ kə́ kənge kə ta róbə́ kə́ gōtə́ aĺ a rāā majə kə deé alé, banī háĺ kə́ gōtə́ a ɔr deē ta yo tə́.

JOJUE 7:1

Ngán Israel gə̄ rāān̄ yá̰á̰ kə́ gōtə́ alé, tɔdɔ̄ yá̰a̰ kənge ń Kɔ́ɔ̄ɓē ɔgə̄də́ kun ní nin̄ unən̄. I de kə́ gír ɓē yā Juda tə́ n ɔy núsə́ yá̰a̰ kənge kə́rēý gə̄ adə̄ wōn̄g rāā Kɔ́ɔ̄ɓē kə ngán Israel gēé ngá̰ý ní. Rī deē ní na i Akan. Ni i ngōn̄ Karmi kə́ ngōn̄ Jabədi kə́ ngōn̄ Jera.

SOPONI 1:9

Ndɔ̄ ń noō tə́ ní, m-ā m̄-rāā yá̰á̰ kógə̄ḿ kə de gə̄ malang ń a gə̄lān̄ dɔ kāgə̄ kə́ ta kújə́ tə́ ní. De gə̄ malang ń rāān̄ adə̄ kem kújə yā kɔ́ɔ̄də́ gə̄ rosə kə yá̰a̰ kənge gə̄ kə́ nin̄ əngen̄ i kə ta kūl̄ yá̰a̰ rāā kə́ kə dɔ́nɔ́ ō, kə ta kūl̄ soró ō ní, m-ā m̄-rāā yá̰á̰ kógə̄ḿ sedə́ ō.

MISE 6:9

Kɔ́ɔ̄ɓē ɔr̄ najə̄ kə de gə̄ ń ndin̄ kem ɓē kə́ bo tə́ ní. Ngé gə̄ ń ɓōlə́n̄ ndílən ní, ni a ajədə́. Sḭḭ̄ de gə̄ kə́ gír ɓē yā Juda tə́ ō, sḭḭ̄ malang ń ī-kánī naā kem ɓē kə́ bo tə́ ní ō, ōōī!

AMOS 3:9

Ī-raī dɔ kújə́ kə́ majə gə̄ kə́ kem ɓē kə́ Asdod tə́ ō, kə́ kem ɓē kə́ Ejiptə tə́ ō, ə́gaīń kɔŕ ə́daī na: Ɔ́siī dɔsí naā tə́ loo kə́ kḭḭ kə̄ dɔɔ́ gə̄ kə́ Samari tə́ tə́, ba á̰a̰ī yá̰á̰ kə́ a̰a̰ gō naā aĺ gə̄ kə́ ngá̰ý ō, yá̰á̰ kə́ rāā kə dɔ́nɔ́ kə́ i kemeé.

JAKARI 5:6

m̄-dəjen najə̄ m-ə́da na ké nge ń noō ɔsə i kum gotə rí wa. Anī ni-tél ədam̄ na: I yá̰á̰ kə́ yā ɓōkə́ yá̰a̰ kemeé, kə́ yá̰a̰ rāā kə́ gōtə́ aĺ gə̄ kə́ kem ɓēé malang i kemeé.