MISE 6:1 - Bibəl ta Sar̄

¹ Ōōī najə̄ ń Kɔ́ɔ̄ɓē ədam̄ ní, ni ədam̄ na kə m-āw̄ kə m̄-rɔ̄ɔ̄ dɔn tə́ loo sarya tə́! Na kə m-ɔ́jə́ gīr̄ yān kə̄ no mbal̄ bo gə̄ tə́ ō, kə̄ no ngán mbal̄ gə̄ tə́ ō.

Bible sar

¹ Ōōī najə̄ ń Kɔ́ɔ̄ɓē ədam̄ ní, ni ədam̄ na kə m-āw̄ kə m̄-rɔ̄ɔ̄ dɔn tə́ loo sarya tə́! Na kə m-ɔ́jə́ gīr̄ yān kə̄ no mbal̄ bo gə̄ tə́ ō, kə̄ no ngán mbal̄ gə̄ tə́ ō.

MISE 6:1 Referans Kwoze

JEREMI 22:29

Dɔ nang yāḿ, dɔ nang yāḿ, ōō najə̄ yā Kɔ́ɔ̄ɓē.

NDŪ NAJƏ̄ 32:1

Dɔ rā̰, ī-nēl̄ mbīí ōoń najə̄ kɔrə̄ḿ. Dɔ nang, ōō yá̰a̰ gə̄ ń m-ā m-ə́dá ní.

MISE 1:2

Sḭḭ̄ gír de gə̄ malang, ōōī! Ḭ̄ dɔ nang ō, de kə́ dɔ nang tə́ gə̄ ō, ī-nēlī mbīsí! Kɔ́ɔ̄ɓē Nə́ɓā a ndi loo yān kə́ táĺ tə́ yā kəndāń najə̄ dɔsí tə́.

EJEKIEL 36:1

Ngōn̄ deē, najə̄ yā mbal̄ gə̄ kə́ Israel tə́ ń m-ə̄ndā taí tə́ ní, ɔ̄r̄ ngɔlaā. Ī-mēr̄də́ koō najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ sedə́ ní.

PĀ GƏ̄ 50:4

Nə́ɓā ɓāŕ dɔ rā̰ dɔɔ́ nú ō dɔ nang ō kadə̄ reēn̄ kum sarya yā gír deē yān gə̄ tə́.

NDŪ NAJƏ̄ 4:26

Ré ī-rāāī yá̰á̰ kə́ majaĺ kə́ beé gə̄ anī, m-ə́dásí ɓōólaā m-ādə̄ gān̄g ō, dɔ rā̰ nin̄ kə dɔ nang i kə́ kum tə́ yāḿ gə̄ ō. Ā ī-gətóoī kɔ̄ɔ́ kə̄ ta jī tə́ beē dɔ nang ń ā ə́ngeī gidə bā Jurdḛ kə́ dām̄ kə́ nú tə́ ní. Ā ī-ndiī tū tə́ dan i ngá̰ý aĺ n ā ī-gətóoīneé kɔ̄ɔ́ malang ní.

EJEKIEL 36:8

Kum mbang ngeé ń noō tə́ ní, kāgə̄ gə̄ kə́ dɔ mbal̄ bo gə̄ kə́ Israel tə́ a tɔ̄ɔ̄n̄ ta jīdə́ gə̄ ō, a anə̄n̄ tām̄ yāsí sḭḭ̄ Israel gə̄ ń i gír deē yāḿ gə̄ ní tə́ ō. Tɔdɔ̄ sḛ́ý laā anī ā ī-téliī yā kaw̄ gogə́ dɔ nang yāsí tə́.

IJAI 1:2

Dɔ rā̰, ōō! Ba ḭ̄ dɔ nang, ī-nēl̄ mbīí! I Kɔ́ɔ̄ɓē n a ɔr̄ najə̄ ní: M-ūl̄ ngán gə̄ adə̄ tɔgən̄, m-ə̄tō ngán gə̄, banī nin̄ əsōn̄ wōn̄g taḿ tə́ kɔ̄ɔ́.

Najə̄ kə́ Majə yā Jeju ń Luk ndang ní 19:40

Ba Jeju ədadə́ na: Ādə̄ m-ə́dásí, ré nin̄ a ran̄ kə tadə́ kə́ mbóó gə̄gē anī, i mbal̄ gə̄ n a əgan̄ kɔŕ ní.

PĀ GƏ̄ 50:1

I pā yā Asap. Nə́ɓā, Nə́ɓā ń i Kɔ́ɔ̄ɓē ní, ɔr̄ najə̄. Ni ɓāŕ dɔ nang, əla gír loo ń mbang a əɓa tū tə́ ní, bátə́ loo ń mbang a udə tū tə́ ní.

MISE 1:4

Mbal̄ bo gə̄ yḛḛ̄n̄ gír njan tə́ ō, wól loo gə̄ njarən̄ ō, tītə̄ tībə̄ tejə kə́ deē əndā kadə hor tə́ anī, yḛḛ̄ kɔ̄ɔ́ beē ō, tītə̄ man̄ kə́ ḭḭ loo kə́ kḭḭ kə̄ dɔɔ́ tə́ a nūgə̄ kum kə̄ nang tə́ beē ō.

EJEKIEL 37:4

Loo ń noō tə́ ni ədam̄ na: Ɔ̄r̄ najə̄ kə kə̄ngā gə̄ ń noō tītə̄ nge koō ta kógə̄ḿ ə́dádə́ na: Sḭḭ̄ ń i kə́ tutə kɔ̄ɔ́ gə̄ ní, ōōī najə̄ yā Kɔ́ɔ̄ɓē!

JEREMI 13:15

Ōōī, ī-nēlī mbīsí ōōīneé, ī-tetiī rɔ̄sí kə̄ nang tə́ ba ōōī: I Kɔ́ɔ̄ɓē n ɔr̄ najə̄ ní.

AMOS 3:1

Israel gə̄, sḭḭ̄ i gír kojə kə́ Kɔ́ɔ̄ɓē ḭḭ sesí i Ejiptə tə́ n tél reē sesí gogə́ ɓēé ní. Ōōī najə̄ ń ni-əda dɔsí tə́ ní:

1 SAMUEL 15:16

Samuel əda Saul na: Asiī najə̄. Ādə̄ m-ə́daī yá̰á̰ ń Kɔ́ɔ̄ɓē ədam̄ ndɔ̄ɔ́ laā ní. Saul əda na: Ə́da tā.

1 SAMUEL 12:7

Ba ngɔlaā ní ī-raī loo ń noō tə́ ta kum Kɔ́ɔ̄ɓē tə́. M-ā m̄-tə́dá yá̰á̰ kə́ gōtə́ gə̄ malang ń Kɔ́ɔ̄ɓē rāā sesí ō, kə kaasí gēé ō ní.

MISE 6:2

Mbal̄ gə̄ ō, sḭḭ̄ gír gisə dɔ nang kə́ ra ngan̄g gə̄ ō, ōōī najə̄ ń Kɔ́ɔ̄ɓē a rāań sarya kə gír deē yān gēé ní. A̰á̰ā̰, Kɔ́ɔ̄ɓē a rāā i sarya kə gír deē yān gēé, ni-dəje Israel gíŕ yá̰a̰ rāān gə̄.

IJAI 3:13

Kɔ́ɔ̄ɓē əndā dɔ rɔ̄n danaá kɔ̄ɔ́ yā rāā sarya, ni-ḭḭ ra kə njan kə́ dɔɔ́ yā gān̄g sarya dɔ gír deē yān gə̄ tə́.

EJEKIEL 6:3

ā ə́da na: De gə̄ ń ndin̄ ɓē dɔ mbal̄ bo gə̄ tə́ ō, dɔ ngán mbal̄ gə̄ tə́ ō, guúru loo gə̄ tə́ ō, wól loo gə̄ tə́ ō ní najə̄ ń mā Kɔ́ɔ̄ɓē Nə́ɓā m-ə́dádə́ ní n toó. M-ā m̄-reē kə ngé rɔ̄ɔ̄ gēé dɔsí tə́ yā nujəń loo ndɔ̄ȳ yāsí gə̄ kɔ̄ɔ́.