MISE 5:8 - Bibəl ta Sar̄

⁸ Gír de gə̄ yā Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!

Bible sar

⁸ Gír de gə̄ yā *Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!

MISE 5:8 Referans Kwoze

JAKARI 10:5

Nin̄ a ton̄ tītə̄ go̰ rɔ̄ɔ̄ gə̄ beé. Nin̄ a rējə̄n̄ ngé rɔ̄ɔ̄də́ gə̄, tītə̄ bɔr kə́ kum róbə kɔsɔɔ́ beē. Nin̄ a rɔ̄ɔ̄n̄ tītə̄ ń noō i tɔdɔ̄ mā ń i Kɔ́ɔ̄ɓē ní, mā i sedə́ naā tə́. Rɔ̄ ngé kal̄ sə́nda yā madə̄ ba̰ā̰ gə̄ a sɔl̄də́.

MISE 4:13

Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.

JAKARI 12:3

A̰á̰ā̰, kum mbang ngeé ń noō tə́ ní, m-ā m̄-rāā ɓē kə́ Jerusalem i kūbə̄rū mbal̄ kógə̄ḿ kə́, de kə́ asə kunən dɔɔ́ a gətóó tə́. De gə̄ malang ń a ndigən̄ kunən dɔɔ́ ní, a əngen̄ do. I tām̄ najə̄ ń noō tə́ n nápar de gə̄ malang kə́ dɔ nang tə́ a əndān̄ rɔ̄də́ naā tə́ yā rɔ̄ɔ̄n ní.

JAKARI 9:15

Kɔ́ɔ̄ɓē kə́ bo kə́ tɔ́gən i ngá̰ý a ngɔ̄m̄ de gə̄ kə́ dan gír deē yān gə̄ tə́. Kɔkərɔ gə̄ kə́ kem bējə̄ gə̄ tə́ ní, nin̄ a nujənə̄ń kɔ̄ɔ́ ō, a tɔ̄ɔ̄n̄ kɔ̄ɔ́ ō. A ɓōkə́n̄ mósə madə̄ ba̰ā̰də́ gə̄ nang tə́ tītə̄ kasə nduú beē. Nin̄ a ɓōkə́n̄ tītə̄ mósə dā̰ kə́ tɔ̄l̄ yā tun̄ beé, kem bay ndējə̄ yá̰á̰ tə́, aláa tītə̄ mósə́ kə́ ɓōkə́ tū gajə gə̄ kə́ kíl loo tun̄ yá̰á̰ tə́ beē.

OJEE 5:14

Tɔdɔ̄ i mā Kɔ́ɔ̄ɓē n m-ə̄nī Epəraim rɔ̄ɔ̄ tītə̄ ɓɔl beé ní ō, m̄-rɔ̄ɔ̄ Juda tītə̄ balsáa ɓɔl beé ní ō. I mā n m-ā m̄-rə́yā̰sí naā tə́ ní. Gō tə́ anī, m-ā m-úńsí yā kaw̄ sesí tītə̄ batə̄ beé ō, de kə́ yā taāsí jīḿ tə́ a gətóo ō.

PĀ GƏ̄ 50:22

Sḭḭ̄ gə̄ ń dɔsí ndígə̄nal Nə́ɓā ní, ə̄ndāī kemsí dɔ najə̄ ń noō tə́ majə. Aĺ anī m-ā m̄-rə́yā̰sí naā tə́ háráńg háráńg kɔ̄ɔ́ ō, de kə́ yā taāsí jīḿ tə́ a gətóo ō.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

KƏLA RĀĀ 18:6

Banī Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i Jipə aĺ gə̄ ní tə́.

MATIYE 10:14

Ré de gə̄ əhɔn̄sí kə̄ rɔ̄də́ tə́ aĺ ō, oōn̄ najə̄ yāsí aĺ ō anī, ī-teēī kɔ̄ɔ́ kem kújə́ ń noō tə́, aláa kem ɓē ń noō tə́, ba ī-*gógī bumbə́rú kə́ njasí tə́.

TA KƏLA 49:9

Ngōnə̄ḿ Juda, ḭ̄ i ɓɔl kə́ əhɔ dā̰ əsan, ba tél a aw̄ kə̄ gogə́ loo ton tə́. Ɓɔl tétə̄ kejən ba to nang tə́ anī, i náā-n asə rāān kadə̄ ḭḭ dɔɔ́?

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

TƏ́DA 24:9

Nin̄ tɔ́sə̄n̄ yár̄ pá tá ton̄ nang tə́ tītə̄ ɓɔl gə̄. I náā n asə kɔsə sedə́ ta kḭḭ dɔɔ́? Israel, deē ń a tɔ́r̄ tan dɔí tə́ ní, tɔ́r̄ ta i dɔ kɔ́ɔ̄ tə́, ba deē ń a ndɔ̄líī ní, a ndɔ̄lə́n̄ kɔ́ɔ̄.

PĀ GƏ̄ 44:5

Ɓɔ́ Nə́ɓā, ḭ̄ ń i mban̄g yāḿ ní, ādə̄ ndūí anī Jakob a tetə rɔ̄ɔ̄.

PĀ GƏ̄ 104:20

Ni-əndā loo kə́ risə til, adə̄ i loo kə́ ndɔ̄ɔ́. Anī dā̰ malang kə́ kem ku kāgə̄ gə̄ tə́ ḭḭ a njə̄rān̄.

IJAI 5:29

Ndū áskar gə̄ ɓār̄ tītə̄ ndū ɓɔl kə́ a nōō beé. Nin̄ do̰o̰n̄ rɔ̄ɔ̄ tītə̄ ngán ɓɔl gə̄ beé. Nin̄ əgan̄ kɔŕ tītə̄ dā̰ kə́ bembeé gə̄ kə́ əhɔn̄ dā̰ oy anī, un aw̄nəń beé. De kə́ asə taā dā̰ ní ta hēl̄ jīdə́ tə́ gətóo.

EJEKIEL 39:10

Nin̄ a sāān̄ kīr̄ bembeé to̰ aĺ ō, a tə́gān̄ kīr̄ kem ku gə̄ tə́ to̰ aĺ ō. Tɔdɔ̄ nin̄ a rāān̄ hor i kə yá̰a̰ rɔ̄ɔ̄ gə̄ ń noō. Nin̄ a ɓogən̄ ngé gə̄ ń ɓogən̄də́ nin̄ kété ní ō, ngé gə̄ ń kété ɔyn̄ yá̰a̰ yādə́ nin̄ dɔ gúú tə́ ní, nin̄ a ɔyn̄ yá̰a̰ yādə́ dɔ gúú tə́ ō. I mā Kɔ́ɔ̄ɓē Nə́ɓā n m-ə́da najə̄ ń noō.

MISE 2:12

Mā Kɔ́ɔ̄ɓē, m̄-ndigə kɔsə nja kojə yā Jakob kə̄ naā tə́. A̰á̰ā̰, de gə̄ malang kə́ dan gír de gə̄ yā Israel tə́ ń teēn̄ ta yo tə́ ní, m̄-ndigə ɓoodə́ naā tə́. M-ā m̄-kán̄də́ loo kógə̄ḿ kem gong yādə́ gə̄ tə́ tītə̄ batə̄ gə̄ beé, tītə̄ ɓūtə̄ yá̰a̰ kul̄ gə̄ kə́ ran̄ loo kəsa mu yādə́ tə́ beé. Nin̄ a télən̄ kósə de gə̄ kə́ kōōdə́ ɓār̄ ngá̰ý.

MISE 4:7

Ngé gə̄ ń əngen̄ do ní, m-ā m̄-rāādə́ kadə̄ a télən̄ i gír de gə̄ kə́ a ndin̄ kə kumdə́. A̰á̰ā̰, ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-rāādə́ kadə̄ a télən̄ i nápar de gə̄ kə́ tɔ́gə́də́ i ngá̰ý. Loo ń noō tə́ mā Kɔ́ɔ̄ɓē m-ā m̄-tél i mban̄g yādə́, dɔ mbal̄ bo kə́ Siyo̰ tə́, i kum mbang ngeé ń noō tə́ ō, i kə́ njɔ́ḿ gə̄ tə́ ō.

MISE 5:3

Ba ni kə́ ngār ń ədan̄ najə̄ yān kété ní, a ḭḭ yān ō, a tél nge kul̄də́ ō, kə ta kūl̄ tɔ́gə yā Kɔ́ɔ̄ɓēé ō, kə ta kūl̄ ndi kə́ to kɔsə gɔn yā Kɔ́ɔ̄ɓē Nə́ɓā yān ō. De gə̄ kə́ dan gír deē yān gə̄ tə́ a ndin̄ kanjə̄ sōl̄ yá̰á̰ kógə̄ḿ. Tām̄ tɔ́gən a aw̄ bátə́ yā kugə̄ ta ngóy dɔ nang tə́.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

JAKARI 11:6

Mā Kɔ́ɔ̄ɓē m-ə́dá wáńg na: Kumḿ a o̰o̰m̄ kə de kə́ dɔ nang tə́ gēé to̰ alé. M-ā m-ə́la deē ndul gə̄ kógə̄ḿ kógə̄ḿ kem jī madə̄ ɓēdə́ gə̄ tə́ ō, kem jī mban̄g yādə́ tə́ ō. Mban̄g gə̄ a nujən̄ dɔ nang kɔ̄ɔ́ malang ō, m-ā m̄-taā deē kógə̄ḿ jīdə́ tə́ yā kəya̰n dɔɔ́ aĺ ō.

JAKARI 14:18

Ré gír kojə gə̄ kə́ Ejiptə gə̄ aw̄n̄ Jerusalem rāā nāā kújə́ kámbə gə̄ tə́ aĺ anī, yá̰á̰ kə́ tōr̄ kógə̄ḿ a əsō dɔdə́ tə́, tītə̄ ń əsōń dɔ nápar de gə̄ ń a aw̄n̄ rāā nāā ngeé ń noō tə́ aĺ ní.