MISE 5:6 - Bibəl ta Sar̄

⁶ Israel gə̄ ń na̰yn̄ kə kumdə́ dan gír de gə̄ kə́ ngá̰ý gə̄ tə́ ní, a ton̄ i tītə̄ tal kə́ tə́sō ɗḛy ɗḛy gə̄, kə́ Kɔ́ɔ̄ɓē əlań beē, a ton̄ i tītə̄ man̄ ndī kə́ tə́sō dɔ mu tə́ beē. Nin̄ əndān̄ kemdə́ dɔ deē ndul gə̄ tə́ aĺ ō, ngóōn̄ ta yá̰á̰ kógə̄ḿ jīdə́ tə́ aĺ ō.

Bible sar

⁶ *Israel gə̄ ń na̰yn̄ kə kumdə́ dan gír de gə̄ kə́ ngá̰ý gə̄ tə́ ní, a ton̄ i tītə̄ tal kə́ tə́sō ɗḛy ɗḛy gə̄, kə́ Kɔ́ɔ̄ɓē əlań beē, a ton̄ i tītə̄ man̄ ndī kə́ tə́sō dɔ mu tə́ beē. Nin̄ əndān̄ kemdə́ dɔ deē ndul gə̄ tə́ aĺ ō, ngóōn̄ ta yá̰á̰ kógə̄ḿ jīdə́ tə́ aĺ ō.

MISE 5:6 Referans Kwoze

IJAI 14:25

M-ā m̄-nujə ko̰o̰ ɓē yā Asiri kɔ̄ɔ́ kem ɓē yān tə́, m-ā m̄-rējə̄də́ dɔ mbal̄ bo yāḿ gə̄ tə́. Nin̄ rāān̄ adə̄ ko̰o̰ ɓē yādə́ ɔȳ gír deē yāḿ gə̄ tītə̄ njúkə beé, m-ā m-ún kɔ̄ɔ́. Nin̄ əndān̄ yá̰á̰ kə́ ɔȳ dɔ bɔ̄gə̄ gír deē yāḿ gə̄ tə́. M-ā m-ūsə̄ yá̰á̰ kə́ ɔȳ ní nang tə́ kɔ̄ɔ́.

Najə̄ kə́ Majə yā Jeju ń Luk ndang ní 1:74

yā taājí jī madə̄ ba̰ā̰jí gə̄ tə́ yā kəya̰jí dɔɔ́, kadə̄ jə-rāā kəla j-adə̄n kanjə̄ ɓōĺ.

Najə̄ kə́ Majə yā Jeju ń Luk ndang ní 1:71

Ni-ənī míndən adə̄jí, əda na n-a n-gān̄g dɔjí jī madə̄ ba̰ā̰jí gə̄ tə́ ō, de gə̄ malang ń imə̄n̄jí ní, na n-a n-taājí jīdə́ tə́ yā kəya̰jí dɔɔ́ ō.

SOPONI 2:13

Kɔ́ɔ̄ɓē a rāā yá̰á̰ kógə̄ḿ kə gō nang kə́ dām̄ mbɔ́r ɓē kə́ ko̰ó̰ tə́, ni a rāā kadə̄ dɔ nang kə́ Asiri a tél kɔkərɔ gə̄ kə́ kánə̄n̄də́ dɔ naā tə́ bing. Ni a nujə ɓē kə́ Ninibə kɔ̄ɔ́, adə̄ ɓē kə́ Ninibə a tél loo kə́ tutə tītə̄ loo kə́ dəla loo tə́ beē.

NAHUM 2:11

Ɓogən̄ yá̰a̰ malang kɔ̄ɔ́ ō, tɔ̄ɔ̄n̄ yá̰a̰ malang kɔ̄ɔ́ ō, rējə̄n̄ yá̰a̰ malang kɔ̄ɔ́ ō. Jī de gə̄ ur̄ wak kɔ̄ɔ́ ō, njadə́ udə̄ lagəja ō, ndewn̄ kə̄ rɔ̄də́ gə̄ tə́ malang ō, ta kumdə́ tūr̄ kɔ̄ɔ́ ō.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

IJAI 14:2

Gotə gír de kə́ rang gə̄ a reēn̄ sāā Israel tə́ yā tél kaw̄ seneé gogə́ dɔ nang yān tə́. Loo ń noō tə́ gír deē yā Israel gə̄ a əhɔn̄ de gə̄ ngeé ń toō ɓəlo tə́, dəngam gē dəyá̰ gē, dɔ nang yā Kɔ́ɔ̄ɓē tə́. Ngé gə̄ ń əhɔnən̄ dəngáý kété ní, ni a əhɔdə́ dəngáy i tītə̄ ń noō, ngé gə̄ ń kété rējə̄nən̄ ní, ni a téĺ kɔ́ɔ̄də́ i tītə̄ ń noō.

2 YÁ̰A̰ GƏ̄ 33:11

Loo ń noō tə́ Kɔ́ɔ̄ɓē rāā adə̄ ngol gə̄ yā ngé rɔ̄ɔ̄ gə̄ yā mban̄g kə́ Asiri reē rɔ̄ɔ̄n̄də́. Nin̄ əhɔn̄ Manase kə kuyú, tṵ́ṵ̄nən̄ kə súĺ gində̄ nə̄ngá kasə kə́ kəga gidə naā tə́ jōó, ba aw̄n̄ seneé Babilon.

2 MBAN̄G 15:29

Dan yā Peka mban̄g kə́ Israel tə́ ní, Tigəlatə Pileser mban̄g kə́ Asiri reē taā ɓē kə́ Iyon ō, Abel Betə Maaka ō, Yanoa ō, Kedes ō, Hasor ō, gō nang kə́ Galaad ō, gō nang kə́ Galile ō, gō nang kə́ Nepətali malang ō. Ni-ɔy de kə́ kemeé gə̄ aw̄ sedə́ dɔ nang kə́ Asiri tə́.

Najə̄ kə́ Majə yā Jeju ń Luk ndang ní 24:27

Loo ń noō tə́ anī, ni-əla gír dɔ najə̄ yā Moijə tə́ bátə́ gāngəń dɔ najə̄ yā ngé koō ta gə̄ malang tə́, a ɔrə̄ńdə́ kum yá̰a̰ malang kə́ ɔjə dɔn ń ndangən̄ kem makətūbə̄ tə́ ní.

IJAI 37:36

De kə́ dɔ rā̰ tə́ yā Kɔ́ɔ̄ɓē ugə̄ gérger yā Asiri gə̄ tə́, ba rāā adə̄ de gə̄ dūbú kə kutə sɔ́sɔ́ kə kalən kə́ mí oyn̄. Teē dəloí kə ndɔ̄ kə́ noō anī, áskar gə̄ teēn̄ dɔ de kə́ koy gə̄ ń noō tə́ malang.

IJAI 37:37

Anī Senakerib mban̄g kə́ Asiri adə̄ de gə̄ tútən̄ kújə tandā gə̄ kɔ̄ɔ́. Ni-tél aw̄ gogə́ Ninibə ō, ndi kem ɓē ngeé ń noō tə́ ō.

NDŪ NAJƏ̄ 32:2

Ādə̄ yá̰á̰ ndóō yāḿ gə̄ edən̄ tītə̄ man̄ ō, ādə̄ najə̄ kə́ taḿ tə́ teē tītə̄ tal kə́ a tə́sō ō, i tītə̄ man̄ kə́ edə dɔ mbī kámbə́ tə́ ō, dɔ mu tə́ ō.

1 YÁ̰A̰ GƏ̄ 1:10

Kus i bɔbə̄ Nemrod ō. Nemrod i de kə́ ta kəga dɔ ń tɔ́gən i ngá̰ý dɔ nang tə́ ní.

Makətūbə̄ yā Job 29:22

Dan ń m-ɔ̄r̄ najə̄ gír gān̄g anī, deē əda yá̰á̰ kə́ rang dɔ tə́ alé. Najə̄ yāḿ tə́sō ɗḛy ɗḛy dɔdə́ tə́ tītə̄ tal beé.

PĀ GƏ̄ 72:6

Ādə̄ ni risə tītə̄ man̄ kə́ a edə kə̄ dɔ mu kə́ tél sitə gogə́ tə́, tītə̄ man̄ kə́ edə ba rāā adə̄ dɔ nang sɔl̄ beé!

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

IJAI 6:13

Ré gángə̄n̄ de kə́ kem ɓēé gə̄ gír loo kutə anī, gírən kə́ kógə̄ḿ ń a na̰y ní, hor a o̰o̰ tītə̄ loo róō kāgə̄ kə́ tə́gā kɔ̄ɔ́ beē. I gír gisə kāgə̄ ní ngóy n a na̰y ní. Banī gír gisən ní i yá̰á̰ kə́ Nə́ɓā ɔjəń kadə̄ n a n-rāā yá̰á̰ kə́ kijə.

JEREMI 14:22

Dɔ dáń yá̰á̰ kə́ kanjə̄ kumən gə̄ ń i ɓesə̄ yā nápar de gə̄ ní, i ngé kə́ rá gə̄ n rāān̄ man̄ adə̄ edə ní? Aké i dɔ rā̰ n rāā man̄ adə̄ edə ní a? I ḭ̄ Kɔ́ɔ̄ɓē Nə́ɓā yājí aĺ a? J-a jə-ngóō ta jīí tɔdɔ̄ i ḭ̄ n i nge rāā yá̰a̰ gə̄ ń noō malang ní.

SOPONI 3:12

I de kə́ dansí tə́ gə̄ ń najə̄də́ gətóo ō, i ngé ndoō gə̄ ō ní ngóy n m-ā m-ə́yá̰də́ ní. Nin̄ a əngen̄ loo kə́ yā ɓɔ̄ɔń rɔ̄də́ kemḿ tə́.