MISE 5:5 - Bibəl ta Sar̄

⁵ Nin̄ a taān̄ dɔ nang kə́ Asiri ń i dɔ nang yā Nemrod ní, kə ta kūl̄ yá̰a̰ rɔ̄ɔ̄ yādə́ gēé ō, a ndin̄ dɔ tə́ ō. Ngār ń ənīn̄ ndūdə́ najə̄ yān tə́ ní, a taājí jī Asiri gə̄ tə́ yā kəya̰jí dɔɔ́, loo ń nin̄ a mānə̄n̄ dɔ nin̄ dɔ nang yājí gə̄ ō, a udən̄ dɔ nang yājí tə́ ō ní.

Bible sar

⁵ Nin̄ a taān̄ dɔ nang kə́ Asiri ń i dɔ nang yā Nemrod ní, kə ta kūl̄ yá̰a̰ rɔ̄ɔ̄ yādə́ gēé ō, a ndin̄ dɔ tə́ ō. Ngār ń ənīn̄ ndūdə́ najə̄ yān tə́ ní, a taājí jī Asiri gə̄ tə́ yā kəya̰jí dɔɔ́, loo ń nin̄ a mānə̄n̄ dɔ nin̄ dɔ nang yājí gə̄ ō, a udən̄ dɔ nang yājí tə́ ō ní.

MISE 5:5 Referans Kwoze

Najə̄ kə́ Majə yā Jeju ń Luk ndang ní 2:14

Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

JAKARI 10:3

Wōn̄g rāām̄ kə ngé kul̄ kə́ majaĺ gēé ō, m-ā m̄-rāā yá̰á̰ kógə̄ḿ kə bal bə̄yā̰ gēé ō. A̰á̰ā̰, mā Kɔ́ɔ̄ɓē kə́ bo kə́ tɔ́gən i ngá̰ý, ɓūtə̄ yá̰a̰ kul̄ yāḿ ń i de gə̄ kə́ Juda ní, m-ā m̄-rāā yá̰á̰ kə́ tōr̄ sedə́. M-ā m̄-rāādə́ sə́nda rɔ̄ɔ̄ yāḿ kə́ majə tə́.

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

JAKARI 9:10

Ni a rāā kadə̄ púsə rɔ̄ɔ̄ gə̄ kə́ Epəraim gətóon̄ kɔ̄ɔ́ ō, ni a rāā kadə̄ sə́nda gə̄ kə́ Jerusalem gətóon̄ kɔ̄ɔ́ ō. Ni a tétə̄ ga̰ gərā gə̄ kə́ yā rɔ̄ɔń kɔ̄ɔ́ ō, a rāā kadə̄ lɔm to dan nápar de gə̄ tə́ ō. Əla gír bā katə̄ tə́ bátə́ bā bo kə́ no ɓē tə́ ō, bā Opəratə tə́, bátə́ ta ngóy ɓē kə́ dām̄ kə́ rang tə́ ō ní, ni i ngol de gə̄.

KOHELET 11:2

Ī-kēgə̄ ādə̄ de gə̄ sīrí aláa de gə̄ sɔ́sɔ́, tɔdɔ̄ yá̰á̰ kə́ to kum kaȳ aĺ ń a reē kə̄ dɔ dɔ nang tə́ ní ḭ̄ ī-ger̄ alé.

Makətūbə̄ yā Job 5:19

Ni a ɔrī kum yá̰á̰ kə́ to ndíl ka̰ȳ kə́ mehḛ́ gə̄ tə́, tá kə́ nge ko̰ sīrí tə́ anī, yá̰á̰ kə́ majaĺ a ɔdiī alé.

JEJU TEĒ KUM JA̰A̰ 19:14

Ngé rɔ̄ɔ̄ kə́ dɔ rā̰ tə́ gə̄ unən̄ gōn. Nin̄-ndin̄ i dɔ sə́ndá kə́ ndaa gə̄ tə́ ō, o̰ō̰n̄ i kūbə̄ lḛ́ḛ kə́ ndaa kə́ kəlā kəjōn kídə̄ yululu ō, unjə̄ njáý njáý ō.

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

JAKARI 12:6

Kum mbang ngeé ń noō tə́ ní, m-ā m̄-rāā ngār kə́ Juda gə̄ kadə̄ a tél a ton̄ tītə̄ hor kə́ a o̰o̰ gír kīr̄ kə́ kán̄ dɔ naā tə́ bing beé, aláa a ton̄ i tītə̄ mu kə́ ndégə̄ kem jī kógə̄ḿ ba kəla hor tū tə́ gír dɔ do̰ō̰ kōō gə̄ tə́ beē. Gír de kə́ rang gə̄ ń ndi gīrə̄n̄ gidədə́ ní, nin̄ a nujən̄də́ kə̄ ta gə̄ tə́. Banī de kə́ Jerusalem gə̄ a na̰yn̄ kə̄ loo ndi tə́ loo ń toō tə́.

JAKARI 9:13

M-ā m-ún dɔ nang kə́ Juda tītə̄ loo kun ga̰ gərā kə́ yā rɔ̄ɔń beē. Epəraim a rāā rɔ̄n i kum gərā tə́. Ḭ̄ ɓē kə́ Jerusalem, m-ā m-ə́lá ngání gə̄ kadə̄ aw̄ ənīn̄ Gərek gə̄ rɔ̄ɔ̄. M-ā m-úńdə́ yā rāań kəla tītə̄ kaskar yā nge rɔ̄ɔ̄ beē.

AMOS 1:6

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Pilistin gə̄ kə́ Gaja dɔ tə́ i ngá̰ý. ni kə́ majaĺ ngá̰ý tɔȳ madə̄ gə̄ i nge ń toō: Nin̄ ɔyn̄ de kə́ kem ɓēé gə̄ kə taá malang aw̄ əlan̄də́ jī Edom gə̄ tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

AMOS 1:3

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Aram gə̄ kə́ Damas dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ rējə̄n̄ Galaad gə̄ kə yá̰a̰ jɔ̄r̄yɔ̄ nán̄g ta kɔsə kə́ rāā kə gindīí ń rīn na i hersə ní. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

JEREMI 33:15

Kem ndɔ̄ gə̄ ń noō tə́ ní, m-ā m̄-rāā kadə̄ kōō Dabid a teē. I kōōn kə́ rɔ̄kum. Ni a rɔ̄ɔ̄ dɔ yá̰á̰ kə́ súmūú gə̄ tə́ ō, dɔ yá̰á̰ kə́ gōtə́ gə̄ tə́ ō kem ɓēé.

IJAI 65:8

Najə̄ ń Kɔ́ɔ̄ɓē əda ní n toó: Dan ń deē ənge dɔ bəra nduú kə́ kərē majanī, de gə̄ ədan̄ na: Ī-lōōī nujəń kɔ̄ɔ́ na kasən a nel̄ rɔ̄kum. M-ā m̄-rāā beé ō, najə̄ yā ngé gə̄ ń rāān̄ kəla adə̄mə̄n̄ tə́ ní. Mā m̄-nujəń malang alé.

IJAI 59:19

Loo ń noō tə́, ḭḭ gír ɓē tə́ bátə́ no ɓē tə́ ní, de gə̄ malang a ɓōlə́n̄ gidə rī Kɔ́ɔ̄ɓē, nin̄ malang a ɓōlə́n̄ gidə kɔsə gɔn yān. A̰á̰ā̰, Kɔ́ɔ̄ɓē a rēē tītə̄ man̄ dɔ mbal̄ kə́ kum wól loo tə́ kə́ man̄ kə́ edə kə néĺ kə́ əla kə ngangá ngá̰ý mbəre gōn beé.

IJAI 44:28

M-ɔ̄r̄ najə̄ yā Sirus m-ə́da na: Ni i nge kɔr no gír deē yāḿ gə̄. Ni a rāā kadə̄ yá̰a̰ malang ń m̄-ndigə ní teē majə. Ni a adə̄ ndūn kadə̄ tél rāān̄ ɓē kə́ Jerusalem gogə́, kadə̄ tél rāān̄ kújə́ yā Kɔ́ɔ̄ɓē gogə́.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

Gōsə̄ najə̄ gə̄ 30:29

Yá̰a̰ gə̄ kə́ njə̄rā gíŕdə́ ō pā njə̄rādə́ ō majə ka̰ā̰ i mətá: I ɓɔl ń i dā̰ kə́ əhɔ rɔ̄n tɔgə tɔȳ gotə dā̰ gə̄ ō, tél kə gōneé no yá̰á̰ kógə̄ḿ tə́ aĺ ní ō, kərō kə́ bembeé ń dūnə̄n ngan̄g ngá̰ý ní aláa bal bə̄yā̰ ō. Tá kə́ nge ko̰ sɔ́ i noó ɓáý: I mban̄g kə́ njə̄rā kété no ngé rɔ̄ɔ̄ yān gə̄ tə́ ō.

Gōsə̄ najə̄ gə̄ 30:18

Yá̰á̰ kə́ m̄-ger̄ kumdə́ aĺ gə̄ ō, kə́ tɔȳn̄ dɔḿ gə̄ ō, i mətá: I gō tóo kə̄rō kə́ nēləń dɔ rā̰ tə́ ō, gō tóo lī kə́ agəń dɔ mbalá ō, gō tóo to bo kə́ njə̄rań dan bā bo tə́ ō. Tá kə́ nge ko̰ sɔ́ i noó ɓáý: I gō tóo dəngam kə́ aw̄ń rɔ̄ ngōmandə tə́.

PĀ GƏ̄ 72:7

Ɓāl̄ ko̰o̰ ɓē yān tə́ ní ādə̄ de kə́ súmūú tḭ̄ḭ̄ rɔ̄n ndiń ō, yá̰a̰ kənge i ngá̰ý ō, bátə́ kadə̄ nāā teēń aĺ kə́ njɔ́ḿ gə̄ tə́.

Gōsə̄ najə̄ gə̄ 6:16

Yá̰á̰ kə́ mehḛ́ gə̄ ń Kɔ́ɔ̄ɓē gḛy aĺ ngá̰ý al̄ naā ō, kə́ sīrí gə̄ ń gḛy ka̰a̰ ta kumən tə́ aĺ ō ní n toó: I kum de kə́ nge ka̰a̰ loo kə kɔjə rɔ̄ɔ́ ō, i ta ndo̰ nge kəda najə̄ kə́ sor̄ ō, i jī nge ɓōkə́ mósə de kə́ najə̄ gətóo dɔn tə́ nang tə́ ō, i dan wur de kə́ nge gír̄ rāā yá̰á̰ kə́ gōtə́ aĺ gə̄ ō, i nja nge ka̰ȳ ngɔ̄də̄ kaw̄ rāā yá̰á̰ kə́ majaĺ tə́ ō, i de kə́ kum yá̰á̰ tə́ kə́ rɔ̄kum aĺ kə́ nge kəda najə̄ kə́ sor̄ ō. Tá kə́ nge ko̰ sīrí i noó ɓáý: I nge rāā kadə̄ ngákó̰o̰ naā gə̄ kɔ̄lə̄n̄ naā ō.

IJAI 14:25

M-ā m̄-nujə ko̰o̰ ɓē yā Asiri kɔ̄ɔ́ kem ɓē yān tə́, m-ā m̄-rējə̄də́ dɔ mbal̄ bo yāḿ gə̄ tə́. Nin̄ rāān̄ adə̄ ko̰o̰ ɓē yādə́ ɔȳ gír deē yāḿ gə̄ tītə̄ njúkə beé, m-ā m-ún kɔ̄ɔ́. Nin̄ əndān̄ yá̰á̰ kə́ ɔȳ dɔ bɔ̄gə̄ gír deē yāḿ gə̄ tə́. M-ā m-ūsə̄ yá̰á̰ kə́ ɔȳ ní nang tə́ kɔ̄ɔ́.

JAKARI 10:11

Nin̄ a teēn̄ bā yá̰á̰ kə́ to kum kaȳ aĺ kə̄ gidə kə́rēý tə́. Mā Kɔ́ɔ̄ɓē, m-ā m-ə́nda bəngál man̄ gə̄ kə́ dɔ bā bo tə́. Man̄ bā Nil gə̄gē a iī kɔ̄ɔ́ kem kārə̄n tə́. Ɓē kə́ Asiri ń ɔjə rɔ̄n ngá̰ý ní, a mbərenən̄ yā kənīn ō, ɓē kə́ Ejiptə a o̰o̰ ɓē to̰ aĺ ō.