MISE 5:3 - Bibəl ta Sar̄

³ Ba ni kə́ ngār ń ədan̄ najə̄ yān kété ní, a ḭḭ yān ō, a tél nge kul̄də́ ō, kə ta kūl̄ tɔ́gə yā Kɔ́ɔ̄ɓēé ō, kə ta kūl̄ ndi kə́ to kɔsə gɔn yā Kɔ́ɔ̄ɓē Nə́ɓā yān ō. De gə̄ kə́ dan gír deē yān gə̄ tə́ a ndin̄ kanjə̄ sōl̄ yá̰á̰ kógə̄ḿ. Tām̄ tɔ́gən a aw̄ bátə́ yā kugə̄ ta ngóy dɔ nang tə́.

Bible sar

³ Ba ni kə́ ngār ń ədan̄ najə̄ yān kété ní, a ḭḭ yān ō, a tél nge kul̄də́ ō, kə ta kūl̄ tɔ́gə yā Kɔ́ɔ̄ɓēé ō, kə ta kūl̄ ndi kə́ to kɔsə gɔn yā Kɔ́ɔ̄ɓē Nə́ɓā yān ō. De gə̄ kə́ dan gír deē yān gə̄ tə́ a ndin̄ kanjə̄ sōl̄ yá̰á̰ kógə̄ḿ. Tām̄ tɔ́gən a aw̄ bátə́ yā kugə̄ ta ngóy dɔ nang tə́.

MISE 5:3 Referans Kwoze

MATIYE 1:21

Ni a ojə ngōn̄ kə́ dəngam, ba ḭ̄ ā ə̄ndā rīn na i Jeju, tɔdɔ̄ i ni n a ajə gír deē yān gə̄ kum majaĺ yādə́ gə̄ tə́ ní.

MISE 4:7

Ngé gə̄ ń əngen̄ do ní, m-ā m̄-rāādə́ kadə̄ a télən̄ i gír de gə̄ kə́ a ndin̄ kə kumdə́. A̰á̰ā̰, ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-rāādə́ kadə̄ a télən̄ i nápar de gə̄ kə́ tɔ́gə́də́ i ngá̰ý. Loo ń noō tə́ mā Kɔ́ɔ̄ɓē m-ā m̄-tél i mban̄g yādə́, dɔ mbal̄ bo kə́ Siyo̰ tə́, i kum mbang ngeé ń noō tə́ ō, i kə́ njɔ́ḿ gə̄ tə́ ō.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

MISE 7:13

Gotə loo kə́ rang gə̄ a télən̄ i dəla loo, najə̄ kem ndul yā de gə̄ ń ndin̄ tū tə́ ní tə́.

OJEE 2:14

M-ā m̄-nujə kāgə̄ nduú yān gə̄ ō, kāgə̄ kótə̄ yān gə̄ ō ń ni-əda na: I yá̰a̰ kəndā nja ń ngé sāāḿ gə̄ adə̄mə̄n̄ ní n noó ní. M-ā m̄-rāā kadə̄ nin̄ a télən̄ túpə́ kámbə gə̄ ō, dā̰ kə́ bembeé gə̄ a əsan̄də́ ō.

OJEE 2:9

Kɔ́ɔ̄ɓē əda na: Ni a ngɔ̄də̄ gō ngé sāān gə̄, ba a əngedə́ alé. Ni a ndəledə́, banī a əngedə́ alé. Loo ń noō tə́ ni a əda na: M-ā m̄-tél yā kaw̄ gogə́ jī ngaaḿ kə́ ta kəga dɔ tə́. A̰á̰ā̰, kété ní m̄-ndi majə tɔȳ kə́ ngɔlaā.

Makətūbə̄ ń Pol ndang adə̄ Rom gə̄ ní 8:29

Tɔdɔ̄ ngé gə̄ ń Nə́ɓā gə̄rādə́ kété ní, ni-gḛy rāādə́ kadə̄ a ton̄ tītə̄ Ngōnən i kété ō, yā kadə̄ Ngōnən i ngatɔ́gə́ ngákó̰o̰n kə́ ngá̰ý gə̄ ō.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

MATIYE 12:50

Tɔdɔ̄ deē ń rāā yá̰a̰ kə gō kem ndigə yā Bɔbə́ḿ kə́ ndi dɔ rā̰ tə́ ní, kɔ́ɔ̄ i ngōkó̰ó̰ḿ kə́ dəngam ō, kə́ dəyá̰ ō, i kó̰ó̰ḿ ō.

MISE 6:14

Ā ə́saī yá̰a̰, banī ɓō a rāāsí ɓáý. Ā ī-gerī yá̰á̰ ń i ɓō kə́ əsō ní. Ā ī-ngɔ̄mī yá̰a̰ kəsa tām̄ yāsí tə́, banī a to ta kaw̄ jóo alé. Ba ré ī-ngɔ̄mī yá̰á̰ kə́rēý anī, m-ā m̄-nujəń kɔ̄ɔ́ kə rɔ̄ɔ́.

JEREMI 31:1

Kem ndɔ̄ gə̄ ń noō tə́ ní, m-ā m̄ tél Nə́ɓā yā gír kojə gə̄ malang kə́ Israel tə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

2 YÁ̰A̰ GƏ̄ 30:7

Ī-lōōī ndájə̄ kaasí gə̄ ō, ngákó̰ó̰sí gə̄ ō ń rāān̄ háĺ kə́ gōtə́ aĺ kə Kɔ́ɔ̄ɓē Nə́ɓā yā kaadə́ gə̄ ní. Ni əladə́ kem jī madə̄ ba̰ā̰də́ gə̄ tə́ adə̄ nujən̄ sedə́ sák sák kɔ̄ɔ́ tītə̄ ń sḭḭ̄ kɔ́ gə̄ á̰a̰īń ní.

1 MBAN̄G GƏ̄ 14:16

Kɔ́ɔ̄ɓē a əya̰də́ kɔ̄ɔ́ tām̄ majaĺ yā Jeroboam tə́ ō, tām̄ rāā ń Jeroboam rāā ngán Israel gə̄ adə̄ rāān̄ majaĺ ní ō.

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.

MISE 5:7

Israel gə̄ ń na̰yn̄ kə kumdə́ dan nápar de gə̄ tə́, dan gír de gə̄ kə́ ngá̰ý gə̄ tə́ ní, a ngangə̄n̄ tītə̄ ɓɔl beé dan dā̰ gə̄ kə́ kem kuú tə́, a ngangə̄n̄ tītə̄ balsáa ɓɔl beé dan ɓūtə̄ batə̄ gə̄ tə́. Loo malang ń ni mān̄ tū tə́ ní, ni əhɔ dā̰ gə̄ ba rə́yā̰də́ naā tə́ ō, de kə́ asə taādə́ jīn tə́ gətóo ō.

MISE 5:8

Gír de gə̄ yā Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!

PĀ GƏ̄ 67:3

Loo ń noō tə́ de gə̄ a gerə̄n̄ gō róbə yāí dɔ nang tə́ ō, a gerə̄n̄ dan nápar de gə̄ tə́ malang kadə̄ ḭ̄ i nge kajə de gə̄ ō.

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

MISE 4:4

Náā nəkɔ́ ɓáa a ndɔr̄ i kāgə̄ nduú yān, aláa i kāgə̄ kótə̄ yān, kanjə̄ kadə̄ deē njə́ɓān. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda kadə̄ i rɔ̄kum ní n noó.

JAKARI 10:6

M-ā m-ə́la go̰ kem de gə̄ kə́ Juda tə́. M-ā m-ájə́ ngán Israel gə̄. M-ā m̄-tél sedə́ yā reē sedə́ gogə́ ɓēé, tām̄ kumḿ o̰o̰m̄ sedə́. Nin̄ a ton̄ tītə̄ kə́ m̄-mbātə́də́ kété aĺ beē. A̰á̰ā̰, mā i Kɔ́ɔ̄ɓē, Nə́ɓā yādə́ ō, m-ā m̄-dal ndɔ̄ȳ yādə́ gə̄ ō.