MISE 5:2 - Bibəl ta Sar̄

² Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

Bible sar

² Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ *Israel gə̄ kadə̄ a ɓoon̄ naā.

MISE 5:2 Referans Kwoze

MATIYE 2:6

Ḭ̄ Betlehem, ɓē kə́ gō nang yā Juda tə́, i ḭ̄ n i ngōn̄ ɓē kə́ dūú ngá̰ý tɔȳ gotə ɓē gə̄ kə́ gō nang yā Juda tə́ ní alé, tɔdɔ̄ ngār kə́ nge kul̄ Israel gə̄ ń i gír deē yāḿ gə̄ ní a teē i kemií ḭ̄ tə́.

JA̰A̰ 7:42

Ké makətūbə̄ yā Nə́ɓā əda na ni i ngōn̄ kaa Dabid ō, na a teē i Betlehem ɓē yā Dabid tə́ ō aĺ wa?

PĀ GƏ̄ 90:2

Kété pá tá kadə̄ mbal̄ gə̄ teēn̄ ō, kété pá tá kadə̄ ī-rāā dɔ nang ō yá̰á̰ malang kə́ tū tə́ ō, ta kəla gír tə́ jóo bátə́ kə̄ no tə́ ō ní, ḭ̄ i Nə́ɓā.

IJAI 11:1

Ngōn̄ kə́ dəngam kógə̄ḿ a teē dan de gə̄ kə́ kem kojə yā Jese tə́, tītə̄ ta jī kāgə̄ kə́ dūú kə́ əɓa kadə ɓōdə̄ kāgə̄ kə́ tɔgə kɔ̄ɔ́ tə́ beē. Ta jī kāgə̄ kə́ əɓa dɔ ngəran gə̄ tə́.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

KOLOSƏ 1:17

Ni-ndi kété no yá̰a̰ gə̄ tə́ malang ō, yá̰a̰ malang to i kə ta kūl̄neé ō.

JEJU TEĒ KUM JA̰A̰ 19:16

Ndangən̄ rī kógə̄ḿ tū kūbə̄ yān kə́ dɔ madə̄ gə̄ tə́ ō, dɔ ɓúrən tə́ ō. Rī ní na i mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō.

1 SAMUEL 17:12

Dabid i ngōn̄ Jese ń gír kaan i Epərata ní. Jese ndi ɓē i Betlehem kə́ Juda tə́. Ngánən kə́ dəngam gə̄ i sɔ́sɔ́. Ɓāl̄ yā Saul tə́ ní, Jese tɔgə kɔ̄ɔ́ adə̄ asə kaw̄ ta rɔ̄ɔ̄ tə́ to̰ alé ba əla i kə de gēé.

TA KƏLA 48:7

Dan ń na n-ḭḭ Mesopotami na n-reē ní, Rasel na oy jīn tə́ róbó, dɔ nang kə́ Kanaan tə́, ngɔr kə̄ Epərataá. Na n-dubə̄n na i loo ń noō tə́, dɔ róbə́ kə́ kaw̄ kə̄ kem ɓē kə́ Epərata tə́, Epərata ń rīn kə́rēý na i Betlehem ní.

1 JA̰A̰ 1:1

Yá̰á̰ ń to kété pá tá kadə̄ Nə́ɓā əla gír rāā yá̰a̰ gə̄ ō, yá̰á̰ ń j-oō ō, j-a̰ā̰ kə kumjí ō, j-a̰a̰ majən ō, jījí ɔdə rɔ̄n ō ní, i najə̄ ń i nge rāā deē kadə̄ ndi kə kumneé ní.

HEBƏRO 13:8

Jeju Kərist to i kum gotən, tagə́bēé ō, ɓōólaā ō, ni a to i kum gotən ngándáńg ō.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

RUTƏ 4:11

Anī gír de gə̄ malang ń ndin̄ loo sarya tə́ ní ō, kum kɔɔ̄ gə̄ ō, ədan na: A̰á̰ā̰ jḭḭ i de kə́ kum tə́ yāí gə̄! Ādə̄ Kɔ́ɔ̄ɓē rāā kə dəyá̰ ń a aw̄ kújú jīí tə́ ní tītə̄ ń rāań kə Rasel nin̄ kə Lea adə̄ ojən̄ gír de gə̄ yā Israel ní! Ī-rāā yá̰á̰ kə́ de kə́ ngáā tə́ kem ɓē kə́ Epərata tə́ ō, ə̄ndā rī kem ɓē kə́ Betlehem tə́ ō!

TA KƏLA 35:19

Rasel oy adə̄ dubə̄nən̄ róbə́ kə́ ta kaw̄ kə̄ Epərata ń i Betlehem ní tə́.

HEBƏRO 7:14

De gə̄ malang gerə̄n̄ kadə̄ Kɔ́ɔ̄ɓē yājí i de kə́ gír ɓē yā Juda tə́, ojənən̄ i noó. Ba dan ń Moijə ɔr̄ najə̄ yā ngé tun̄ yá̰a̰ gə̄ ní, ni-əda najə̄ kógə̄ḿ dɔ gír ɓē ń noō tə́ alé.

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

JEREMI 30:21

Ngār yān a teē i dan gír deē yān nəkɔ́ gə̄ tə́. A ojən̄ nge ko̰o̰ ɓē yān i ɓēé looneé. M-ā m̄-rāān kadə̄ ndɔ́tə̄ kə̄ ngɔr. Ni a reē rɔ̄ḿ tə́. Tɔdɔ̄ i náā n a asə nāā ndɔ́tə̄ kum kə̄ rɔ̄ḿ tə́ ní? Najə̄ ń Kɔ́ɔ̄ɓē əda ní n noó.

IJAI 53:2

Nge kəla tɔgə ta kum Kɔ́ɔ̄ɓē tə́ tītə̄ ngōn̄ kāgə̄ kə́ dūú beē, tītə̄ ngəra yá̰á̰ kə́ teē loo kə́ mángá tə́ beē. Majə deē ō rī ɓār̄ ō ń kum de gə̄ i dɔ tə́ ngá̰ý ní, ni aw̄ń alé, yá̰á̰ kə́ ta kumən tə́ kə́ nel̄jí gətóo.

1 SAMUEL 10:19

Ba ɓōólaā ní sḭḭ̄ ī-mbātíī Nə́ɓā yāsí ń ɔr̄sí kɔ̄ɔ́ kum yá̰á̰ kə́ tōr̄ gə̄ tə́ ō, ajəsí dan yá̰á̰ kə́ to kum kaȳ aĺ gə̄ tə́ ō ní, ba ə́daī na kə m-ə̄ndā mban̄g kógə̄ḿ dɔsí tə́ a? Beé ní ī-reēī ī-raī ta kum Kɔ́ɔ̄ɓē tə́ kə gō gír ɓē yāsí gēé ō, kə gō gír kaa yāsí gēé ō.

Najə̄ kə́ Majə yā Jeju ń Luk ndang ní 23:38

Ndangən̄ najə̄ kógə̄ḿ əndān̄ dɔn tə́ dɔɔ́ ɓáý to̰, ədan̄ na nge ń toō i mban̄g yā Jipə gə̄.

Najə̄ kə́ Majə yā Jeju ń Luk ndang ní 23:2

Əlan̄ gír sekə́n rɔ̄ Pilatə tə́ ədan̄ na: Á̰a̰ā̰, j-ənge dəngam ń toō loo sə̄lā nápar deē yājí gə̄ tə́ ō, loo kɔgə̄ de gə̄ kadə̄ Sejar yá̰a̰ tīr̄ gə̄ tə́ ō. Tá nəkɔ́ əda ɓáý to̰ na ni na i Kərist ō.

Teē Ngán Israel gə̄ 18:21

Ní kə rāā ba kə gə̄rā de kə́ ngáā ngáā gə̄ dan ngán Israel gə̄ tə́ kə́ ɓōlə́n̄ ndíĺ Nə́ɓā ō, kə́ deē asə kənī kemən kadə̄də́ ō, kə́ a taān̄ yá̰a̰ jī deē tə́ yā nujəń sarya yā deē aĺ ō. Kə əndādə́ dɔ ngán Israel gə̄ tə́ kadə̄ nin̄ kə i ngār gə̄ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

JEJU TEĒ KUM JA̰A̰ 21:6

Ba əda ɓáý to̰ na: I kə́ rāā kɔ̄ɔ́ ɓá. Mā i Alpa ō, Omega ō, ta kəla gír ō, ta tɔ̄l̄ ta ō. Deē ń kəndā man̄ rāān anī, m-ā m-ādə̄n man̄ kə́ teē ta kəɓan tə́ karī, kadə̄ ré a̰ȳ anī, ndi kə kumneé.

JEJU TEĒ KUM JA̰A̰ 2:8

Ī-ndang najə̄ń toō ādə̄ de kə́ dɔ rā̰ tə́ yā Egəlijə kə́ Səmirnə: Najə̄ ń deē ń ni i ta kəla gíŕ yá̰a̰ ō, ta tɔ̄l̄ ta yá̰a̰ ō, oy tá ndól̄ ō ní, əda ní n toó:

PĀ GƏ̄ 132:6

J-oō kadə̄ sandúkə́ kə́ táĺ na ndi na i Epərata, j-a̰a̰ sandúkə́ ní i gidə ɓē kə́ Yaar tə́.

1 YÁ̰A̰ GƏ̄ 2:54

Ngán Salma gə̄ i de kə́ Betlehem gə̄ ō, Netopa gə̄ ō, Atrot Bet Yoab gə̄ ō, núsə Manahat gə̄ ō, Sora gə̄ ō,

1 SAMUEL 23:23

Āwī á̰a̰ī loo gə̄ ń a ɓɔ̄ɔ̄ rɔ̄n tū tə́ ní malang. Ré ī-gerī kə gōó majanī ī-tél ī-reē ɔ́jəmī. Loo ń noō tə́ m-ā m-āw̄ sesí. Ré ni i dɔ nang ń noō tə́ anī m-ā m̄-sāān dan gír kojə yā Juda gə̄ tə́ malang yā teē dɔn tə́.

1 SAMUEL 17:18

Ba mba man̄g kə́ sīsə̄rí kə́ kutə kógə̄ḿ ń toō tá āwń ādə̄ ngol áskar gə̄. Á̰á̰ ngákó̰ó̰í gə̄ ké ton̄ karī wa. Ba ādə̄ adə̄nī yá̰á̰ kógə̄ḿ kə́ ɔjə kadə̄ na n-ton̄ karī.

NDŪ NAJƏ̄ 1:15

Adə̄ m-ɔ́y ngār gə̄ kə́ dɔ gír ɓē yāsí gə̄ tə́ ń i de kə́ kumdə́ edə̄ gə̄ ō, kə́ ī-gerī háĺdə́ majə gə̄ ō ní m̄-tə́ndādə́ dɔsí tə́. M-ə̄ndā kə́rēý i ngār gə̄ kə́ dɔ de kə́ dūbú gə̄ tə́ ō, kə́ dɔ de kə́ ɓú gə̄ tə́ ō, kə́ dɔ de kə́ kutə mí gə̄ tə́ ō, kə́ dɔ de kə́ kutə kógə̄ḿ gə̄ tə́ ō. M-ə̄ndā kə́rēý gə̄ i ngé ndóō de gə̄ ndū najə̄ kə́ tām̄ yā gír ɓē yāsí gə̄ tə́.

1 SAMUEL 8:12

A əhɔdə́ yā kəndādə́ ngāgəra dɔ de kə́ dūbú gə̄ tə́ ō, de kə́ kutə mí gə̄ tə́ ō, kadə̄ ndɔrə̄n̄ ndɔr̄ yān gə̄ ō, sāān̄ kōō yān gə̄ ō, rāān̄ yá̰a̰ rɔ̄ɔ̄ yān gə̄ ō, yá̰a̰ kal̄ sə́nda yān gə̄ ō.

Teē Ngán Israel gə̄ 18:25

Ni-gə̄rā de kə́ ngáā ngáā gə̄ dan ngán Israel gə̄ tə́ əndādə́ dɔ de gə̄ tə́. Əndādə́ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

MATIYE 2:1

Ojən̄ Jeju i Betlehem, gō nang kə́ Jude tə́, ɓāl̄ yā mban̄g Herod tə́. Gō tə́ anī, ngé ka̰a̰ yá̰a̰ tū tə́yō̰ tə́ gə̄ ḭḭn̄ gír ɓē tə́ reē ugə̄n̄ Jerusalem,

TA KƏLA 35:16

Jakob nin̄ kə deē yān gēé ḭḭn̄ Betel a aw̄n̄ kə̄ Epərata. Na̰yn̄ kə̄ róbó ɓáý anī, Rasel ojə, ba kojə ní tá tōr̄ rɔ̄n ngá̰ý.

NGÉ SARYA 17:7

Balsáá kógə̄ḿ ndi Betlehem kə́ Juda tə́, ni i ngōn̄ Lebi ba nam̄ i kə ɓē kə́ Betlehem ń i ɓē yā gír kaa kógə̄ḿ kə́ Juda ní.

RUTƏ 1:1

Ɓāl̄ yā ngé sarya gə̄ tə́ ní ɓō əsō kem ɓēé. Anī deē kógə̄ḿ kə́ Betlehem kə́ dɔ nang kə́ Juda tə́ ndɔ́tə̄n̄ nin̄ kə nə̄yá̰n ō, ngánən kə́ dəngam kə́ jōó gə̄ ō, ba aw̄ ndin̄ dɔ nang kə́ Moab tə́.

IJAI 55:4

Kété ní, m̄-rāā adə̄ ni i de kə́ kum tə́ yā tɔ́gə́ḿ tām̄ yā gír de gə̄ tə́, ni i ngār kə́ nge kəda kósə de kə́ kem ɓēé gə̄ yá̰á̰ kə́ yā rāā gə̄.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

MISE 4:10

Ādə̄ rɔ̄sí tōr̄sí ō, ī-nōōī ō, tītə̄ dəyá̰ kə́ a ojə ngōn̄ beé. Tɔdɔ̄ ngɔlaā ní, ā ī-teēī kem ɓēé yā kaw̄ ndi bembeé ō, ā āwī bátə́ yā kugə̄ Babilon ō. A əya̰n̄sí dɔɔ́ loo ń noō tə́, Kɔ́ɔ̄ɓē a taāsí jī madə̄ ba̰ā̰sí gə̄ tə́ loo ń noō tə́.