MISE 5:11 - Bibəl ta Sar̄

¹¹ M-ā m̄-rāā kadə̄ mbōlí gə̄ ń ā ī-rāāī ní gətóon̄ kɔ̄ɔ́. De kə́ nge ka̰a̰ yá̰á̰ kə́ dɔ rā̰ tə́ to̰ a gətóo.

Bible sar

¹¹ M-ā m̄-rāā kadə̄ mbōlí gə̄ ń ā ī-rāāī ní gətóon̄ kɔ̄ɔ́. De kə́ nge ka̰a̰ yá̰á̰ kə́ dɔ rā̰ tə́ to̰ a gətóo.

MISE 5:11 Referans Kwoze

AMOS 5:9

Ni-adə̄ ta róbə kadə̄ ənīn̄ de kə́ dəngam kə́ ngan̄g rɔ̄ɔ̄ ō, adə̄ ta róbə kadə̄ nujən̄ ɓē bo kə́ ngɔ̄mə̄n̄ majə ngá̰ý ō.

OJEE 10:14

I tām̄ najə̄ ń noō tə́ n rɔ̄ɔ̄ a təngā dan gír deē yāí gə̄ tə́ ō, a nujən̄ ɓē yāí kə́ ngan̄g gə̄ malang kɔ̄ɔ́ ō ní. Nin̄ a ton̄ tītə̄ Bet Arbel. Dan ń mban̄g Salman ənī ɓē ń toō rɔ̄ɔ̄ ní, ni rējə̄ kó̰ó̰ ngán gə̄ ō, ngáńdə́ gə̄ ō.

EJEKIEL 38:11

Ɓē kə́ yá̰á̰ kə́ yā kadə̄ ni rɔ̄ɔń dɔ rɔ̄n tə́ gətóó ní, ḭ̄ ā ī-gḛy kənīn rɔ̄ɔ̄. Loo ngeé ń noō tə́ ní, de gə̄ ndin̄ i loo yādə́ jəke ō, nin̄ sōlə̄n̄ yá̰á̰ kógə̄ḿ aĺ ō. De gə̄ ənīn̄ ndogə̄ mbal̄ gə̄ dɔ ɓē bo gə̄ tə́ ngɔ̄mə̄n̄neé ɓē bo gə̄ aĺ ō. Bápə gə̄, kə lakélé gə̄ yā ɓē gə̄ ní gətóon̄ ō.

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

IJAI 1:7

Ɓē yāsí to i tītə̄ dəla loo kə́ rɔ̄nel̄ gətóo tū tə́ beē, hor nujəń kɔ̄ɔ́. Kōō yāsí gə̄ ń ī-sāāī ní, tə̄rā gə̄ əsan̄ ta kumsí tə́. Ndɔr̄ yāsí gə̄ i kə́ nujəń kɔ̄ɔ́ ō, yá̰á̰ kə́ tū tə́ kə́ to kə gōó gətóo ō, tītə̄ loo ń ngé taā loo gə̄ nujənə̄ń beē ní.

NŌŌ RƆ̄ 2:2

Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

IJAI 2:6

Kɔ́ɔ̄ɓē, ḭ̄ ə́yá̰ gír deē yāí gə̄ ń i kojə yā Jakob ní kɔ̄ɔ́. I tām̄ yā yá̰á̰ ń toō tə́: Kɔdə̄ sāā gə̄ kə́ ḭḭn̄ gír ɓē tə́ taān̄ loo kem ɓē yān tə́. Kutə ngé ka̰a̰ yá̰á̰ kə́ dɔ rā̰ tə́ gə̄ i ngá̰ý tītə̄ yā ngé kə́ ɓē Pilistin gēé. Gír deē yāí gə̄ rāān̄ gātə̄ kə tə̄rā gēé.

IJAI 27:9

Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.