MISE 5:1 - Bibəl ta Sar̄

¹ Kɔ́ɔ̄ɓē əda na: Ba ḭ̄ Betlehem Epərata, dan ɓē gə̄ yā de gə̄ kə́ gír kojə yā Juda tə́ ní, ḭ̄ i ngōn̄ ɓē kə́ dūú ɓá tā, ba nge ń sɔɔ̄ kadə̄ a o̰o̰ ɓē Israel tə́ ní, m-ā m̄-rāā kadə̄ ni a teē i looí. Ni i de kə́ kem kojə kə́ jóó ngá̰ý tə́.

Bible sar

¹ Kɔ́ɔ̄ɓē əda na: Ba ḭ̄ Betlehem Epərata, dan ɓē gə̄ yā de gə̄ kə́ gír kojə yā *Juda tə́ ní, ḭ̄ i ngōn̄ ɓē kə́ dūú ɓá tā, ba nge ń sɔɔ̄ kadə̄ a o̰o̰ ɓē *Israel tə́ ní, m-ā m̄-rāā kadə̄ ni a teē i looí. Ni i de kə́ kem kojə kə́ jóó ngá̰ý tə́.

MISE 5:1 Referans Kwoze

NŌŌ RƆ̄ 3:30

Majə kadə̄ əla mbɔ́rən adə̄ deē ń a ənda ní ō, əya̰ rɔ̄n ādə̄ ndū asən ō.

Makətūbə̄ yā Job 16:10

Ta de gə̄ ra kə wōyōó dɔḿ tə́. Nin̄ əndan̄ mbɔ́rə́ḿ ō, tájə̄mə̄n̄ ngá̰ý ō, kánə̄n̄ naā kə̄ dɔḿ tə́ ō.

2 KORḚNTƏ 11:20

Ré əndān̄ gúu dɔsí tə́ tītə̄ kə́ sḭḭ̄ i ɓəlo gə̄ beé, aláa əsan̄ tətōsí, aláa gólə̄n̄sí, aláa kídə̄n̄sí, aláa əndan̄ dan kumsí anī, sḭḭ̄ ī-tə́gāī tasí dɔ tə́.

KƏLA RĀĀ 23:2

Banī ngol ngé tun̄ yá̰a̰ gə̄ ń rīn na i Ananias ní, əda de gə̄ ń ran̄ rɔ̄n tə́ ní na kə əndan̄ ta Pol. Anī Pol ədan na:

JA̰A̰ 19:3

Nin̄-reēn̄ rɔ̄n tə́ ngɔr, ba ədanən̄ na: Lápə́ya, mban̄g yā Jipə gə̄! Ba tə̄ndān̄ mbɔ́rən.

JA̰A̰ 18:22

Pajā kógə̄ḿ ń ra noó ní ənda mbɔ́r Jeju dɔ najə̄ ní tə́ ba ədan na: Ā ī-tél ā ə́da ngol ngé tun̄ yá̰a̰ gə̄ najə̄ i tītə̄ ń noō a?

MATIYE 26:67

Loo ń noō tə́ tībə̄n̄ hōr̄ kumən tə́ ō, tə̄ndānən̄ ō. Ngé kə́rēý gə̄ əndan̄ mbɔ́rən,

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

MATIYE 27:30

Tíbə̄n̄ hōr̄ rɔ̄n tə́, ba taān̄ tə̄ɓā ní əndan̄neé dɔn.

MATIYE 5:39

Ba mā m-ə́dásí na: Ī-lōōī dum̄ ta nge kem ndul. Ré deē ənda mbɔ́rí kə́ ko̰ó̰ anī, ī-tūr̄ kə́ geleé ādə̄n to̰.

HABAKUK 3:16

M-ōō kōō yá̰á̰ ń noō malang, adə̄ kemḿ nujə sák sák kɔ̄ɔ́. Ɓōĺ rāām̄ adə̄ taḿ ndew ō, rɔ̄ḿ sɔl̄ yélélé ō. Njaḿ əhɔ dɔ nang aĺ ō. m̄-ndi kə taḿ kə́ mbóó m̄-ngóoń ndɔ̄ wur kɔl, yā kadə̄ m-āw̄ m̄-rɔ̄ɔń gír de gə̄ ń ənīn̄jí rɔ̄ɔ̄ ní tə́.

HABAKUK 1:6

Babilon gə̄ ń i gír de kə́ ngé rāā yá̰a̰ kə dɔ́nɔ́ gə̄ ō, kumdə́ o̰o̰də́ aĺ ō ní, m-ā m̄-reē sedə́. Nin̄-aw̄n̄ kə̄ loo gə̄ tə́ malang dɔ nang tə́ yā taā gō nang gə̄ ń i yādə́ aĺ ní.

AMOS 2:3

Mban̄g ń o̰o̰ ɓē dɔn tə́ ní, m-ā m-ɔ̄rən kɔ̄ɔ́ ō, m-ā m̄-rāā kadə̄ ngār yān gə̄ oyn̄ seneé ō. I Kɔ́ɔ̄ɓē n əda najə̄ ń noō ní.

EJEKIEL 24:2

Ḭ̄ ngōn̄ deē, ī-ndang ndɔ̄ kə́ ɓōólaā. Tām̄ mban̄g kə́ Babilon əla gír kənī ɓē kə́ Jerusalem rɔ̄ɔ̄ i ɓōólaā.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

IJAI 8:9

Sḭḭ̄ gír de gə̄, ī-ndewiī ō, ādī ɓōĺ tɔ̄l̄sí kɔ̄ɔ́ ō! Sḭḭ̄ ɓē gə̄ ń ī-ndiī ta ngóy dɔ nang tə́ ní, ī-nēlī mbīsí majə! Ásiī kəndā dɔ rɔ̄sí danaá majə tām̄ yā rɔ̄ɔ̄ tə́, banī ɓōĺ to a ngóōsí noō. A̰á̰ā̰, ásiī kəndā dɔ rɔ̄sí danaá majə tām̄ yā rɔ̄ɔ̄ tə́, ba ɓōĺ to a ngóōsí noō!

2 MBAN̄G 24:2

Loo ń noō tə́ Kɔ́ɔ̄ɓē əla ɓūtə̄ ngé ɓogə gə̄ kə́ dɔ nang kə́ Kalde tə́ ō, kə́ Aram tə́ ō, kə́ Moab gə̄ ō, kə́ Amon gə̄ gə̄ ō, dɔ Joakim tə́. Ni əladə́ kadə̄ nujə ɓē kə́ Juda sák sák tītə̄ ń Kɔ́ɔ̄ɓē əndāń ta ngé koō ta gə̄ kété adə̄ ədan̄ ní.

1 MBAN̄G GƏ̄ 22:24

Sidekia kə́ ngōn̄ Kenana ndɔ́tə̄ kə̄ ngɔr, ənda mbɔ́r Mise ba əda na: Ndíĺ Kɔ́ɔ̄ɓē teē kemḿ tə́ i kə ta róbə́ kə́ rá n aw̄ ɔr̄ najə̄ seí ní? Mise tél ədan na:

TA KƏLA 35:19

Rasel oy adə̄ dubə̄nən̄ róbə́ kə́ ta kaw̄ kə̄ Epərata ń i Betlehem ní tə́.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

NDŪ NAJƏ̄ 33:27

Nə́ɓā kə́ nge ndi ngándáńg i loo ɓɔ̄ɔ̄ rɔ̄ yāí. Nəkɔ́ ń jóo bátə́ ɓōólaā toó ní, tɔ́gən i ngá̰ý dɔ nang tə́ laā. I ni n tə̄ɓā madə̄ ba̰ā̰í gə̄ noí tə́ ō, mērī tɔ̄l̄də́ kɔ̄ɔ́ ō ní.

NGÉ SARYA 17:7

Balsáá kógə̄ḿ ndi Betlehem kə́ Juda tə́, ni i ngōn̄ Lebi ba nam̄ i kə ɓē kə́ Betlehem ń i ɓē yā gír kaa kógə̄ḿ kə́ Juda ní.

Gōsə̄ najə̄ gə̄ 8:23

Urən̄ yibə̄ ngār dɔḿ tə́ i jóó ngá̰ý, i ta kəla gír yá̰a̰ gə̄ tə́, i kété pá tá kadə̄ əlan̄ gír kəndā dɔ nang ɓáý.

IJAI 9:5

Ojən̄ ngōn̄ tām̄ yājí tə́, adə̄n̄jí ngōn̄ kə́ dəngam. Ni-ənge ndū ko̰o̰ ɓē yā mban̄g. Əndān̄ rīn na i: Nge kadə̄ kɔjə̄ kə́ hálən majə ngá̰ý ō, to kɔr kum ō, Nə́ɓā kə́ tɔ́gən to ō, Bɔbə̄ kə́ njɔ́ḿ gə̄ tə́ ō, Ngār kem sɔl̄ lɔm ō.

EJEKIEL 21:32

Loo nujə sák sák, ngándáńg loo nujə sák sák! Yá̰á̰ m-ā m̄-rāā kə Jerusalem ní n toó: I loo kə́ nujə sák sák kə́ to dɔ naā tə́ bing! M-ādə̄ deē kógə̄ḿ tɔ́gə kadə̄ rɔ̄ɔ̄nəń. A nujən̄ ɓē kə́ Jerusalem malang kɔ̄ɔ́, ba i kété no kugə̄ deē ngeé ń noō tə́ alé.

DANIEL 9:25

Yá̰á̰ ń kadə̄ ī-ger̄ ní n toó: Əla gír kum mbang ń ədan̄neé najə̄ tél rāā ɓē kə́ Jerusalem gogə́ rang tə́ bátə́ ugə̄ń dɔ ngār ń urən̄ yibə̄ dɔn tə́ tə́ ní, ɓāl̄ sīrí i nja sīrí. Gō tə́ anī kem ɓāl̄ kə́ sīrí nja kutə mehḛ́ g idə i jōó tə́ ní, a télən̄ yā rāā ɓē gogə́ rang ō, yā kəndā ndogə̄ mbal̄ gidə ɓē tə́ gogə́ rang ō, banī i dan wur kɔl tə́.