MISE 4:5 - Bibəl ta Sar̄

⁵ Gotə́ gír de kə́ rang gə̄ malang ní, de gə̄ kógə̄ḿ kógə̄ḿ kə́ dandə́ tə́ a oōn̄ i ta nə́ɓā yādə́ gə̄. Banī jḭḭ j-oō i ta Kɔ́ɔ̄ɓē Nə́ɓā yājí kə́ njɔ́ḿ gə̄ tə́.

Bible sar

⁵ Gotə́ gír de kə́ rang gə̄ malang ní, de gə̄ kógə̄ḿ kógə̄ḿ kə́ dandə́ tə́ a oōn̄ i ta nə́ɓā yādə́ gə̄. Banī jḭḭ j-oō i ta Kɔ́ɔ̄ɓē Nə́ɓā yājí kə́ njɔ́ḿ gə̄ tə́.

MISE 4:5 Referans Kwoze

JAKARI 10:12

M-ā m-ādə̄ gír deē yāḿ gə̄ tɔ́gə ō, nin̄ a rāān̄ yá̰á̰ kə́ nelə̄m̄ ō. I mā Kɔ́ɔ̄ɓē n m-ə́da najə̄ ń noō ní.

KOLOSƏ 3:17

Ba yá̰a̰ malang ń ā ə́daī ō, kəla malang ń ā ī-rāāī ō ní, ə́daī ō, ī-rāāī ō, kə rī Kɔ́ɔ̄ɓē Jeju. Ī-ndadī Bɔbə̄jí Nə́ɓā kə ta kūl̄neé.

JOJUE 24:15

Ba ré rāā kəla yā Kɔ́ɔ̄ɓē nel̄sí aĺ anī, ī-gə̄rāī ɓesə̄ gə̄ ń ī-ndigiī rāādə́ ní ɓōólaā. Ré i ɓesə̄ gə̄ ń kaasí gə̄ a rāān̄ dan ń ndinə̄ń gidə bā Opəratə tə́ ní n nel̄sí sedə́ anī, ī-gə̄rāīdə́ ō, ré i ɓesə̄ gə̄ yā Amor gə̄ ń ī-ndiī dɔ nang yādə́ tə́ toō n nel̄sí sedə́ anī, ī-gə̄rāīdə́ ō. Banī mā ō, de kə́ kem ndogə̄ yāḿ tə́ gə̄ ō, j-a jə-rāā i kəla yā Kɔ́ɔ̄ɓē.

IJAI 2:5

Kojə gə̄ yā Jakob, ɔ̄rī dɔɔ́! Jə-njə̄raī kum loo kə́ unjə̄ kow yā Kɔ́ɔ̄ɓē tə́!

PĀ GƏ̄ 48:14

Á̰a̰ī ndogə̄ mbal̄ kə́ gidə tə́ gə̄ majə. Ī-tə́daī kutə loo kə́ ngan̄g ngan̄g kə́ tū tə́ gə̄ majə ī-gerī, kadə̄ ə́daīneé ngé kə́ ndɔ̄ń tə́ gə̄ gotə.

KOLOSƏ 2:6

Dan ń ī-ndigiī kadə̄ Kərist Jeju i Kɔ́ɔ̄ɓē yāsí ní, ī-njə̄rāī seneé.

IJAI 26:8

A̰á̰ā̰, Kɔ́ɔ̄ɓē, j-əndā tɔ́gə́jí i dɔí ḭ̄ tə́, dɔ róbə́ ń ī-mēr̄jí kun tə́ ní. Yá̰á̰ ń jə-gḛy ní i kógə̄ḿ beē, i ɓāríī kadə̄ ī-rāā sejí, i gír̄ dɔí tə́.

2 MBAN̄G 17:34

Ɓōólaā gə̄gē ngán kaadə́ gə̄ a rāān̄ yá̰a̰ kāgə̄ ɓē yādə́ kə́ jóo gə̄ noó ɓáý. Nin̄ ndɔ̄ȳn̄ Kɔ́ɔ̄ɓē kə́ rɔ̄ rɔ̄ gə̄ tə́ alé. Rāān̄ gō míndə gə̄ ń əndān̄ dɔdə́ tə́ kadə̄ rāān̄ ní aĺ ō, rāān̄ yá̰a̰ kāgə̄ ɓē yā Israel aĺ ō, rāān̄ yá̰á̰ ń ndū najə̄ yā Kɔ́ɔ̄ɓē əda ní aĺ ō, yá̰a̰ gə̄ ń Kɔ́ɔ̄ɓē əda kadə̄ ngán Jakob gə̄ rāān̄ ní aĺ ō. I Jakob ngeé ń toō n Kɔ́ɔ̄ɓē əndā rīn na i Israel ní.

2 MBAN̄G 17:29

Nápar de kə́ tayā tayā gə̄ rāān̄ ndíĺ yá̰a̰ gə̄ kə́ ɔsən̄ kum gotə nə́ɓā yādə́ gə̄ kə dɔdə́ gēé, ba tə́ndān̄ kem kújə́ kə́ rāān̄ dɔ loo ndɔ̄ȳ gə̄ tə́. I de kə́ kem ɓē kə́ Samari tə́ kə́ kété gə̄ n rāān̄ kújə gə̄ ní. Gíŕ nápar de gə̄ ndéńg ndéńg rāān̄ i tītə̄ ń noō kem ɓē gə̄ ń nin̄ ndin̄ kemeé tə́ ní.

TA KƏLA 17:1

Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

PĀ GƏ̄ 71:16

Kɔ́ɔ̄ɓē Nə́ɓā, m-ā m-údə ɓēé looí i kə ta kūl̄ dḭḭ̄ ń ī-dḭḭ̄m̄ ní ō, i háĺ kə́ gōtə́ yāí ngóy n m-ā m-ɔ̄r̄ najə̄n ní ō.

KƏLA RĀĀ 14:16

Kem ɓāl̄ kə́ mān̄ kɔ̄ɔ́ gə̄ tə́ ní, Nə́ɓā əya̰ nápar de gə̄ malang adə̄ unən̄ i gō róbə yādə́ nin̄ kɔ́ gə̄.

IJAI 26:13

Kɔ́ɔ̄ɓē Nə́ɓā yājí, ngol kə́ rang gə̄ o̰ō̰n̄ ɓē dɔjí tə́ ba i ḭ̄ alé. Banī deē ń jə-rɔȳn ní i ḭ̄ ngóy.

NDŪ NAJƏ̄ 27:10

Beé ní, ā ōōī ndū Kɔ́ɔ̄ɓē Nə́ɓā yāsí. Adə̄ ā ī-rāāī yá̰a̰ gə̄ ń ədasí ní ō, yá̰a̰ gə̄ ń gō míndə yān gə̄ ədan̄sí ní ō, tītə̄ ń m-ə́dańsí ɓōólaā ní.

PĀ GƏ̄ 20:6

Loo ń noō tə́ j-a jə-rāā rɔ̄nel̄ rɔ̄ɔ̄ ń ī-tetə ní, j-a j-əhɔ dərapóo rɔ̄ɔ̄ dɔjí tə́ dɔɔ́ yā rɔȳń Nə́ɓā yājí. Ādə̄ Kɔ́ɔ̄ɓē tɔ̄l̄ ta yá̰a̰ malang ń ī-dəjen kadə̄ rāā adī ní.

JEREMI 32:40

M-ā m-ə́hɔ madə̄ naā sedə́ kadə̄ a to ngándáńg. M-ā m̄-rāā majə sedə́, kanjə̄ kɔr ta tə́ ō, m-ā m̄-rāā kadə̄ a ɓōlə́n̄ ndílə́ḿ ngarā̰ kemdə́ tə́ ō, yā kadə̄ ɔrə̄n̄ rɔ̄də́ sa̰y rɔ̄ḿ tə́ to̰ aĺ i kə́ bátə́ gə̄ tə́.