MISE 4:4 - Bibəl ta Sar̄

⁴ Náā nəkɔ́ ɓáa a ndɔr̄ i kāgə̄ nduú yān, aláa i kāgə̄ kótə̄ yān, kanjə̄ kadə̄ deē njə́ɓān. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda kadə̄ i rɔ̄kum ní n noó.

Bible sar

⁴ Náā nəkɔ́ ɓáa a ndɔr̄ i *kāgə̄ nduú yān, aláa i kāgə̄ kótə̄ yān, kanjə̄ kadə̄ deē njə́ɓān. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda kadə̄ i rɔ̄kum ní n noó.

MISE 4:4 Referans Kwoze

JAKARI 3:10

Ndɔ̄ ngeé ń noō tə́ ní, ā ī-ɓāríī naā kem ndɔr̄ kāgə̄ nduú yāsí gə̄ tə́ ō, ā ī-ɓāríī naā ndíl kāgə̄ kótə̄ yāsí gə̄ tə́ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

EJEKIEL 39:26

Loo ń noō tə́ dɔdə́ a ndígə̄nal rɔ̄də́ ń sɔl̄də́ ní ō, ra ń nin̄ ran̄ dɔ ndūdə́ tə́ seḿ māá aĺ ní, dɔdə́ a ndígə̄nal malang kɔ̄ɔ́ ō. Nin̄ a ndin̄ dɔ nang yādə́ tə́ kanjə̄ sōl̄ yá̰á̰ kógə̄ḿ ō, de kə́ yā rāādə́ kadə̄ nin̄ ndewn̄ ndew ɓōĺ to̰ ní a gətóo ō.

IJAI 1:20

Ba ré sḭḭ̄ ī-mbātíī anī, ré ī-na̰yiī kə̄ loo kəsō wōn̄g tə́ taḿ tə́ anī, ā óyiī yo kaskar. Najə̄ ń Kɔ́ɔ̄ɓē əda ní n noó.

IJAI 54:14

Ā ə̄ndā tɔ́gí dɔ yá̰a̰ rāā kə́ gōtə́ tə́. Deē a rējī to̰ aĺ ō, ɓōĺ a rāāī to̰ aĺ ō. De kə́ yā rāāī kadə̄ ndílí a̰ȳ to̰ a gətóo ō, de kə́ yā kəla ɓōĺ kemií tə́ to̰ a gətóo ō.

EJEKIEL 34:28

Nápar de gə̄ a ɓogən̄də́ to̰ aĺ ō, dā̰ kə́ do̰ gə̄ a əsan̄də́ to̰ aĺ ō. Nin̄ a ndin̄ kanjə̄ sōl̄ yá̰á̰ kógə̄ḿ ō, de kə́ yā rāādə́ kadə̄ a ndewn̄ to̰ a gətóo ō.

IJAI 58:14

Loo ń noō tə́ ā ə́nge rɔ̄nel̄ yāí i kemḿ mā tə́. M-ā m̄-rāā kadə̄ ā ī-mān̄ tītə̄ nge tetə rɔ̄ɔ̄ beé dɔ mbal̄ bo gə̄ kə́ kem ɓēé tə́. Dɔ nang ń kaaí Jakob ənge kə́ yá̰a̰ halan tə́ ní, m-ā m̄-rāā kadə̄ ā ə́ngé yá̰a̰ tū tə́. Yá̰á̰ ń Kɔ́ɔ̄ɓē ənī ndūn yā rāā ní n noó.

IJAI 40:5

Loo ń noō tə́ kɔsə gɔn yā Kɔ́ɔ̄ɓē a teē kə̄ ndágá ō, de kə́ dɔ nang tə́ gə̄ malang a a̰a̰n̄ ō. Yá̰á̰ ń Kɔ́ɔ̄ɓē əda kadə̄ yā rāā ní n noó.

EJEKIEL 38:11

Ɓē kə́ yá̰á̰ kə́ yā kadə̄ ni rɔ̄ɔń dɔ rɔ̄n tə́ gətóó ní, ḭ̄ ā ī-gḛy kənīn rɔ̄ɔ̄. Loo ngeé ń noō tə́ ní, de gə̄ ndin̄ i loo yādə́ jəke ō, nin̄ sōlə̄n̄ yá̰á̰ kógə̄ḿ aĺ ō. De gə̄ ənīn̄ ndogə̄ mbal̄ gə̄ dɔ ɓē bo gə̄ tə́ ngɔ̄mə̄n̄neé ɓē bo gə̄ aĺ ō. Bápə gə̄, kə lakélé gə̄ yā ɓē gə̄ ní gətóon̄ ō.

EJEKIEL 34:25

M-ā m-ə́hɔ madə̄ naā kem sɔl̄ kə ɓūtə̄ yá̰a̰ kul̄ yāḿ gēé ō, m-ā m̄-rāā kadə̄ dā̰ kə́ do̰ gə̄ a gətóon̄ kɔ̄ɔ́ kem ɓēé ō. Loo ń noō tə́ dā̰ yāḿ gə̄ a ran̄ dəla loo tə́ kanjə̄ sōl̄ yá̰á̰ kógə̄ḿ ō, nin̄ a ɓīīn̄ kə̄ kem túpə́ kámbə gə̄ tə́ ō.

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

LEBI GƏ̄ 26:6

M-ā m̄-rāā kadə̄ ɓē tél sɔl̄ lɔm ō, yá̰á̰ njə́ɓāsí dɔ ɓīī tə́ aĺ ō, dā̰ kə́ dɔ gə̄ gətóon̄ kɔ̄ɔ́ gō nang yāsí tə́ ō, de kə́ yā reē sɔ̄sí kem ɓē yāsí tə́ gətóo ō.

Makətūbə̄ yā Job 11:19

Dan ń ā ɔ̄r̄ koō anī, de kə́ yā reē njə́ɓāī a gətóo ō, ngá̰ý gə̄ a gól̄nī ō.

PĀ GƏ̄ 72:3

Ādə̄ mbal̄ bo gə̄ ō, ngán mbal̄ gə̄ ō, adə̄n̄ de gə̄ yá̰a̰ kənge kə ta kūl̄ yá̰a̰ rāā kə́ gōtə́!

IJAI 17:2

Ɓē bo gə̄ ń ndin̄ i kə ta kūl̄neé ní, a əya̰n̄də́ kɔ̄ɔ́ i kə́ njɔ́ḿ gə̄ tə́. Nin̄ i tām̄ yā ɓūtə̄ yá̰a̰ kul̄ gə̄ tə́. Ɓūtə̄ yá̰a̰ kul̄ gə̄ a ndin̄ tū tə́ ō, de kə́ yā njə́ɓādə́ a gətóo ō.

IJAI 22:25

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ndɔ̄ kógə̄ḿ tə́ anī, gində̄ kə́ dɔ rugə kə́ kəla kadə bɔr tə́ ní a tetə. Tá əlan̄ gində̄ ní i loo kə́ ngan̄g tə́. Gində̄ ní a tetə ō, a əsō ō. Loo ń noō tə́ a nujən̄ yá̰á̰ ń kété ni ətō ní kɔ̄ɔ́. Tɔdɔ̄ i Kɔ́ɔ̄ɓē n ɔr̄ najə̄.

IJAI 36:16

Ī-lōōī koō najə̄ kɔr̄ Ejekias, banī ōōī najə̄ ń mban̄g kə́ Asiri ɔr̄ sesí ní, ni-əda na: Ī-téĺ ə̄ndāī najə̄ naā tə́ seḿ, ə́ya̰ī rɔ̄sí kem jīḿ tə́. Loo ń noō tə́ sḭḭ̄ kógə̄ḿ kógə̄ḿ ā ə́saī kan̄ kāgə̄ nduú yāsí gə̄ ō, ā ā̰yī man̄ kə́ kem bəlo taā man̄ ndī yāsí gə̄ tə́ ō.

JEREMI 30:10

Ḭ̄, nge kəla yāḿ Jakob, ī-lōō ɓōĺ, Israel ī-lōō kə ndebə. M-ā m̄-taāī kɔ̄ɔ́ jī ɓē kə́ sa̰y gə̄ tə́ ō, m-ā m̄-gān̄g dɔ ngán kaaí gə̄ dɔ nang ń aw̄n̄ sedə́ tū tə́ ní tə́ ō. Jakob a tél yā reē, ni a ənī kemən mámák yā ndiń. Ni a ndi jəke ō, deē a a̰ȳ ndílən to̰ aĺ bátə́ ō. Najə̄ ń Kɔ́ɔ̄ɓē əda ní n noó.

1 MBAN̄G GƏ̄ 5:5

Dan ń Salomo̰ ndiń kə kumneé ní, de kə́ Juda tə́ gə̄ ō, kə́ Israel tə́ gə̄ ō, ndin̄ lápə́ya. Əla gír Beer Seba bátə́ ugə̄ń Dan ní, náā nəkɔ́ a ndi i gír kāgə̄ nduú yān nəkɔ́ tə́ ō, gír kāgə̄ kótə̄ yān nəkɔ́ tə́ ō.

Gōsə̄ najə̄ gə̄ 3:25

Ī-lōō sōl̄ yá̰á̰ kə́ to ɓōĺ ngá̰ý kə́ əhɔī dɔ jīí tə́, aláa ngé kem ndul gə̄ kə́ əɓan̄ dɔí tə́ bus.

IJAI 32:17

Yá̰á̰ kə́ gōtə́ a ojə kem sɔl̄ lɔm, ni a reē kə ndi lápə́yaá ō, kə ndi kanjə̄ sōl̄ yá̰á̰ kógə̄ḿ ō, kə́ njɔ́ḿ gə̄ tə́ ō.

JEREMI 23:4

M-ā m-ādə̄də́ ngé kul̄ yá̰a̰ gə̄ kadə̄ a aw̄n̄ sedə́ ko̰ó̰. A ɓōlə́n̄ to̰ aĺ ō, yá̰a̰ a a̰ȳ ndíĺdə́ to̰ aĺ ō, ta kógə̄ḿ a tḭ̄ḭ̄ aĺ ō. Najə̄ ń Kɔ́ɔ̄ɓē əda ní n noó.

MISE 5:3

Ba ni kə́ ngār ń ədan̄ najə̄ yān kété ní, a ḭḭ yān ō, a tél nge kul̄də́ ō, kə ta kūl̄ tɔ́gə yā Kɔ́ɔ̄ɓēé ō, kə ta kūl̄ ndi kə́ to kɔsə gɔn yā Kɔ́ɔ̄ɓē Nə́ɓā yān ō. De gə̄ kə́ dan gír deē yān gə̄ tə́ a ndin̄ kanjə̄ sōl̄ yá̰á̰ kógə̄ḿ. Tām̄ tɔ́gən a aw̄ bátə́ yā kugə̄ ta ngóy dɔ nang tə́.

SOPONI 3:13

Israel gə̄ ń a teēn̄ ta yo tə́ ní, a rāān̄ yá̰á̰ kə́ majaĺ to̰ aĺ ō, a sorə̄n̄ to̰ aĺ ō, a gólə̄n̄ madə̄də́ gə̄ kə najə̄ kə́ tadə́ tə́ to̰ aĺ ō. Nin̄ a asən̄ kəsa yá̰a̰ ō, ɓīī ō, de kə́ yā rāādə́ kadə̄ ɓōlə́n̄ gətóo ō.