MISE 4:3 - Bibəl ta Sar̄

³ Ni a gān̄g sarya kə́ dɔ dáń gír de kə́ ngá̰ý gə̄ tə́, ni a tél i nge ra mbənā tə́ tām̄ yā nápar de gə̄ kə́ tɔ́gə́də́ i ngá̰ý tə́ ō, ndin̄ i sa̰y tə́ ō. Nin̄ a ɔyn̄ kaskar yādə́ gə̄ yā rāań kɔsə man̄g gə̄ ō, a ɔyn̄ nənga yādə́ gə̄ yā rāań ngorong gə̄ ō. Ɓē kógə̄ḿ a ənī ɓē kə́ rang rɔ̄ɔ̄ aĺ ō, de gə̄ a ndóōn̄ naā rɔ̄ɔ̄ to̰ aĺ ō.

Bible sar

³ Ni a gān̄g sarya kə́ dɔ dáń gír de kə́ ngá̰ý gə̄ tə́, ni a tél i nge ra mbənā tə́ tām̄ yā nápar de gə̄ kə́ tɔ́gə́də́ i ngá̰ý tə́ ō, ndin̄ i sa̰y tə́ ō. Nin̄ a ɔyn̄ kaskar yādə́ gə̄ yā rāań kɔsə man̄g gə̄ ō, a ɔyn̄ nənga yādə́ gə̄ yā rāań ngorong gə̄ ō. Ɓē kógə̄ḿ a ənī ɓē kə́ rang rɔ̄ɔ̄ aĺ ō, de gə̄ a ndóōn̄ naā rɔ̄ɔ̄ to̰ aĺ ō.

MISE 4:3 Referans Kwoze

IJAI 2:4

Ni a gān̄g sarya yān kə́ dɔ dáń nápar de gə̄ tə́ ō, a ra dɔ dáń gír de kə́ ngá̰ý gə̄ tə́ yā gān̄gəń sarya ō. Nin̄ a ɔyn̄ kaskar yādə́ gə̄ yā rāā kɔsə man̄g tə́ ō, a ɔyn̄ nənga yādə́ gə̄ yā rāā ngorong tə́ ō. Ɓē kógə̄ḿ a ḭḭ yā kənī ɓē kə́ rang rɔ̄ɔ̄ to̰ aĺ ō, de kə́ dəngam gə̄ a ndóōn̄ naā loo rɔ̄ɔ̄ to̰ aĺ ō.

OJEE 2:18

Kɔ́ɔ̄ɓē əda na: Ndɔ̄ ń noō tə́ ní, ni a ɓārə́m̄ na i Ngaaḿ, ni a ɓārə́m̄ na i ɓesə̄ Baal yāḿ ń kumən na i ngoləḿ ní to̰ alé.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

IJAI 65:25

Soó ō, ngōn̄ batə̄ ō a əsan̄ yá̰a̰ naā tə́, ɓɔl a əsa mu kə́ tutə tītə̄ man̄g. Lī a ul̄ rɔ̄n i kə bumbə́rú. Yá̰á̰ kə́ majaĺ, aké yá̰á̰ kə́ rāā kə dɔ́nɔ́, a to dɔ mbal̄ yāḿ kə́ táĺ tə́ to̰ alé. I mā Kɔ́ɔ̄ɓē n m-ə́da najə̄ ń noō ní.

PĀ GƏ̄ 98:9

kété no Kɔ́ɔ̄ɓē tə́, tɔdɔ̄ ni a reē i mbée. A reē i kə̄ ko̰o̰ ɓēé dɔ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

PĀ GƏ̄ 96:13

ta kum Kɔ́ɔ̄ɓē tə́ tā, tɔdɔ̄ ni a reē i mbée, a reē i kə̄ ko̰o̰ ɓē tə́ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

JEJU TEĒ KUM JA̰A̰ 19:11

Gō tə́ anī m-á̰a̰ dɔ rā̰ ra kə wōyōó, anī sə́ndá kə́ ndaa teē. Ba deē ń ndi gidən tə́ ní, rīn na i nge ra dɔ ndūn tə́ ō, kə́ rɔ̄kum ō. Ni a gān̄g sarya ō, a rɔ̄ɔ̄ ō, i kə gō róbə́ kə́ gōtə́.

JAKARI 14:3

Loo ń noō tə́ Kɔ́ɔ̄ɓē a rɔ̄ɔ̄ gír de kə́ rang gə̄. Ni a rɔ̄ɔ̄ tītə̄ ń a rɔ̄ɔń dan yā rɔ̄ɔ̄ gə̄ tə́ ngándáńg ní.

JAKARI 9:10

Ni a rāā kadə̄ púsə rɔ̄ɔ̄ gə̄ kə́ Epəraim gətóon̄ kɔ̄ɔ́ ō, ni a rāā kadə̄ sə́nda gə̄ kə́ Jerusalem gətóon̄ kɔ̄ɔ́ ō. Ni a tétə̄ ga̰ gərā gə̄ kə́ yā rɔ̄ɔń kɔ̄ɔ́ ō, a rāā kadə̄ lɔm to dan nápar de gə̄ tə́ ō. Əla gír bā katə̄ tə́ bátə́ bā bo kə́ no ɓē tə́ ō, bā Opəratə tə́, bátə́ ta ngóy ɓē kə́ dām̄ kə́ rang tə́ ō ní, ni i ngol de gə̄.

JOEL 3:2

Kem ndɔ̄ gə̄ ngeé ń noō tə́ ní, m-ā m̄-rāā kadə̄ Ndílə́ḿ risə dɔ ngé kəla kə́ dəngam gə̄ tə́ ō, dɔ ngé kəla kə́ dəyá̰ gə̄ tə́ ō.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

IJAI 60:12

Nápar de gə̄, aláa ɓē ko̰o̰ ń a mbātə́ rāā kəla kadī ní, a gətóo kɔ̄ɔ́. A nujən̄ nápar de gə̄ ngeé ń noō sák sák kɔ̄ɔ́.

IJAI 51:5

Kajə ń m̄-reēń ní, dɔ i ngɔr, teē ɓəloó a reē noó. M-ā m̄-gān̄g sarya kə ngangá ngá̰ý dɔ gír de gə̄ tə́. Gír de gə̄ ń ndin̄ sa̰y ní, a əndān̄ kemdə́ dɔḿ tə́. Nin̄ a əndān̄ kemdə́ dɔ kasə kə́ m-ásə rāā yá̰á̰ tə́.

IJAI 25:3

I tām̄ najə̄ ń toō tə́ n gír de kə́ ngan̄g gə̄ ɔsən̄ gɔnií ní, ɓē gə̄ yā nápar de gə̄ kə́ ngé rāā yá̰a̰ kə dɔ́nɔ́ gə̄ ɓōlə́n̄ gidií ní.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

PĀ GƏ̄ 82:8

Nə́ɓā, ḭ́ḭ dɔɔ́! Ādə̄ ḭ̄ i nge gān̄g sarya kə́ dɔ nang tə́, tɔdɔ̄ nápar de gə̄ malang i yá̰a̰ yāí.

PĀ GƏ̄ 72:7

Ɓāl̄ ko̰o̰ ɓē yān tə́ ní ādə̄ de kə́ súmūú tḭ̄ḭ̄ rɔ̄n ndiń ō, yá̰a̰ kənge i ngá̰ý ō, bátə́ kadə̄ nāā teēń aĺ kə́ njɔ́ḿ gə̄ tə́.

PĀ GƏ̄ 46:9

Ī-reē á̰a̰ī kəla rāā Kɔ́ɔ̄ɓē, yá̰á̰ kə́ dɔ nang tə́ gə̄ ń ni nujəń sák sák ní!

1 SAMUEL 2:10

Kɔ́ɔ̄ɓē a tetə madə̄ ba̰ā̰n gə̄ rɔ̄ɔ̄. Ni a ndi dɔ rā̰ tə́ yā ndángəń rɔ̄n dɔdə́ tə́. Kɔ́ɔ̄ɓē a gān̄g sarya dɔ de gə̄ tə́ bátə́ ta ngóy dɔ nang tə́. A əndā mban̄g yān ń urən̄ yibə̄ ngār dɔn tə́ gə̄rān̄neé ní ō, a adə̄ mban̄g ní tɔ́gə ō, a ɔsə gɔnən ō.

PĀ GƏ̄ 72:3

Ādə̄ mbal̄ bo gə̄ ō, ngán mbal̄ gə̄ ō, adə̄n̄ de gə̄ yá̰a̰ kənge kə ta kūl̄ yá̰a̰ rāā kə́ gōtə́!

JAKARI 8:20

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: A̰á̰ā̰, gír de gə̄ kə́ nin̄ i tə̄rā gə̄, kə́ nin̄ teēn̄ i kem ɓē gə̄ kə́ gír i kósə́ ngá̰ý tə́, a reēn̄ kem ɓē kə́ Jerusalem tə́ gogə́ rang.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

OJEE 2:20

Loo ń noō tə́ ní, m-ā m-ə́hɔ madə̄ naā kə dā̰ kə́ bembeé gə̄ ō, kə yel̄ kə́ dɔɔ́ gə̄ ō, kə ngán dā̰ kə́ nang tə́ gə̄ ō, tām̄ yā gír deē yāḿ gə̄ tə́. M-ā m̄-rāā kadə̄ ga̰ gərā gə̄ ō, kaskar gə̄ ō, yá̰a̰ rɔ̄ɔ̄ gə̄ ō, gətóon̄ kɔ̄ɔ́ kem ɓēé. M-ā m-ādə̄ de kə́ kem ɓēé gə̄ a ɓīīn̄ loo yādə́ jəke.