MISE 4:13 - Bibəl ta Sar̄

¹³ Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.

Bible sar

¹³ Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.

MISE 4:13 Referans Kwoze

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

IJAI 23:18

Banī manə̄n yān gə̄ ń ni a ənge ní, yá̰á̰ ń ni a ənge gírí ní, a ɔrə̄n̄ kam̄ tām̄ yā Kɔ́ɔ̄ɓē tə́. A kánə̄n̄ kə̄ dɔ naā tə́ alé, deē a ngɔ̄m̄ alé. Yá̰á̰ ń ni a ənge gírí ní, a ul̄nəń ngé ndi ta kum Kɔ́ɔ̄ɓē tə́ gə̄, a adə̄n̄neédə́ kūbə̄ kə́ majə ngá̰ý gə̄ ō.

IJAI 18:7

Loo ń noō tə́ a reēn̄ kə yá̰a̰ ndējə̄ gə̄ yā kadə̄ Kɔ́ɔ̄ɓē kə́ bo kə́ tɔ́gən i ngá̰ý. Yá̰a̰ ndējə̄ gə̄ ní, i yā nápar de gə̄ kə́ ngāl̄ gə̄ ń toō, ń i nápar de gə̄ kə́ ndāŕdə́ ndə́lē ō, de gə̄ ɓōlə́n̄də́ laā ō, kə̄ loo gə̄ tə́ ō, tɔ́gə́də́ i ngá̰ý adə̄ nin̄ rējə̄n̄ madə̄ ba̰ā̰də́ gə̄ ō, ndin̄ i kem ɓē kə́ bā gə̄ əndan̄ dan gāngə̄n̄ tə́ ō ní. A reēn̄ kə yá̰a̰ ndējə̄ gə̄ ní i dɔ mbal̄ bo kə́ Siyo̰ tə́, loo ń Kɔ́ɔ̄ɓē kə́ bo kə́ tɔ́gən i ngá̰ý ndi tū tə́ ní tə́.

1 KORḚNTƏ 16:2

Kə dɔ ndɔ̄ dəmásə gə̄ malang ní, sḭḭ̄ kógə̄ḿ kógə̄ḿ malang, ā ɔ̄rī nar kadə̄ asə kə gō kənge ń ə́ngeī ní yā ngɔ̄m̄ ɓēé, yā kadə̄ ré m-ūgə̄ tá ī-kánī nar alé.

JAKARI 6:5

Anī ni-tél ədam̄ na: I nél kə́ sɔ́ gə̄ kə́ dɔ rā̰ tə́. Kété ní, nin̄ i kadə Kɔ́ɔ̄ɓē ń i kɔ́ɔ̄ dɔ nang kə taá malang ní tə́ ō, ngɔlaā ɓáa nin̄ a aw̄n̄ i mbée ō.

JAKARI 4:14

Tā anī, ni ɔjəm̄ kum, əda na: I de kə́ jōó gə̄ ń ɔrə̄n̄ kam̄də́ tayā kə yibīí kadə̄ rāān̄ kəla yā kɔ́ɔ̄ dɔ nang kə taá malang ní.

JEREMI 51:33

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Babilon ń i dəyá̰ kə́ mandə ní, to tītə̄ gár̄ kə́ deē teē kemən kə̄ gogə́ kadə̄ laa beé. Sḛ́ý to̰ anī, kum mbang sāā kōō a ugə̄ tām̄ yān tə́.

PĀ GƏ̄ 68:29

Nə́ɓā yāí gḛy kadə̄ ī-ngan̄g. Nə́ɓā, ḭ̄ ń ī-rāā yá̰a̰ tām̄ yājí tə́ ní ɔ́jə́ tɔ́gí!

JOJUE 6:19

Ba gində̄ arjā̰a̰ malang ō, gində̄ lɔ́r malang ō, yá̰a̰ malang kə́ rāā kə gində̄ nə̄ngá kasə ō, kə gində̄ kə́ karī ō ní, i kə́ yā kɔr̄ kam̄ tayā tām̄ yā Kɔ́ɔ̄ɓē tə́ ō, i kə́ yā kaw̄ń kem loo ngɔ̄m̄ yá̰a̰ kənge yā Kɔ́ɔ̄ɓē tə́ ō.

IJAI 5:28

Kum gərā yādə́ gə̄ i kə́ tadə́ atə limbēȳ limbēȳ, ga̰ gərā yādə́ gə̄ i kə́ kɔr gō malang. Hḛ̄l̄ nja sə́nda yādə́ gə̄ i kə́ ngan̄g tītə̄ mbal̄ beé ō, nja púsə́ sə́nda yādə́ gə̄ rə̄ngō tītə̄ nél man̄ kə́ əla kə ngangá ngá̰ý beē ō.

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

NDŪ NAJƏ̄ 33:25

Ādə̄ yá̰a̰ kutə̄ ta róbə yāí gə̄ i kə gində̄ kə́ karīí aláa i kə gində̄ nə̄ngá kasaá. Ādə̄ tɔ́gí i rɔ̄í tə́ kə dɔ ndɔ̄ gə̄ malang ń ā ī-ndiń kə kumií ní.

IJAI 21:10

Gír deē yāḿ gə̄, sḭḭ̄ ń əndan̄sí tītə̄ loo kənda kōō gémē beé ndágə looó ní, yá̰á̰ ń m-ōō rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ ní, ni ń i Nə́ɓā yā Israel ní, n noó. I najə̄ kə́ kijə ń m̄-reē kədaī tə́ ní.

JEREMI 51:20

Kété ní ī-rāā rɔ̄í i rə̄ngō yāḿ tə́, i yá̰a̰ rɔ̄ɔ̄ yāḿ tə́. M-úniī m̄-tə̄ndāń nápar de gə̄ ō, m̄-nujəń ɓē ko̰o̰ gə̄ ō.

OJEE 10:11

Epəraim i duĺ man̄g kə́ ndóōnən̄ yá̰a̰ majə, nelə̄n səɓā kōō gémē ngá̰ý. Mā tā a dan ń m-á̰á̰ míndən kə́ majə ngá̰ý ní, m̄-ndigə kənī yá̰á̰ míndən tə́ yā rāāń kəla: Juda a ndɔr̄, ba Israel a tɔ̄ɔ̄ nán̄g ta kɔsə kə yá̰a̰ jɔ̄r̄yɔ̄ nán̄g ta kɔsɔɔ́.

HABAKUK 3:12

Wōn̄g i ngá̰ý kemií tə́ ō, ī-njə̄rā kumií kə̄ kété dɔ nang tə́ ō. Ḭ̄ ī-rējə̄ gotə nápar de gə̄ kɔ̄ɔ́ tɔdɔ̄ wōn̄g rāāī ngá̰ý.

PĀ GƏ̄ 24:1

Pā yā Dabid. Dɔ nang i yá̰a̰ yā Kɔ́ɔ̄ɓē ō, yá̰a̰ malang kə́ tū tə́ i yān ō. Dɔ nang kə taá malang i yá̰a̰ yā Kɔ́ɔ̄ɓē ō, de kə́ tū tə́ gə̄ malang i deē yān gə̄ ō.

MISE 5:7

Israel gə̄ ń na̰yn̄ kə kumdə́ dan nápar de gə̄ tə́, dan gír de gə̄ kə́ ngá̰ý gə̄ tə́ ní, a ngangə̄n̄ tītə̄ ɓɔl beé dan dā̰ gə̄ kə́ kem kuú tə́, a ngangə̄n̄ tītə̄ balsáa ɓɔl beé dan ɓūtə̄ batə̄ gə̄ tə́. Loo malang ń ni mān̄ tū tə́ ní, ni əhɔ dā̰ gə̄ ba rə́yā̰də́ naā tə́ ō, de kə́ asə taādə́ jīn tə́ gətóo ō.

JAKARI 12:3

A̰á̰ā̰, kum mbang ngeé ń noō tə́ ní, m-ā m̄-rāā ɓē kə́ Jerusalem i kūbə̄rū mbal̄ kógə̄ḿ kə́, de kə́ asə kunən dɔɔ́ a gətóó tə́. De gə̄ malang ń a ndigən̄ kunən dɔɔ́ ní, a əngen̄ do. I tām̄ najə̄ ń noō tə́ n nápar de gə̄ malang kə́ dɔ nang tə́ a əndān̄ rɔ̄də́ naā tə́ yā rɔ̄ɔ̄n ní.

JAKARI 12:6

Kum mbang ngeé ń noō tə́ ní, m-ā m̄-rāā ngār kə́ Juda gə̄ kadə̄ a tél a ton̄ tītə̄ hor kə́ a o̰o̰ gír kīr̄ kə́ kán̄ dɔ naā tə́ bing beé, aláa a ton̄ i tītə̄ mu kə́ ndégə̄ kem jī kógə̄ḿ ba kəla hor tū tə́ gír dɔ do̰ō̰ kōō gə̄ tə́ beē. Gír de kə́ rang gə̄ ń ndi gīrə̄n̄ gidədə́ ní, nin̄ a nujən̄də́ kə̄ ta gə̄ tə́. Banī de kə́ Jerusalem gə̄ a na̰yn̄ kə̄ loo ndi tə́ loo ń toō tə́.