MISE 4:1 - Bibəl ta Sar̄

¹ Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

Bible sar

¹ Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń *kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

MISE 4:1 Referans Kwoze

JEREMI 3:17

Kem ndɔ̄ gə̄ ń noō tə́ ní, a ɓārə́n̄ Jerusalem na i ‹Kōr̄ kāgə̄ mbang yā Kɔ́ɔ̄ɓē›. Nápar de gə̄ malang a a̰ȳn̄ kum kə̄ rɔ̄n tə́ najə̄ yā rī Kɔ́ɔ̄ɓē ń əndān̄ dɔn tə́ ní. A ton̄ gír rāā dɔ ngan̄g yādə́ kə́ majaĺ al̄ naā tə́ to̰ alé.

PĀ GƏ̄ 22:27

m̄-ɓāŕ ngé ndoō gə̄ adə̄ əsan̄ yá̰a̰ ndānə̄n̄. Adə̄ ngé sāā Kɔ́ɔ̄ɓē gə̄ ɔsən̄ gɔn Kɔ́ɔ̄ɓē ō, ndin̄ majə ta kaw̄ jóo ō!

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.

PĀ GƏ̄ 86:9

Kɔ́ɔ̄ɓē, gíŕ nápar de gə̄ malang ń ī-rāādə́ ní, a reēn̄ yā kɔsə nodə́ nang tə́ noí tə́ ō, yā tɔ̄ȳ rīí ō.

KƏLA RĀĀ 2:17

Loo ń noō tə́ Nə́ɓā əda na, ta tɔ̄l̄ ta ndɔ̄ gə̄ tə́ anī yá̰á̰ ń a rāā yá̰á̰ ní n toó: M-ā m̄-rāā kadə̄ Ndílə́ḿ a reē dɔ de gə̄ tə́ malang. Ngáńsí kə́ dəngam gə̄ kə ngáńsí kə́ dəyá̰ gə̄ a ədan̄ najə̄ kə́ Nə́ɓā əndā tadə́ tə́ ō, balsáa yāsí gə̄ a télən̄ ngé ka̰a̰ yá̰a̰ gə̄ ō, nī a rāā ɓə́ga yāsí gə̄ ō.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

EJEKIEL 43:12

Najə̄ kə́ dɔ kújə́ yā Kɔ́ɔ̄ɓē tə́ ní, ndū tām̄ kə́ bo kə́ dɔ tə́ ń toó: Loo malang ń gīr̄ gidə kújə́ yā Kɔ́ɔ̄ɓē dɔ mbalá dɔɔ́ ní, majə kadə̄ de gə̄ rāān̄ loo kə́ táĺ ngá̰ý tə́.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

IJAI 54:2

Ī-teē kem kújə tandā yāí kə̄ gogə́ ādə̄ kemən bo, kūbə̄ kə́ laa tɔȳ madə̄ gə̄ ní, ī-ndɔ́r̄ gō kəlādə́ gə̄, yā kadə̄ ī-ndi gíŕdə́ tə́, ī-lōō tə́da kutə nar yāí ń udə ní. Ī-rɔ́tə̄ kəlā gə̄ ta madə̄ gə̄ tə́ ō, kāgə̄ kə́ tadə́ atə dām̄ kógə̄ḿ gə̄ ń ī-túdə̄də́ nang tə́ ní, ə́nda gōdə́ ādə̄ ran̄ ngan̄g ō.

JEJU TEĒ KUM JA̰A̰ 20:4

Gō tə́ anī m-á̰a̰ kōr̄ kāgə̄ mbang gə̄. Ba de gə̄ ń reē ndin̄ dɔ tə́ ní, adə̄n̄də́ ta róbə kadə̄ gāngə̄n̄ sarya. Tá m-á̰a̰ de gə̄ ń tə́gān̄ míndə́də́ gángə̄n̄ kə kə̄ngāá tām̄ najə̄ kə́ kum tə́ yā Jeju tə́ ō, tām̄ najə̄ yā Nə́ɓā tə́ ní ō. De gə̄ ń rɔȳn̄ dā̰ ní aĺ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní tə́ aĺ ō, əndān̄ tə́ré yá̰a̰ nodə́ tə́ aĺ ō, jīdə́ tə́ aĺ ō ní, m-á̰á̰də́ ō. Nin̄-tél ndin̄ kə kumdə́ gogə́, ba o̰o̰n̄ ɓē naā tə́ kə Kərist ɓāl̄ dūbú kógə̄ḿ.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

HEBƏRO 1:2

Banī kem ndɔ̄ gə̄ ń toō tə́ ń i ta tɔ̄l̄ ta ndɔ̄ gə̄ ní, ni-ɔr̄ najə̄ sejí i kə ta kūl̄ Ngōnən. Ni-rāā yá̰a̰ malang i kə ta kūl̄ Ngōnən ní ō, i Ngōnən ní n ni gə̄rān kadə̄ ənge yá̰a̰ malang ní ō.

DANIEL 7:27

Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

DANIEL 2:44

Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

DANIEL 7:18

Gō tə́ anī ngé kə́ táĺ gə̄ yā Nə́ɓā kə́ dɔɔ́ sa̰y ngá̰ý a əngen̄ ko̰o̰ ɓē ō, a ngɔ̄mə̄n̄ ko̰o̰ ɓē ní tām̄ yādə́ tə́ kə́ njɔ́ḿ gə̄ tə́ ō.

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

DANIEL 2:35

Anī gində̄ ō nánjə ō gində̄ nə̄ngá kasə ō gində̄ arjā̰a̰ ō lɔ́r ō ní, tetən̄ ndujə̄ adə̄ nél ɔy aw̄ń tītə̄ təsá əwā kə́ ɓālāá kə́ kem gárāá ń nél ɔy aw̄ń kɔ̄ɔ́ adə̄ deē a̰a̰ gotə to̰ aĺ ní beē. Banī mbal̄ ń ənī nja yá̰á̰ ń tɔ́sə̄n̄ adə̄ to tītə̄ deē ní, tél mbal̄ bo kə́ bo ngá̰ý kə́ taā loo malang dɔ nang tə́.

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

EJEKIEL 40:2

Dan ń m-ā m-á̰a̰ń yá̰á̰ kógə̄ḿ ní, Nə́ɓā un aw̄ seḿ dɔ nang kə́ Israel tə́. Ni əya̰m̄ dɔ mbal̄ kógə̄ḿ kə́ ngāl̄ ngá̰ý kum kə̄ dɔɔ́ tə́. Ɓūtə̄ kújə gə̄ kə́ tītə̄ kújə gə̄ kə́ kem ɓē bo kógə̄ḿ tə́ i kadə mbal̄ ní tə́, dām̄ mbɔ́r ɓē kə́ geleé tə́.

EJEKIEL 38:16

Israel gə̄ ń i gír deē yāḿ gə̄ ní, ā ī-reē yā kənīdə́ rɔ̄ɔ̄ ō, ā ī-taā loo ɓē yādə́ tə́ tītə̄ kil̄ man̄ kə́ taā loo dɔ nang tə́ beé ō. Dan i ngá̰ý pá tá yá̰a̰ gə̄ ń noō a rāān̄ yá̰á̰ ɓáý. M-ā m-ə́laī kadə̄ āw̄ ə̄nī ɓē yāḿ rɔ̄ɔ̄. Loo ń noō tə́ nápar de gə̄ a gerə̄n̄ kadə̄ Nə́ɓā kə́ táĺ i mā. Ba i Gog n m-ā m-úniī yā kɔjəńdə́ nge ń noō ní.

JEREMI 48:47

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā reē sedə́ gogə́. Najə̄ ń Kɔ́ɔ̄ɓē əda ní n noó. Sarya ń gāngə̄n̄ dɔ Moab tə́ ní, ta tɔ̄l̄ tan i loon ń toō tə́.

JEREMI 16:19

Kɔ́ɔ̄ɓē, ḭ̄ ń i tɔ́gə́ḿ ō, nge ngɔ̄mə̄ḿ ō, loo ɓɔ̄ɔ̄ rɔ̄ yāḿ ndɔ̄ wur kɔl tə́ ō ní, nápar de gə̄ a ḭḭn̄ ta ngóy dɔ nang tə́ yā reē rɔ̄í tə́ yā kəda na: Yá̰á̰ ń kaají gə̄ əngen̄ loo nə̄ɓō naā yá̰á̰ tə́ ní, i yá̰á̰ kə́ rɔ̄kum alé ō, i yá̰á̰ kə́ kanjə̄ kumən kə́ yá̰á̰ kə́ yā rāań gətóo ō.

IJAI 43:6

M-ə́dá mbɔ́r ɓē kə́ ko̰ó̰ na ī-tél ādə̄m̄ sedə́ ō, m-ə́dá mbɔ́r ɓē kə́ geleé na ī-lōō kəhɔdə́ gotoó ō. Ngánə́ḿ kə́ dəngam gə̄ ń ndin̄ ɓē kə́ sa̰y gə̄ ń toō tə́ ní, ī-tél ī-reēī sedə́ ādə̄mī ō, ngánə́ḿ kə́ dəyá̰ gə̄ ń ndin̄ ta ngóy dɔ nang tə́ ní, ī-tél ī-reēī sedə́ ādə̄mī ō.

IJAI 27:13

Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

TA KƏLA 49:1

Jakob ɓāŕ ngánən gə̄ ədadə́ na kə ɔsən̄ dɔdə́ naā tə́ kadə̄ n-ədadə́ yá̰a̰ gə̄ ń, ndɔ̄ń tə́ anī, a reēn̄ dɔdə́ tə́ ní.

2 PIYER 3:3

Yá̰á̰ ń kadə̄ ī-gerī kété ní n toó: Kem ndɔ̄ gə̄ kə́ ta ngóy tə́ anī, de kə́ ngé rāā yá̰á̰ kə́ ngurən i kemdə́ tə́ gə̄ a teēn̄ yādə́. Nin̄ a mbóon̄ sesí,

DANIEL 10:14

m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

DANIEL 7:22

Banī de kə́ tɔgə ɓə́ga ní reē gān̄g sarya kə́ gōtə́ tām̄ yā gír de kə́ táĺ gə̄ yā Nə́ɓā kə́ dɔɔ́ sa̰y ngá̰ý tə́. Dan ń kum mbang asə anī ngé kə́ táĺ gə̄ o̰o̰n̄ ɓē.

PĀ GƏ̄ 48:1

I pā yā ngán Kore gə̄.

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

JEREMI 26:18

Mise nge koō ta kə́ Moreset tə́ ɔr̄ najə̄ ɓāl̄ yā Ejekias, mban̄g kə́ Juda tə́, əda gír de gə̄ malang kə́ Juda tə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: A ndɔrə̄n̄ ɓē kə́ Siyo̰ tītə̄ loo ndɔr̄ loo beé ō, Jerusalem a tél ndəbā ɓē kə́ gájə́ yá̰á̰ kə́ tū tə́ gə̄ ra dɔ naā tə́ bing ō, mbal̄ kə́ kújə yā Kɔ́ɔ̄ɓē tə́ a tél loo kə́ kḭḭ kə̄ dɔɔ́ kə́ mu taā dɔ ō.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

JAKARI 14:10

Dɔ nang malang ń to kə gō gidə ɓē kə́ Jerusalem ní, a rāān̄ kadə̄ a téĺ ndágə mbō. A əlan̄ gír i Geba ń deē ra kem ɓēé anī i kə̄ dām̄ mbɔ́r ɓē kə́ ko̰ó̰ tə́ ní, bátə́ Rimon ń deē ra kem ɓēé anī i kə̄ dām̄ mbɔ́r ɓē kə́ geleé tə́ ní. Ɓē kə́ Jerusalem a ndi i loo kə́ kḭḭ kə̄ dɔɔ́ tə́, ba ɓē a ḭḭ i ta róbə yā Benjamḛ tə́, bátə́ ta róbə́ ń rīn na i kíl loo ní tə́, loo ń ta róbə́ kə́ jóo i tū tə́ ní tə́. A ḭḭ kújə́ kə́ ngāl̄ ɓururu kum kə̄ dɔɔ́ yā Hananel tə́, bátə́ loo mbə́rē kan̄ kāgə̄ nduú yā mban̄g tə́.