MISE 3:9 - Bibəl ta Sar̄

⁹ I beé ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ngé gān̄g sarya gə̄ yā gír de gə̄ yā Israel, ōōī. Yá̰á̰ kə́ gōtə́ nel̄sí aĺ gá̰ý ō, sḭḭ̄ ī-rāāī yá̰á̰ kə́ súmūú adə̄ rugə ō.

Bible sar

⁹ I beé ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ngé gān̄g sarya gə̄ yā gír de gə̄ yā *Israel, ōōī. Yá̰á̰ kə́ gōtə́ nel̄sí aĺ gá̰ý ō, sḭḭ̄ ī-rāāī yá̰á̰ kə́ súmūú adə̄ rugə ō.

MISE 3:9 Referans Kwoze

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

Gōsə̄ najə̄ gə̄ 17:15

Kun najə̄ kɔ̄ɔ́ dɔ de kə́ rāā yá̰a̰ gōtə́ aĺ tə́ ō, kəndā najə̄ dɔ de kə́ najə̄ gətóo dɔn tə́ tə́ ō, i yá̰á̰ kə́ yḛr ta kum Kɔ́ɔ̄ɓē tə́ jōó mbak.

NDŪ NAJƏ̄ 27:19

Deē ń a ɔgə̄ tə̄rā kə́ nge nam̄ ō, ngōn̄ hal ō dəyá̰ kə́ ngaa koy ō yá̰á̰ kə́ sɔɔ̄ dɔdə́ ní, ndɔ̄ĺ i dɔn tə́. Loo ń noō tə́ gír de gə̄ malang a ədan̄ na: A̰á̰ā̰ ādə̄ i tītə̄ ń noō.

MISE 3:1

Ba mā m-ə́dásí na: I beé ɓá ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ń i ngé gān̄g sarya yā gír de gə̄ yā Israel ní, ōōī. Yá̰á̰ ń i yá̰á̰ kə́ gōtə́ ní, i sḭḭ̄ n i ngé ger̄ gə̄ ní wa ḿ?

OJEE 5:1

Kɔ́ɔ̄ɓē əda na: Sḭḭ̄ ngé tun̄ yá̰a̰ gə̄, ōōī majə, sḭḭ̄ ngār gə̄ yā Israel gə̄, ī-nēlī mbīsí, ba sḭḭ̄ de kə́ ndogó mbangāá gə̄, ī-teēī mbīsí! Majə kadə̄ ī-gāngī sarya kə́ gōtə́. Ɓá tā banī sḭḭ̄ ə́hɔī de gə̄ kə gūmbūú Misəpa. Sḭḭ̄ ī-selíī réńg nodə́ tə́ dɔ mbal̄ Tabor tə́.

JEREMI 5:28

Nin̄ boon̄ majə ō, ndə́lēn̄ ō, rāān̄ majaĺ al̄ naā ō. Nin̄ ɓōlə́n̄ ndíl najə̄, aláa yá̰a̰ yā deē aĺ ō, yā ngōn̄ hal aĺ ō. Yá̰a̰ rāādə́ malang teēdə́ yá̰á̰ tə́ usədə́ dɔ najə̄ yā ngé rɔ̄ tō ndoō gə̄ tə́ alé.

LEBI GƏ̄ 26:15

ré ə́yaī ndū najə̄ yāḿ gə̄ kɔ̄ɔ́ ō, ī-kídī yá̰a̰ kāgə̄ ɓē gə̄ ń m-ɔ́jə́sí ní ō, ī-rāāī yá̰a̰ gə̄ ń m-ɔ́jə́sí malang aĺ ō, adə̄ ī-nujiī madə̄ naā ń m-ə́hɔ sesí ní anī,

Teē Ngán Israel gə̄ 3:16

Āw̄ ɔ́sə dɔ kum kɔɔ̄ gə̄ yā ngán Israel gə̄ naā tə́, ə́dádə́ na Kɔ́ɔ̄ɓē, Nə́ɓā yā kaasí gə̄, adə̄ i Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō, na ndɔ̄bī, ədaī na n-gḛy dḭḭ̄sí tām̄ yá̰á̰ ń rāān̄ sesí kem ɓē kə́ Ejiptə tə́ ní.

Gōsə̄ najə̄ gə̄ 18:5

Rāā de kə́ súmūú kadə̄ ndóm̄ loo sarya tə́ yā rāań majə kə nge kem nduluú i yá̰á̰ kə́ majaĺ.

Gōsə̄ najə̄ gə̄ 21:7

Rāā yá̰a̰ kə dɔ́nɔ́ yā ngé kem ndul gə̄ tḭ̄ḭ̄ tadə́, tām̄ nin̄ mbātə́n̄ rāā yá̰á̰ kə́ súmūú.

EJEKIEL 44:23

Ngé tun̄ yá̰a̰ gə̄ a ndóōn̄ gír deē yāḿ gə̄ kadə̄ gerə̄n̄ kɔr̄ kam̄ yá̰á̰ kə́ yā ɓōĺ gidə naā tə́ kə yá̰á̰ kə́ karī ō, kadə̄ gerə̄n̄ kɔr̄ kam̄ yá̰á̰ kə́ unjə̄ njáý njáý naā tə́ kə yá̰á̰ kə́ yḛr ō.

MISE 1:1

Kɔ́ɔ̄ɓē ɔr̄ najə̄ kə Mise ń i de kə́ kem ɓē kə́ Moreset tə́ ní. I dan ń Yotam ō, Akaj ō, gō tə́ anī i Ejekias ō, ndinə̄ń mban̄g dɔ nang kə́ Juda tə́ ní. Yá̰á̰ kə́ sɔɔ̄ dɔ ɓē gə̄ kə́ Samari ō, Jerusalem ō, ń Kɔ́ɔ̄ɓē ɔjən adə̄ ger̄ kə ta kūl̄ yá̰á̰ kógə̄ḿ ń ni a̰ā̰ ní n toó.

NEHEMI 13:17

m̄-gákə̄ de kə́ bo kə́ Juda tə́ gə̄ m-ə́dádə́ na: I majaĺ kə́ ba̰ý n ā ī-rāāī beé ní? Sḭḭ̄ ī-rāāī ndɔ̄ sabat i ndɔ̄ kə́ karī tə́!

Gōsə̄ najə̄ gə̄ 17:23

De kə́ nge kem ndul ndigə yá̰á̰ kə́ kəla jī nang tə́ kadə̄nneé yā rāań kadə̄ yá̰á̰ kə́ súmūú tɔ̄ɔ̄ róbə́ kə́ rang.

AMOS 5:7

Ajá! yá̰á̰ kə́ súmūú tél i yá̰á̰ kə́ atə̄ kárárá ō, ndɔ́rə̄n̄ yá̰a̰ rāā kə́ gōtə́ nang tə́ ō.