MISE 3:7 - Bibəl ta Sar̄

⁷ Rɔ̄ ngé ka̰a̰ yá̰a̰ gə̄ ō, rɔ̄ kɔdə̄ sāā gə̄ ō, a sɔl̄də́. Nin̄ malang a utə̄n̄ ta kumdə́ kɔ̄ɔ́, tɔdɔ̄ Nə́ɓā daldə́ to̰ alé.

Bible sar

⁷ Rɔ̄ ngé ka̰a̰ yá̰a̰ gə̄ ō, rɔ̄ kɔdə̄ sāā gə̄ ō, a sɔl̄də́. Nin̄ malang a utə̄n̄ ta kumdə́ kɔ̄ɔ́, tɔdɔ̄ Nə́ɓā daldə́ to̰ alé.

MISE 3:7 Referans Kwoze

JAKARI 13:4

Kum mbang ngeé ń noō tə́ ní, ngé koō ta gə̄ a o̰o̰n̄ kūbə̄ kə́ rāā kə ngə̄rā dā̰á̰ yā kɔr̄ń najə̄ kə́ loo ngé koō ta gə̄ tə́ aĺ ō, yā kənīń gotə yá̰a̰ gə̄ ń nin̄ a̰a̰n̄ ní yā ngóləń de gə̄ aĺ ō, tɔdɔ̄ rɔ̄də́ a sɔl̄də́.

IJAI 44:25

Ngɔlaā ní m-ɔ̄r̄ tɔ́gə najə̄ kɔr̄ kɔdə̄ sāā gə̄ kɔ̄ɔ́. m̄-rāā adə̄ ngé kəda yá̰á̰ kə́ a rāā yā reē ɓáý gə̄ a̰ȳn̄ kɔ̄r̄ kɔ̄ɔ́. M-ūtə̄ ta ngé kum kedə̄ gə̄ kɔ̄ɔ́ ō, m-ɔ́jə kə̄ ndágá kadə̄ yá̰á̰ ń nin̄ gerə̄n̄ ní i yá̰á̰ kə́ to mbóo ō.

AMOS 8:11

Najə̄ ń Kɔ́ɔ̄ɓē Nə́ɓā əda ní n toó: Ndɔ̄ a reē noó kadə̄ m-ā m̄-rāā kadə̄ ɓō əsō kem ɓēé. Ɓō a rāā de gə̄, ba i ɓō yá̰a̰ kəsa alé. kəndā a rāā de gə̄, banī i kəndā man̄ alé. Ɓō koō najə̄ yāḿ ō, kəndā najə̄ yāḿ ō a rāādə́.

EJEKIEL 24:17

Ī-lōō kɔjə wur tōr̄ yāí kadə̄ deē a̰ā̰ ō, ī-lōō rāā yá̰a̰ kāgə̄ ɓē kə́ ɔjə dɔ yo ō. Banī ə́nda dɔí kə ta kūbūú ō, ādə̄ sākə̄rā yāí to njaí tə́ ō, ī-lōō seĺ yá̰a̰ ta kumií tə́, ko̰o̰ mur̄ yo ō.

1 SAMUEL 28:6

Saul dəje Kɔ́ɔ̄ɓē najə̄, banī Kɔ́ɔ̄ɓē dalən alé. Kɔ́ɔ̄ɓē ɔr̄ najə̄ seneé kə nīí aĺ ō kə wə̄lā kə́ táĺ gə̄ yā nge tun̄ yá̰a̰ yā Nə́ɓāá aĺ ō kə nge koō ta kógə̄ḿ aĺ ō.

LEBI GƏ̄ 13:45

De kə́ nge bānjə̄ a o̰ō̰ i ngísə kūbə̄ ō, a əya̰ nənga dɔn kadə̄ to gususu ō, ni a do̰ō̰ yá̰a̰ dɔ mbāýn tə́ ō, a əga kɔŕ əda na: Majaĺ tákə̄m̄, majaĺ tákə̄m̄ ō.

MISE 7:16

Nápar de gə̄ a a̰a̰n̄də́. Tɔ́gə́də́ i ngá̰ý ɓá tā, banī rɔ̄də́ a sɔl̄də́. Nin̄ a gerə̄n̄ yá̰á̰ kə́ yā kəda aĺ ō, a gḛyn̄ koō yá̰á̰ kógə̄ḿ aĺ ō.

EJEKIEL 24:22

Loo ń noō tə́ ā ī-r̄āāī yá̰a̰ tītə̄ yā Ejekiel. Adə̄ ā ī-selíī yá̰a̰ ta kumsí tə́ aĺ ō, ā ó̰o̰ī mur̄ yo aĺ ō.

PĀ GƏ̄ 74:9

Yá̰a̰ gə̄ ń ɔjən̄ kə̄ ndágá kadə̄ ḭ̄ i danjí tə́ ní, j-a̰a̰də́ ngɔlaā aĺ ō. Ngé koō ta gə̄ gətóon̄ ngɔlaā ō. De kə́ danjí tə́ kə́ ger̄ ndɔ̄ ń gír yá̰a̰ gə̄ ń noō malang a gāngə̄n̄neé ní gətóo ō.

1 SAMUEL 28:15

Samuel dəje Saul na: Ī-njə́ɓām̄ i najə̄ rí tə́? Ī-ɓārə́m̄ i tām̄ rí tə́? Anī Saul ədan na: m̄-ndi i kə sōlōó kekəre. Pilistin gə̄ a sāān̄ i rɔ̄ɔ̄m̄ ō Nə́ɓā əya̰m̄ kɔ̄ɔ́ ō daləm̄ najə̄ to̰ aĺ ō. Ɔr̄ najə̄ seḿ kə ngé koō ta gēé aĺ ō kə nīí aĺ ō. Adə̄ m̄-ɓāríī i yā kadə̄ ī-reē ə́dam̄ yá̰á̰ ń sɔɔ̄ kadə̄ m̄-rāā ní.

1 SAMUEL 14:37

Tā anī Saul dəje Nə́ɓā na ké kə n-aw̄ ngɔ̄də̄ Pilistin gə̄ tə́ wa. Ké Nə́ɓā a əla Pilistin gə̄ kem jī ngán Israel gə̄ tə́ wa. Banī Nə́ɓā ədan najə̄ ndɔ̄ ń noō tə́ alé.

1 SAMUEL 9:9

Jóo dɔ nang kə́ Israel tə́ ní ré de gə̄ aw̄n̄ kə̄ koō ta Nə́ɓā tə́ anī a ədan̄ na: Ī-reē j-awī rɔ̄ nge ka̰a̰ yá̰á̰ tə́. Tɔdɔ̄ kété ní a ɓārə́n̄ nge koō ta na i nge ka̰a̰ yá̰a̰.

Teē Ngán Israel gə̄ 9:11

Ngé kəga kə́ Ejiptə gə̄ asən̄ ra no Moijə tə́ alé tām̄ ngaw kə́ əɓadə́ tə́, tɔdɔ̄ ngaw əɓadə́ nin̄ kɔ́ gə̄ ō, de kə́ Ejiptə gə̄ ō malang.

MISE 3:4

I tām̄ najə̄ ń noō tə́ n dan ń nin̄ a əgan̄ kɔŕ kə̄ dɔ Kɔ́ɔ̄ɓē tə́ anī, ni a daldə́ aĺ ní. Kum mbang ngeé ń noō tə́ ní, ni a ɓɔ̄ɔ̄ ta kumən kɔ̄ɔ́ adə̄ nin̄ a a̰ā̰n̄ alé, najə̄ yá̰á̰ kə́ majaĺ gə̄ ń nin̄ rāān̄ tə́ ní.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.